LAERSKOOL GARSFONTEIN GARSIES GRAAD R KONTAKBESONDERHEDE: Straatadres: Rina van Zylstraat 393, Garsfontein Posadres: Posbus 905-933, Garsfontein, 0042 Telefoonnommer: 012-348 1269 / 70 Eposadresse: Algemeen: kantoor@lsgf.co.za Graadleier: este@lsgf.co.za Finansies & registrasies van nuwe Gr R leerders: yolande@lsgf.co.za ONS VISIE Ons poog om in alles wat ons doen ‘n skool vir uitnemendheid te wees. ONS MISSIE Ons streef daarna om: Die leerders veilig en geborge te laat voel en hulle selfvertroue te bevorder. Die leerders skoolgereed te kry vir Graad 1. Elke leerder se volle potensiaal te ontwikkel en uit te bou. Sosiaal aanpasbare leerders na Graad 1 te stuur. ONS SKOOLURE Die skooldag begin elke dag stiptelik om 07:30 en eindig om 12:30. Die personeel is vanaf 07:00 in hul klasse beskikbaar maar kan ongelukkig nie verantwoordelikheid neem vir leerders wat VOOR dan opdaag nie. Daar is ‘n wagklas-fasiliteit slegs tot 13:15. Daarna sal leerders onder toesig van die naskoolsentrum geplaas word. ‘n Boete van R50,00 is betaalbaar vir elke 15 minute wat die kleuter laat afgehaal word. Die skool sluit die laaste dag van elke kwartaal vroeër. U sal per omsendbrief daarvan verwittig word. Die skool (asook die kantoor) is gedurende vakansies gesluit. PROFESSIONELE BESTUUR GEMOEID MET GRAAD R Mnr Neels Snyman Skoolhoof Me Louisa Reeves Departementshoof: Gr R en Gr 1 Me Esté Roos Graadleier GRAAD R PERSONEEL Bytjieklas Me Karen Venter Simbool: G Renostertjieklas Me Leann Venter Simbool: A Beertjieklas Me Candice Thompson Simbool: R Sterretjieklas Me Natasha Barnard Simbool: S Skapieklas Me Lienkie Lamprecht Simbool: F Vissieklas Me Esté Roos Simbool: O Leeutjieklas Me Sunel Fourie Simbool: N Hasieklas Me Janine Schoeman Simbool: T Smurfieklas Me Lizelle Venter Simbool: E KLEREDRAG Die leerders kom met gewone speelklere skool toe. MERK asseblief al u kind se klere, aangesien dit kan wegraak. Die Gr R-personeel kan nie daarvoor verantwoordelik gehou word nie. Pak ‘n ekstra stel skoon klere in, net vir in geval. Verlore klere sal vir een week gebêre word en daarna aan die Garshand geskenk word. VERVERSINGS Pak asseblief vir u kind ‘n gesonde en voedsame toebroodjie, vrugte en koeldrank / sap in. Geen lekkernye, skyfies (“chips”), gaskoeldrank of Energade gedurende die week nie. Bêre liefs die soetgoed vir Vrydae se snoepie. MEDISYNE Alle medisyne moet duidelik gemerk word. Medisyne moet nie in u kind se tas gesit word nie, dit kan breek en is gevaarlik. Oorhandig dit aan u kind se onderwyseres en teken dit in die medisyneboek aan. SPEELGOED Geen speelgoed mag saamgebring word nie! Dit kan wegraak en die personeel kan nie daarvoor verantwoordelik gehou word nie. SNOEPIE Die leerders mag slegs op Vrydae versnapperings by die snoepie aankoop. ASSESSERING Assessering vind deurlopend plaas. Verslae word aan die einde van elke kwartaal aan u kind gegee. Leerders moet asseblief elke dag skool toe kom om te voorkom dat hulle agter raak met assesserings. Indien ‘n leerder egter siek is, sal hy/sy van skool verskoon word. NASKOOL Daar is ‘n naskool op die perseel. Naskoolpersoneel kom haal die kinders om 12:30 by die klasse af. Die naskool funksioneer egter onafhanklik van die skool en daarom behartig hulle self hulle administrasie. U is self verantwoordelik om reëlings te tref vir die bywoning van u kind by ‘n naskool. Hier volg inligting van naskole in die omliggende omgewing: Naam van naskool Garsie naskool (op perseel) Ballamorie Studiesentrum Naskool@Garsies Dinky Dots Little Lambs Voetspore Klitsie Naskool Happy Feet Kontakpersoon Riana Kontaknommer Judy Oberholzer 064 660 4991 (Whatsapp) 082 775 4949 Karen Grobler Estelle Mocke Letchen Pretorius Lydia van Deventer Alta Pretorius Jennifer Sapsford 082 224 6890 083 444 7240 082 958 9719 071 532 1225 082 296 6828 082 578 9640 SKOOLGELD VIR 2023 Die inskrywingsfooi van R800 (betaalbaar met inskrywing vir bestaande ouers en vir die publiek sodra suksesvolle registrasie bevestig is) asook R2 500 deposito wat teen 30 September 2022 betaalbaar is, word teen u skoolfondsrekening gekrediteer in Januarie 2023. Betalings van die R2 500 wat na September gemaak word sal ook gekrediteer word teen die skoolfondsrekening in Januarie 2023. Die skoolfonds vir 2023 word tydens November 2022 vasgestel. Die bedrag is betaalbaar vir ‘n tydperk van 10 maande. U sal betyds verwittig word van die bedrag betaalbaar per maand. Indien u die bedrag van R3 300 (inskrywingsfooi asook deposito soos bo vermeld) reeds in 2022 betaal, is u slegs vanaf 1 Februarie 2023 aanspreeklik vir die betaling van skoolgeld. Skoolgeld is vooruitbetaalbaar en moet voor / op die 7de van elke maand betaal word. Die betaling van skoolgelde moet asb elektronies geskied: Direkte inbetalings (EFT) in die volgende bankrekening: REKENINGNAAM: Laerskool Garsfontein BANK: ABSA TJEKREKENINGNOMMER: 3490 146 570 TAKKODE: 632 005 Tydelike verwysing is as volg: Leerder se naam & van, Gr R ’23. U sal ‘n rekeningstaat tydens Januarie ontvang met u kind se rekeningnommer wat voortaan as verwysing gebruik moet word. Epos asb bewys van betaling aan Me. Yolandé von Wielligh by die Graad R kantoor by: yolande@lsgf.co.za NB NB NB: U word versoek om nie u Gr R leerder se skoolfonds saam met u ouer kind se skoolfonds te betaal nie. U Gr R kind se rekeningnommer is uniek en verskil van u laerskoolkind se rekeningnommer. Sulke betalings raak onmoontlik om na te speur. Kaartfasiliteite Beskikbaar by die finansieskantoor van die Laerskool. GRAAD R SKOOLGELDNAVRAE Kontakpersoon: Me. Yolandé von Wielligh Telefoonnommer: 012-348 1269 / 70 Eposadres: yolande@lsgf.co.za REKENAARGELETTERDHEID Vind een keer per week, in ons nuut opgegradeerde sentrum, plaas. SPORT Die volgende sportsoorte vorm deel van Garsies Graad R se buitemuurse program: Atletiek; Playball; Bulletjie-rugby; Mini-netbal (slegs vaardighede word aangeleer. wedstryde.) Krieket. Geen (Hierdie aktwiteite word deur die skool se afrigters aangebied.) KULTUUR Die volgende kultuuraktiwiteite word vir Graad R by die skool, deur die skool, aangebied: Koor; Gumboots; Voordrag; Sangspeletjie; Trompoppies; Kombuisorkes. LEERLING-ONDERSTEUNINGS-KOÖRDINEERDER (LOK) Laerskool Garsfontein beskik oor ‘n Leerling-OndersteuningsKoördineerder (LOK), by name Natasha van Dyk (082 556 4323). Haar taak is om probleme by laerskoolleerlinge te identifiseer. ‘n Aanbeveling word dan gemaak en leerlinge word na bv. arbeids-, spraak-, of spelterapeute verwys. Die skool beskik oor ‘n lys van voorkeurterapeute wat gebruik kan word. Terapie is vir u eie rekening. ARBEIDSTERAPEUT – GRAAD R Daar is ‘n voltydse arbeidsterapeut werksaam by Garsies Graad R. Daar word in groepsverband sifting, gestandaardiseerde persepsuele evaluasies en kliniese waarnemings met leerders gedoen. Individuele arbeidsterapie en verwysing na buite-terapeute word ook gedoen. Die buiteverwysings is vir die rekening van die ouers. Geen terapie word deur dié terapeut gedoen nie. EERSTE SKOOLDAG Die skool begin op 11 Januarie 2023. Personeel is daagliks eers vanaf 07:00 in hul klaskamers beskikbaar en kan nie verantwoordelik gehou word vir leerders wat vroeër opdaag nie. Leerders moet voor 07:30 by hul klasse aanmeld. Leerders sal al hul skryfbehoeftes asook ‘n skooltas op die eerste dag van skool ontvang. INLIGTINGSAAND ‘n Inligtingsaand vind gewoonlik op die eerste Donderdag van die eerste skoolweek om 18:30 in u kind se klas plaas. BUITEMUURSE AKTIWITEITE AANGEBIED (NIE DEUR DIE SKOOL) Alle inligting in verband met hierdie aktiwiteite word vanaf die tweede skoolweek in Januarie aan die ouers gestuur via die kind se posbus. Dit sluit aktiwiteite in soos tennis, skaak en gimnastiek. Bêre asseblief die inligting op ‘n veilige plek, aangesien die Graad R kantoor en die onderwysers nie oor hierdie inligting beskik nie. Kommunikasie vind direk tussen die ouers en afrigters plaas. TOEGANG TOT GRAAD R KLASSE Toegang tot die Graad R perseel word verkry te Zitastraat. Die hek word in die oggende deur ‘n veiligheidswag om 07:40 gesluit en eers weer om 12:30 oopgemaak. Baie belangrik: Indien u na 7:40 by die skool aankom, sal u dan by die hoofingang te Rina van Zylstraat parkeer en via ontvangs, die vierkant en dan die klein Gr R hekkie langs die Graad R kantoor beweeg na die kind se klas toe. U sal NIE via Zitastraat se hek toegang verkry nie. Gebruik asb die ingang by die skoolkantoor in Rina van Zylstraat indien die leerder vroeër huistoe gaan (bv. wanneer die leerder siek is). GRAAD R KANTOOR: DEBITEURE & REGISTRASIES Die Graad R kantoor is vanaf 06:55 – 14:00 tot u beskikking. Die verantwoordelikhede van Me. Yolandé von Wielligh by die kantoor sluit die volgende in: Debiteure (Graad R skoolgeld); Hantering van Graad R inskrywings; Byhou van waglyste; Toegangsbeheer. SKOOLKOMMUNIKEERDER Ons doen ‘n vriendelike beroep op u, om asseblief die Skoolkommunikeerder op u selfoon of rekenaar te laai. U kan dit doen deur na die volgende skakel te gaan: http://www.school-communicator.com/downloads en die nodige stappe te volg. Sommige van ons kommunikasie aan ouers word deur middel hiervan gedoen, veral tydens situasies waar daar nie tyd is om briewe uit te stuur nie bv. kansellering van sport as gevolg van ongure weer ens. INSKRYWINGS VIR 2024 Ouers wat reeds leerders in die laerskool het, kry geleentheid om Gr R 2024 leerders al vanaf Januarie 2023 in te skryf. ‘n Inskrywingsfooi van R800 is betaalbaar met inskrywing of so spoedig moontlik daarna. ‘n Verdere bedrag van R2 500 is betaalbaar voor /op 30 September 2023 vir u skoolfonds vir Januarie 2024. Beide bedrae word t.o.v die skoolgeldrekening van die kind aangewend. NB: Aansoeke vir die publiek sal vanaf einde Februarie oopgestel word. ‘n Garsie t-hemp, skryfbehoeftes, asook ‘n skooltas word aan elke leerder voorsien. Ouers word versoek om een boks snesies en ‘n Afrikaanse storieboek per jaar (tydens Januarie) te voorsien. ***Klasindelings van leerders word deur die Graad R bestuur behartig en ouers kan ongelukkig nie eise, in die verband, stel nie. DAGPROGRAM 07:00 - 08:00 : Aankoms, vryspel. 08:00 - 08:15 : Samekoms. 08:15 - 08:25 : Luister en praat / register / weerkaart / verjaarsdae. 08:25 - 08:55 : Wiskunde. 08:55 - 09:05 : Toiletroetine. 09:05 - 09:30 : Verversings. 09:30 - 10:30 : Buitespel en toiletroetine. 10:30 - 11:00 : Temabespreking, persoonlike en sosiale welstand. 11:00 - 12:15 : Ontluikende lees, gedeelde lees en selfstandige lees (DAR). 12:15 - 12:30 : Fonemies (aanleer van klanke). 12:30 : Leerders verdaag. (Wagklas by Juffrou slegs tot 13:15)
