Pandak Pero Palaban: Ang Munting Mundo ng ‘Cute Phenomenon’
Marielle Eunice O. Belleza
Arcelle Mariz D. Braganza
Arabella Louise C. Istino
Jeremiah Anthony A. Ouano
Isang Papel Pananaliksik bilang
Pinal na Pagsusuma sa Malayuning Komunikasyon
Mayo 2024
Noon, pagiging maganda, matangkad, maputi, o balingkinitan lamang ang batayan sa
kasikatan. Ngunit sa paglipas ng panahon, nagbabago na rin ang pamantayan ng mga tao sa
kani-kanilang interpretasyon ng kagandahan na makikita sa pambihirang kasikatan ng ‘cute
phenomenon’. Mula sa paboritong laruan, libangan, o iba pang kinagigiliwan, hindi na talaga
napapakawalan ang pagkagigil ng lahat sa cute sapagkat kasabay ng paglaganap nito ay ang
pag-iiba din ng disenyo at uri ng kulturang popular na iniaayon ng mga kompanya sa
nauusong penomenon. Manipestasyon ng hindi pagkawala ng cute sa paglipas ng panahon ay
ang mga laruang naging uso sa iba’t ibang mga henerasyon tulad ng Beanie Babies, Funko
Pop, Shopkins, Hatchimals, at Sonny Angels. Mula sa pagkagiliw na nauuwi sa pagkokolekta,
makikita na sa paglipas ng panahon, ang mga matatanda ay nakikilahok na rin sa uso. Kahit
ilang taon man ang lumipas, positibo man o negatibo ang epekto, o sa anumang larangan at
aspekto ng buhay, hindi ito nawawala. Sa halip, nagbabago lamang ang kanilang mga anyo.
Sa pamamagitan ng pananaliksik, sisikapin ng sanaysay na maintindihan ang cute
phenomenon at mailahad ang implikasyon ng iba’t ibang aspekto nito sa kulturang popular,
saan nga ba ito nanggaling, at ang epekto ng cuteness sa lipunan. Cute ka man o hindi,
papasukin natin ang munting mundo ng cute phenomenon.
Mga Susing-Salita
Cute, kagandahan, laruan (Beanie Babies, Funko Pop, Shopkins, Hatchimals, at Sonny
Angels), at pandak.
___________________________________________________________________________
Ang Munting Kasaysayan
Aww, ang cute! Masarap yakapin, kurutin, at pisilin– ito ang mga ninanais ng
karamihan kapag nakaharap sa cute na mga bagay. Ito ay bunga ng cute phenomenon, kung
saan ang cuteness, sa laruan man o telebisyon, ay tila ba’y makikita sa lahat ng sulok ng
mundo. Ayon sa artikulo ni Anadromist, ang salitang cute, katulad ng lahat ng salita, ay hindi
umiiral sa simula. Sa katunayan, kung pag-uusapan ang mga salita, ito ay medyo bago pa
lamang. Nagmula ito sa salitang acute na nangangahulugang matalim. Ang isang
pinagmulang biswal na sining ng cute ay nakaugat sa Victorian Era na pinangunahan ni Peter
Paul Rubens sa kaniyang mga maliit na Herculean cherubs. Nailalarawan ang mga cherubs
bilang mga anghel na sanggol, sobrang mataba, at nagsimula sa isang tunguhin patungo sa
sentimentalization ng mga munting anghel na rosas na nadala sa sukdulan ng isang Romantic
na pintor tulad ni William Adolphe Bouguereau.1 Ayon kay Anadromist, “With Bouguereau,
the worm is evidently in the apple. Maybe I was wrong about the Western exclusion of sex
from cuteness.” sinasabi dito na ang paglalarawan ni William sa kaniyang mga anghel ay mas
nagbibigay-diin sa mga parte ng katawan na siyang mas nagpapakita ng seksuwalidad kaysa
kay Rubens.
Sa taong 1960s, ang kawaii naman ay naging isang malaking karagdagan sa kanon ng
cute na dumating mula sa postwar Japan sa anyo ng manga at anime. Ang pananaw ng kawaii
sa lipunang Hapon ay pangunahing nauugnay sa ganap na pagtanggi sa kariktan at
kagandahan, na nakatuon sa isang asal ng bata katulad ng kahinaan, labis, at pantasya. Ang
tilang immature na asal na ito ay tinatanggihan ang mahigpit na mga kumbensiyon ng
lipunang Hapon na pabor sa bukas na pagpapahayag. Ang mga karakter sa anime ay
“Sacred Cows #9: A Brief History of Cute”, Anadromist, 8 Marso, 2019,
https://theanadromist.wordpress.com/2016/03/01/sacred-cows-9/.
1
partikular na mahalaga sa pagpapahayag ng damdaming kawaii dahil ang kanilang
pagpapakita ng emosyonal na kahinaan ay nagbibigay ng isang kultural na paraan upang
yakapin ang damdamin ng mga tao nang hindi direktang hinaharap ang mga ito.2 Ang
napakalayong anime na cartoon mula noong 1960, na kilala sa kanluran bilang Alakazam the
Great (Saiyûki), ay nagpapakita kung gaano kalaki ang impluwensiya ng Disney sa industriya
ng Hapones na cartoon at talagang makikita sa pinalaki na mga mata ng mga karakter ang
pag-aangkop nito sa standard ng cute. Makikita din dito ang katangian ng kawaii bilang
dinamakong at ekonomikong pagtanaw sa cute. Subalit ang tunay na kakaibang katangian ng
anime ay ang kawaii na nagbibigay-daan para sa seksuwalidad at karahasan sa mga paraan na
hindi naipapahayag sa kanlurang cartooning sa loob ng maraming taon.3 Naghahandog ang
kawaii sa mga lumikha ng artistic freedom upang tuklasin ang mga tema ng sekswalidad at
karahasan, na kumikilala sa iba't ibang manonood na may sari-sariling kultura.
Sa pagitan ng Victorian Era at panahon ng mga Hapon, ang malaking pagkakaiba ng
mga nito ay patunay na kasabay ng paglipas ng mga dekada, ang cute phenomenon ay
nagbabago at umiiral din sa pamamagitan ng pag-ayon ng iba’t ibang anyo nito sa kung ano
ang kasalukuyang nauuso.
Panahon ng Cute sa Sining
​
Hindi na bago sa mga tao ngayon ang pagsunod sa uso. Bukod sa kasaysayan, kalakip
ng pagdaloy ng panahon at sari-saring pagbabago ng pag-unawa ay ang pagkakaroon ng iba’t
ibang representasyon o manipestasyon ng cute lalo na sa larangan ng mga laruan. Isa dito ang
Skye Jones at Lex Lancaster, “Kawaii Revolution: Understanding the Japanese Aesthetics of
‘Cuteness’ Through Lolita and Madoka Magica,” Scholar Commons, Inakses 15 Mayo 2024, p. 49,
https://scholarcommons.sc.edu/uscusrj/vol14/iss1/7.
3
“Sacred Cows #9: A Brief History of Cute”
2
mga nauusong collectibles na sumikat sa iba’t ibang henerasyon.4 Tulad ng Beanie Babies
noong 1993, Funko Pops noong 2010, Shopkins noong 2014, Hatchimals noong 2016 at ang
kasalukuyang sikat na sikat na mga Sonny Angels na unang binenta noong 2005 ngunit mas
nakilala lamang ngayon.
Hindi lamang sa mga laruan ang representasyon ng manipestasyon ng cute dahil
buhay na buhay din ito sa iba pang mga larangan. Makikita na rin ang penomenon sa media
tulad ng pambatang palabas na Cocomelon kung saan ang mga bida nito ay nailalarawan
bilang cute na mga batang may malalaking mga mata. Maliban sa telebisyon, lumalaganap
ang cuteness dahil ito ay makikita na rin sa mga libro o kahit sa mga kuwaderno. Isang
halimbawa ay ang mga librong Precious Moments Little Book of Prayers, Little Book of
Bedtime, at iba pa na mayroong mga cute na bata o anghel sa pabalat nito. Ginagamit din ang
Precious Moments bilang disenyo ng mga karatula sa mga paaralan na siyang mas
binibigyang pansin at nakakaapekto sa paghubog sa mga perception ng mga tao mula
pagkabata dahil kahit sa kani-kanilang mga learning environments ay napapaligiran pa rin
sila ng cuteness. Panghuli, kahit sa mga tatak ng bilihin ay bida pa rin ang cuteness.
Halimbawa nito ay ang Kewpie, isang klase mayonnaise na ang tatak ay isang cute na
sanggol. Ang kanilang logo ay hango sa mga iconic na mga nakangiti na cherubs, partikular
kay Kupido5. Hindi man ito isang laruan, ginagamit pa rin ang penomenon bilang tatak dahil
ang cuteness ay mas nakakaakit sa mga mamimili. Mula sa laruan, palabas, libro, at iba pa,
hayag ang paggamit ng ‘cute phenomenon’ sa kapaligiran.
Anna Cho, “Sonny Angels: The Consumerist Secret That Toy Companies Don’t Want You to
Know,”
https://thehowleronline.org/9720/viewpoint/sonny-angels-the-consumerist-secret-toy-companies-dontwant-you-to-know/?fbclid=IwAR36sgDQ9RQeVLEvp0fddttAJ1bRzLBqJW0T_03b4j2jyWbuK9-O7
KQGAn8_aem_AZ7vvYj_PULXrYnP0RN52coQg7Mp0-VLB8FB5LZsnqPySZDruszoaB5LSDo3Z
mMxyuE#:~:text=Sonny%20Angel's%20official%20slogan%2C%20.
5
Sylvia Tomczak, “Why Kewpie Mayo Has a Baby on Its Logo,” Tasting Table, 14 Nobyembre,
2022, https://www.tastingtable.com/1094436/why-kewpie-mayo-has-a-baby-on-its-logo/.
4
Curious sa Cute
Ang mundo ng cuteness ay higit pa sa nakikita ng mga mata. Para kay Morten L.
Kringelbach, ipinapalaganap ang cute phenomenon sa iba’t ibang larangan na nakakaapekto
sa pandama at matinding pag-akit dahil nasasalamin nito ang anyo ng sanggol. Hango sa
pisikal na katangian ng mga sanggol, tinuturing cute ang mga bagay kapag sila ay may mga
anyong pandak ang katawan, malalaki ang mga mata, matataba ang pisngi, at maliliit ang
ilong. Dulot nitong baby schema, mayroong emosyonal na tugon ang mga tao na tinatawag na
“kama muta,” isang terminong Sanskrit na tumutukoy sa nakakaantig na pakiramdam ng
pagmamahal, paglitaw ng nurturing instinct, at pag-trigger ng empatiya o pakikiramay ng
madla.6 Kapag may nakikitang cute na bagay, napapabilis nito ang orbitofrontal cortex sa
utak na siyang konektado sa emosyon at kasiyahan. Sa pamamagitan ng interpersonal
phantom relationships sa lipunan na ayon kay Kringelbach ay ang pagmamahal pagitan sa tao
at mga cute na materyal, mas lumalago ang kita ng mga kompanyang gumagawa ng mga
produkto tulad ng mga manika, teddies, at mga maliliit na laruan.7 Dahil dito, hindi nawawala
ang cute dahil hangga’t may konsumer, bata man o matanda, ay may mga kompanya na
kumikita.
Dulot ng patuloy na produksiyon, naipapatuloy din nito ang siklo ng pagkakapareho
ng mga katangian na mayroon ang mga laruan sa merkado. Umuudyok ito sa patuloy na
pamimili sapagkat naging malaking bahagi na ang cuteness sa buhay ng karamihan mula
pagkabata. Sa pagbili, nakikilahok na ang mga matatanda o “adultscents” sa cute
phenomenon na nagiging sanhi ng pag-unlad ng Kidult Market. Sa kasalukuyan, dahil may
Kamilla Knutsen Steinnes et al., “Too Cute for Words: Cuteness Evokes the Heartwarming Emotion
of Kama Muta,” Frontiers in Psychology 10 (1 Marso, 2019), 1-2,
https://doi.org/10.3389/fpsyg.2019.00387.
7
Morten L. Kringelbach et al., “On Cuteness: Unlocking the Parental Brain and Beyond,” Trends in
Cognitive Sciences 20, blg. 7 (1 Hulyo, 2016): 545–58, https://doi.org/10.1016/j.tics.2016.05.003.
6
pinansyal na kakayahang bumili, napapalago nila ang industriya ng mga laruan na umaabot sa
$9 billion dollars kada taon, sa kabila ng implasyon.8 Maraming mga artista at influencers sa
Tiktok, Youtube, at Instagram tulad nina Bretman Rock, Top Pops, Andrea Brillantes, at iba
pa ang nakikilahok na rin sa penomenon na ito na siyang nagpapasiklab ng hype sa merkado
at cultivation sa media.
Ang Cultivation Theory ay naglalarawan ng kontribusyon ng telebisyon at media sa
pag-unawa ng mga tao sa realidad. Nauugnay dito ang cute phenomenon dahil sa paglaganap
ng iba’t ibang uri ng media at madalas na pagpapakita ng cuteness sa mga palabas, hinuhulma
na rin nito ang perception, emosyon, at pag-uugali ng mga tao. Para sa madla, kapag
paulit-ulit na ang exposure sa mga nakakagigil na imahe, maaaring madiktahan nito ang sarili
nilang preference sa medya at pagkakaroon ng sariling inaasahan mula sa mga naturang
content.9 Dulot ng karaniwang kagustuhan, napapauso ng nasabing penomenon ang mga
bidyo tulad ng mga kuting at tuta sa internet na umuudyok ng baby fever na nagiging dahilan
sa pagnanais ng magkakaparehas na anyo ng content sa iba’t ibang larangan ng media.
Dahil sa inosenteng imahe at ligtas na aesthetic ng cuteness, maaari itong
pagsamantalahan at gamitin bilang paraan ng pagmamanipula ng anumang uri ng
propaganda. Ayon kay Maria Darwish, makikita ito sa Moominvalley, isang animated
seryeng pambata, kung saan ang mga cute na karakter ay armado at nakamaskara na
nagmamartsa patungo sa isang sinagoga na siyang nagpapalaganap ng propagandang
ecofascism. Isa ring halimbawa ay ang pagtago ng itim na araw, isang simbolo ng Nazismo,
Laura Carrione, “Growing ‘kidult’ Trend Takes Toy Industry by Storm,” Fox Business, 21
Disyembre, 2022,
https://www.foxbusiness.com/retail/growing-kidult-trend-takes-toy-industry-by-storm.
9
Katherine Bobadilla Gaw, “A Cultivation Analysis on the Influence of Children’s Exposure to
Television in their Definition of Beauty” (Tesis Di-gradwado, University of the Philippines, 2014),
30-33.
8
sa isang larawan ni Snufkin mula sa nabanggit na serye. Dito sadyang makikita na ang
paggamit ng cute phenomenon, tulad ng Moomintroll, para sa eco-fascist propaganda ay
hindi lamang para makakuha ng tiwala. Ginagamit din ito upang mang-insulto sa kalaban sa
pamamagitan ng paglapastangan sa mga karakter na kinikilalang mabuti.10
Kagandahan o Kababalaghan?
Ang cuteness ay may dulot na magagandang epekto sa pamumuhay ng madla. Una sa
lahat, hindi kailanman naging limitasyon ang edad sa pakikilahok sa cute phenomenon, lalo
pa’t ngayon na nauuso na ang mga laruan na hindi lamang para sa mga bata kung hindi pati
na rin sa mga tinaguriang “Kidult,” pinagsamang kid at adult. Tumutukoy ito sa mga taong
nasa hustong gulang na, ngunit naaaliw pa rin sa mga cute at nakababatang mga bagay. Dahil
dito, sila na ang target market ng iba’t ibang mga kompanya at mas dumadami ang
produktong ginagawa para suportahan.11
Sa karamihan, nagbibigay ang cute na mga bagay ng kasiyahan o sense of comfort sa
kanilang mga buhay. Maaaring nabibigyan sila ng kaginhawaan mula sa nakakapagod na
araw o linggo. Kapansin-pansin na ang mga kidult ang binebentahan ng mga bagay na ito
sapagkat sila ang madalas na pagod o nakakaramdam ng stress sa trabaho. Habang
tumatanda, mas dumadami ang responsabilidad sa buhay, kaya naman kung minsan, hindi na
nabibigyan ng pansin ang lumalala nilang kalusugang pangkaisipan. Katulad na lamang ng
Sonny Angels, na kadalasan ay kinokolekta ng mga kidult at minsan ay nakasabit pa sa
kani-kanilang mga bulsa o mga pitaka, nagsisilbing guardian angel ang mga ito at siyang
Maria Darwish, “Fascism, Nature and Communication: A Discursive-affective Analysis of Cuteness
in Ecofascist Propaganda,” Feminist Media Studies, 21 Pebrero, 2024, 12-15,
https://doi.org/10.1080/14680777.2024.2313006.
11
Carrione, “Growing ‘kidult’ Trend Takes Toy Industry by Storm.”
10
kinukuhanan ng sense of comfort para sa madla. Gamit ang mga cute na bagay na ito, kahit
na sila ay mga simpleng laruan lamang na kung minsan ay may kamahalan pa,
sinusuportahan pa rin ito ng mga tao dahil nagiging emotional support na ang mga ito sa mga
malulungkot nilang araw.12
Sa larangan ng naturang penomenon, may mga koneksiyon na nakabubuo ng
komunidad para sa mga sumusuporta ng iba’t ibang cute na bagay. Makikita ito sa iba’t ibang
social media platforms tulad ng Facebook, Twitter, Tiktok at Instagram.13 Isang halimbawa ay
ang Sonny Angels Community na kung saan mayroong mga taong nagbebenta ng mga rare,
unsealed items na minsan ay pinagtutulungan pang hanapin. May mga grupo din sa Facebook
na kung saan nakikipagusap ang mga taong mahilig sa Sonny Angels tungkol sa paghahanap
ng mga damit para nasabing mga laruan, pagbabahagi ng mga freebies, at pagbubukas ng
blind boxes na ibinibenta rin nila. Ang Funko Pops Community ay isa rin sa mga may
malalaking komunidad sa larangan ng cute phenomenon. Nagkakaroon ng network ang mga
tao dito sa pamamagitan ng pinagsasaluhan na interes ng mga fandom at pagsilbing
merchandise ng mga nasabing laruan na sumisimbolo sa kani-kanilang mga iniidolo o
paboritong karakter. Dahil dito, nagkakaroon ng sense of community at makabuluhang
koneksiyon ang mga taong magkakapareho ang kinahihiligan.
Ngunit sa tunay na buhay, kung may kagandahan ay mayroon ding kababalaghan.
Hindi maiiwasan na magkaroon ng negatibong epekto ang mga phenomenon na labis ang
kasikatan at impluwensiya sa mga tao. Isa na rito ang pinansiyal na kapabayaan. Sa pagsikat
ng cuteness, dumadami ang tumatangkilik dito na siyang nagpapataas ng demand at supply ng
12
Carrione, “Growing ‘kidult’ Trend Takes Toy Industry by Storm.”
Tora Northman, “How Sonny Angels Kickstarted a Collector Culture,” Highsnobiety, 16 Pebrero,
2024, https://www.highsnobiety.com/p/sonny-angel-collecting-trend/.
13
mga cute na produkto, kasama na rin ang dagdag sa presyo. Ang target market ay ang mga
taong nasa hustong edad na at may kalayaan na gamitin ang kanilang pera sa mga luho. Kaya
naman, para mapasaya ang kani-kanilang mga inner child, mas nagiging dahilan ang retail
therapy sa kapabayaan at pagiging iresponsable ng isang tao sa kaniyang mga pinansiyal na
pangangailangan. Sa sobrang pagkahumaling sa cute at pagbago ng mga prayoridad dahil
dito, hindi maiiwasan na mayroong mga aspekto sa buhay na napababayaan na.14
Sa pagsikat ng cuteness, nagkaroon din ng pangkalahatang perception ang taumbayan
na cute lamang ang pamantayan ng kagandahan sa mundo. Dahil dito, nalilimitahan ang
pagiging malikhain ng mga tao na subukan ang iba pang uri ng mga disenyo o sining.
Halimbawa nito ay ang YouTube channel na “Draw So Cute” na kung saan ang content
creator na si Wennie ay gumagawa ng mga tutorial kung paano gumuhit sa cute na estilo,
katulad ng koala at unicorn. Makikita na ang pamantayan ni Wennie sa cute ay tumutulad sa
sambayanan: malalaki ang mga mata at kaakit-akit ang mga kulay na ginagamit. Kaya naman
nalilimitahan nito ang exposure at malawak na pagkamalikhain ng tao.15
Ang pinakamalubhang epekto ay ang mga bata na nagiging biktima na ng industriya.
Ang cuteness ay nagmula sa mga bata o sanggol, at dito rin nag-uugat ang emosyonal na
koneksiyon ng lahat sa mga bagay na maliit at cute. Katulad ng Sonny Angels, isa itong
hubad na sanggol, may pakpak at nakasuot ng makukulay na damit o aksesorya. Kadalasan
pa, ang mga bumibili ng laruan na ito ay hindi mga batakundi mga taong nasa mid-twenties
na. Maaari itong magdulot ng seksuwal na konotasyon sa mga sanggol o bata.
Pinagsasamantalahan nito ang kanilang pagiging inosente at nagkakaroon ng pagkamangha o
14
Cho, “Sonny Angels: The Consumerist Secret That Toy Companies Don’t Want You to Know.”
Angel Jiménez De Luis, “What Is Kawaii Art, Japan’s Culture of Cuteness?,” Domestika, 28 Mayo,
2022, https://www.domestika.org/en/blog/3392-what-is-kawaii-art-japan-s-culture-of-cuteness.
15
pagkaaliw sa mga sanggol na kung lumala ay bahagyang nakakabahala. Kabilang dito,
maaaring mag-udyok ito ng isang mapanganib na kultura ng sexualization sa mga kabataan.16
Nagpapakita na ang impluwensiya ng kulturang cute ay patuloy na umiiral, lalo na sa mga
kabataan, kung saan sila ay tinuturuan na ang kagandahan o cuteness ay itinuturing na
mahalaga sa pananaw ng mga tao, kahit sa murang edad pa lamang. Dahil dito, may mga
pagkakataong hindi makuntento ang mga bata sa tunay nilang kagandahan.17 May mga tao
naman na kayang hamakin ang lahat para sa cuteness. Isang halimbawa ay ang isang siyam
na taong gulang na batang babae mula sa Japan na sumailalim sa operasyon upang makuha
ang ninanais na beautiful eyes. Sa murang edad ay nagawa niya na ito, dahil sa kagustuhan
niya at ng kanyang mga magulang na maging cute o kawaii. Nakakabahala na kahit hango
ang cute phenomenon sa mga bata o sanggol, sila rin pala mismo ang mga biktima nito sa
huli.
Sadyang malawak ang sakop ng cuteness sa mundo. Maaaring maging positibo o
negatibo ang epekto nito sa sangkatauhan, ngunit ang desisyon ay nakadepende pa rin sa
indibidwal na tumatangkilik sa industriyang ito. Kung patuloy ang pagsuporta sa ganitong uri
ng penomenon, mas mainam na gamitin ito sa paraan na nakatutulong at nakapagpapasaya ng
mga tao. Ngunit sa kabila nito, hindi maiiwasan ang mga negatibong epekto, dahil sa mga
bagay na kinagigiliwan, mayroong madilim at hindi kanais-nais na bahagi ng realidad.
Bagama’t magkaiba ang kagandahan at kababalaghan ng cute phenomenon, tiyak na malaki
ang papel na ginagampanan nito sa paghubog ng mga tao sa mundo.
16
Carmen Llovet Rodríguez, Mónica Díaz-Bustamante Ventisca, and Beatriz Patiño Alves, “THE
SEXUALIZATION OF CHILDREN THROUGH ADVERTISING, FASHION BRANDS AND
MEDIA,” Redalyc.org, 2016, https://www.redalyc.org/articulo.oa?id=353747311006.
17
ABP News Bureau, “9-Year-Old Japanese Girl Undergoes Cosmetic Surgery For ‘Beautiful Eyes,’”
ABP LIVE, 16 Nobyembre, 2022,
https://news.abplive.com/lifestyle/9-year-old-japanese-girl-undergoes-cosmetic-surgery-for-beautifuleyes-1563547.
May Forever sa Cute Phenomenon
Mula noon hanggang ngayon, ang Cute Phenomenon ay palaban pa rin sapagkat kahit
gaano katagal o sa anumang larangan o aspekto ng buhay, ang cuteness ay hindi mawawala sa
mundo. Positibo man o negatibo ang epekto, tila bang nagiging mistulang anino ang ganitong
phenomenon. Ang cuteness ay maihahambing dito dahil hindi man namamalayan, ito ay
sadyang hindi maiiwasan o mabubura dahil nagiging parte na ito ng pagkatao ng karamihan
na siyang mananatili at sasabay sa bawat galaw ng isang tao. Patuloy pa rin ang paglaganap
ng cuteness sa pang araw-araw na pamumuhay na kahit sa mga simpleng gawain, hindi
namamalayang nahuhubog na pala nito ang sari-sariling pananaw o mga nagugustuhan.
Palaban ang cuteness sapagkat hindi ito namamatay; ito’y nagbabago at umaangkop lamang
sa panahon. Taon-taon man magbago ang kagustuhan ng mga tao, may mga katangian ng
cuteness na hindi mawawala at mananatili sa mga susunod pa na mga dekada. Ang tanging
tanong na lamang ay: Ano naman kaya ang susunod?
Talasanggunian
Darwish, Maria. “Fascism, Nature and Communication: A Discursive-affective Analysis of
Cuteness in Ecofascist Propaganda.” Feminist Media Studies, 21 Pebrero, 2024, 1–21.
https://doi.org/10.1080/14680777.2024.2313006.
Gaw, Katherin Bobadilla. “A Cultivation Analysis on the Influence of Children’s Exposure to
Television in their Definition of Beauty.” Tesis Di-gradwado, University of the
Philippines, 2014.
Jones, Skye, at Lex Lancaster. “Kawaii Revolution: Understanding the Japanese Aesthetics of
‘Cuteness’ Through Lolita and Madoka Magica.” Scholar Commons, Inakses 15
Mayo 2024, 49, https://scholarcommons.sc.edu/uscusrj/vol14/iss1/7.
Rodríguez, Carmen Llovet, Mónica Díaz-Bustamante Ventisca, and Beatriz Patiño Alves.
“THE SEXUALIZATION OF CHILDREN THROUGH ADVERTISING, FASHION
BRANDS
AND
MEDIA.”
Redalyc.org,
2016.
https://www.redalyc.org/articulo.oa?id=353747311006.
Steinnes, Kamilla Knutsen, Johanna Katarina Blomster, Beate Seibt, Janis H. Zickfeld, at
Alan Page Fiske. “Too Cute for Words: Cuteness Evokes the Heartwarming Emotion
of
Kama
Muta.”
Frontiers
in
https://doi.org/10.3389/fpsyg.2019.00387.
Psychology
10
(1
Marso,
2019).