10-MAVZU. Qurilish sohasidagi davlat xizmatlari
REJA
1. Asosiy tushunchalar
2. Davlat xizmatini ko’rsatishga oid umumiy qoidalar
3. Davlat xizmatlarini ko’rsatish tartib-taomillarining o’ziga xos jihatlari
1. Asosiy tushunchalar
Oʻzbekiston Respublikasi Prezidentining “Oʻzbekiston Respublikasi qurilish
tarmogʻini modernizasiya qilish, jadal va innovasion rivojlantirishning 2021-2025
yillarga moʻljallangan strategiyasini tasdiqlash toʻgʻrisida” gi 2020 yil 27
noyabrdagi PF-6119-son Farmoni bilan Oʻzbekiston Respublikasi qurilish
tarmogʻini modernizasiya qilish, jadal va innovasion rivojlantirishning asosiy
yoʻnalishlari belgilab berildi.
Unga koʻra quyidagilar Oʻzbekiston Respublikasi qurilish tarmogʻini
modernizasiya qilish, jadal va innovasion rivojlantirishning asosiy yoʻnalishlari:
hududlarni shaharsozlik jihatidan rivojlantirish va ushbu jarayonda
jamoatchilikning samarali ishtirokini ta'minlash;
shaharsozlik faoliyatining sifati va xavfsizligini oshirish;
shaharsozlik faoliyati sohasidagi ma'muriy tartib-taomillarning samaradorligi,
rasionalligi va shaffofligini ta'minlash, shuningdek, qurilish tarmogʻi tashkilotlari
faoliyatining samaradorligini oshirish;
shaharsozlik
faoliyatini
raqamlashtirish,
tarmoqqa
zamonaviy
axborot-kommunikasiya texnologiyalarini joriy etish;
shaharsozlik faoliyati sohasida kadrlarni tayyorlash, qayta tayyorlash va
ularning malakasini oshirish tizimini takomillashtirish, ilmiy salohiyatni
rivojlantirish.
Ushbu Farmonga koʻra quyidagilar:
Oʻzbekiston Respublikasi qurilish tarmogʻini modernizasiya qilish, jadal va
innovasion rivojlantirishning 2021 — 2025 yillarga moʻljallangan strategiyasi;
Oʻzbekiston Respublikasi qurilish tarmogʻini modernizasiya qilish, jadal va
innovasion rivojlantirish strategiyasini 2021 — 2025 yillarda amalga oshirish
boʻyicha «Yoʻl xaritasi» tasdiqlandi.
Shuningdek, yuqorida nomi tilga olingan Farmonga koʻra quyidagilarni
nazarda tutuvchi Oʻzbekiston Respublikasi qurilish tarmogʻini modernizasiya qilish,
jadal va innovasion rivojlantirishning 2021 — 2025 yillarga moʻljallangan
strategiyasini amalga oshirish boʻyicha maqsadli koʻrsatkichlar belgilab berildi:
2025 yil oxiriga borib «Biznes yuritish» xalqaro indeksida (Doing Business
Index) «qurilishga ruxsatnomalar olish» (Dealing with Construction Permits)
yoʻnalishi boʻyicha Oʻzbekiston Respublikasining pozisiyasini joriy 61,7 balldan
78,2 ballgacha yaxshilash;
Oʻzbekiston Respublikasining geologik, tabiiy-iqlim, seysmologik va boshqa
xususiyatlarini inobatga olgan holda 2025 yilga borib milliy shaharsozlik normalari
va qoidalarini kamida 50 foiz darajasida xalqaro normativ va standartlar bilan
uygʻunlashtirishga erishish;
2025 yilga borib shaharlarning barchasini va shahar posyolkalarining 25
foizini bosh rejalar bilan qamrab olishga erishish;
2025 yilga borib «Shaffof qurilish» milliy axborot tizimi doirasida
qoʻshimcha toʻrtta elektron platforma yaratilishini, shuningdek, ularning idoralararo
axborot tizimlari va ma'lumotlar bazalari bilan integrasiya qilinishini ta'minlash;
loyiha-smeta hujjatlarini ishlab chiqishning «hajm» uslubini joriy etish
ulushini 2025 yilga borib respublikadagi qurilish ob'ektlari umumiy sonining 50
foizigacha etkazish;
2025 yilga borib arxitektura va qurilish sohasidagi oliy ta'lim muassasalaridan
birining xalqaro tan olingan tashkilotlar reytinglaridagi Osiyo mamlakatlarining eng
yaxshi oliy ta'lim muassasalari roʻyxatiga (TOP-1000) kirishi1.
Oʻzbekiston Respublikasi Prezidentining 2020 yil 27 noyabrdagi
PF-6119-son Farmoniga asosan Vazirlar Mahkamasining “Qurilish sohasiga oid
yagona ma'muriy qurilish reglamentlarini tasdiqlash toʻgʻrisida”gi 2022 yil 20
apreldagi 200-son qarori qabul qilindi.
Vazirlar Mahkamasining 2022 yil 20 apreldagi 200-son qarori bilan
quyidagilar tasdiqlandi:
- Bino va inshootlarning tashqi koʻrinishini oʻzgartirishni kelishish boʻyicha
davlat xizmatlari koʻrsatishning ma'muriy reglamenti;
- Bino va inshootlarning ixtisoslashishini oʻzgartirish, qayta qurish,
rekonstruksiya qilish hamda oʻz hududida qoʻshimcha bino va inshootlarni
qurishni loyihalashtirishga ruxsatnoma berish boʻyicha davlat xizmatlari
koʻrsatishning ma'muriy reglamenti;
- Arxitektura-rejalashtirish topshirigʻini ishlab chiqish boʻyicha davlat
xizmatlari koʻrsatishning ma'muriy reglamenti;
- Loyiha-smeta hujjatlarini kelishish boʻyicha davlat xizmatlari
koʻrsatishning ma'muriy reglamenti;
- Qurilish-montaj ishlarini boshlash uchun ob'ektni roʻyxatdan oʻtkazish
boʻyicha davlat xizmatlari koʻrsatishning ma'muriy reglamenti;
- Qurilish-montaj ishlari tugallangan ob'ektdan foydalanish uchun
ruxsatnoma berish boʻyicha davlat xizmatlari koʻrsatishning ma'muriy
reglamenti.
2. Davlat xizmatini ko’rsatishga oid umumiy qoidalar
Bino va inshootlarning tashqi koʻrinishini oʻzgartirishni kelishish boʻyicha
davlat xizmatlari koʻrsatish
Ariza beruvchilar bino va inshoot tashqi koʻrinishini oʻzgartirishni kelishish
uchun Davlat xizmatlari markazlariga oʻzi kelib murojaat etadi yoki Oʻzbekiston
Respublikasi Yagona interaktiv davlat xizmatlari portalida (keyingi oʻrinlarda —
YaIDXP) davlat xizmatidan elektron tarzda foydalanish uchun roʻyxatdan oʻtadi.
Bino va inshoot tashqi koʻrinishini oʻzgartirishni kelishish uchun arizalar
YaIDXP orqali dam olish va bayram kunlaridan qat'iy nazar, har kuni 24 soat
davomida yuborilishi mumkin.
1 Қонунчилик маълумотлари миллий базаси, https://lex.uz/ru/docs/5130468
Bunda arizalar ish vaqtidan keyin yoki dam olish va bayram kunlari kelib
tushganda navbatdagi ish kuni arizalarning vakolatli organga kelib tushgan va qabul
qilingan kun hisoblanadi.
Oʻzi kelib murojaat etgan taqdirda, Davlat xizmatlari markazi xodimi ariza
beruvchi nomidan, YaIDXP orqali murojaat etgan taqdirda esa — ariza beruvchi
mustaqil ravishda ushbu Reglamentga 2-ilovada keltirilgan shaklga muvofiq davlat
xizmatidan foydalanish uchun soʻrovnomani elektron tarzda toʻldiradi.
Soʻrovnomaga bino va inshoot fasadining eskiz loyihasi elektron koʻrinishda
ilova qilinadi.
Ariza beruvchilardan ushbu bandda koʻrsatilmagan ma'lumotlarni hamda
boshqa hujjatlarni talab qilish taqiqlanadi.
Zarur ma'lumotlar soʻrovnomaga kiritilgandan soʻng ariza beruvchi
ma'lumotlarning toʻgʻriligini tekshiradi va imzolarni identifikasiya qilishning
tegishli vositalari (daktiloskopiya, elektron imzo, Mobil-ID va boshqalar) bilan
tasdiqlaydi.
Davlat xizmatlari koʻrsatish uchun bazaviy hisoblash miqdorining 50 foizi
miqdorida yigʻim undiriladi.
Davlat xizmati koʻrsatilishi uchun YaIDXP orqali murojaat etilganda ushbu
bandning birinchi xatboshisida koʻrsatilgan yigʻim summasining 90 foizi undiriladi.
Davlat xizmati koʻrsatish uchun yigʻim toʻlanganligini tasdiqlash elektron
tarzda amalga oshiriladi.
Quyidagilar bino va inshootning tashqi koʻrinishini oʻzgartirishni kelishishni
rad etish uchun asos boʻladi:
soʻrovnomada notoʻgʻri ma'lumotlar koʻrsatilishi;
davlat xizmatlari koʻrsatish uchun yigʻimni toʻlamaslik;
loyihada bino va inshootning hajmi va maydoni oʻzgarganligi;
bino va inshootning avariya holatida ekanligi;
bino va inshootga boʻlgan huquqning davlat roʻyxatidan oʻtkazilmaganligi;
loyiha tegishli lisenziyasi boʻlgan loyiha tashkiloti tomonidan ishlab
chiqilmaganligi;
binolar va inshootlarning mustahkamligi, zilzilabardoshliligiga ta'sir qiluvchi
yuk koʻtaruvchi qismlarining oʻzgarishi nazarda tutilganligi;
bino va inshoot fasadi eskiz loyihasining qonunchilik talablariga, shu
jumladan, shaharsozlik normalari va qoidalariga mos kelmasligi;
vakolatli organga ariza beruvchi tomonidan ob'ektni oʻrganish uchun
imkoniyat yaratilmaganligi;
taqiqda turgan ob'ektlar;
bino va inshootlarni ulushdorlaridan birining roziligi boʻlmasa;
davlat roʻyxatidan oʻtkazuvchi organda ushbu er uchastkasi qonunchilik
hujjatlarida belgilangan tartibda olib qoʻyilganligi haqidagi ma'lumotlarning
mavjudligi.
Davlat xizmatlarini koʻrsatishni boshqa asoslarga koʻra rad etish taqiqlanadi.
3. Davlat xizmatlarini ko’rsatish tartib-taomillarining o’ziga xos jihatlari
Bino va inshootlarning ixtisoslashishini oʻzgartirish, qayta qurish,
rekonstruksiya qilish hamda oʻz hududida qoʻshimcha bino va inshootlarni qurishni
loyihalashtirishga ruxsatnoma berish boʻyicha davlat xizmatlari koʻrsatish
Bu tartib-taomil yuridik va jismoniy shaxslarning (keyingi oʻrinlarda — ariza
beruvchilar) bino va inshootlarning ixtisoslashishini oʻzgartirish, qayta qurish,
rekonstruksiya qilish hamda oʻz hududida qoʻshimcha bino va inshootlarni qurishni
loyihalashtirishga ruxsatnomalar (keyingi oʻrinlarda — ruxsatnoma) berish tartibini
belgilaydi.
Ruxsatnoma qurilish-montaj ishlarini boshlash uchun asos hisoblanmaydi.
Ruxsatnoma 2 yil muddatga beriladi, agarda ruxsatnoma talablari 2 yil
muddatda bajarilmasa buyurtmachining soʻroviga asosan ruxsatnoma bergan organ
tomonidan qaytadan koʻrib chiqiladi.
Quyidagi hollarda rekonstruksiya qilish uchun ruxsatnoma talab etilmaydi:
binolarning mustahkamligi va zilzilabardoshliligiga ta'sir qiluvchi yuk
koʻtarib turuvchi qismlarining oʻzgarishiga olib kelmaydigan qayta rejalashtirish
(koʻp kvartirali uydagi joylarni qayta rejalashtirish bundan mustasno);
poydevor maydonini oʻzgartirmasdan engil turdagi qurilmalar va vaqtinchalik
qurilmalarni qurish va rekonstruksiya qilish.
Bunda loyiha hujjatlari tuman (shahar) qurilish boʻlimlari bilan (arxitektura
rejalashtirish topshirigʻini ishlab chiqmasdan) kelishiladi. Ob'ektni foydalanishga
qabul qilish talab etilmaydi.
Bino va inshootlarning ixtisoslashishini oʻzgartirish, qayta qurish,
rekonstruksiya qilish hamda oʻz hududida qoʻshimcha bino va inshootlarni qurishni
tegishli ruxsatnomasiz amalga oshirish taqiqlanadi.
Ruxsatnoma tuman (shahar) qurilish boʻlimlari (keyingi oʻrinlarda —
vakolatli organ) tomonidan beriladi.
Vakolatli organ tomonidan turar joyni noturar joy toifasiga yoki noturar joyni
turar joy toifasiga oʻtkazish (rekonstruksiya qilmasdan) uchun ruxsatnoma
rasmiylashtirilganda ariza beruvchining soʻroviga koʻra kadastr pasportini
rasmiylashtirish va koʻchmas mulkka boʻlgan huquqlarni davlat roʻyxatidan
oʻtkazish uchun ruxsatnoma Davlat kadastrlari palatasining hududiy boshqarmasiga
elektron tarzda yuboriladi (ob'ektning muayyan qismi toifasini oʻzgartirish bundan
mustasno).
Ariza beruvchi ruxsatnoma olish uchun Davlat xizmatlari markaziga oʻzi
kelib murojaat etadi yoki YaIDXPda davlat xizmatidan elektron tarzda foydalanish
uchun roʻyxatdan oʻtadi.
Ruxsatnoma olish uchun arizalar YaIDXP orqali dam olish va bayram
kunlaridan qat'iy nazar, har kuni 24 soat davomida yuborilishi mumkin.
Bunda arizalar ish vaqtidan keyin yoki dam olish va bayram kunlari kelib
tushganda navbatdagi ish kuni arizalarning vakolatli organga kelib tushgan va qabul
qilingan kun hisoblanadi.
Oʻzi kelib murojaat etgan taqdirda, Davlat xizmatlari markazi xodimi ariza
beruvchi nomidan, YaIDXP orqali murojaat etgan taqdirda esa — ariza beruvchi
mustaqil ravishda ushbu Reglamentga 2-ilovada keltirilgan shaklga muvofiq davlat
xizmatidan foydalanish uchun soʻrovnomani elektron tarzda toʻldiradi.
Turar joyni noturar joy toifasiga oʻtkazish nazarda tutilganda soʻrovnomaga
turar joyga birgalikda egalik qiluvchilarning (agar mavjud boʻlsa) notarial
tasdiqlangan yozma roziligi ilova qilinadi.
Ariza beruvchidan ushbu bandda koʻrsatilmagan ma'lumotlar hamda boshqa
hujjatlarni talab qilish taqiqlanadi.
Zarur ma'lumotlar soʻrovnomaga kiritilgandan soʻng ariza beruvchi
ma'lumotlarning toʻgʻriligini tekshiradi va imzolarni identifikasiya qilishning
tegishli vositalari (ERI, daktiloskopiya, elektron imzo, Mobil-ID va boshqalar) bilan
tasdiqlaydi.
Davlat xizmati koʻrsatilganligi uchun bazaviy hisoblash miqdorining 50 foizi
miqdorida yigʻim undiriladi.
Davlat xizmati koʻrsatilishi uchun YaIDXP orqali murojaat etilganda ushbu
bandning birinchi xatboshisida koʻrsatilgan yigʻim summasining 90 foizi undiriladi.
Yigʻim toʻlanganligini tasdiqlash elektron amalga oshiriladi.
Quyidagilar vakolatli organ tomonidan ruxsatnoma berishni rad etish uchun
asos hisoblanadi:
soʻrovnomada notoʻgʻri ma'lumotlar koʻrsatilishi;
davlat xizmatlari koʻrsatish uchun yigʻim toʻlanmaganligi;
mazkur Ma'muriy reglamentning 10, 18 va 21-bandlarida nazarda tutilgan
talablarga muvofiq emasligi;
bino va inshootning ixtisoslashishini oʻzgartirish, qayta qurish, rekonstruksiya
qilish hamda oʻz hududida qoʻshimcha bino va inshootlarni qurish qonunchilik
hujjatlari talablariga, shuningdek, shaharsozlik normalari va qoidalariga hamda
sanitariya qoidalari va normalariga muvofiq emasligi;
ob'ektni oʻrganish uchun vakolatli organga imkoniyat yaratilmaganligi;
davlat roʻyxatidan oʻtkazuvchi organda ushbu koʻchmas mulk ob'ektida
nizolar borligidan dalolat beruvchi sud hujjatlarining mavjudligi;
vakolatli organ tomonidan koʻchmas mulk ob'ektiga taqiq, xatlov yoki
garovga (ipotekaga) qoʻyilganligi (vakolatli organning rozilik xati taqdim etilishi
bundan mustasno);
loyihalashtirish nazarda tutilgan qurilish-montaj ishlari ruxsatnoma olgunga
qadar oʻzboshimchalik bilan boshlangan boʻlsa;
davlat roʻyxatidan oʻtkazuvchi organda ushbu er uchastkasi qonunchilik
hujjatlarida belgilangan tartibda olib qoʻyilganligi haqidagi ma'lumotlarning
mavjudligi;
koʻchmas mulkka boʻlgan huquqlar davlat roʻyxatidan oʻtkazilmaganligi.
Bunda er uchastkasi yoki bino va inshootning biri davlat roʻyxatidan
oʻtkazilgan boʻlsa, rad etish taqiqlanadi.
Davlat xizmatlarini koʻrsatishni boshqa asoslarga koʻra rad etish qat'iyan
taqiqlanadi2.
2 Қонунчилик маълумотлари миллий базаси, https://lex.uz/ru/docs/5970701#5972866