KABANATA 2 ANG AKADEMIKONG PAGSULAT KAHULUGAN,KALIKASAN AT KATANGIAN TALAKAYIN NATIN: Ano nga ba ang akademikong pagsulat? Paano nga ba ito mabibigyangkahulugan? Ang pagbibigay- kahulugan sa terminong “akademikong pagsulat” ay tulad ng pagtatanong sa isang tao kung ano ang “mansanas.” Ang pinakakaraniwang reaksyong makukuha sa isang taong tatanungin, kung hindi man “Ahh… “o” Hmm…”, ay malamang isang paglalarawan sa mansanas o kaya’y ang simpleng pagbibigay kahulugan sa mansanas bilang “ isang prutas.” Ang huli, sa halip na magbigay ng kalinawan ay tila magiging sanhi pa ng kahulugan sa mansanas bilang “isang prutas.” Ang huli, sa halip na magbigay ng kalinawan ay tila magiging sanhi pa ng kalabuan (http://www.writeawriting.com) Kung kaya hindi sapat ang maglahad ng isa o ilang depinisyon para sa akademikong pagsulat. Kailangan, para sa layunin ng kalinawan, ang mailarawan nang sapat ang kalikasan, layunin at tungkulin nito. A. KAHULUGAN AT KALIKASAN NG AKADEMIKONG PAGSULAT Mahirap lapatan ng isang simpleng depinisyon ang terminong “ akademikong pagsulat” dahil tumutukoy ito sa pagsulat na isinasagawa para sa maraming kadahilanan. Mayroon ding iba-ibang anyo ang akademikong pagsulat, at bawat isa sa mga iyon ay may kalikasang ikinaiiba sa iba. Ang isang pangmalawakang depinisyon na maibibigay para sa akademikong pagsulat ay ano mang pagsulat na isinasagawa upang makatupad sa isang pangangailangan sa pag-aaral. Sa madaling sabi, kinapapalooban ito ng ano mang itinakdang gawaing pasulat sa isang setting na akademiko. Ginagamit din ang akademikong pagsulat para sa mga publikasyong binabasa ng mga guro at mananaliksik o inilalahad sa mga komperensya (http://grammar.your dictionary.com). Mabibigyang- kahulugan din ang akademikong pagsulat bilang ano mang akdang tuluyan o prosa na nasa uring ekspositori o argumentatibo at ginagawa ng mga- mag-aaral, guro o mananaliksik upang magpahayag ng mga impormasyon tungkol sa isang paksa. Sa pangkalahatan, inaasahang ang pagsulat na ito ay tumpak, pormal, impersonal at obhetibo (http://grammar.about.com). Kung gayon, sa pagsusulat ng mga akademikong papel, kailangang tandaan ng sino mang mag-aaral ang kinalalagyang akademikong komunidad na may malinaw na inaasahan o ekspektasyon kung paano ginagawa ang akademikong pagsulat. Iba iba man ang ekspektasyon ng iba-ibang komunidad, may ilang kalikasan ng akademikong pagsulat na sinusunod ng nakararami. Tatlo sa mga ito, ayon kina Fulwiler at Hayakama (2003), ay ang sumusunod: 1. Katotohanan. Ang isang mahusay na akademikong papel ay nagpapakita na ang manunulat ay nakagagamit ng kaalaman at metodo ng disiplinang makatotohanan. 2. Ebidensya. Ang mga iskolar sa lahat ng disiplina ay gumagamit ng mga mapagkakatiwalaang ebidensya upang suportahan ang katotohanang kanilang inilalahad. 3. Balanse. Nagkakasundo ang halos lahat ng akademya na sa paglalahad ng mga haka, opinyon at argumento ay kailangang gumamit ng wikang walang pagkiling, seryoso at di-emosyonal nang maging makatwiran sa mga nagsasalungatang pananaw. B. KATANGIAN NG AKADEMIKONG PAGSULAT Natalakay na ang akademikong pagsulat ay nagtataglay ng kalikasang katotohanan, katibayan at balanse. Sa isa naming kahulugang nauna ring tinalakay, binanggit na ang ilan sa mga katangian ng akademikong pagsulat ay ang pagiging tumpak, pormal, impersonal at obhetibo nito. Hindi mahirap unawain kung bakit kinakailangan ng mga nabanggit na katangian sa akademikong pagsulat, bagamat ang ikatlo ay masasabing hindi aplikable sa mga anyo ng akademikong pagsulat na tatalakayin sa ikatlong yunit ng aklat na ito. Ayon sa http://www.uefap.com, ang akademikong pagsulat sa wikang Ingles. ay linear. Walang dahilan upang hindi mailapat ang gayong obserbasyon sa Wikang Filipino o sa iba pang wika. Ibig sabihin, ang akademikong pagsulat sa ano mang wika ay may tinutumbok sa isang sentral na ideya o tema at ang bawat bahagi ay nag-aambag sa pangunahing linya ng argumento nang walang digresyon o repetisyon. Ang layunin nito’y magbigay ng impormasyon, sa halip na umaliw. Gumagamit din ito ng standard na porma ng pasulat na wika. Ayon muli sa http://www.uefap.com ang iba pang katangian ng akademikong pagsulat ay ang sumusunod: 1. Kompleks. Ang pagsulat na wika ay mas kompleks. Kaysa pasalitang wika. Ang pasulat na wika ay may higit na mahahabang salita, mas mayaman sa leksikon at bokabularyo. Maidaragdag pa rito ang kompleksidad ng gramatika na higit na kapansin-pansin sa ano mang pasulat na Gawain. 2. Pormal. Higit na pormal ang akademikong pagsulat kaysa iba pang sangay ng pagsulat. Hindi angkop dito ang mga kolokyal at balbal na salita at ekspresyon. 3. Tumpak. Sa akademikong pagsulat, ang mga datos tulad ng facts and figures inilalahad nang tumpak o walang labis at walang kulang. 4. Obhetibo. Maliban sa mga anyo ng akademikong pagsulat na tatalakayin sa Yunit 3 ng aklat na ito , ang akademikong pagsulat, sa pangkalahatan ay obhetibo, sa halip na personal. Ang pokus kasi nito kadalasan ay ang impormasyong nais ibigay at ang mga argumentong nais gawin, sa halip na ang manunulat mismo ang kanyang mambabasa. 5. Eksplicit. Ang akademikong pagsulat ay eksplisit sa ugnayan sa loob ng teksto. Responsibilidad ng manunulat nito na gawing malinaw sa mambabasa.Kung ano ang iba’t ibang bahagi ng teksto ay nauugnay sa isa’t isa. 6. Wasto. Ang akademikong pagsulat ay gumagamit nang wasto ng mga bokabularyo o mga salita. Maingat dapat ang manunulat nito sa paggamit ng mga salitang madalas katisuran o pagkamalian ng mga karaniwang manunulat. 7. Responsible. Sa akademikong pagsulat, ang manunulat ay kailangang maging responsible lalong-lalo na sa paglalahad ng mga ebidensya, patunay o ano mang nagpapatibay sa kanyang argumento. Kailangan din niyang maging responsible sa pagkilala sa ano mang hanguan ng impormasyong kanyang ginamit kung ayaw niyang 8. Malinaw na layunin. Ang layunin ng akademikong pagsulat ay matugunan ang mga tanong kaugnay ng isang paksa. Ang mga tanong na ito ang nagbibigay ng layunin. Ang mga layuning ito ay tatalakayin sa kasunod na bahagi ng kabanatang ito. 9. Malinaw na pananaw. Ang akademikong pagsulat ay hindi lamang listahan ng mga katotohanan o facts at paglalagom ng mga hanguan o sources. Samantalang ang manunulat ay naglalahad ng mga ideya at saliksik ng iba, ang layunin ng kanyang papel ay maipakita ang kanyang sariling pag-iisip hinggil sa paksa ng kanyang papel. Ito ay tinatawag na sariling punto de bista ng manunulat. 10. May pokus. Bawat pangungusap at bawat talata ay kailangang sumusuporta sa tesis ng pahayag. Kailangang iwasan ang mga hindi kinakailangan, hindi nauugnay, hindi mahalaga at taliwas na impormasyon. 11. Lohikal na Organisasyon. Ang akademikong pagsulat ay may sinusunod na istandard na organisasyonal na hulwaran. Ang karamihan ng akademikong papel ay may introduksyon, katawan at kongklusyon. Bawat talata ay lohikal na nauugnay sa kasunod na talata. 12. Matibay na Suporta. Ang katawan ng talataan ay kailangang may sapat at kaugnay na suporta para sa pamaksang pangumgusap at tesis ng pahayag. Ang suportang ito ay maaaring kapalooban ng facts, figures, halimbawa deskripsyon, karanasan,opinyon ng mga expert at siniping pahayag o quotations. 13. Malinaw at Kumpletong Eksplanasyon. Napakahalaga nito, dahil bilang manunulat, kailangang matulungan ang mambabasa tungo sa ganap na pag-unawa ng paksa ng papel at magiging posible lamang ito kung magiging malinaw at kumpleto ang pagpapaliwanag sa bawat grupo ng manunulat. 14. Epektibong Pananliksik. Sa karamihan ng akademikong papel kailangang gumamit ng napapanahon, propesyonal at akademikong hanguan ng mga impormasyon, Dahil dito, napakahalaga ng pananaliksik sa akademikong pagsulat. 15. Iskolarling Estilo sa pagsulat. Kakaiba ang estilo sa akademikong pagsulat kaysa ibang uri ng pagsulat, tulad halimbawa sa malikhang pagsulat. Iskolarli ang estilo sa pagsulat ng akademikong papel dahil sinisikap ang kalinawan at kaiklian. Kailangan ding maging madaling basahin ang akademikong papel. Kung kaya’t napakahalaga na maiwasan ang mga pagkakamali sa gramar, ispeling, pagbabantas, at bokabularyo sa pagsulat nito. Ang mga gayong pagkakamali ay nagpapahiwatig ng kawalan ng pag-iingat, kung hindi man ng kakulangan ng kaalaman sa wika. C. LAYUNIN NG AKADEMIKONG PAGSULAT sa kabanata ng aklat na ito, natalakay na ang pagsulat sa pangkalahatan ay maaaring may layuning impormatibo, mapanghikayat at malikhain. Maliban sa ikatlo, halos gayon din ang maaaring layunin ng akademikong pagsulat. Nabanggit na rin na ang akademikong pagsulat ay may malinaw na layunin. Sadya, ang layunin ng akademikong pagsulat ay matugunan ang mga tanong kaugnay ng isang paksa, at ang mga tanong na ito ang nagbibigay ng layunin ng isang akademikong papel. Ang mga karaniwang layunin ng isang akademikong pagsulat ay manghikayat, magsuri at magbigay impormasyon (hhtp://vsm.sk na sa mga kasunod na talataan ay ipinaliliwanag. 1. Mapanghikayat na layunin. Sa akademikong pagsulat na ito, layunin ng manunulat na mahikayat ang kanyang mambabasa na maniwala sa kanyang posisyon hinggil sa isang paksa. kung kaya upang maisakatuparan ang layunin na ito. Pumipili siya ng isang sagot sa kanyang tanong, sinusuportahan iyon gamit ang mga katwiran at ebidensya at tinatangka niyang baguhin ang pananaw ng mambabasa hinggil sa paksa. 2. Mapanuring layunin. Tinatawag din itong analitikal na pagsulat. Ang layunin dito ay ipaliwanag at suriin ang mga posibleng sagot sa isang tanong at piliin ang pinakamahusay na sagot batay sa ilang pamantayan. Sa mga pagsulat, madalas iniimbestigahan ang mga sanhi, inieeksamen ang mga bunga at epekto. Sinusuri ang kabisaan, inaalam ang mga paraan ng paglutas ng suliranin, pinag-uugnayugnay ang iba’t ibang ideya at inaanalisa ang argumento ng iba. Kinapapalooban ito ng bahaging sintesis kung saan pinagsasama-sama ang iba’t ibang bahagi upang makabuo sa sariling sagot sa tanong kaugnay ng paksa. Isang halimbawa nito ay ang panukalang Proyekto. 3. Impormatibong Layunin. Sa impormatibong akademikong pagsulat, ipinapaliwanag ang mga posibleng sagot sa isang tanong upang mabigyan ang mambabasa ng bagong impormasyon o kaalaman hinggil sa isang paksa. Naiiba ito sa sinundang layunin dahil hindi tinutulak o pinupwersa ng manunulat ang kanyang sariling pananaw sa mambabasa. Manapa’y kanyang pinalalawak lamang ang kanilang pananaw hinggil sa paksa. Isang halimbawa nito ay ang pagsulat ng abstrak. LAMBAT-LIKHA PANUTO: Base sa paksang araling tinilakay ipaliwanag sa sariling opinyon kung ano ang pagkakaunawa mo sa salitang “Akademikong Pagsulat.” RUBRIK SA PAGSULAT NG SARILING OPINYON NILALAMAN: Pagsunod sa uri ng anyong hinihingi lawak at lalim ng pagtalakay Puntos BALARILA: Wastong gamit ng Wika Puntos HIKAYAT: Paraan ng pagtalakay sa paksa Pagsunod sa tiyak na panutong ibinigay ng guro sa kaugnay na gawain Puntos Kabuuan 1-10 1-10 1-10 DAONG-KAMALAYAN PANUTO: Base sa paksang araling tinalakay magbigay ng pansariling repleksiyon kung ano ang natutuhan mo sa aralin. Limitahan hanggang pitumpong salita. (70 Words)