( A wha dis pickney lef dem supp’m pon di t.v. fa…… mek mi cyan watch di news…… A soon jus…..)
GRANDPA : Marlon !!!!!! come ‘ere….
MARLON : Wha you want? Grandpa
GRANDPA: How yu school work a go, come tell mi wha gwaan
Every day a di same, yu a play video game,
Whe yu no read yu book and put sitten good inna yu brain
MARLON : Buil’ nuh Pops.. yu nuh need fi fret!, Jus gwaan humble an jus easy yu self
Yu jus a chew pon mi name like mi name Winterfresh , Mi nuh need nuh book when mi
‘ave internet
Up a school mi nuh fool….Inna ART mi a di bes’
Mi draw two stick man an come fus inna mi tes’
English a sops, mi pass that plus tax
BIO, kinda nice , but mi nuh like MATHS
Hist’ry is a Myst’ry mi nuh know wha gwaan
Every day dis man come a talk bout St. Domingue
GRANDPA: ST. DOMINGUE!!!! ………dem deh people a real War boat
MARLON : WAR??? Inna dem deh time, Wha dem did a war ‘bout…
GRANDPA: Well yu see di society , did split up inna three
A none a di colour groups couldn’t ‘gree
Like how mi nuh like you an…yu nuh like me
But worse!! Cause some a di people never free
Inna di society di WHITES deh pon top
Dem mek di money an dem call di shots
FREE COLOUREDS had riches but dem nuh get no props
But yu cyaan have nutten if yu did born BLACK
Although dem skin was the same you had 2 kind o whites
The GRAND and PETIT BLANC was the 2 kind o types
The GRAND BLANC vex say dem couldn’t rule the country themselves
And the PETIT BLANC vex say dem never ave no wealth
The MULATTOES ( and free Negroes) did vex cause they were denied
Social and Political equality with the WHITES
A through dem have education and accomplishment
Mek di WHITES did bad mind dem
Dem couldn’t wear the same clothes, or play the White’s games
Dem couldn’t even get dem white father name
Dem couldn’t marry WHITES , dem couldn’t carry gun
Cause di WHITES feel dem woulda join up wid di slaves an shoot dem dung
At di same time war a gwaan eena FRANCE
“LIBERTY, EQUALITY AND FRATERNITY!!!” was di peoples chant
The FRENCH people tired a di wicked gov-a-ment’
So dem rebel an take! Dem Independence
Bu’ memba say St. Domingue belonged to the FRENCH
And FRANCE jus get dem Independence
So the BLACK slaves a wonder “Wha’appen To We???”
…probably if we war to, then we coulda get free
MARLON: Oh, so cause a di French Rev. influence
Di people over ST. Domigue start ‘pre’ different
The blacks dem get fi realize … say dem really have rights
But fi step up inna life dem, affi get up and fight
GRANDPA : Yes mi Bwoy , now yu start understan
Now mek mi tell yu bout some real bad man
Di first fi lead di way was VINCENT OGE
Who lead the MULATTOES in revolt in 1790
OGE sought to get rights for the COLOURED folks
The Assembly agreed an gave the right fi vote
To all free people over 25 years old
The WHITES in spite still denied the right, so him buy some gun an him start a revolt
But Mr OGE never really prepared fi di war
So him get cut dung before him reach too far
Although him buy nuff ammunition and arms
The Whites were trained better, so dem murder dem star
In August 1791
The mulattoes rise again an mek another stand
This was the real start of the revolution
What made the difference was the SLAVES’ inclusion
The slaves revolted led by BOUKMAN
Mr boukman was 2 times a regular bad man
He was a voodoo priest plus he was JAMAICAN
DEM MASSACRE 2000 CHILDREN,WOMAN AN MAN
But di real war general was a man named Toussaint
He spent his life fighting for freedom in St. Domingue……