GR.8A4 Chené Anke Basson Hoërskool Tygerberg 3 September 2018 Aardrykskunde projek: Nedersettings [Bellville] Inhoudsopgawe: ~Inleiding ~Opskrifte en formaat ~Slot ~Verwysing van bronne Inleiding: My keuse vir ‘n nedersetting is Bellville, ‘n voormalige stad in die WesKaap, maar is nou ‘n residensiële voorstad van Kaapstad. Dit is ‘n stedelike nedersetting, sowat 20 kilometer vanaf Kaapstad se middestad geleë. Die Universiteit van Wes-Kaapland, die hoofkantore van die Bybelgenootskap van Suid-Afrika en van Sanlam kan in die voorstad gevind word. Danksy die sentrale ligging, is dit ook naby die Kaapstad Internasionale Lughawe, ’n aantal gholfbane, die Kaapse wynroetes en verskeie winkelsentrums. Bellville het ‘n ryk herkoms en bestaan reeds amper 200 jaar, van uitruilpos tot volwaardige stad. Opskrifte en formaat: REDES VIR LIGGING: Bellville was oorspronklik as die 12 Myl Pos bekend, genoem na die leiklip–mylpaal met sy Romeinse XII wat by die hoek van Voortrekker- en Durbanweg staan. Dit was presies twaalf myl of 19,3km van die Kaap. Later is dit na “Hardekraaltjie Uitspan” herdoop. Die area was van belang omdat dit die enigste harde grond was waarop waens met voorraad soos groentes, uitgespan kon word op hul tog deur die Kaapse Vlakte se sagte sand. Menigte ruiter het ‘n sug van verligting gesaak met hul aankoms by Hardekraaltjie. Die Hardekraaltjie-karavaanpark beslaan vandag nog hierdie oorspronklike terrein. Die uitspan pos het dus ook handel van ware tussen die reisigers moontlik gemaak. Die Elsiesrivier het ook deur die Bellville area gevloei en dus was dit vrugbaar en gesog. Toe die spoorlyn van Kaapstad na Wellington Hardekraaltjie bereik, is daar ‘n halte gemaak, wat “Durban Road” genoem is (Durbanville was vroeër bekend was as “D’Urban”). Durbanville was toe al ‘n gevestigde gemeenskap, terwyl die latere Bellville toe net begin ontwikkel het. In 1861 is Hardekraaltjie na die landmeter Charles Bell hernoem en die area het bly groei. Bellville het in 1940 ‘n onafhanklike munisipaliteit geword en het in 1979 stadstatus verkry. 12 Myl steen Charles Bell Wapen: Bellville se munisipale raad het in 1947 ‘n wapen aangeneem en dit later drie keer gewysig. Die oorspronklike weergawe was: Gedwarsbalk van rooi en goud van twaalf stukke, ’n swart paal belaai met twee silwer klokkies, oor alles heen ‘n blou binneskild belaai met ‘n goue koringgerf. Die helmteken was ‘n swart adelaar met uitgespreide vleuels, en die wapenspreuk “Prendre sa belle”. In die tweede weergawe is die binneskild weggelaat en die koringgerf tussen die twee klokkies geplaas. In die derde weergawe, soos deur Ivan Mitford-Barberton hersien, is die koringgerf met ‘n derde klokkie vervang. Dit is in 1959 by die Kaapse Provinsiale Administrasie geregistreer. In die vierde en laaste weergawe, soos deur dr. Cornelis Pama hersien, is die klokkies met kerkklokke vervang. Hierdie weergawe is in 1980 by die Buro vir Heraldiek geregistreer. Ekstra inligting: Charles Bell was die staatslandmeter en kunstenaar waarna Bellville vernoem is. Twee maande voor Charles Davidson Bell se sewentiende verjaarsdag het hy, in die lente van 1830 vir die eerste keer voet aan wal gesit in Kaapstad. Hy is in 1813 in Skotland gebore en is deur sy oom, kol. John Bell, toe die koloniale sekretaris, Kaap toe genooi. Charles was baie goed met die kwas. Hy het Kaapstad-tonele en plaaslike persoonlikhede met ‘n humoristiese en oplettende oog geteken en geskets. Toe hy 21 was, het hy aangesluit by dr. Andrew Smith se “Expedition for Exploring Central Africa”. Tydens die reis moes hy ‘n sketsdagboek van die expedisie hou deur sketse van die landskappe en die inboorlinge wat hulle raakgeloop het, te maak. Hy was ook baie goed met hout en het ‘n groot liefde gehad vir hout en houtsneewerk. Volgende in Charles se visier was ‘n loopbaan in siviele diens. Op die ouderdom van 24 was hy reeds ‘n gekwalifiseerde landmeter. Toe hy 36 was, raak hy die voorsitter van die Old Mutual en ontwerp die welbekende Old Mutual-embleem (die een met die drie ankers). Die volgende jaar, 1850, het Charles en sy vrou geskei. Hulle het drie kinders saam gehad. Hy het later jare weer getrou. Die kunstige Charles het ook ‘n goue medalje gewen vir die “beste oorspronklike historiese skildery” getiteld “Die landing van Jan van Riebeeck by die Kaap van Goeie Hoop in 1652”. SKETSKAART: Stadsaal Hardekraaltjie Biblioteek Winkelsentrum Residensiële area Kommersiële area Industriële area Onderwys Parke en Ontspanning Bellville HS Vervoer Water liggaam Openbare nutsdienste DF Malan Park Swembad Treinstasie ONDERHOUDE: (ek het met 6 mense onderhoude gevoer, maar noem slegs die mees relevantste inligting) ~Hoe lank woon u al in Bellville? 1. 34 jaar 2. 6 jaar 3. 19 jaar ~wat het gemaak dat u Bellville gekies het as u tuiste? 1. Het in Bellville gewerk en aangebly nadat ek getroud is. 2. Nader aan my werk. 3 .Meer werks geleenthede ~Wat sou u sê is die grootste veranderinge in die gebied vandat u hier woon? 1. Meer misdade word gepleeg. 2. Baie meer mense wat in die straat ronddwaal sonder ‘n rede. 3. Meer woonbuurte is aangebou, bevolking is baie meer as wat dit was. (uitbreidings van sentrums) ~Het u al gehoor van die Greater Tygerberg Partnership? Indien wel, wat dink u van die werk wat hulle probeer doen om Bellville een van die Stad Kaapstad se mees inklusiewe, lewendige en ekonomies voorspoedige gebiede te maak waarin ons kan woon, werk en speel? 1.Nee 2.Nee 3.Baie goeie idee, meer werks geleenthede. ~Is daar iets omtrent Bellville wat u graag sou wou hê moet verbeter? (bv die verkeer, die misdaad, beter behuising, werkloosheid) en hoekom? 1. Misdaad – te veel inbrake, besoedeling-strate en sypaadjies lyk vreeslik. Ook meer werksgeleendhede - sodat mense besig bly en minder tyd het om landswette te breek. 2. As jy gaan stap met jou hond om veilig te voel in die daglig. 3. Veiligheid, om huise en strate, deurloop van mense wat snags rond beweeg, diefstal, mense aanval sonder rede. Sosiale kwessies: Plekke om te speel: Toe my ma klein was, het hulle gereeld by die parkie in 12de laan, Boston gaan speel. Hulle het in 10de laan gewoon, so dit was naby. Daardie dae was dit nog veilig vir kinders om alleen parkie toe te loop en hulle kon ure op die speelrame, swaaie en ander speelgoed spandeer. Daar was ook ‘n stroompie wat langs die parkie verby geloop het, waar hulle as kinders piekniek gehou het. Vandag is dieselfde parkie vervalle en afgeskeep, want die stad onderhou dit nie meer nie. Die kostes hieraan het heel moontlik te hoog geraak. Die stroompie is vol gemors. Die area is ook duidelik nie meer veilig nie, aangesien ons gereeld daar verby ry en menigte tikkop daar sien uithang. Ook haweloses hang daar uit en vullis is die wêreld vol gestrooi. Daar is nie meer ‘n kind in sig nie, want dit is lankal nie meer veilig vir hulle om daar te speel nie. My ma sê dit maak haar baie hartseer want dit was haar gelukkigste tye as kind. Sulke parkies wat net vir sekere areas bedoel was, is seker deesdae nie meer werklik ‘n noodsaaklikheid nie. Daarom is die werk wat by die Jack Muller/Danie Uys Park, net ‘n entjie verder die pad van 12e laan op, gedoen word, so spesiaal. Hierdie park is gratis vir mense om te besoek, van sonop tot sononder en spog met pragtige grasvelde, lekker loop paadjies, ’n buitemuurse gymnasium en veilige piekniek en speel areas vir kinders. Die feit dat die Stad Kaapstad eerder fondse in die opgradering van die park vir baie mense se gebruik (teenoor die opgradering van ‘n area parkie vir sommiges se gebruik), bestee, wys dat daar steeds ‘n aanvraag bestaan vir sulke tipes plekke vir kinders om (veilig) te kan speel en families om te kan kom ontspan en piekniek hou. Ek sou dieselfde keuse gemaak het. Slot Die nuwe organisasie ”Greater Tygerberg Partnership” word deur die Stad Kaapstad gemagtig om die Voortrekkerweg corridor en die groter Tygerberg-streek te omskep in ‘n voorspoedige, suksesvolle en aantreklike kommersiële sentrum vir sake eienaars en ‘n lewendige, inklusiewe, veilige en modern hub vir inwoners, studente en die algemene publiek. Hulle glo dat die stad Bellville die ekonomiese hart van die Groter Tygerbergstreek is, wat vergelyk kan word met baie ander Afrika-strede in terme van sy infruktuur, grootte, voetgang en, bowenal, sy potensiaal. Ek glo dat die werk wat hulle in die area prober doen, baie van die probleme wat Bellville tans ondervind in die toekoms sal uitskakel en weer vir ons veilige en ekonomiese areas sal skep vir speel en werk. Deur ons deelname aan hulle uitgebreide projekte, kan ons help om hierdie drome tot stand te bring. Bellville is ‘n stad wat homself die heeltyd bly herskep: Eers as halfweg pos, toe as klein dorpie, toe ‘n stad en nou ‘n meer moderne “hub”. Ek glo dat Bellville steeds die vermoeë het om relevant te wees in vandag se moderne wêreld, aangesien oud en nuut hier suksesvol saamgevoeg word. Verwysing van bronne 1. Blog: http://tygerbergstories.co.za (onderhou deur Etienne Rossouw) 2. af.wikipedia.org 3. Gtp.org.za (the greater Tygerberg partnership webwerf) 4. Google Maps 5. Flickr.com
