Imininingwana YaboMma Abasidisi
Okuphakathi
Ukuzilungiselela Mathupha 2
Ukucocisana Nabatlhogomeli 3-9
Ukuzibulunga Uphile Kuhle 5
Ukubeletha 6
Ukuphopha Kweengazi Ngemva Kokubeletha 7
Ukubeletha Ngaphambi Kwesikhathi 8
IJondisi Kumasana Asanda Ukubelethwa 9
1. Umnqopho wemininingwana le kukusiza nawucabangela izinto ofuna ukuzicoca nodorhoderakho
namkha abanye abatlhogomeli bezepilo (okuqaliselwe kibo ngokuthi “batlhogomeli” edokhumentini le).
Kufuze ubawe umtlhogomelakho bona akuhlathululele iindlela zokulatjhwa ezitholakalako ebujamweni
bakho bona uqiseke ukuthi ziyavumelana nonembezakho obandulwe liBhayibheli. Imininingwana le
ayikahloselwa ukunikela iseluleko kwezepilo namkha ukukuthathela iinqunto malungana nendlela ofuna ukulatjhwa ngayo. Kunalokho, ihloselwe ukukusiza uzezenzele iinqunto mathupha.
—Gal. 6:5.
UKUZILUNGISELELA MATHUPHA
2. Ungenzani?—IzA. 27:11, 12.
(1) Funda isifundo 39 seThabela Ukuphila Ngokungapheliko! Ubuyekeze ividiyo ethi Singazithatha
Njani Iinqunto Ngezokwelatjhwa Ezihlanganisa Iingazi?
(2) Qunta ngomthandazo ukuthi ngimiphi imitjhoga neendlela zokulatjhwa ozozamukela. Ezinye
iindllela zokulatjhwa zifaka hlangana iingcenyana zengazi (derivatives) namkha ukusetjenziswa
kweengazi zakho.
(3) Zalisa ikararada le-durable power of attorney (DPA). Yazisa ama-health-care agents asekaradeni lakho ngesiqunto sakho.
(4) Ungafuna isizo eKomidini eBonisana neemBhedlela (HLC) ikusize ekukhetheni udorhodere ozokubambisana nawe (ungazikhethela wena namkha abantwabakho). I-HLC inetjhebiswano elihle
nabodorhodere abanekghono nakuziwa endabeni yokugegeda ukufakelwa iingazi.
• Lokhu kuzokwenziwa ngokurhabako kinanyana ngibuphi ubujamo obufuna ulaliswe namkha
uhlinzwe esibhedlela, nalokha kubonakala ngasuthi ubujamo abutlhogi bona kubandakanyeke
iingazi.
• Bona uthole isizo le-HLC, bawa imininingwana yokuthintana ne-HLC kumdala webandla lekhenu.
UKUCOCISANA NABATLHOGOMELI
3. Kiso soke isikhathi osidisi ngaso, khuluma nomtlhogomelakho ngamunye. Kuzokutlhogeka bona
wenze okulandelako:
(1) Hlangana nevakatjho lakho lokuthoma, tjela umtlhogomelakho ukuthi ujame-phi endabeni
yokuthela iingazi. Qiniseka bona ukulungele begodu uyafuna ukuhlonipha isiqunto sakho.
(2) Nikela umtlhogomelakho ikhophi ezalisiweko ye-durable power of attorney.
(3) Tjela umtlhogomelakho ngomlandakho wezokwelatjhwa, okufaka hlangana imitjhoga, amagulo,
ukuhlinzwa kwangaphambilini, ukuba sidisi kwangaphambilini namkha ukubuya endleleni, nemiraro yokuphophelwa ziingazi yangesikhathi esidlulileko.
4. Buza kubatlhogomeli abahlukahlukeneko bona ungahlala njani uphile kuhle, nokuthi bazokuqalana
njani nemiraro. IKomidi eBonisana neemBhedlela nayo ingakunikela imininingwana etlhogekako. Iingcoco nabatlhogomeli zingahlanganisa okulandelako.
5. Ukuzibulunga Uphile Kuhle: Buza malungana nokusetjenziswa kwemitjhoga, i-caffeine, utjwala
begodu ubawe iimphakamiso ngokufanele ukudle nalokho okufuze ukwenze. Buza umtlhogomelakho
bona awutjhodi iingazi na (ukutlhayela ngama-red cells aphilileko) nangabe kunjalo, kghani kufuze
uthathe ama-supplements, njenge iron ne-folic acid?
6. Ukubeletha: Buza umthogomelakho ngamatshwayo wokuthi sele uzokubeletha, nokubeletha ngaphambi kwesikhathi, nokuthi yini ongayenza nawubona amatshwayo lawo.
(1) Buza umtlhogomelakho ngokuriyada ukuvala i-umbilical cord.
(2) Buza ngobujamo bezepilo obungase benze kutlhogeke bona ubelethe ngokuhlinzwa (Cesarean
section).
7. Ukuphopha Kweengazi Ngemva Kokubeletha: Ukulungiselelwa kusengaphambili mtlhogomelakho
kuqakathekile.
(1) Buza umtlhogomelakho bona uzokuvimbela namkha uzokulawula njani ukuphopha iingazi
ngokudluleleko msinyana ngemva kokubeletha. Mbawe bona akutjheje ngobuduzane.
(2) Bawa indodakwakho namkha omunye umuntu bona ahlale nawe okwesikhatjhana ngemva
kokubeletha bona ayelelise abatlhogomeli nakuba umraro.—Mtj. 9:11.
(3) Ngezinye iinkhathi okuyinto eyenzeka ngakanye, kuyatlhogeka bona kukhutjhwe isibeletho bona
kukhandelwe ukuphopha okukhulu kweengazi ngemva kokubelethwa komntwana. Yazisa
umtlhogomelakho kusengaphambili bona uyavumelana na nekambiso le njengendlela yokusindisa ipilo.
8. Ukubeletha Ngaphambi Kwesikhathi: Isana elibelethwe ngaphambi kwesikhathi lingatlhoga ukulatjhwa ekumbeni yabagula khulu yabentwana abasanda kubelethwa (intensive care unit). Nqophisa
umtlhogomeli womntwana bona asebenzise zoke iindlela ezitholakalo bona agegede ukufakela umntwanakho iingazi.
9. IJondisi Kumasana Asanda Ukubelethwa: Coca nomtlhogomeli womntwana ngokuthi ijondisi
erhageleko ingalatjhwa njani ngaphandle kokuthela iingazi.
S-401-NBL 8/23