Pagbebenta ng
Natatanging
Produkto
Edukasyong Pantahanan at Pangkabuhayan 5
Unang Markahan, Ikatlong Linggo
Unang Araw
Learning
Competency
Nakapagbebenta ng
natatanging paninda
EPP5IE-0b-5
Panuto: Isulat kung ano ang
natatanging produkto na
kailangan ng mga sumusunod na
tao para sa kanilang negosyo.
1. Nagtitinda ng peanut butter sandwich
— ________________
2. Nagkakalamay o nagluluto ng
kakanin — ________________
3. Nagtitinda ng buko juice —
________________
4. Gumagawa ng bagoong —
________________
5. Nagtitinda ng banana cue —
________________
6. Nagtitinda ng balut —
________________
7. Nagbebenta ng camote cue —
________________
8. Naglalako ng dried fish —
________________
9. Nananahi ng damit —________________
10.Nagtitinda ng strawberry jam —
________________
Ngayong araw ay pag-aaralan
natin ang mga pamamaraan sa
pagbebenta ng natatanging
produkto o paninda.
Nangangarap ka bang magkaroon
ng sarili mong negosyo balang-araw?
Anong negosyo ito? Bakit ito ang nais
mo?
Basahin o isagawa ang dula-dulaan sa
ibaba.
Mga Tauhan:
Tagapagsalaysay
Renato at Luis (ang magkumpare)
Tesang (anak ni Renato)
Tagapagsalaysay:
Si Luis ay nagpaplano na magtayo ng maliit na
tindahan ng mga kakanin. Kaya’t naisipan
niyang puntahan ang kanyang kumpareng si
Renato, na isang kilala sa laranga
n ng pagnenegosyo. Si Renato ay may mga
tindahan ng lutong ulam at kakanin
Ang mga ito ay itinitinda sa iba’t-ibang lugar na
may tindahan ng mga pasalubong. Kaya ito ang
naisipan niyang tanungin tungkol sa pagtatayo
ng ganitong negosyo. Pagtitinda rin kasi ng
kakanin ang napili niyang itinda dahil ang
kanyang asawa ay may kaalaman sa pagluluto
ng iba’t-ibang kakanin.
Tagapagsalaysay:
(Sa bahay ni Renato.)
Renato:
Kumusta ka na pare? Bakit
napadalaw ka?
Luis: May sadya sana ako sa iyo, napanood kita
noong isang araw sa tv interview. Sikat na sikat ka
na pati na ang iyong mga panindang ulam at
pasalubong na kakanin. Ang laki na rin ng
naitulong mo sa ating bansa. Marami pa ring mga
negosyante ang gustong umangkat ng iyong mga
produkto para ibenta sa iba’t ibang lugar.
Kung lahat sila ay masusuplayan mo
marami pang manggagawa ang
mabibigyan ng bagong trabaho.
Malaking pera ang maipapasok nito
sa ating bansa dahil sa buwis na
kanilang babayaran.
Renato:
Sana nga pare matuloy. Baka next month
magsimula na akong maghanap
pa ng makakatulong ko sa paggawa ng
mga kakanin.
Kailangang maipromote ko pa
rin ang aking produkto sa iba’t-ibang
media tulad ng dyaryo, radyo,
telebisyon at sa pinakamabilis na
paraan ng pagbebenta, ang internet.
Luis: Naku tamang tama pala ang pagpunta ko
sa iyo hindi ka pa gaanong busy. Pwede mo ba
kong tulungan pare? Gusto ko rin kasing
magtayo ng tindahan ng mga kakanin.
Marunong ding magluto ang kumare mo ng
mga ito. At isa pa, kailangan ko
ng dagdag na kita para sa aking pamilya.
Siyempre gusto ko ring maging katulad
mo someday, makatulong sa mga tao
at sa ating bansa at siyempre maging
isang matagumpay na negosyante.
(tatawa nang malakas)
Renato:
(tatawa rin nang malakas) Kaya mo yan pare. Sige
tutulungan kita. Buti naman pala marunong siya, kasi,
iyon ay isa sa mga kailangan mo sa pagtatayo ng
tindahan ng mga kakanin. Bukod sa may puhunan ka,
kailangan ding marunong kang gumawa o magluto
para makatipid sa pagbabayad sa magluluto.
Ang pagkakaroon ng kaalaman sa
itatayong negosyo ay kinakailangan.
Tagapagsalaysay: (Tumayo si Renato)
Renato: Teka lang pare, hintayin mo ko at
may kukunin lang ako sa kuwarto.
Tagapagsalaysay: (Pumasok si Renato
sa kuwarto at may kinuha. Paglabas
nito ay may dala-dala siyang mga
papel at isa-isa niya itong ipinakita kay
Luis.)
Renato: Pare (ipinakita ang mga papel) ito ang
unang dapat mong lakarin sa pagtatayo ng
negosyo: Department of Trade and Industry
License, Barangay Business Permit at Mayor’s
Permit. Kapag wala ka ng mga permit na iyan,
hindi ka pwedeng magtayo ng anumang
negosyo.
Luis: Bukod sa mga lalakaring
permit, paano ba ang dapat kong
gawin sa pagtitinda ng kakanin
upang ako ay kumita at hindi
malugi?
Renato: Kung desidido ka na talagang
magtinda ng mga kakanin, dapat talagang
alam mo kung paano ba ito ibebenta. Huwag
kang mag-alala pare matutulungan talaga kita
sa paraang iyan. Bukas pumunta ka ulit sa akin
at ipapalista ko lahat sa inaanak mong si
Tesang ang mga dapat mong gawin.
Tagapagsalaysay: Kinabukasan muling pumunta si
Luis sa bahay ng kumpareng si Renato.
Luis: Magandang hapon pare. Pasensiya ka na,
naabala ulit kita.
Renato: Walang anuman yun pare. Teka lang sandali
at tatawagin ko ang inaanak mong si Tesang.
Tagapagsalaysay: (Tinawag si Tesang.)
Tesang: Mano po Ninong. (lumapit at
nagmano sa ninong Luis niya). Heto po
ninong, inilista ko na pong lahat ang
inyong dapat malaman at dapat na
gawin. (sabay abot ng papel)
Luis: Naku, maraming salamat inaanak.
Napakalaking tulong nito sa aming
pamilya sa pagsisimula ng aming negosyo.
Sisikapin namin na magtagumpay kami sa
aming papasuking negosyo.
Tesang: Walang anuman po,
ninong. Sigurado po papatok ang
sisimulan ninyong negosyo.
Luis: O paano pare, magpapaalam na
ako sa iyo. Balitaan kita kapag ayos na
ang lahat ng lalakarin ko. Sa bahay ko na
lamang pag-aaralan ang nakasulat sa
papel na ito. Maraming salamat pare.
Renato:
Walang anuman, hangad ko rin ang iyong
tagumpay.
Tagapagsalaysay:
Pagdating sa bahay ay agad niyang binasa ang
nakasulat sa papel na iniabot sa kanya ng
kanyang inaanak na si Tesang.
Tagapagsalaysay
: Narito ang nilalaman ng sulat.
Ilang mungkahi para sa magsisimulang
magnegosyo:
1.Pumili ng isang produkto na nais gawin at
ibenta.
2. Magmasid sa mga pamilihan ng mga
kaparehong produkto upang makakuha
ng dagdag na kaalaman hinggil sa presyo,
materyales, sangkap, kulay at iba pa.
Kung kakayanin, maaaring bumili ng
paisa-isang piraso ng mga kahawig
na produkto para magsilbing mga
halimbawa sa paggawa ng isang
bagong produkto.
3. Maaaring humingi ng mga opinyon sa mga
kakilala at mamimili ukol sa
pagbuo ng isang disenyo tulad ng hugis, laki,
sangkap, materyales at kulay.
Maaring hawig sa mga halimbawa, na may
pinalitan lamang na ilang bahagi.
4. Gumawa ng prototype o halimbawa ng naisip
na bagong produkto. Subuking gamitin nang
malaman kung gumagana at matibay ito.
Maaaring ipagamit din ito sa ibang tao para
bigyan ng ebalwasyon, komento at suhestiyon.
5. Kung may negatibong puna,
maaaring baguhin ito at pagbutihin pa
sa susunod na prototype hanggang sa
matamo ang tamang produkto na
maaaring ialok sa mga mamimili.
6. Kung nagnanais na mamuhunan at
magbenta nang maramihan, maaaring
magpatulong sa Department of Trade and
Industry (DTI) upang makakuha ng
mga ideya sa pagdidisenyo at pagbuo ng
mga produkto (product development).
Kung ikaw ay desidido na talaga sa
napili mong negosyo — ito na ang
susunod mong gagawin at
tatandaan sa pagbebenta ng mga
paninda:
a. Kumuha ng Certificate of Business Name
Registration mula sa Department of Trade and
Industry (DTI)/Kumuha ng Barangay Business Permit o
Municipal Clearance/Kumuha ng Business Permit
mula sa mayor’s Office/Health Permit (kung may
kinalaman sa pagkain ang nais na itayong
negosyo)/
Kumuha rin ng Business Tax Identification Number
(TIN) para naman sa pagbabayad ng buwis.
b. Kailangang may sapat na puhunan.
c. Ang lugar na pagtatayuan ng tindahan ay
kailangang maraming tao.
d. Pag-aralan ang pangangailangan at hilig ng
mga kostumer o mamimili.
e. Kailangang panatilihing malinis at maayos ang
tindahan at paninda.
f. Mag-isip kung paano maiingganya ang mga
mamimili, maaaring:
1. Sa pagbibigay ng dagdag na serbisyo o produkto
na hindi ibinibigay ng iba tulad ng pagbibigay ng
buy one take one (free) o promo
2. Sa pagbibigay ng diskuwento
(discount) sa mga kostumer
3. Pagpopromote ng produkto sa iba’tibang media tulad ng dyaryo,
radyo, telebisyon at internet
4. Pagpapaganda ng packaging
5. Paggamit ng USP (Unique Selling
Proposition) o natatanging
panukala sa pagbebenta
g. Kailangang alam kung paano ito ibebenta (per
piraso/per dosena/ per
bilao/ per kilo at iba pa)
h. Maging malikhain sa pagpapakilala ng mga
produkto.
i. Isipin ang serbisyo na dulot nito at siguraduhing
makikinabang ang lahat ng mamimili.
Luis: Hay, salamat malaking tulong itong ginawa ni
pareng Renato sa akin. Kailangang maunawaan
at matandaan ko ang lahat ng mga itinuro niyang
pamamaraan sa pagbebenta ng produkto o
paninda. Kapag nasunod ko ang lahat
ng mga ito, siguradong magkakaroon ako ng kita
at hindi malulugi ang aking itatayong negosyo.
Basahin at sagutin ang mga sumusunod na tanong
tungkol sa dula-dulaan. Isulat ang iyong sagot sa
sagutang papel.
1. Sino ang magkumpare?
2. Ano-ano ang mga dapat ihanda ni Luis bago
magtayo ng negosyo?
3. Paano tinulungan ni Renato si Luis sa itatayo
niyang negosyo?
4. Bakit kailangang bigyang pansin ni Luis ang
mga pamamaraan sa pagbebenta ng mga
paninda?
5. Ano-ano ang mga dapat bigyang pansin ni
Luis sa pagtatatag ng kanyang negosyo?
Tingnan ang pagkakaiba at
pagkakatulad ng mga paraan sa
pagbebenta ng mga sumusunod
na produkto.
1. Ano ang natatanging panindang nasa
larawan?
2. Paano ito ibinebenta?
3. Sa tingin mo ba, nakasusunod sa mga
paalala ang mga taong nagbebenta
nito? Bakit mo nasabi?
Basahin ang mga paalala upang
makasigurado na maibebenta ang
mga natatanging paninda.
Magtala ng 5 natatanging produkto
at isulat ang paraan kung paano ito
ibebenta. Gamitin ang iyong
sagutang papel.
Isulat ang Wasto kung ito ay tamang
paraan ng pagbebenta ng
natatanging paninda at isulat ang
Mali kung hindi. Gamitin ang iyong
sagutang papel.
______1. Pinapanatiling malinis at maayos
ang tindahan at mga paninda.
______2. Ipinagbibili ng per kilo ang bigas at
isda
______3. Inilalagay ang mga tindang ulam
sa loob ng cabinet na may screen.
______4. Ibinebenta sa mataas na halaga ang
prutas na may mababang uri.
______5. Sumusunod sa pamantayang
pangkalusugan ang mga namamahala ng mga
panindang may kinalaman sa pagkain.
______6. Maging malikhain sa presentasyon ng
mga produkto.
______7. Ang isang negosyante ay dapat
maging matalino sa paggamit ng
iba’t-ibang paraan upang makilala at
maibenta ang kanyang produkto.
______8. Ang paggawa ng logo ng isang
produkto ay hindi na kinakailangan.
______9. Ang pagbebenta ng mga natatanging
paninda ay ibinebenta lamang ng palako o sa
pwesto.
______10. Kinakailangang magkakauri ang mga
paninda sa pag-aayos nito sa mga lalagyan.
Sa pamamagitan ng isang graphic organizer,
ipakita kung paano mo mapapaganda ang
isang paninda upang mas tangkilikin ito ng
mga mamimili. Gawing gabay ang mga
sumusunod. Isulat ang sagot sa iyong
sagutang papel.
Nagbebenta ka ng mga ballpen na may
kasamang flashlight at pito sa iyong mga kamagaral. Marami sa kanila ang bumibili dahil kakaiba
ang iyong itinitinda. Kinabukasan, ang isa sa iyong
kamg-aral ay nagbebenta na rin ng ganitong
produkto. Ano ang gagawin mo?
Tandaan
Mahalagang maunawaan at matandaan ang
mga _____________ sa pagbebenta ng natatanging
produkto o __________ upang matiyak na magiging
patok ito sa mga konsyumer o ___________.
Makasisiguro rin na magkakaroon ng ________ at
hindi malulugi ang ____________.
Panuto: Basahing mabuti ang
bawat pangungusap. Piliin at
isulat ang titik ng tamang sagot
sa iyong sagutang papel.
1. Isang paraan kung saan kailangan ang kaunting
patikim upang magustuhan ng kostumer ang
produkto at ipagkalat ito sa iba.
a. Pagbibigay ng promo
b. Pagbibigay ng free taste
c. Paggamit ng internet/social media
d. Pangangalap ng pondo para sa negosyo
2. Ginagawa ito upang maging kaaya-ayang
tingnan ang produktong nakadisplay para sa
mga mamimili.
a. Pagbibigay ng promo
b. Pangangalap ng pondo
c. Pagpapaganda ng packaging
d. Paggamit ng USP (Unique Selling Proposition)
3. Upang mapadali ang pagbebenta, kailangang
magpokus kung ano ang interes at gusto ng mga
posibleng kostumer sa pamamagitan ng:
a. Pagbibigay ng promo
b. Pag-aaral sa target market
c. Pagpapaganda ng packaging
d. Paggamit ng internet /social media
4. Upang maging accessible ang negosyo, gumagawa
ang iba ng website, Facebook page, Twitter at
Instagram upang maipakita ang kanilang
produkto at serbisyo.
a. Pangangalap ng pondo
b. Pagpapaganda ng packaging
c. Paggamit ng internet /social media
d. Paggamit ng USP (Unique Selling Proposition)
5. Paraan kung saan namimigay ng souvenir
items kapag marami ang inorder na produkto.
a. Pagbibigay ng promo
b. Pangangalap ng pondo
c. Pagpapaganda ng packaging
d. Paggamit ng internet /social media
6. Ang sumusunod ay ilan lamang sa mga
negosyo o tindahan ng mga produktong
natatangi maliban sa isa. Alin ito?
a. sari-sari store
b. tindahan ng mga bag
c. tindahan ng mga sapatos
d. tindahan ng mga chocolate
7. Maraming paraan upang maipakilala ang
isang produkto. Alin sa mga sumusunod ang
pinakamabilis na paraan?
a. ilako
b. internet
c. pagbabando
d. ibenta sa mga kakilala
8. Ang sumusunod ay mga social networking site na
mabilis na paraan upang makilala at mabenta ang
mga produkto maliban sa isa. Alin ito?
a. Facebook
b. Instagram
c. Twitter
d. Waze
9. Sa pagbebenta ng mga produkto ito
ay kinakailangang —
a. ginaya sa iba
b. mataas ang uri
c. madaling masira
d. mababa ang kalidad
10. Paano ibebenta ang mga sumusunod na
produkto: bawang, sibuyas,
carrot at patatas?
a. kinikilo
b. nakabote
c. nakalata
d. per dosena
Panuto: Bilang isang entrepreneur, anong paninda
ang naiisip mong ibenta sa mga tao o sa iyong
kostumer? Iguhit mo ito sa isang malinis na papel at
kulayan. Sa ilalim nito, sumulat ng isang talata na
binubuo ng 5-10 pangungusap. Iyong ilalahad
ang mga dapat isaalang-alang sa pagbebenta ng
mga produkto.
Ikalawang Araw
Sa nakaraang aralin ay natutuhan mo ang mga
negosyo na maaaring pagkakitaan at ang mga
taong nagangailangan ng ankop na produkto at
serbisyo. Ang mga ito ay maaaring gawin sa tahanan
at pamayanan sa pamamagitan ng
pagtitinda. May alam ka bang mga produktong
maaari mong ibenta? Ano-ano ang mga
ito?
Ngayong araw ay pag-aaralan
natin ang mga pamamaraan sa
pagbebenta ng natatanging
produkto o paninda.
Sa pagpapatuloy ng aralin, basahin
at unawain ang bawat linya ng tula.
Tindahan ni Inay
Sa aming pamayanan
Ay may tingiang tindahan,
May sariwang isda
Mga gulay na masustansiya
Prutas na makulay Dagdagan pa ng
serbisyong mahusay Tindahan ng
aking inay
Sari-saring paninda ang taglay.
Panuto: Sagutin ang mga sumusunod na
tanong. Gawin ito sa kwaderno.
1. Ano-ano ang mga nabanggit na tinda ng
kanyang inay?
2. Ano ang tawag sa tindahang ito?
3. Bakit kaya ito ang itinitinda ng kanyang inay?
4. Paano ang pagtitinda ng kanyang inay?
5. Marami kaya ang bumili sa tindahan ng
kanyang inay? Paano mo nasabi?
Ang Pagbebenta ng mga Natatanging Paninda
Sa pagsisimula ng isang negosyo kailangang
isaalang-alang ang pagiging masinop at malikhain.
Ito ay makatutulong para mapalago at
mapangalagaan ng mabuti ang napiling negosyo.
Narito ang ilang mungkahi na dapat tandaan.
1. Piliin at suriin ng mabuti ang produktong nais
ibenta.
2. Maging mapanuri sa mga produktong makikita sa
mga tindahan at kilatisin ng mabuti ang presyo, klase
ng materyales, sangkap na ginamit, kulay at iba
pa. Kung matibay at dekalidad ang produkto, bumili
ng magkakahawig na maaaring magsilbing gabay sa
pagbuo ng panibagong produkto.
3. Para lalong mapaganda at masiguro
ang kalidad ng disenyo ng isang
produkto maaaring magtanong at
humingi ng mga suhestiyon mula sa mga
kakilala at mamimili.
4. Lumikha ng kaparehong produkto at
subukan ang tibay nito sa pamamagitan ng
paggamit araw-araw. Maaaring ipagamit
din ito sa ibang tao para sa mga
karagdagang komento kung paano mas
papagandahin ang produkto.
5. Tanggapin ang mga negatibong
komento kung mayroon man para
baguhin at pagandahin ang
kaparehong produkto upang makamit
ang kalidad nito na maaaring
tangkilikin ng mga mamimili.
6. Kung nais makapagbenta ng maramihan at
makakuha ng paunang puhunan,
maaaring dumulog sa Department of Trade and
Industry (DTI) para sa mga karagdagang konsepto
sa pagdidisenyo at pagbuo ng mga produkto
(product development).
Panuto: Basahin ang bawat pangungusap at
lagyan ng tsek [✓ ] ang bawat bilang
kung sang-ayon at (✕ ) naman kung hindi.
1. Ang paghingi ng opinyon sa mga kakilala at
mamimili upang malaman
kung ang iyong produktong ninanais ay maaari
mong gawin bilang isang entreprenuer.
2. Kung may mga negatibong puna sa iyong
produkto ay hayaan nalang at ituloy ang
pabebenta nito.
3. Ang pagpili ng produktong ibebenta na patok
sa masa at madaling gawin
upang maging matiwasay at maayos ang
pagtitinda.
4. Sa pamumuhunan at pagbebenta
ay dapat lumapit sa Depatment of
Education.
5. Mas mabuting gumawa ng prototype
o halimbawa ng ibebenta mong
produkto.
“I CAN BE ENTREPINOY”
Kung ikaw ay magiging isang entrepreneur balang
araw, ano-ano kaya ang mga dapat mong gawin at
isaalang-alang sa pagbebenta ng mga natatanging
produkto na magiging patok sa masa? Paano mo ito
palalaguin? Magbigay ng mga magagandang
katangian na aakma sa katagang “ I CAN BE AN
ENTREPINOY” .
Ang inyong tindahan ng mga gulay ay
hindi na kumikita dahil sa may nagtayo
rin ng bagong gulayan sa may tapat ng
inyong bahay. Ano ang
maimumungkahi mo sa iyong nanay?
Piliin sa loob ng kahon ang
salitang tutugon sa patlang
sa bawat pangungusap.
1. Ang isang ay kailangang
maging masinop at malikhain.
2. Pumili ng isang na nais gawin o
ibenta.
3. Magmasid sa mga pamilihan ng
mga kaparehong produkto upang
makakuha ng dagdag na kaalaman
o hinggil sa presyo, materyal na
ginamit, sangkap, kulay at iba pa.
4. Gumawa ng o halimbawa ng naisip ng
bagong produkto. Subuking gamitin nang
malaman kung gumagana at matibay ito.
Maaaring ipagamit din ito sa ibang tao para
mabigyan ng ebalwasyon, komento, at
suhestiyon.
5. Kung nagnanais na mamuhunan at
magbenta nang maramihan, maaring
magpatulong sa upang makakuha ng mga
ideya sa pagdedesisyon at pagbuo ng mga
produkto (Product development).
Panuto: Basahing mabuti ang mga
sumusunod na sitwasyon. Ilagay sa
loob ng kahon ang tsek (✓ ) kung
sang-ayon, (X) naman kung hindi.
Ikatlong Araw
Panuto: Isulat sa patlang ang Tama kung
wasto ang ipinahahayag ng pangungusap
at Mali kung di-wasto ang ipinahahayag
ng pangungusap. Salungguhitan ang
salitang nagpahayag ng mali at
isulat sa patlang ang tamang salita.
__________1.Maging maingat sa pagpili ng mga
produktong ibebenta.
__________2.Isaayos ang mga paninda sa tamang
lugar na nakikita ng mga mamimili.
__________3.Itinda lamang ang mga produktong
mamahalin at imported.
__________4.Ang isang entrepreneur ay kailangang
maging masinop at malikhain.
__________5.Gayahin kung ano
ang mga produktong itinitinda
sa kalapit na tindahan.
Ngayong araw ay pag-aaralan
natin ang mga pamamaraan sa
pagbebenta ng natatanging
produkto o paninda.
Bilang isang entrepreneur na nagnanais na magtayo ng
negosyong pantahanan o pampamayanan, kailangan
mong matutuhan ang mga paraan at paalala kung
paano maibebenta ang mga natatanging paninda.
Makatutulong ito upang matiyak na ang produkto ay
magiging patok sa mga mamimili at makapagbibigay
sa iyo ng tiyak na kita.
Mga wastong Pamamahala at Pag-iingat sa mga
Natatanging
Paninda
Ang isang entrepreneur ay kailangang maging
masinop at malikhain.
Ano kaya ang mga maaring gawin upang maging
maganda at maayos ang
mga produktong paninda?
Pamamahala sa mga Produkto
Pangasiwaan nang wasto at maayos ang
mga paninda. Ang maayos na
pangangasiwa ay ang susi upang lumago
ang isang negosyo. Kailangang may alam
sa kalakaran sa pagbebenta ang taong
nangangasiwa upang hindi ito malugi.
Palagiang alamin ang kasalukuyang presyo sa
pamilihan upang maiwasan ang pagkalugi.
Paibaiba ang presyo ng bawat produkto. Ito ay
batay sa dami ng supply ng bawat produkto.
Ang Department of Trade and Industry (DTI ) ang
nagpapatupad ng mga itinakdang presyo ng
mga bilihin.
Panatilihin ang magandang kalidad ng mga
produkto. Upang mahikayat ang mga
mamimili kailangan ang magandang
kalidad. Kailangan ang kanilang bayad sa
produktong kanilang bibilihin.
Pumili ng produktong naiiba at patok sa mga
mamimili.Mahalagang maibenta ang mga
produkto sa takdang oras. Magiging patok ang
mga produkto kung hindi mo gagayahin ang
mga paninda ng iyong katabing tindahan.
Pag-iingat sa mga Ipinagbibiling Produkto
1. Gawing malinis ang mga produktong
ibebenta.
2. Gumagamit ng malinis na kagamitan at
kasangkapan sa pagbebenta ng produkto.
3. Sumusunod sa pamantayang pangkalusugan
sa pagbebenta ng produkto.
4. Siguraduhing nasuri ng inspector
ang mga produktong ibebenta.
5. Suriin ang expiration date ng mga
produkto.
Panuto :Lagyan ng tsek (✓) ang
pangungusap na nagpapahayag ng
wastong pamamahala at pag-iingat sa
mga natatanging paninda at ekis (X)
naman kung mali.
_____1. Paggamit ng angkop na kagamitan at
kasangkapan sa produktong ibebenta.
_____2. Pagsasaayos ng mga paninda o produkto
sa isang lugar.
_____3. Pumili ng produktong may mas mataas
ang presyo.
_____4. Maaaring ibenta ang expired na
produkto.
_____5. Mahalaga ang kalinisan sa
paghahanda at pagtitinda ng mga
produkto.
Panuto: Piliin ang letra ng tamang sagot sa
bawat pangungusap.
1. Anong uri ng paninda ang maaaring piliin ng
mga mamimili?
A.masarap at gusto
B. mahal ang presyo
C.maliliit at kaunti
D. marami pero di masarap
2. Sino ang tagasuri upang matiyak ang kalinisan
at pangkalusugan sa mga produktong
ibebenta?
A .mamimili
B. pulis
C. inspector
D. tindera
3.Ano ang magpapatunay na ang
produkto ay hindi na maaaring ibenta?
A. manufactured
B. B.distribution date
C. expiration date
D. date purchased
4. Anong katangian ang Hindi dapat isaalang
sa pagpili ng mga produktong ibebenta?
A. may kalidad
B. malinis at maayos
C. mataas ang presyo
D. patok sa mamimili
5. Ito ang itinatakda ng isang negosyante
sa produktong nais ibenta sa Pamilihan.
Ano ito?
A. bilang
B. dami
C. kulay
D. presyo
Kung ang iyong kapatid ay
nagpaplanong magtayo ng negosyo ano ang maipapayo mo sa kanya na
dapat niyang unahing gawin?
Ang isang entrepreneur ay kailangang
maging masinop at malikhain. May mga
wastong pamamahala at pag-iingat sa
mga natatanging paninda.
Anu-ano ang wastong pamamahala sa
mga natatanging paninda?
Panuto: Piliin ang letra ng tamang sagot.
1 Paano tatangkilikin ng iyong mga suki an mga
ibenebenta mong paninda?
A. Gayahin ang paninda ng iba.
B. Siguraduhing maganda ang kalidad
C.Ibigay ang pinakamababang presyo kahit malugi.
D.Ipasara ang ibang tindahan malapit sa iyo.
2.Ano ang tawag sa petsa na nakatatak sa pakete
o pinaglalagyan ng produkto na nakatutulong kung
hanggang kailan ito maaaring kainin o magamit?
A.Kaarawan
B.Araw ng Paggawa
C.Expiration date
D.Pagtatapos
3.Sinong tao ang maaaring bumisita sa lugar na iyong
pinagtitindahan upang masiguro ang kalidad at
tamang presyo ng mga produktong ibenebenta?
A.nars
B.guro
C. inspector
D. mga mamimili
4. Ano ang dapat gawin upang hindi malugi sa
pagbebenta ng produkto?
A.Alamin palagi ang presyo sa pamilihan.
B.Doblehin ang presyo ng produkto.
C.Bawasan ang dami ng ibinibigay sa mga mamimili.
D.Ipamigay sa mga tao ang mga produkto upang
maubos ang mga ito.
5. Nais ni Aling Gloria na magtayo ng isang sarisari store. Saang lugar maaaring niyang itayo ito?
A. sa lugar na may maraming tao
B. sa lugar na kakaunti ang tao
C. sa liblib na lugar
D.sa lugar na di nararating ng mga tao
Ikaapat na Araw
Panuto: Isulat sa patlang ang Tama kung
wasto ang ipinahahayag ng pangungusap
at Mali kung di-wasto ang ipinahahayag
ng pangungusap. Salungguhitan ang
salitang nagpahayag ng mali at isulat sa
patlang ang tamang salita.
__________ 1. Ang pag-online selling ay ginagamitan
ng internet.
__________ 2. Hindi maaaring magtinda kung walang
puwesto o lugar na pagbebentahan.
__________ 3. Mababa ang halaga sa paraang
pakyawang pamimili.
__________ 4. Ang paglalako ay ang pag-
iikot ng mga paninda sa iba’t ibang lugar.
__________ 5. Ang pag-aangkat o
consignment ay pagpapautang ng mga
paninda ng mga supplier at babalikan ang
bayad sa takdang oras.
Ngayong araw ay pag-aaralan
natin ang mga pamamaraan sa
pagbebenta ng natatanging
produkto o paninda.
Lagyan ng tsek(✓ ) ang mga
nagpapahayag ng wastong
pamamahala at pag-iingat sa mga
natatanging paninda at ekis (X)
kung mali.
_____1. Paggamit ng mga kagamitang
malinis at angkop sa paninda.
_____2. Pagsasaayos ng mga paninda
o produkto sa isang lugar na hindi
nakikita ng mga mamimili.
_____3. Pagpili ng produktong mataas ang
kalidad ngunit abot kaya ang presyo.
_____4. Pagtanggal ng mga expired na
paninda sa inyong tindahan.
_____5. Pagpapahalaga ng kalinisan sa
paghahanda at pagtitinda ng mga produkto.
Bago tayo mag-umpisa sa ating aralin, gusto
kong malaman kung kayo ay nakaranas nang
magbenta ng mga produkto? Kung nagsisimula
o nag-iisip ka pa lang kung ano ang maaaring
pagkakitaan at ang paraan kung paano
maibebenta ang mga natatanging paninda.
Mga Paraan ng Pagbebenta ng
Natatanging Paninda
1. Pakyawan o Wholesale - Maramihan ang
pagbebenta ng pakyawan.
Mas mababang halaga ang presyo kapag
maramihan ang pinag uusapan sa bentahan.
Halimbawa: isang bilaong puto isang kaing na
mangga isang tray ng itlog na maalat isang
paketeng pulburon
2. Tingian o Retail- Ito ay ang
pagbebenta ng paisa-isa o pauntiunti sa mga mamimili.
Halimbawa: vendor sa palengke
sari-sari store canteen/ karinderya
3. Paglalako- Ito ay isang paraan ng
pagbebenta na kung saan ay inilalako ang
mga paninda sa mga suki o mamimili.
Halimbawa: ice cream o sorbets mga gulay
o prutas sa Kariton , taho
4. Pag-angkat- Ito ang tinatawag din nating
consignment. Ibibigay ang produkto nang wala
pang bayad. Babayaran ito sa takdang araw
na napag-usapan.
Halimbawa: mga paninda sa sari-sari store mga
softdrinks sa tindahan.
5. Online Selling- Ito ang pagbebenta ng mga
produkto na hindi umuupa ng pwesto. Ito ay
pagbebenta ng produkto sa pamamagitan
ng social media.
Halimbawa: pagbebenta ng mga pagkain at
mga kagamitan gamit ang facebook.
Instagram at iba pa.
Panuto: Tukuyin ang mga larawan sa
ibaba. Isulat sa patlang ang paraan
ng pagbebenta ng mga natatanging
paninda. Piliin ang sagot sa
loob ng kahon.
Panuto: Basahin at unawain
ang isinasaad ng pangungusap
sa bawat bilang. Isulat ang
salitang tinutukoy.
_______1.Anong P ang pagbebenta ng mga
produkto sa mga bahay bahay?
_______2.Anong O ang pagbebenta ng mga
produkto gamit ang internet?
_______3.Anong P ang tinatawag na consignment?
_______4.Anong T ang pagbebenta ng iba’t ibang
produkto nang paisa-isa?
_______5.Anong P ang pagbebenta nang maramihan
Bakit mahalaga ang magkaroon ng
Negosyo? Paano ito makatutulong
sa iyo bilang mag-aaral?
May mga paraan tayo sa pagbebenta ng mga
paninda. Anu-ano ang mga paraang ito?
1.________________________
2.________________________
3.________________________
4________________________
5.________________________
Panuto: Basahin ang sitwasyon
sa bawat bilang. Sagutin ang
mga tanong.
Piliin ang letra ng tamang sagot.
1.Si Ana ay naubusan ng puhunan sa pagtitinda. May
supplier ng mga paninda ang nag-alok sa kanyang
sari-sari store. Anong paraan ng pagbebenta ang
maaaring gawin ni Ana?
A. paglalako
B. online selling
C. pakyawan
D. pag-aangkat o consignment
2. Maraming inaning gulay si Mang Arnel sa kanyang
bakuran. Gusto niyang ibenta nang mabilisan gamit
ang internet. Sa anong paraan niya ito maibebenta?
A. online selling
B. pakyawan
C. paglalako
D.pag-aangkat
3.Ano ang paraan ng pagbebenta ng mga
produkto na maaaring paisa-isa sa sari-sari
store ?
A. pakyawan
B. tingian
C. paglalako
D. consignment
4.Ano ang tawag sa pagbebenta nang
maramihang produkto gaya ng sako-
sako at kaing- kaing na mga gulay at prutas .
A. retail o tingian
B. B.paglalako
C. pakyawan
D. online selling
5.Ito ay paraan ng pagbibigay ng produkto nang
wala pang bayad. Babayaran ito sa takdang araw
na napag-usapan. Ano ang tawag dito?
A.paglalako
B. tingian
C.pakyawan o wholesale
D. consignment
Ikalimang Araw
Panuto: Buuin ang mga
salita gamit ang bilang ng
mga letra sa alpabeto.
Ngayong araw ay pag-aaralan natin
ang mga pamamaraan sa
pagbebenta ng natatanging produkto
o paninda.
Iguhit ang masayang mukha ( ☺ )
kung wasto ang isinasaad ng
pangungusap at malungkot na
mukha (☹ ) kung hindi wasto.
__________ 1. Ang facebook ay maaaring
gamitin sa pagbebenta ng mga produkto.
__________ 2. Ang online selling ay ginagamitan
ng internet.
__________ 3. Nakatitiyak tayo na maganda ang
kalidad ng lahat ng produkto sa online selling.
__________ 4. Maaaring makabili ng
iba’t ibang produkto gamit ang
internet .
__________ 5. Maaaring makahingi ng
discount o tawad sa presyo kung
bibili online.
Pagbebenta ng Natatanging Paninda
Gamit ang Social Media o Online Selling
Sa panahon ngayon, karamihan sa mga
tao ay umaasa na lamang sa pagbili
online gamit ang internet.
Online Selling
∙ Ito ay ang pagtitinda ng produkto na
ginagamitan ng electronics o internet.
∙ Ito ay ang pagtitinda sa internet gamit ang
websites, applications o mga social
networking sites.
∙ Ito ay katulad din ng katalog na
may mga larawan at presyo.
Pipili lamang ang mga mamimili sa
pamamagitan ng internet .
∙ Kapag may nagustuhan ang mamimili ay maari
niyang padalhan ng mensahe ang negosyante
sa pamamagitan ng chat o text. Kapag nakapili
na ay maaring bayaran ito ng namimili sa mga
accredited payment center o personal account
ng may-ari o kaya naman ay cash on delivery.
∙ Kapag nagkasundo na ang
dalawa ay ipapadala ng seller ang
produkto sa kanyang mga
accredited courier.
∙ Halimbawa ng online selling:
1. Lazada
2. Online Market
3. Shopee
4. SM store
5.Facebook page
6. ebay
Ang mga produktong maaaring ibenta
online ay ang mga sumusunod:
1. Digital products- halimbawa: e-books,
images,music, videos.
Computer software at website
2.Physical products-
Halimbawa:groceries, pagkain,
pampaganda, gamot
Panuto: Iguhit ang tala (
)kung tama ang
isinasaad ng pangungusap at buwan (
) kung
mali.
______1.Ginagamit ang facebook sa pagbebenta
ng mga produkto online
______2.Maaaring bumili ng pagkain online kahit
walang internet o data.
______3.Ang pagbebenta online ay
nangangailangan ng gadget at internet.
______4.Binabayaran muna ang mga produkto
sa lahat ng online selling bago ipapadala sa
mamimili.
______5.Halos lahat ng produkto ay mabibili
online.
Panuto: Magbigay ng limang
pangalan ng kilalang online seller.
Paano mo gagamitin ang iyong
Facebook account sa pagnenegosyo ?
Ano ang dapat mong tandaan sa
pagbenta ng mga produkto online ?
Panuto: Punan ng wastong
sagot ang tsart.
Panuto: Lagyan ng masayang
mukha ang patlang kung tama
ang isinasaad ng pangungusap at
malungkot na mukha kung mali.
_____1.Ang online selling ay maaaring gawin
kahit nasa bahay lamang.
_____2.Hindi na kailangan ng data o internet
kapag nagbebenta online.
_____3.Maaaring magbenta ng mga
natatanging paninda sa facebook o group
chat.
_____4.Maraming pagpipiliian na online store
upang makabili ng mga produkto.
_____5.Bilang isang mag-aaral sa ikalimang
baitang, maaari kang magbenta ng mga
produkto gamit ang online selling.