1
PRESS INFORMATION BUREAU
GOVERNMENT OF INDIA
**********
Dated Aizawl, 14th October, 2004.
ENERGY RENCHEMNA KAWNGAH INDIA IN HMASAWNNA LIAN
THAM
Delgi khawpuia Indian Institute of Technology Chemical Engineering Department
chuan leitha (fertilizer) dehchhuahna kawnga energy 15% atanga 20% renchemna
turin hlawhtlinna thar duhawm tak a tawng a. He project hi “Pilot Plant Facility
for Innovative Heat Exchanger” tia vuah a ni a, Ministy of Chemicals and
Fertilizers peng khat Fertilizer Department bultumna hnuaia kalpui niin Pu Ram
Vilas Paswan, Chemicals & Fertilizers leh Steel Minister chuan October ni 12
khan hawnna a nei a ni. He hmalakna hi India rama fertilizer siamchhuahte
khawvel el pha tura tihchangtlun tura beihna a nih avangin India ram tan pawh
hmasawn zelna tur a nih a beiseiawm hle a ni.
Pu Paswan-a chuan Plant hawngin science leh technology lama chhui zauna leh
zirna sang zawk kalpui a tul a tih zia a sawi a, energy renchemna kawnga
hlawhtling tura tihtak zeta bei thin Engineer leh Scientist te chu fakin Sawrkar
pawhin theih ang tawpa thlawp tlat a tiam bawk a ni.
March 31, 2001 khan Rs. 2,46,36,000/- senga he project hi sanction a ni a,
Engineering lam buaipui zawng zawng chu Prof. K.D.P. Nigam leh a
thuihhruaiten an tum a ni.
He hunah hian Department of Fertilizers Joint Secretary Pu B.K. Sinha leh IIT,
Delhi Director Pu R.S. Sirohi te pawhin thuchah an sawi a ni.
12.10.04
INTERNATIONAL AWARD DAWNGTU DR KASTURIRANGAN
Member of Parliament (Rajya Sabha) leh ISRO Chairman hlui Dr. K.
Kasturirangan chuan ram hrang hrang inkara inunaun tha thlen lama a hnathawh
thatte avangin International Austronautical Federation (IAF), Paris chuan Alan D
Emil Memorial Award a hlan a ni. IAF President Pu. Marcio Barbose chuan
October ni 8 khan Canada a Vancouver hmuna International Astronautical
Congress vawi 55-na hmanna ah lawmman hlanna hi a nei a, astronautics lama
2
Dr. Kasturirangan-an khawvel huapa thawhhona tha a chawh thawh avanga he
lawmman hi pek a ni.
India space programme nawr kalna kawngah mai thawhhlawk lovin Dr.
Kasturirangan-a hian sawi tawh angin astronautics chungchang bika khawvel
huapa thawhhona tha tak thlen turin tha leh zung a lo sengral tawh thin a ni.
International Astronomical Union leh International Academy of Astronautics leh
hmun dangah te hian chanvo pawimawh tak takte pawh a lo chelh nual tawh nghe
nghe a, International Committee on Earth Observation Satellites (CEOS) te, leh
kum 1999 a ‘Delhi Declaration’ huaihawtna tur atana mawhphurtu pakhat UNESCAP committee meeting lamah te pawh chairman a dah a lo ni tawh a ni.
Hengte bakah hian UN Centre for Space Science & Technology Education (UNCSSTE) ah khan kum 1995 atanga 2003 thleng Governing Board Chairman a dah
a lo ni tawh bawk a ni.
12.10.04
CDC AWARD RITES IN A DAWNG
Railways Ministry hnuaia Public Sector hmalakna peng khat RITES chuan Delhi
Metro Rail Corporation Ltd. (DMRC) project a hnathawh that lawmman
Consultancy Development Centre (CDC) hnen atangin kum 2004 atana National
Award a dawng a. He lawmman hi President, Dr. A.P.J. Abdul Kalam-a chuan ni
12 khan RITES Managing Director Pu V.K. Agarwal hnenah a hlan a ni.
ISO certification dawngtu leh “Mini Ratna” latu ni bawk RITES hian Transport
leh Infrastructure hmasawnna tura tan lakna kawngah chhinchhiahtlak takin tha a
lo thawh ve thin a ni.
12.10.04
ECONOMY KALPHUNG SAWI NGHING LAWIH TURIN PANCHAYAT
TE TIHCHAK A TUL – AIYAR
Panchayati Raj leh Petroleum and Natural Gas Minister Pu Mani Shankar Aiyar
chuan kan ram sum leh pai dinhmun sawi nghing tura Panchayati Raj Institution te
tihchak a tulzia a sawi. Indepandent Power Producers Association of India (IPPAI)
ten conference an buatsaih chu hawngin ni 12 khan Minister chuan thingtlang
khaw hnawmhnawk atang te a power siamchhuah hi heng thingtlang khaw
chengker leh tlafual te sumdawnna hmunpuia kan chhuahna tura kan zinkawng a
pen khat chauh niin a sawi.
3
Central Electricity Act, 2003 chuan State Electricity Board te khaikhawmin power
pawh zalen leh daihzai takin a semchhuak thin a, hengte pawh hian Panchayati Raj
Institution te power siamchhuahna tur atana intat lut ve turin fuih sauh sauh sela,
bungraw awmsa a hmuh ang ang, bawlhhlawh leh ran ek atang te pawhin
siamchhuak mai sela tiin Minister chuan a tarlang bawk. State sawrkar te pawhin
tualchhunga eng an pekchhuahna turin Panchayat te hnenah hian licence sem mai
ta sela, an eng pekchhuahte pawh sum lakluhna a hmang tangkaiin State
Electricity Board lamah te hralchhuah phalsak ni ta sela tiin Minister chuan a sawi
chhunzawm zel a, hetianga Panchayat te siamlen an nih phawt chuan mahnia ro
inrelchawp leh intodelhah an chhuah thei ngei dawn niin Minister chuan a ngai tlat
a ni.
Ram hmasawn zelna turin Panchayati Raj Institution te thuam that tumna chu
nghet taka tuh a a awm tawh thu Pu aiyar-a chuan sawi zelin nakum lawk khian
Panchayati Raj Institution te mahnia ro inrelchawp thei tura thuneihna pekna
kawng khat atan Action Plan duanchhuah a ni dawn, tiin a sawi a ni. Hemi atan
hian Round Table Conference pawh vawi sarih lai neih tura ruahman a ni a, tuna
kan Sawrkar hian thuneihna a chan atanga ni 100 chhung ngei khan Conference
vawi li neih tlingtlak a lo ni tawh nghe nghe. A vawi nga na chu tun thla tawp
lamah hian Srinagar a neih tura ruahmanna siam fel a ni tawh bawk a, Central leh
State Sawrkar/UT te chuan rorelna fel tak hnuaiah Constitution in a lo tarlan dan
ang ngeiin Panchayati Raj te thuam that beihpui chu an thlak dawn a ni.
New Delhi khawpuiah November thla chawlhkar hmasa ber khian Confederation
of Indian Industry huaihawtin tualchhung rorelna bik atanga Panchayati Raj te
thuam that chugchang chu relho tura ruahmanna dah fel a ni tawh a, hei hi
Panchayati Raj Ministry te leh Small Scale Industry te,Agro leh Rural Industry te
thawhona hnuaia buatsaih tur niin Minister chuan a sawi a ni.
12.10.04
APRIL-SEPTEMBER 2004 CHHUNGIN RAILWAYS FREIGHT TRAFFIC
IN TARGET A KHUM
Indian Railways chuan tun fiscal year hmalam September 2004 thlenga chhiarin
revenue sum lalut thei bungrua ton maktaduai (Million Tonnes) 284.49 phurin
nikum tun ang hun vekah khan MT 266.43 a lo phur tawh a, MT 18.46 laiin kumin
hian nikum lam hna thawh chu a khum a ni. Hei bakah hian target awmsa MT
281.04 chu MT 3.85 laiin a khum bawk.
He chanchin lungawithlak tak mai hian ram economy sector bulthutah duhthusam
anga hna a kal a ni tih a lantir niin a hriat a, tin kum khata bungraw phurh zat chu
MT 580 vel ni turin target dinglai mek a awm bawk a ni.
4
September 2004 chhung khan revenue huilut thei bungrua MT 47.78 vel railways
hian a phur niin a hriat a, kum hmasa lamah khan MT 43.39 lo phur tawhin MT
4.39 in a khum a, he thla atana target awmsa MT 45.64 chu MT 2.14 in a khum
bawk.
12.10.04
AIR BRAKE PASSENGER COACH
Tun financial year, 2004-2005 chhung hian khualzin phur rel pindan (Passenger
coach) 4080 te chu air-brake hmang coach a thlakthleng vek turin Indian Railways
chuan Rs. vaibelchhe 61.2 vel sengral turin a inpuahchah mek a, tin a bak rel
pindan 7910 te pawh March 2006 ral hma a air brake vuah vek turin remruatna a
nei bawk a ni. Hei hi hlawhtlin a nih chuan khualzin phur rel pindan zawng
zawngah te hian air brake vuah an ni vek tawh dawn a ni.
Air brake te hian rel hnathawh leh mipui rawngbawlna a tih samkhai mai bakah
zin veivahna a ti awlsamin a ti mam zawk nia hriat a ni a, tunah hian Indian
Railways chuan wagon 2,14,760, khualzin phurhna rel pindan 39,852 leh
locomotive 7,681 a nei mek niin chhinchhiahna chuan a tarlang.
12.10.04
No. A-4/17/04 Pub-AZL/
14102004
1500hrs