PANANALIKSIK TUNGKOL SA MGA NAHAHARAP NA
HAMON NG OVERSEAS FILIPINO WORKERS
(OFW) PAGDATING SA WIKA.
Bilang bahagi ng pagtupad ng mga kinakailangan para sa bahagi
ng semestral na proyekto sa kursong Filipino sa Iba’t-ibang
Disiplina
Isinagawa nina:
Bautista, Noel Aivan
Bayani, Dimple
Bengcang, Joaquin
Jonson, Hershey Rain
Tabora, Rhosette
March 27, 2025
PANIMULA
Ang Pilipinas, isang bansang kilala bilang isang malaking pinagmumulan ng
mga manggagawang migrante, ay mayroong tinatayang milyun-milyong Overseas
Filipino Workers (OFWs) na nagtatrabaho sa iba't ibang panig ng mundo. Marami sa
kanila ang nagsasakripisyo ng kanilang oras kasama ang kanilang mga pamilya upang
makapagbigay ng mas magandang kinabukasan para sa mga iniwan nila sa Pilipinas.
Ngunit sa likod ng mga kuwento ng tagumpay at pag-unlad na dala ng kanilang
pagsusumikap, ay ang mga hamon at pagsubok na kanilang kinakaharap, lalo na sa
pagbabalik sa bansa, maging ito man ay pansamantala lamang para sa bakasyon o
tuluyan nang pag-uwi. Ang papel na ito ay magtutuon sa mga karanasan ng mga dati
o kasalukuyang OFWs na umuuwi lamang para sa bakasyon, partikular na sa mga
hamon na kanilang kinakaharap sa pagsasanay ng ibang wika. Tatalakayin natin kung
paano nakakaapekto ang pag-aaral ng ibang wika, lalo na ang Ingles, sa kanilang
buhay, partikular na sa mga hindi gaanong literadong indibidwal, mga estudyante na
hindi nakumpleto ang kolehiyo (undergrads), at sa mga OFWs na kailangang matuto
ng Ingles bago magtrabaho sa ibang bansa. Susuriin natin ang mga estratehiya at
mekanismo na kanilang ginagamit upang matuto at mapagtagumpayan ang mga
hamon ng pag-aaral ng ibang wika, at ang epekto nito sa kanilang personal at
propesyonal na buhay, pati na rin sa kanilang pakikipag-ugnayan sa kanilang mga
pamilya at komunidad sa Pilipinas. Sa pamamagitan ng pag-unawa sa mga karanasan
ng mga OFWs, umaasa tayong makalikha ng mas malinaw na larawan ng mga hamon
at oportunidad na dala ng migrasyon at ang kahalagahan ng suporta at pag-unawa sa
kanilang pagbabalik sa Pilipinas. Ang pag-aaral na ito ay naglalayon na magbigay ng
kontribusyon sa patuloy na pag-unawa at pagpapabuti ng mga programa at serbisyo
na naglalayong suportahan ang mga OFW sa kanilang pagbabalik at muling
pagsasama sa ating bansa.
NILALAMAN
Ang Papel ng Komunidad ng mga Pilipino sa Ibang Bansa
Ang mga organisasyon at grupo ng mga Pilipino sa ibang bansa ay bumubuo
ng isang mahalagang suportahan sistema o support system para sa mga Overseas
Filipino Workers (OFWs) kung saan dito nagkakaroon ng pagkakasama sama o
reunion ang mga OFW sa isang partikular na bansa. Higit pa sa pagbibigay ng mga
serbisyo, ang mga samahang ito ay nagsisilbing tagapag-alaga ng kultura at identidad
ng mga Pilipino sa ibang bansa. Ang mga simbahan, halimbawa na roon ay itinatayo,
ay hindi lamang nagbibigay ng espirituwal na gabay kundi nagsisilbi ring sentro ng
komunidad, kung saan nagtitipon ang mga OFW para sa mga pagdiriwang,
pagdarasal, at pagbibigayan ng suporta sa isa't isa. Ang mga negosyo na pag-aari
ng mga Pilipino ay nagbibigay ng mga oportunidad sa trabaho at negosyo para sa
kapwa OFWs o kaya naman ay pag aalok ng trabaho para sa kapwa na nanaisin ding
magtrabaho sa ibang bansa, na nagpapalakas ng ekonomiya ng komunidad at
nagbibigay ng pakiramdam ng pagmamay-ari at pagkakaisa. Ang mga samahang ito
ay nag-aambag sa pagpapanatili ng kultura at wika, na nagbibigay ng isang pamilyar
na kapaligiran sa isang banyagang lupain. Ang kanilang presensya ay nagpapagaan
sa proseso ng pag-aadjust at nagbibigay ng isang pakiramdam ng pagiging kabilang,
na mahalaga sa kalusugan at kagalingan ng mga OFW. Ang mga samahang ito ay
may iba't ibang anyo, mula sa mga malalaking organisasyon hanggang sa mga maliit
na grupo, at ang kanilang mga serbisyo ay nag-iiba-iba depende sa mga
pangangailangan ng komunidad na kanilang pinaglilingkuran. Ang epekto ng mga
samahang ito sa buhay ng mga OFW ay malaki at positibo, na tumutulong sa kanila
na mapagtagumpayan ang mga hamon ng pagtatrabaho at pamumuhay sa ibang
bansa.
Ang mga serbisyo at suporta na ibinibigay sa mga OFW ay kritikal sa kanilang
pag-aadjust at tagumpay sa ibang bansa. Ang pagbibigay ng tulong sa mga bagong
dating o bago lamang bilang OFW ay kinabibilangan ng pag-aayos ng kanilang
titirahan, at pag-unawa sa mga batas at kaugalian. Ang mga programa sa pagtuturo
ng wika ay mahalaga para sa komunikasyon at pag-unawa sa kanilang bagong
kapaligiran. Ang pagpapanatili ng kultura ay hindi lamang nagpapanatili ng koneksyon
sa kanilang pinagmulan, kundi nagbibigay din ng suporta sa kanilang identidad at
nagpapagaan sa proseso ng pag-aadjust. Ang legal na tulong ay mahalaga sa pagaayos ng mga dokumento at paglutas ng mga legal na problema. Ang mga serbisyong
ito ay hindi lamang nagbibigay ng praktikal na tulong kundi nagbibigay din ng
emosyonal na suporta at pakiramdam ng pagiging kabilang. Ang mga programa ay
dapat na sensitibo sa mga pangangailangan ng mga OFW na may iba't ibang antas
ng edukasyon at literasi, lalo na ang mga hindi gaanong literadong indibidwal, mga
undergrad, o yaong nangangailangan ng pag-aaral ng Ingles bago magtrabaho sa
ibang bansa. Ang pag-access sa mga serbisyong ito ay mahalaga para sa kalusugan
at kagalingan ng mga OFW.
Ang mga ito naman ay siyang magtutulak sa mas magandang suportahang
sistema o support system para sa mga OFW na siyang malawak at makabuluhan. Ang
pakiramdam ng pagiging kabilang ay nagpapababa sa stress at nagpapataas ng
pagtitiwala sa sarili. Ang pagpapagaan ng proseso ng pag-aadjust ay nagbibigay-daan
sa mga OFW na mas mabilis na ma-integrate sa kanilang bagong kapaligiran. Ang
pagpapanatili ng koneksyon sa kultura ay nagpapanatili ng kanilang identidad at
nagbibigay ng isang pamilyar na kapaligiran sa isang banyagang lupain. Ang mga
epektong ito ay may positibong epekto sa kanilang kalusugan, kagalingan, at
tagumpay sa kanilang mga trabaho. Ang mga programa na nagbibigay ng mga
serbisyong ito ay mahalaga para sa pagsuporta sa mga OFW at sa kanilang mga
pamilya. Ang mga pag-aaral ay nagpapakita ng positibong kaugnayan sa pagitan ng
access sa mga suportahan sistema at ang tagumpay ng mga OFW.
Pagpapanatili ng Wikang Pilipino at Kultural na Pagkakakilanlan sa Ibang
Bansa
Mahalaga ang pagpapanatili ng wikang Pilipino at kultural na pagkakakilanlan
sa ibang bansa dahil ang wika at kultura ay nagsisilbing pangunahing bahagi ng
pagkakakilanlan ng isang indibidwal at komunidad. Kapag ang mga Pilipino ay nasa
ibang bansa, ang pagpapanatili nito ay nagbibigay sa kanila ng matibay na pundasyon
ng kanilang pinagmulan at Tumutulong ito upang malabanan ang pakiramdam ng
pagkawala ng sariling identidad sa gitna ng iba't ibang kultura. (Amiel Pineda) “By
promoting Filipino language and culture abroad, you are not only preserving your
national identity but also bridging the gap between Filipinos and international
communities. This helps to enrich cultural diversity and strengthen ties with overseas
Filipino communities. As a cultural ambassador, you are sharing the beauty and
complexity of Filipino culture, inspiring appreciation and pride.”
Mga paraan ng pag nanatili ang wikang Filipino
• Paggamit sa Bahay Hinihikayat ang mga magulang na gamitin ang wikang Pilipino
sa pakikipag-usap sa kanilang mga anak.
• Pagtataguyod ng mga Komunidad Ang mga organisasyon at komunidad ng mga
Pilipino sa ibang bansa ay nagbibigay ng mga pagkakataon para sa pag-aaral ng wika
at kultura.
• Paggamit ng Teknolohiya ang internet at social media ay nagbibigay ng mga paraan
upang makipag-ugnayan sa mga Pilipino sa iba't ibang bahagi ng mundo at ma-access
ang mga materyales tungkol sa wika at kultura.
• Pagpapasa ng Tradisyon ang pagsasama ng mga tradisyonal na kaugalian sa pang
araw-araw na pamumuhay at pag cecelebrate ng mga pilipinong holidays ay
nakakatulong magpasa ng kultura sa mga sumusunod na henerasyon.
Kahalagahan ng Pagpapanatili ng Wika at Kultura:
• Pagkakakilanlan: Ang wika at kultura ay mahalagang bahagi ng pagkakakilanlan ng
isang tao. Pinapanatili nito ang koneksyon sa kanilang pinagmulan at nagbibigay ng
pakiramdam ng pagiging kabilang.
• Pagtatransmisyon ng Tradisyon: Ang wika ay daluyan ng mga tradisyon,
kasaysayan, at kaalaman. Sa pamamagitan ng pagpapanatili nito, naipapasa ang mga
ito sa susunod na henerasyon.
Sa pangkalahatan, ang pagpapanatili ng wikang Pilipino at kultural na
pagkakakilanlan sa ibang bansa ay isang mahalaga at patuloy na pagsisikap. Narito
ang mga pangunahing punto bilang konklusyon.
Mga Estratehiya sa Pag-aaral ng Wikang Banyaga ng mga OFWs
Bilang pag-aaral naman sa Wikang Banyaga na siyang gagamitin ay mayroong
iba’t-ibang gawi o paraan ang ginagamit upang ito’y maging mas madali at angkop
gaya ng mga App o Aplikasyon tulad ng Duolingo at Babbel ay madalas gamitin ng
mga OFW para matuto ng banyagang wika. May mga interaktibong leksyon at mga
gawain ang mga app na ito, tulad ng mga puzzle at laro, na nakakatulong para mas
madali at masaya ang pag-aaral ng wika. Halimbawa, ang Duolingo ay may mga
leksyon na parang laro kaya hindi boring at mas nagiging interesting ang pagkatuto.
Samantalang ang Babbel naman, ay may mga leksyon na naaayon sa level ng magaaral, kaya mas nakatutok ito sa pangangailangan ng bawat isa. Bukod pa rito,
madaling ma-access ang mga app na ito kahit saan at kahit kailan, kaya napakagaling
nito para sa mga OFW na laging busy. Karadagan, ang immersion o paghahalo ng
wika ay mabisang paraan ng pagkatuto ng wika kung saan dito ay sinasanay ang
pakikipag-usap sa mga banyaga. Kapag nakikipag-usap ang mga OFW sa mga lokal
sa bansang kanilang pupuntahan, natututo silang magsalita at makaintindi ng wika
nang natural. Sa ganitong paraan, nadedevelop ang kanilang confidence sa
pagsasalita at nakakatulong ito sa kanila sa araw-araw na buhay at sa kanilang
trabaho. Mas nagiging komportable sila sa paggamit ng wika kapag palagi nilang
ginagamit ito sa totoong sitwasyon. Isa pa ang pagkuha ng mga kurso sa wika, ito ay
magandang paraan din para matuto ng banyagang wika. May mga kurso na may mga
guro na nagtuturo ng wika at may structured lessons. Kadalasan, tinatalakay sa mga
kurso ang gramatika, pagsasalita, pagbasa, at pagsulat. Bukod dito, ang mga guro ay
nagbibigay ng feedback na nakakatulong sa mga mag-aaral na maitama ang mga
pagkakamali nila at mas mapabuti pa ang kanilang kasanayan.
Ang pagsasanay sa pagbasa at pagsulat ay isa pang paraan ng pagkatuto ng
wika ay ang pagsasanay sa pagbasa at pagsusulat. Ang pagbasa ng mga libro,
artikulo, o kahit mga dokumento sa banyagang wika ay nakakatulong sa
pagpapalawak ng vocabulary at pagpapabuti ng kasanayan sa pag-unawa. Kapag
nagbabasa at nagsusulat ang mga OFW, natututo silang gumamit ng tamang mga
salita at pangungusap. Nakakatulong ito sa kanilang trabaho, halimbawa sa
pagbabasa ng mga instructions o pagsusulat ng mga reports. Ang pagtutok sa
gramatika at morpema ay magandang magsimula sa mga simpleng estruktura ng wika
bago magtutok sa mas komplikadong mga bahagi ng wika. Sa pamamagitan ng pagaaral ng mga pangunahing tuntunin sa gramatika, natututo ang mga OFW kung paano
bumuo ng tamang mga pangungusap. Kapag natutunan nila ito, nagiging mas madali
para sa kanila na gumamit ng wika nang tama at iwasan ang mga pagkakamali. Ang
sistematikong pag-aaral ng gramatika ay nakakatulong sa kanilang pagiging
komportable sa pagsasalita at pagsusulat ng wika. Ang pagsasabayan ng pag-aaral
ng wika at kultura ay mahalaga ring para sa pag-unawa sa kultura na nakakatulong
sa pag-iwas sa mga pagkakamali sa komunikasyon at sa pagpapabuti ng relasyon sa
mga katrabaho at tao sa ibang bansa. Kapag naiintindihan ng mga OFW ang mga
kaugalian at tradisyon ng lugar, mas nagiging madali para sa kanila ang makisama at
makipag-ugnayan sa iba. Ang kultura at wika ay magkasabay na nakakatulong sa
kanilang pag-adjust at pagiging matagumpay sa bagong kapaligiran.
Mga kadahilanan na nakakaapekto sa pagpili ng estratehiya, isa na rito ang
paggamit ng mga visual aids na mayroong epektibong paraan para matuto ng wika
tulad ng mga larawan, diagram, at video. Mas madali kasing matutunan ang mga
bagong salita at konsepto gamit ang mga visual aids, lalo na kung nahihirapan sa
pagbabasa ng mga text. Karagdagan ang pagsasagawa ng role-playing upang mas
madali ring matutunan ang wika sa pamamagitan ng role-playing o paggawa ng mga
aktibidad na parang totoong buhay. Mas nakakatulong ito sa pagpapraktis ng mga
kasanayan sa pagsasalita. Isa pa ang pagsusulat ng journal na isang paraan para
magpraktis ng pagsulat. Mahalaga ito para sa mga OFW na gustong maging magaling
sa pagsusulat ng mga pangungusap at pagpapahayag ng kanilang mga saloobin. Ang
Paggamit ng Mga Mobile Apps tulad ng Duolingo at Babbel ay nakakatulong din para
matuto ng bagong wika. Ang mga apps na ito ay may mga interaktibong leksiyon at
mga laro na tumutulong sa mga OFW na matututo ng wika kahit abala sila. Sunod na
kadahilanan na nakakaapekto sa pagpili ng estratehiya ay ang antas ng edukasyon
na kung saan ay malaki sa kung anong estratehiya ang pipiliin nila. Tulad ng tapos ng
kolehiyo o may tertiary education, ang mga OFW na may degree sa kolehiyo ay mas
malamang na gumamit ng mga komplikadong paraan ng pag-aaral, gaya ng
pagbabasa ng mga libro o paggamit ng online courses. Isa pa ang antas ng pagiging
literado ay nakakaapekto rin sa pagpili ng paraan ng pag-aaral. Halimbawa, mataas
ang pagiging literado, ang mga OFW na may mataas na literacy ay maaaring gumamit
ng mga mas mahihirap na materyales, tulad ng mga libro o mga dokumento sa wika
ng bansa kung saan sila nagtatrabaho. Karagdagan ang layunin sa pag-aaral, ang
dahilan kung bakit nag-aaral ng banyagang wika ang isang OFW ay nakakaapekto rin
sa kanilang estratehiya. Halimbawa nito ay para sa trabaho kung ang layunin ng OFW
ay matutunan ang wika para sa trabaho, maaaring mag-focus sila sa mga praktikal na
estratehiya, tulad ng pag-aaral ng mga teknikal na termino o pagpapractice ng mga
pangkaraniwang pag-uusap sa trabaho.Ika-huli ay ang personal na istilo ng pag-aaral
na ibig sabihin ay ang paraan ng pagkatuto ng isang tao ay iba-iba rin. Halimbawa nito
ay biswal learner, ang mga OFW na natututo sa pamamagitan ng nakikita ay maaaring
gumamit ng mga video tutorials o mga larawan para mas madaling matutunan ang
wika.
Implikasyon ng Paggamit ng Dalawang Wika sa Kognitibong Kakayahan
•
Ayon kay Centino B. at Geonaga A. et.al (2024), ang wika ay nagsisilbing tulay
sa paghahatid ng kamalayan at pag-unawa sa iba’t ibang aspeto ng buhay ng
sangkatauhan. Bilang pangunahing kasangkapan ng komunikasyon, ang wika
ay mahalaga sa pagpapalaganap ng impormasyon, kaalaman, at edukasyon
na nagbibigay-liwanag at direksyon sa lipunan. Ito ang ginagamit ng tao upang
maipahayag hindi lamang ang simpleng ideya kundi pati na rin ang masalimuot
na emosyon, pananaw, at opinyon ukol sa mga kaganapan sa paligid. Dagdag
pa rito, ang kakayahang magamit ang wika sa paraang pasalita ay tinatawag
na kasanayan sa pagsasalita. Sa pamamagitan nito, naipaparating ng isang
indibidwal ang kanyang saloobin, ideya, at paniniwala sa isang malinaw at
makabuluhang paraan. Ang kasanayang ito ay nangangailangan hindi lamang
ng teknikal na kakayahan tulad ng tamang bigkas at balarila, kundi pati na rin
ng kakayahang makiramdam sa damdamin ng kausap, magbigay ng lohikal na
argumento,
•
at
magpahayag
ng
ideya
nang
may
kumpiyansa.
Ang regular na paggamit ng dalawang wika ay isang mahalagang salik sa
pagpapalakas ng working memory, o ang kakayahan ng utak na mag-imbak at
magproseso ng impormasyon sa maikling panahon. Kapag ang isang
indibidwal ay patuloy na gumagamit ng dalawang wika, ang kanyang utak ay
nahahasa sa pagpapalit-palit sa pagitan ng dalawang lingguwistikal na sistema.
Ang prosesong ito ay nagpapalakas sa cognitive flexibility, o ang abilidad na
mabilis at maayos na makapag-adjust sa iba't ibang sitwasyon. Dagdag pa dito
sa pamamagitan ng pag-eensayo ng utak sa paggamit ng dalawang wika, ang
working memory ay mas nagiging matibay at mas epektibo sa paghawak ng
mga impormasyon.(Dicang P., Molina B.,2023
•
Ayon naman sa Studies, C. J. M. (2023) Ang kakayahang mag-isip ng higit sa
isang wika ay nagbubukas ng mas malawak na perspektibo dahil ito'y
nagbibigay-daan sa isang indibidwal na tingnan ang mga sitwasyon mula sa
iba’t ibang anggulo ng pag-unawa. Ang pag-aaral at paggamit ng dalawang
wika ay nangangailangan ng patuloy na paglipat sa pagitan ng mga
lingguwistikal na sistema. Ang prosesong ito ay nagiging natural na kasanayan
ng utak upang suriin ang mga ideya, masusing pagtimbang ng posibleng
solusyon, at pagbuo ng bagong pamamaraan sa paglutas ng mga problema.
Isinaad rin nila na ang kakayahang ito ay tumutulong sa mas mahusay na
paggamit ng metalinguistic awareness, o ang kakayahang magmuni-muni ukol
sa istruktura at gamit ng wika mismo.
•
Ang epekto ng pagiging bilingual sa isang indibidwal ay detalyado at hindi
eksklusibong nakabatay sa genetic factors. Bagama’t mahalaga ang papel ng
genetic predisposition sa kakayahang lingguwistiko, malinaw na ipinapakita ng
mga pag-aaral na ang iba’t ibang environmental factors, tulad ng motibasyon,
masinsinang pagsasanay, at mga karagdagang aktibidad gaya ng musical
training, ay may kritikal na impluwensya. Ang musical training, halimbawa, ay
nagkakaroon ng positibong epekto sa auditory processing, na mahalaga sa
mas mabilis na pagkatuto at pag-unawa ng mga tunog at istruktura ng wika.
Ang bilingualism ay nagmumula sa isang balanseng kumbinasyon ng likas na
talino at mga karanasang nagpapayaman sa kakayahan ng isang tao sa pagaaral ng wika. Kayat ang tuloy-tuloy na pagsasanay sa paggamit ng iba’t ibang
wika ay nagsisilbing mental exercise, na nagpapalakas sa memorya, atensyon,
at cognitive flexibility. (Wong P., et.al 2022)
•
Ayon naman sa pag-aaral ni Romero C., Goodman Z. et.al (2024), ang pagiging
bilingual o multilingual ay may positibong epekto sa mga bata, lalo na sa mga
may autism spectrum disorder (ASD). Ang mga bata na multilingual ay mas
mahusay sa mga aspeto ng executive function tulad ng inhibition (pagkontrol
sa impulsive na reaksyon), shifting (kakayahang mag-adjust sa mga
pagbabago), at perspective-taking (pag-unawa sa pananaw ng iba). Ang mga
kakayahang ito ay mahalaga dahil nauugnay ang mga ito sa pagbawas ng mga
sintomas ng ASD, kabilang ang mas maayos na social communication at mas
mababang antas ng repetitive behavior.
Mga Hamon sa Pag-aaral ng Wika na Kinakaharap ng mga OFWs
Ang pagnanais na makipagsapalaran sa ibang bansa, maging ito ay bilang
isang Overseas Filipino Worker (OFW) o isang permanenteng migrante, ay kalakip
ang isang mahalagang reyalidad: ang pangangailangang matutuhan ang wika ng
bansang pupuntahan. Bagama't ang Ingles ay itinuturing na isang unibersal na wika
at malawakang nauunawaan sa Pilipinas, hindi lahat ng bansa ay gumagamit nito
bilang pangunahing wika. Ang Japan, China, Korea, Russia, at ilang bansa sa Europa
ay mga halimbawa kung saan ang kanilang katutubong wika ang pangunahing gamit.
Sa mga bansang ito, ang kaalaman sa kanilang wika ay madalas na isang
mahalagang rekisito sa pagtatrabaho. Ganito rin ang sitwasyon sa mga bansang
Arabo sa Gitnang Silangan.. Kahit sa mga bansang Ingles ang pangunahing wika,
tulad ng Amerika, Inglatera, at Canada, mayroong pagkakaiba sa tono, pagbigkas,
sistema, at istilo ng paggamit nito. Ang mga pagkakaibahang ito ay maaaring
magdulot din ng hamon sa mga bagong dating.
Mga Hamon sa Pag-aaral ng Wika na Kinakaharap ng mga OFWs:
• Limitadong oras: Ang mga OFW ay madalas na mayroon lamang limitadong oras
dahil sa kanilang trabaho at iba pang responsibilidad.
• Kakulangan ng mga resources: Maaaring hindi sapat o madaling makuha ang mga
materyales at paraan para sa pag-aaral ng wika.
• Pagiging mahirap ng wika, kultura, at kaugalian: Ang bawat wika ay may sariling
complexities, at ang pag-unawa sa kultura at kaugalian na kaakibat nito ay maaaring
maging mahirap.
• Diskriminasyon: Maaaring makaranas ang ilang OFW ng diskriminasyon na
nagpapahirap sa kanilang pag-aaral at paggamit ng bagong wika.
Mga personal na hamon:
• Pagkabalisa: Ang pag-aaral ng bagong wika at pakikisalamuha sa bagong
kapaligiran ay maaaring magdulot ng pagkabalisa.
• Pagiging nahihiya: Ang takot na magkamali sa pagsasalita ay maaaring magdulot
ng pagiging mahiyain sa paggamit ng bagong wika.
• Pagiging kulang sa kumpiyansa: Ang kakulangan sa progreso o ang pakiramdam na
hindi sapat ang kaalaman ay maaaring magpababa ng kumpiyansa.
• Pagiging homesick: Ang pangungulila sa pamilya at sariling bayan ay maaaring
makaapekto sa motibasyon sa pag-aaral.
Mga hamon sa trabaho:
• Pagiging hindi naiintindihan: Ang hindi pagkakaunawaan sa trabaho ay maaaring
magresulta sa mga pagkakamali at problema.
• Pagiging hindi mahusay sa trabaho: Ang limitadong kaalaman sa wika ay maaaring
makahadlang sa mahusay na pagganap sa trabaho.
• Pagiging diskriminado sa pag-promote: Ang kakulangan sa kasanayan sa wika ay
maaaring maging dahilan ng hindi pagkakapantay-pantay sa pagkakataon sa trabaho.
Kahalagahan ng Pagkatuto ng Wika para sa mga OFWs:
• Pag-iwas sa Language Barrier: Ang pangunahing kahalagahan nito ay ang pag-iwas
sa language barrier, na isa sa pinakamalaking problemang kinakaharap ng maraming
OFW. Ang kakayahang makipag-usap nang maayos ay mahalaga sa pakikitungo sa
mga employer at iba pang tao sa ibang bansa.
• Mas Mataas na Tsansa sa Trabaho: Ang pagkakaroon ng kaalaman sa ibang wika,
lalo na kung ito ay nakasaad sa curriculum vitae, ay nagpapataas ng tsansang
matanggap sa trabaho. Ito ay isang competitive advantage laban sa ibang aplikante
na iisang wika lang ang alam.
• Mas Mahusay na Pakikisalamuha: Ang kakayahang makipag-usap sa iba't ibang
dayuhan ay mahalaga sa pakikisalamuha at pagbuo ng magandang relasyon sa lugar
ng trabaho at sa komunidad.
• Potensyal sa Pag-unlad sa Karera: Ang mga empleyadong marunong ng maraming
wika ay mas mahalaga sa mga kumpanya, lalo na sa panahon ngayon na ang mga
negosyo ay lumalawak sa iba't ibang merkado. Maaari silang maging asset sa
pakikipag-ugnayan sa mga manufacturer o customer na hindi nagsasalita ng
katutubong wika ng kumpanya.
• Personal na Benepisyo: Bukod sa trabaho, ang pagkatuto ng wika ay nagbubukas
ng mas maraming oportunidad sa pagbiyahe at pagbabakasyon. Ang pagpapakita ng
interes sa wika ng lokal na mamamayan ay nagpapakita ng respeto at nagpapadali sa
pagkakaroon ng bagong kakilala.
Paggamit ng Wika at Code-switching sa mga OFWs
Mga karaniwang ginagamit na wika, isa na dito ang wikang filipino (tagalog), ito
ay madalas gamitin ng mga OFW kapag nakikipag-usap sa kapwa Pilipino, lalo na sa
mga personal na usapan. Halimbawa, kung ang mga OFW ay nag-uusap tungkol sa
mga paborito nilang pagkain sa Pilipinas, kadalasang ginagamit ang Tagalog para
mas madali nilang maipaliwanag ang mga salita at konsepto. Isa na rin dito ang wikang
ingles, ginagamit ang Ingles sa mga bansa kung saan ito ang pangunahing wika, pati
na rin sa mga opisyal na usapan. Halimbawa, sa mga bansa tulad ng Estados Unidos,
Canada, at Australia, ginagamit ang Ingles sa mga opisina, ospital, at iba pang mga
lugar. Karagdagan ay ang wikang banyaga ng bansang pinagtatrabahuhan, sa mga
OFW, mahalaga ring matutunan ang wika ng bansa kung saan sila nagtatrabaho.
Makakatulong ito sa pakikipag-usap sa mga lokal at pagpapabuti ng relasyon sa
trabaho. Halimbawa nito ay sa Saudi Arabia, ginagamit ang Arabic; sa Japan naman,
ginagamit ang Japanese.
Ang code-switching ay tumutukoy sa paggamit ng dalawang wika sa isang
pangungusap o pag-uusap. Karaniwan ito sa mga OFW dahil nakakatulong ito sa
pagpapadali ng komunikasyon lalo na kapag magkaiba ang wika ng mga tao. Kapag
hindi pareho ang wika ng mga tao, mas madali nilang nauunawaan ang isa’t isa kung
gumagamit sila ng dalawang wika. Isang halimbawa nito ay, kung hindi pa kabisado
ng isang OFW ang wika ng bansang pinagtatrabahuhan, mas madali niyang
magagamit ang Tagalog at ang lokal na wika upang magkaintindihan. Mga
kadahilanan na nakakaapekto sa paggamit ng wika ay isa na rito ang konteksto ng
pag-uusap, isa sa mga pangunahing dahilan ng paggamit ng wika at code-switching
ay ang konteksto o sitwasyon ng pag-uusap. Tulad ng pormal at pribado na pag-uusap
kung saan sa mga pormal na setting tulad ng trabaho o paaralan, ang mga OFW ay
kadalasang gumagamit ng Ingles o ang wika ng bansang kanilang pinagtatrabahuhan
para magpakita ng professionalism. Samantalang, ang pribadong pag-uusap ay kung
kasama naman ang mga kapwa Pilipino, kadalasan ay gumagamit sila ng Filipino o
anumang rehiyonal na wika para makipag-usap nang mas malapit sa kanilang kultura.
Isa pang kadahilanan na nakakaapekto sa paggamit ng wika ay tao na kausap
kung saan ang wika ay depende rin sa kausap at paksa ng pag-uusap sapagkat ang
paksa ng pag-uusap ay nakakaapekto rin sa wika na ginagamit. Halimbawa ng tao na
kausap ay kapwa pilipino dahil kapag nakikipag-usap ang OFW sa ibang Pilipino,
madalas nilang gamitin ang Filipino o mga lokal na wika, tulad ng Ilocano, Cebuano,
o Tagalog, upang mapanatili ang koneksyon sa kanilang kultura. Sa kabilang banda,
ang hlimbawa para sa paksa ng pag-uusap ay trabaho o negosyo, kapag ang paksa
ay may kinalaman sa trabaho o negosyo, maaaring gumamit ang mga OFW ng Ingles
o ng wika ng host country upang mas malinaw na maipaliwanag ang mga detalye.
Mga epekto ng code-switching ay isa na rito ang mas epektibong
komunikasyon. Tulad ng komunikasyon sa trabaho, nakakatulong ang code-switching
sa mga OFW para makipag-usap ng maayos sa kanilang mga amo o customer, lalo
na kung hindi gaanong ginagamit ang Ingles sa bansa kung saan sila nagtatrabaho.
Isa pang epekto ng code-switching ay kakayahang mag-adjust sa iba’t ibang
sitwasyon, tulad ng, kakayahang umangkop sapagkat ang code-switching ay
nagpapakita na kayang mag-adjust ng mga OFW sa mga bagong kultura at wika sa
mga bansang kanilang pinagtatrabahuhan. Karagdagang epekto ng code-switching
ay ang pagpapalakas ng pagkakakilanlan, lalo na sa kultural na pagkakakilanlan, dahil
ang code-switching ay isang paraan para maipakita ng mga OFW na naiintindihan nila
ang ibang kultura at wika, at nakakatulong ito sa pagpapanatili ng kanilang sariling
kultural na identidad.
Mga Sikolohikal at Emosyonal na Epekto ng Pag-aaral at Paggamit ng Wika
• Ayon sa pananaliksik ni Bialystok et al. (2012), ang bilingualism o multilingualism ay
nagdudulot ng malalim na positibong epekto sa cognitive skills ng tao. Ipinapakita ng
mga pag-aaral na ang pagiging dalubhasa sa higit sa isang wika ay nag-aaktibo ng
iba't ibang bahagi ng utak, partikular na ang mga responsable para sa executive
functions tulad ng pagpaplano, pag-oorganisa, at paggawa ng desisyon. Dahil dito,
ang mga bilingual o multilingual na indibidwal ay mas mahusay sa mga gawain na
nangangailangan ng mental flexibility at mabilis na paglipat mula sa isang gawain
patungo sa isa pa—isang kakayahang kilala bilang cognitive switching. Dagdag pa
rito, ang kanilang kakayahang mag-multitask ay maiuugnay din sa kanilang regular na
pagsasanay sa pagproseso ng impormasyon mula sa iba't ibang wika.
• Pinag tibay naman ni kousaie S. et.al (2017) , ang pagiging bilingual ay tumutulong
sa utak na gumana nang mas mahusay, lalo na sa mga nakatatandang indibidwal na
nakakaranas ng natural na paghina ng mental na kakayahan dahil sa pagtanda.
Pinapalakas nito ang koneksyon sa pagitan ng mga bahagi ng utak, na tumutulong
para manatiling aktibo at malusog ang mga proseso ng pag-iisip. Sinaad pa niya na
sa pamamagitan ng patuloy na paggamit at pag-aaral ng wika, nagkakaroon ang utak
ng dagdag na proteksyon laban sa mga sakit na maaaring magdulot ng pagkaulyanin
o cognitive decline, kaya mahalaga ito para sa pangmatagalang kalusugan ng utak.
• Ang patuloy na paggamit ng wika ay may mahalagang papel sa pagpapanatili ng
cognitive functions habang tumatanda ang isang indibidwal. Ayon sa mga eksperto sa
neuroscience, ang pagiging bilingual o multilingual ay nagdadala ng cognitive reserve,
o ang kakayahan ng utak na magtiis sa natural na proseso ng pagtanda at mga
neurodegenerative na sakit tulad ng Alzheimer’s disease. Ang prosesong ito ay
tumutulong sa utak na maging mas matibay laban sa pagkawala ng mga neural
connections. Sa bawat paggamit ng wika, ang mga bahagi ng utak na responsable sa
memorya, pansin, at executive functions ay nagiging aktibo. Ang tuloy-tuloy na mental
na ehersisyo na ito ay nagpapalakas sa neural plasticity, o ang kakayahan ng utak na
mag-adapt sa mga pagbabago. (Crisostomo M., 2014)
• Ayon sa pag aaral nila Wei, L., at Dewaele, J. (2012) , ang pag-aaral ng ibang wika
ay higit pa sa simpleng pag-alam ng mga salita at gramatika; ito ay isang proseso ng
pagbubukas ng pinto patungo sa kakaibang mundo ng paniniwala, tradisyon, at
kaugalian. Kapag natututo tayo ng ibang wika, hindi lamang tayo natututo kung paano
magsalita, kundi natututo rin tayo kung paano mag-isip tulad ng isang tao mula sa
ibang kultura. Sa ganitong paraan, ang pag-aaral ng wika ay nagbibigay-daan sa mas
malalim na pag-unawa sa pananaw ng iba, na kung sa ang empatiya ay tumataas
dahil sa kakayahan ng isang tao na maunawaan ang iba’t ibang kultura, tradisyon, at
paniniwala. Sa pag-aaral ng ibang wika, natututo ang isang tao na tumingin sa mundo
mula sa iba’t ibang perspektibo, na nagpapalalim ng pakikisalamuha.
• Ayon sa pananaliksik nina Shao K., Pekrun R. (2019), ang ang pag-aaral ng wika
ay malaki ang epekto sa emosyon at tagumpay ng isang indibidwal sa edukasyon.
Natuklasan na ang emosyon, tulad ng kasiyahan, kaba, o takot sa pagkabigo, ay may
direktang epekto sa kakayahan ng isang tao na matuto at gumamit ng wika. Sa
pamamagitan ng control-value theory (CVT) ng achievement emotion, ipinaliwanag na
ang mga emosyon sa pagkatuto ay nagmumula sa kung paano tinitingnan ng magaaral ang kahalagahan at kontrol sa kanilang tagumpay o pagkabigo. Ang teoryang
ito ay nakapokus sa papel ng emosyon sa proseso ng pagkatuto, at nagpapakita na
ang positibo at negatibong emosyon ay parehong maaaring magkaroon ng
impluwensya sa tagumpay. ang pagaaral ng wika ay hindi lamang nakasalalay sa
kognitibong aspeto at isang teknikal na proseso, kundi isang emosyonal na karanasan
na nangangailangan ng maingat na pag-unawa sa ugnayan ng emosyon, motibasyon,
at
tagumpay.
• Kabaliktaran naman ang pananaliksik ni Teimouri Y., Goetze J., et.al (2019) , na
kung saan ang pag-aaral ng iba pang wika ay maaaring magdulot ng stress o anxiety
sa isang indibidwal, lalo na kapag mataas ang mga inaasahan sa pagganap o kapag
ang tao ay nakakaranas ng takot na magkamali. Ang ganitong klase ng anxiety, na
tinatawag na language anxiety, ay karaniwang nararanasan sa mga sitwasyong pangakademiko o pampubliko, tulad ng pagsasalita sa harap ng iba o pagsagot sa mga
pagsusulit. Nakakaapekto ito sa tiwala sa sarili at sa kakayahang lingguwistiko dahil
ang tao ay maaaring maging sobra ang takot na husgahan, kaya’t nagiging mas
mahirap para sa kanila na makapag-focus at maipakita ang kanilang natutunan. Bukod
pa rito, maaaring mag-ugat ang stress mula sa mga hamon ng pagsasanay sa
istruktura ng wika tulad ng gramatika at pagbigkas, na naiiba sa kanilang native
language. Sa ilang kaso, ang anxiety ay nagiging hadlang sa epektibong pagkatuto
dahil ang utak ay nakatuon sa takot imbes na sa aktwal na pagproseso ng
impormasyon.
Ang Proseso ng Reintegrasyon Pagbalik sa Pilipinas
Ang pagbabalik sa Pilipinas pagkatapos ng mahabang panahon sa ibang
bansa ay isang malaking pagbabago para sa mga OFWs. Maraming hamon ang
kanilang kinakaharap sa proseso ng reintegration. Isa na rito ang pagkakaiba ng
kultura at kaugalian. Ang mga taon na ginugol sa ibang bansa ay nagdulot ng
pagbabago sa kanilang pananaw at paraan ng pamumuhay. Maaaring mahirap para
sa kanila na makisalamuha sa mga taong may ibang kultura at kaugalian. Ang
pagiging hindi naiintindihan ng mga tao sa paligid ay nagdudulot ng pakiramdam ng
pagiging naiiba at hindi kabilang. Ang pagiging hindi mahusay sa paggamit ng wika
ay isa pang malaking hamon. Ang pagkawala ng kasanayan sa pagsasalita ng Filipino
o ang paggamit ng ibang diyalekto ay maaaring magdulot ng kahirapan sa pakikipagugnayan sa mga tao sa paligid. Ang mga hamon na ito ay nagdudulot ng stress at
maaaring makaapekto sa kanilang mental at emosyonal na kalusugan. Ang mga hindi
gaanong literadong indibidwal ay maaaring mas mahirapan sa pag-aadjust dahil sa
limitadong kakayahan sa pag-unawa at pag-proseso ng impormasyon.
Mayroong iba't ibang mga paraan upang mapagtagumpayan ang mga hamon
sa pag-aadjust. Ang pagbabasa ng mga libro at artikulo tungkol sa Pilipinas ay
makatutulong sa pag-update ng kanilang kaalaman tungkol sa mga pangyayari sa
bansa. Ang pakikipag-usap sa mga kaibigan at pamilya ay nagbibigay ng suporta at
pakiramdam ng pagiging kabilang. Ang pagsali sa mga aktibidad sa komunidad ay
nagbibigay ng pagkakataon na makisalamuha sa mga tao at makilala ang kanilang
bagong kapaligiran. Ang mga programang pang-edukasyon at mga workshop na
nagtuturo ng mga kasanayan sa pakikipag-ugnayan at paglutas ng problema ay
makakatulong din sa mga OFWs na mapagtagumpayan ang mga hamon. Ang mga
undergrad at mga taong kailangang matuto ng Ingles ay maaaring makinabang sa
mga programa sa pagtuturo ng wika at mga kurso sa pagpapaunlad ng kasanayan sa
komunikasyon. Ang pagbabalik ng mga OFWs ay may malaking epekto sa kanilang
pamilya. Ang pagiging mas malapit sa pamilya ay nagdudulot ng mas malakas na
ugnayan at pagkakaisa. Ang pagiging mas maunawaan sa mga karanasan ng bawat
isa ay nagpapalakas ng komunikasyon at pagtitiwala. Ang pagiging mas malakas ang
pagkakakilanlan ng pamilya ay nagbibigay ng pakiramdam ng seguridad at suporta.
Gayunpaman, mahalaga na maunawaan na ang reintegration ay hindi palaging
madali. Maaaring may mga tensyon at pag-aaway dahil sa mga pagbabago sa
dinamika ng pamilya. Ang komunikasyon at pag-unawa ay mahalaga upang
mapagtagumpayan ang mga hamon na ito.
Ang Epekto ng Kakayahan sa Wika sa Panlipunan at Pang-ekonomiyang
Reintegrasyon
Ang kaalaman sa wika ng bansang pupuntahan ay isang mahalagang
kwalipikasyon na hinahanap ng mga employer. Ayon sa isang artikulo sa Pilipino Star
Ngayon, ang pag-aaral ng wika ng dayuhang bansa ay isang reyalidad na kailangang
matutunan ng mga nais magtrabaho sa ibang bansa. Maraming bansa, tulad ng
Japan, China, Korea, at ilang bansa sa Europa, ang pangunahing gumagamit ng
kanilang katutubong wika, kaya't ang pagiging bihasa sa kanilang lengguwahe ay
nagiging bentahe sa paghahanap ng trabaho. Bukod dito, ang kakayahang makipagusap nang malinaw sa mga kasamahan at employer ay nagdudulot ng mas epektibong
pagtatrabaho. Sa pamamagitan ng pag-aaral ng wika, nagkakaroon ng mas malalim
na pag-unawa sa kultura at kaugalian ng bansang pinagtatrabahuhan, na nagreresulta
sa mas magandang relasyon sa mga katrabaho at mas mataas na kalidad ng trabaho.
Ikahuli, ang pag-aaral ng bagong wika ay hindi lamang nakakatulong sa
propesyonal na aspeto kundi pati na rin sa personal na pag-unlad. Ito ay nagbibigay
ng pagkakataon sa mga OFW na mapabuti ang kanilang sarili at makakuha ng bagong
kaalaman at kasanayan. Ayon sa isang artikulo sa Linguisity, ang pagiging bilingual
ay nagpapalakas ng memorya, nagpapabuti ng kakayahan sa paglutas ng problema,
at nagpapalawak ng pag-unawa sa iba't ibang kultura.
Maraming OFWs ang nakararanas ng diskriminasyon batay sa lahi, kasarian,
edad, o relihiyon. Halimbawa, sa Thailand, may mga ulat na mas pinapaboran ng mga
employer ang lokal na manggagawa kaysa sa mga Pilipino, na nagreresulta sa hindi
pantay na sahod at benepisyo. Upang matugunan ito, nangako si Pangulong
Ferdinand Marcos Jr. na magtatayo ng Philippine Overseas Labor Office (POLO) sa
Bangkok upang asikasuhin ang mga hinaing ng mga OFWs sa Thailand. Sa Germany,
isang pag-aaral ang nagsiwalat na isa sa bawat limang Pilipino doon ang nakaranas
ng diskriminasyon at rasismo. Halimbawa, iniinsulto at minamaliit sila dahil hindi sila
magaling sa pagsasalita ng wikang Aleman. Ayon sa mga pag-aaral, maraming
dayuhang manggagawa, kabilang ang mga Pilipino, ang nahihirapan sa proseso ng
trabaho, pabahay, at integrasyon sa lipunan. Sa kabila ng pangangailangan ng
Germany para sa skilled workers, marami ang napipilitang umalis dahil sa mga
hamong ito, gaya ng naranasan ni Raymund Guevarra, isang Filipino nurse na
kalaunan ay lumipat sa U.S. Bagaman may mga pagsisikap mula sa mga employer
upang mapadali ang integrasyon ng mga dayuhang manggagawa, hindi pa rin ito
sapat upang mapanatili ang kanilang pananatili sa bansa. Dahil dito, dapat ding
tutukan ng gobyerno ng Pilipinas ang kapakanan ng mga OFWs sa Germany upang
masiguro ang kanilang maayos na kalagayan at patuloy na oportunidad sa trabaho.
Ang kakayahan sa wika ay may malaking epekto sa panlipunan at pang-ekonomiyang
reintegration ng mga Overseas Filipino Workers (OFWs) pagbalik sa Pilipinas. Ang
mga OFW na mayroong sapat na kaalaman sa wika ng bansang kanilang
pinagtrabahuhan ay mas madaling makikisalamuha sa kanilang mga dating kaibigan
at komunidad. Mas magiging kumpiyansa sila sa pakikipag-ugnayan at mas
malamang na magkaroon ng positibong pananaw sa kanilang pagbabalik-bansa. Sa
kabilang banda, ang mga OFW na nahihirapang makipag-usap sa kanilang sariling
wika o sa Ingles ay maaaring makaramdam ng pagka-isolate at hirap sa pakikisama.
Sa aspetong pang-ekonomiya, ang kakayahan sa wika ay maaaring magbukas ng
mas maraming oportunidad sa trabaho para sa mga returning OFWs. Ang kanilang
kaalaman sa ibang wika ay maaaring maging isang asset sa mga kumpanyang
mayroong transaksyon sa ibang bansa o sa mga industriya ng turismo at serbisyo.
Gayunpaman, ang mga OFW na may limitadong kakayahan sa wika ay maaaring
mapilitang kumuha ng mga trabahong may mababang pasahod o hindi angkop sa
kanilang mga kasanayan.
Upang matugunan ang mga hamong ito, mahalagang magkaroon ng mga
programa at estratehiya na tutulong sa mga OFW na mapabuti ang kanilang
kakayahan sa wika. Maaaring mag-alok ang gobyerno at mga non-government
organizations ng mga libreng kurso sa wika o mga pagsasanay sa paggamit ng wika.
Mahalaga rin ang pagbibigay ng impormasyon sa mga OFW bago sila umalis ng
bansa tungkol sa kahalagahan ng pagkatuto ng wika ng bansang kanilang
pupuntahan. Sa pamamagitan ng pagpapalakas sa kanilang kakayahan sa wika, mas
magiging matagumpay ang kanilang panlipunan at pang-ekonomiyang reintegration
sa Pilipinas.
Mga
Rekomendasyon
sa
Patakaran
Para
sa
Pagsuporta
sa
mga
Pangangailangan sa Wika ng mga OFWs
Mahalaga ang pagkakaroon ng patakaran para sa pagsuporta sa mga
pangangailangan sa wika ng mga Overseas Filipino Workers (OFWs) dahil ito ay
nakakatulong sa kanilang pag-aayos sa mga pinaglilingkuran bansa. Sa pamamagitan
ng pagkakaroon ng mga patakaran na ito, mas magiging madali para sa mga OFWs
na makipag-ugnayan sa kanilang mga amo, kapwa manggagawa, at iba pang mga
indibidwal sa kanilang lugar ng pagtatrabaho .Ang mga patakaran na ito ay
makakatulong din sa mga OFWs na mapabuti ang kanilang kaalaman sa wika ng
kanilang pinaglilingkuran bansa, na magiging isang malaking tulong sa kanilang
paghahanap ng trabaho at pag-aayos sa kanilang bagong buhay. Bukod dito, ang mga
patakaran na ito ay makakatulong din sa pagpapalakas ng ugnayan sa pagitan ng
mga OFWs at ang kanilang mga pamilya sa Pilipinas. Pag-aaral ni Lee (2015): Nakita
sa pag-aaral na ang mga migranteng manggagawa sa Timog Korea ay nakakaranas
ng mga hamon sa pag-aayos sa kanilang mga pinaglilingkuran bansa dahil sa kawalan
ng kaalaman sa wika.
Mga Rekomendasyon sa Patakaran
1. Pagkakaroon ng Wika at Kultural na Pagsasanay Magbigay ng pagsasanay sa wika
at kultura ng mga OFWs upang sila ay makipag-ayos sa kanilang mga pinaglilingkuran
bansa.
2. Pagkakaroon ng Mga Materyales sa Wika Magbigay ng mga materyales sa wika
tulad ng diksyunaryo, manwal sa gramatika, at mga aklat sa wika upang matulungan
ang mga OFWs na mapabuti ang kanilang kaalaman sa wika.
3. Pagkakaroon ng Mga Programa sa Radyo at Telebisyon Magbigay ng mga
programa sa radyo at telebisyon na nagtuturo ng wika at kultura ng mga OFWs upang
sila ay makapag-ayos sa kanilang mga pinaglilingkuran bansa.
4. Pagkakaroon ng Mga Online na Kurso Magbigay ng mga online na kurso sa wika
at kultura ng mga OFWs upang sila ay makipag-ayos sa kanilang mga pinaglilingkuran
bansa.
5. Pagkakaroon ng Mga Tulong sa Pag-aaral Magbigay ng mga tulong sa pag-aaral
tulad ng scholarship, mga libro, at mga materyales sa pag-aaral upang matulungan
ang mga OFWs na mapabuti ang kanilang kaalaman sa wika.
6. Gumamit ng mga Machine Translation Apps: Ito ay mga app na gumagamit ng
teknolohiyang pang-ais (AI) upang isulat ang mga teksto mula sa isang wika tungo sa
ibang wika.
Sa pamamagitan ng pagpapatupad ng mga rekomendasyon sa patakaran na
ito, matutulungan ang mga OFWs na makamit ang mga benepisyo ng ito at
magkaroon ng mas magandang buhay sa kanilang mga pinaglilingkuran bansa.
KONKLUSYON
Ang papel na ito ay tumatalakay sa mga hamon at oportunidad na kinakaharap
ng mga Overseas Filipino Workers (OFWs) sa pag-aaral ng ibang wika, partikular na
ang Ingles, at ang kanilang pagbabalik sa Pilipinas. Tinitingnan din nito ang papel ng
komunidad ng mga Pilipino sa ibang bansa at ang kahalagahan ng pagpapanatili ng
wikang Pilipino at kultural na pagkakakilanlan.
Napag-alaman na ang pagiging
bilingual ay may positibong epekto sa kognitibong kakayahan ng mga OFWs, ngunit
mayroon din itong mga sikolohikal at emosyonal na epekto. Ang mga OFWs ay
nakakaranas ng mga hamon sa pag-aaral ng wika dahil sa limitadong oras,
kakulangan ng mga resources, at diskriminasyon. Mahalaga ang pagkatuto ng wika
para sa mga OFWs dahil nakakatulong ito sa pag-iwas sa language barrier, mas
mataas na tsansa sa trabaho, mas mahusay na pakikisalamuha, at personal na
benepisyo. Tinalakay din ang code-switching at ang mga epekto nito sa mga OFWs.
Ang papel ay nagtatapos sa mga rekomendasyon sa patakaran para sa pagsuporta
sa mga pangangailangan sa wika ng mga OFWs, kabilang ang pagbibigay ng
pagsasanay sa wika at kultura, mga materyales sa wika, mga programa sa radyo at
telebisyon, mga online na kurso, at mga tulong sa pag-aaral.
Ang mga
rekomendasyong ito ay naglalayong tulungan ang mga OFWs na makamit ang mga
benepisyo ng pagiging bilingual at magkaroon ng mas magandang buhay sa kanilang
mga pinaglilingkuran bansa.
SANGGUNIAN
https://theajhssr.com/vol-7-iss-1/THEAJHSSR_L070112012001040016.pdf
https://cognizancejournal.com/vol3issue12/V3I1216.pdf
https://doi.org/10.47760/cognizance.2023.v03i12.014
https://pmc.ncbi.nlm.nih.gov/articles/PMC8755716/
https://pmc.ncbi.nlm.nih.gov/articles/PMC11638936/
https://animorepository.dlsu.edu.ph/cgi/viewcontent.cgi?article=1069&context=conf_shsresc
on
https://www.quora.com/How-do-overseas-Filipino-workers-adapt-to-the-changes-they-haveencountered
https://medium.com/@trixiadonne/the-filipino-diaspora-experiencej2-holding-onto-our-rootswhile-adapting-abroad-e5ba4556acd7
Lived Experiences of Resilient Overseas Filipino Workers in Their Career Journey:
file:///C:/Users/Admin/Downloads/2-2440+SSSH+2024.12.pdf
https://fluentfilipino.com/the-importance-of-promoting-filipino-language-and-culture-abroad/
https://www.sciencedirect.com/science/article/abs/pii/S1364661312000563
https://www.sciencedirect.com/science/article/abs/pii/S0028393216304146
https://www.academia.edu/33654772/Epekto_ng_Pagpupuyat_sa_Piskal_Mental_at_Sikolo
hikal_na_Katangian_ng_mga_Mag_aaral_ng_Ikalabing_isang_Baitang
https://www.academia.edu/1822299/Multilingualism_empathy_and_multicompetence
https://www.sciencedirect.com/science/article/abs/pii/S0346251X19301150
https://pmc.ncbi.nlm.nih.gov/articles/PMC7477346/#ref93
https://philippinerevolution.nu/2023/12/21/ang-ofw-sa-gitna-ng-pangungulila-at-krisis/
“Uncertain Homecoming: Challenges Faced by Returned Overseas Filipino Workers.”
https://philippines.iom.int/sites/g/files/tmzbdl1651/files/documents/1_Uncertain%20Homeco
ming%20%20Challenges%20Faced%20By%20Returned%20Overseas%20Filipino%20Workers.pdf
https://acemoneytransfer.com/blog/the-role-of-ofws-in-shaping-filipino-family-dynamicswhile-living-in-italy
https://www.teacherph.com/mga-simpleng-aksyon-ng-suporta-para-sa-magaaral/?fbclid=IwZXh0bgNhZW0CMTAAAR0wNch7qBN39evgnWsCattMHmVOrQZUdjEtKO3
BxmvH5rAnXWLtc6XLxMw_aem_PaLTii-4vkzS1SD6EOMd-w
https://www.philstar.com/pilipino-star-ngayon/opinyon/2022/05/08/2179532/para-sa-mgaofw-wika-ng-dadayuhing-bansa-mahalagang-matutuhan
https://www.philstar.com/pilipino-star-ngayon/opinyon/2022/05/08/2179532/para-sa-mgaofw-wika-ng-dadayuhing-bansa-mahalagang-matutuhan
https://www.bomboradyo.com/mga-ofws-sa-thailand-idinulog-kay-pangulong-marcos-angdiskriminasyon-sa-kanilang-mga-pinoy-na-manggagawa-kumpara-sa-mga-thaiworkers?utm_source=chatgpt.com
https://www.philstar.com/pilipino-star-ngayon/opinyon/2023/09/17/2296929/ofws-minamaliito-iniinsulto-sa-germany
https://www.philstar.com/pilipino-star-ngayon/opinyon/2022/05/08/2179532/para-sa-mgaofw-wika-ng-dadayuhing-bansa-mahalagang-matutuhan
https://linguisity.com/tl/posts/the-rarity-and-benefits-of-being-fluentlybilingual?utm_source=chatgpt.com