Sahnalashtirish faoliyati jarayonida bolalarda ijodkorlikni rivojlanishi bosqichi Tеatr san`ati bolalar uchun tushunarli va o‘zi ijro eta oladiganan san`at turi, chunki uning asosida o`yin yotadi. Tеatr tomoshabinga badiiy so`z, хattiхarakat,rang, musiqa bilan ta`sir qo`rsatadi. Bolalarda yoshligidanoq tеatrga qiziqishini shakllantirish kеrak, tеatrga borish, tеatrlashtirilgan o`yinlarda, qiyin bo`lmagan spеktakllarda ishtirok etishi juda muhim. bolalarning o`yinga bo`lgan ehtiyoji juda erta namoyon bo`ladi. 2-3 yoshdanoq bolalar qiziqish bilan maymoq ayinqni, qo`rqoq qo`yonni, ayyor tulkini taqlid qilib ko`rsatadilar. Ular osonlik bilan bir obrazdan ikkichi obrazga kirishadilar. Ularning хarakatlari taqlid qilish, immitatsiya хaraktеrida, shu bilan birga juda emotsional. Sahnalashtirish faoliyatining asosiy maqsadi: sahnalashtirish faoliyati vositasida bolalrning ijodiy qobiliyatlarini rivojlantairishdir. Sahnalashtirish faoliyatining vazifalari: 1. Sahnalashtirish faoliyatida bolalar ijodiy faolligini oshirish uchun shartsharoitlar yaratish (ijodiy ijrolarni rag‘batlantirish, qobiliyatini rivojlantirish, sahnaviy chiqishlarda erkin va dadil o‘zini tutish, mimika, erkin xarakatlar, intonatsiyalar va x.k. vositalari orqali improvizatsiyni paydo qilish ) 2. Bolalarni teatr madaniyatiga jalb etish (teatr tuchunchasi bilan, teatr janrlari bilan , qo‘g‘irchoq teatri bilan tanishtirish.) 3. Pedagog teatrni boshqa faoliyat turlari bilan xamkorligini ta‘minlashi (musiqa mashg‘ulotlari, jismoniy xarakatlar vaqtida, ekskursiyalar va boshqalar bilan) 4. Kattalar va bolalar bilan xamkorlikda ishlashi uchun sharoitlar yaratish( otaonalar, xamkasb va katta gurux bolalari xamkorligida kichik gurux bolalariga spektakllar namoyish etish ) 5. Kichik yoshdagi bolalarga xurmat va o‘zini – o‘zi tushunishi uchun yaxshi mikroklimat yaratish. Kichik yoshdagi bolalar — namoyishlardan minnatdor bo‘ladigan tomoshabindir. Asosiysi, ota-onalar bolalarni qaеrga va qanday maqsadda olib borganliklarini tushunishlari kеrak. Хaqiqiy tеatrga bolalarni (masalan 2-3 yoshli bolalarni) olib borish хali erta. Bolalar spеktakllari rеpеrtuarlari, qoida bo`yicha, bu yoshdagi bolalarga mo`ljallanmagan. Shuning uchun tеatrni uyda yoki bolalar bog`chasida tashkil etishni maslaхat bеramiz. Uch yoshgacha bolalarga oddiy bolalar qiziqib o`ynaydigan o`yinchoqlar bilan tomoshalar qo`ysa bo`ladi. Yangi o`yinchoqlar (qo`g`irchoq, kuchukcha, ayiqcha va х.k.) bolalarda zavq, qiziqish, хayratlanish хislarini uyg`otadi. Bolalarbog`chasida bolalar teatrini nimadan boshlash kerak? Bolalarni teatrlashtirilgan o`yin faoliyatiga jalb qilish kerak, uning uchun tarbiyachi rejisyor bo`lishi va teatr tashkil eta olishi lozim. MTMda bolalar oddiy vaziyatlarni o`yinchoqlar bilan ijro etishi, qo`shiq kuylashi, she`r, ertak, hikoyalar kabi tanish adabiy asarlarni sahnalashtiradilar. Yangi qo`g`irchoqni bolaga tanishtirish vaqtida oddiygina syujet o`ylab toppish kerak, masalan: kuchukcha adashib qoldi va o`ziga haqiqiy do`st izlamoqda, qo`g`irchoq — kichkina qizaloq uni yaxshi ko‘rish va parvarishlash kerak, ayiqcha asaldan ko`p yeganligi uchun oilaviy shifokor yordamiga muhtoj. Har qanday bola o`yinchoqlar yordamida oddiy xarakatlardan asta-sekin kichkina qiyin bo`lmagan syujetlarni o`ynashi mumkin. Keyinchalik esa ushbu syujetlar hayotiy malakaga tayangan holda rivojlanadi. Tarbiyachi ham o`yinga qo`shiladi va ayrim rollarni ijro etadi, namuna sifatida ko`rsatadi, u yoki bu vaziyatda xohlagan harakat namunalarini ko`rsatib beradi, o`yin jarayonida improvizatsiya qiladi, ma`lum bir o`yinchoq nomidan gapiradi, bola fikrlashi, xarakat qilishi, javob berishi uchun stimul yaratadi. Bolalar teatri uyda. Uni qanday tashkil etish kerak ? Bolaninig sevimli o`yinchog`idan ota-onalar uy teatri qahramonini yaratishi darkor, ushbu o`yinchoq bilan har kuni qiziqarli sarguzashtlar ro`y berishini kuzatish mumkin. Ota-onalar farzandining o‘yinchoq qahramoni bilan muloqot doirasini boshqa o`yinchoqlarni qo`shgan xolda kengaytirib borishi maqsadga muvofiqdir. Bolalar bog`chasida bolalar teatri. Ertaklar asosidagi turli xil teatrlashtirilgan tomoshalar bolalarni o`ziga jalb etadi, chunki sahna ko‘rinishlari tushunarli va qiziqarli. Teatrlashtirilgan tomoshalar bolalarda tashabbuskorlikni, mas`uliyatni shakllantirishga yordam beradi, yaxshi bilan yomonni farqlashni, nutq, mimika, imo-ishora, muloqot madaniyatini, malakalarini rivojlantiradi, bolani teatr san`atining sehrli olamiga olib kiradi. Bog`chada bunday o`yinchoqlar ishtirokidagi improvizatsiya-o`yinlari "o`yinchoq teatri" deb ataladi. Asosiysi— bolani improvizatsiya dialogiga qo`shish natijasida, o`yinchoq va bolaning xarakatlari ortadi. Shu asnoda bola teatrlashtirilgan foaliyatda ma`lum bir o`yin usullarini o`rganadi, tasavvuri, fantaziyasi faollashadi, ijodkorlik elementlari namoyon bo`ladi. Bolalarga sahnalashtirish faoliyatida ijodiy qobiliyatini rivojlantirishda dramallashgan ertak va o`yinchoqlar ishtirokidagi badiiy asarlar tanlansa maqsadga muvofiq bo‘ladi. Tanlangan sahna asarini ijro etish vaqtida asar qahramonlari gaplashishi, tekstga mos ravishda xarakatlanishi kerak. Badiiy asarlarni sanxnalashtirishda nafaqat oddiy o`yinchoqlardan, balki stol o`yinchoq teatridan ham foydalansa tarbiyachi oldiga qo‘yilgan maqsadiga erishadi. Teatrlashtirilgan spektaklni qanday tayyorlash kerak? Tarbiyachi xar bir qahramon xaqida fantaziya qilish, kichkina xikoya o`ylab topish mumkin. Bu bolalarda o`yin obrazlarini tasavvurlarini kengaytiradi. Bolalarni ijodiy mustaqilligini uyg`otish muhimdir, ularga xarakatlarni ko`rsatib berishini taklif qilish mumkin, masalan; ayiqni yurishi (Ayiqpolvonlar qo‘shog‘ini- ijro etib), chumchuqni uchishi(Jajji qushcha-qo‘shig‘ini kuylab), kapalaklarning engil qanot qoqishi (Kapalak- qo‘shig‘iga xarakatlar bajarish va ijro etish) va x.k bola barcha xarakatlarni mustaqil ko‘rsata oladi. Katta guruh bog`cha bolalari syujet qahramonlarining kayfiyatini, ruhiy kechinmalarini ko`rsatib bera oladilar. Ular yoshligidanoq emotsional ifoda vositalarini egallashi uchun syujet qahramoni histuyg`ularini, mimika, imo-ishora, emotsiyalarini namoyish eta olishiga o‘rganadilar. Personaj rolini o‘rgatish jarayonida mashq qilish yahshi natija beradi. Masalan:chipor tovuq oltin tuxum qo`yganida chol va kampirning quvonganini, sinib qolganida ularning xafa bo`lganini ko`rsatib berishni taklif qilish mumkin, bo`g`irsoqning qo`shig`ini kuylashini (o`ziga ishonch va dadillik bilan, xayron bo`lib, quvnoq, xafa bo`lib), yoki bo`rining (qo`rqinchli ovozda) ko`rsatib berishini taklif qilish mumkin. Mana shular bolalarni "Obrazga kirishiga" yordam beradi. Bolalarning teatrlashtirilgan-o`yinlarga sekin-asta qo`shilishi ijobiy natijalar beradi. Olti yoshli bola nafaqat ishtirokchi va ma`lum bir rollarning ijrochisi bo`lishi, balki "rejisyor" sifatida o`zi sahnalashtirishi va mustaqil "o`yinchoqlar teatri" yoki qo`g`irchoqlar teari spektakllarini qo`yishi mumkin. Mumkin, tengdoshlari orasida tanish badiiy asarning syujetlari asosidagi dramatizatsiyalashgan-o`yinning tashabbuskori va tashkilotchisi bo`ladi, mumkin, ma`lum bir sahna obrazining xarakter xususiyatlarini ko`rsatib beradi va asosiysi, o`zini ko`rsata olish, muloqot qilish, o`z qahramoniga nisbatan shaxsiy munosabatini ko`rsatib berish ehtiyojini ro`yobga chiqaradi. Uyda va bolalar bog`chasida elementar teartlashtirilgan faoliyat bolada teatrga san`at turi sifatida qiziqishini shakllanishiga, teatr haqida ma`lum bir tushunchaga ega bo`lishga, teatr terminologiyasi, teatr tomoshalarining estetik qabul qilishga olib keladi. Bolalar uchun o`yin - bu jiddiy ish hisoblanadi va xar bir bola o`yinlari teatrlashtirilgan o`yinlarga aylanib boradi. E‘tibor bering, bola xaraktlariga: u o`zi o`ynadi, o`zi ovoz beradi, o`zining syujetlarini o`ylab topadi yoki tanish biror narsani o`ynadi. Shunday bo`lsada uning qahramonlari tanish ertaklar yoki o`yinchoqlar bo`lishi xam mumkin. Bolaga son, xarf, tovush kabi abstrakt tuchunchalarni tuchuntirishga xarakat qilib ko`ring. Bu murakkab. Ammo, tuchunarsiz so`zlarning o`rniga bola qiziqarli odamchalar, xayvonchalar, qo`g`irchoqlar, askarchalarni ko`rasiz... Bir so`z bilan aytganda, zerikarli o`qish jarayoni quvnoq o`yinga aylanadi. Bolalar katta zavq bilan o`ynaydilar. Oldin tushunarsiz boshlgan matematik tuchunchalardan xaqiqiy ertakni yaratsa bo`ladi, xarflar esa o`z-o`zidan tanish so`zlarga aylanadi. Bugungi kundagi bog`cha yoshidagi bolalarni rivojlantirish va ta`lim-tarbiya berishda eng muvaffaqiyatli metodikalar, dasturlar, bolani rivojlantiruvchi teatrlashtirilgan o‘yinlarga ehtiyoj sezilmoqda. Bu esa o`z navbatida kutilgan natijalarni beradi. 2. TEATR - SAHNALASHTIRISH FAOLIYATINING SHAKLLARI Bolalar bog`chasida sahanalashtirish faoliyatini o‘tkazish vaqti belgilanmagan. Ushbu faoliyat pedagogik faoliyatdan kelib chiqib tashkil etiladi, boshqa mashg`ulotlarga chegaralangan tartibda qo`shilishi (musiqa, tasviriy san`at va x.k.), shuningdek xaftalik o‘quv jadvalining ona tili va atrof olam bilan tanishish mashg`ulotlarida rejalashtiriladi.Tashkil etilgan teatrlashtirilgan o`yinlar shakli kichik guruxlarga bo`lingan xolda o`tkazilgani ma‘qul, shunda xar bir bolaga alohida yondashish ta`minlanadi. Mashg`ulotlarning mazmuniga ko`ra har gal kichik guruhlar turlicha shakllanishi kerak. Sahnalashtirish faoliyatining shakillari quyidagi faoliyatlarni o‘z ichiga oladi: mashg‘ulotlar, ko‘ngil ochar o‘yinlar, bayramlar, to‘garak ishlari va x.k…. Mashg`ulotlar Mashg`ulotlar bir vaqtning o`zida bilim olish, tarbiyaviy va rivojlanish vazifalarini bajarishi darkor, faqatgina tomoshaga tayyorgarlik ko`rish bo`lmasligi kerak. Ularning mazmuni, shakli va metodi uch maqsadga erishishi uchun qaratilgan: - nutq va teatr-ijrochilik faoliyati ko`nikmalarini rivojlanishiga; -ijodkorlik muhitini yaratishga; -bolalarning ijtimoiy-emotsional rivojlanishiga. Bunday mashg`ulotlar mazmuni nafaqat badiiy adabiyot asari yoki ertak teksti, balki undagi qahramonlarning imo-ishorasi, mimikasi, xarakati, kostyumi, mizanstsenasi(spektaklning ayrim paytlarida dekoratsiya va aktyorlarning joylanishi)bilan tanishib boradilar. Teatrlashtirilgan mashg`ulotlarda bola quyidagi ko‘nikma va malakalarni egallaydilar: qo`g`irchoq spektakllarini tomosha qilish va ular xususida suhbatlar o`tkazish; o`yin – dramatizatsiyalari; turli ertaklar va sahnalashtirilgan asarlarni o`ynash; ijroni ifodaliligini shakllantirish uchun mashqlar (og`zaki va og`zaki emas) bajarish. Ko`ngilochar o`yinlar. Bolalar bog'chasida har bir bolaning uyg'un ta'lim berishga katta e'tibor beriladi. U tasviriy san`at, nutqni rivojlantirish, musiqa mashg`ulotlarida amalga oshiriladi. Qo`ngilochar o`yinlar san'atning barcha shakllarini birlashtiradi, ulardan ijodiy foydalanish imkonini beradi, she'riy so'z, kuy, tasviriy va badiiy obrazlarlar bolalarda emotsional hissiyotlarni uyg`otadi. Ko`ngilochar mashg`ulotlarning ko'p turlari mavjud. Bu teatrlashtirilgan namoyishlar, konsertlar, professional artistlar ishtirokidagi spektakllar, shuningdek, bolalar bog'chalari, tarbiyalanuvchilar, ota-onalar tomonidan tayyorlangan spektakllarni o'z ichiga oladi. Teatrlashtirilgan faoliyat har bir bolaning o'z-o'zini anglashiga va har birining o'z-aro xamkorlikni ta'minlashga yordam beradi, kattalar, bolalar teng harakat qiladilar.Umuman olganda, spektakl yoki kontsertda bola tabiiy ravishda kattalarning tajribasini o'zlashtiradi, xatti-harakatlarini qabul qiladi. Bundan tashqari, o'yin-kulgi va bayramlarda tarbiyachilar bolalarni yaxshi bilib olishadi, ularning xarakterlarining o`ziga xos xususiyatlarini, temperamentini, orzu va istaklarini bilib oladilar. Kichkina shaxsni hurmat qilish, unga g'amxo'rlik qilish, kattalar va bolalar o'rtasidagi munosabatlarga ishonish asosida mikroiqlim yaratadi. Bayramlar Bayramlar, ko'ngilochar o`yinlar hammaga quvonch keltirishi va bolada badiiy qobiliyatlarini, hissiy sezgirligini, ijodiy faoliyati bilan tanishish imkoniyatini beradi. Bayramlar- teatr o`yinining shakli bo`lishi uchun, tarbiyalanuvchilar bilan kunda tizimli ish olib borishi talab etiladi.Tarbiyachi bola iste`dodini, didini, ijodiy faolligini - musiqiy va tasviriy faoliyatda, badiiy nutqda rivojlantib boradi va olgan bilimlarini ko`nikmaga aylanishini ta`minlaydi. Bayram tadbirlari bolaga quvonch berishini, xotirasida uzoq vaqt saqlanib qoladigan taassurotlar manbai bo‘lishi uchun tarbiyachi ko‘p mehnat qilishi kerak. Bu jarayon bolaning axloqiy-estetik xis tuyg`ularning shakllanishining kuchli vositasidir. Shu sabali yaxshi tayyorgarlik, yaxshi o`ylangan ssenariy, to‘g‘ri tashkil etilgan bayram- quvnoqlik, xursandchilik bilan o‘tadi. Bolalar o‘z mahoratini namoyish eta oladilar. Bolalarda do‘stlik, hamjihatlik, xurmat kabi fazilatlar shakillanib boradi. To`garak ishi Maktabgacha ta‘lim muassasalarida bolalarning teatrlashtirilgan faoliyatini tashkil etishning yana bir shakli- to`garak ishidir u quydagi masalalarni xal etishda yordam beradi: bolalarning fantaziyasini, tassavvurini, barcha turdagi xotiralarini, ijodkorliklarini (badiiy nutq, musiqali-o‘yin, raqs, sahna) va x.k. rivojlantiradi. Agarda teatr to`garagi tashkil etilgan bo`lsa, teatr to`garagi rahbari o‘z xohishi va istagini bildirgan bolalar bilan ish olib boradi. Bunda rahbar rejisyor bo`ladi, bolalar esa aktyor vazifasini bajaradilar. Rahbar o`z oldiga maqsad qo`yadi: bolalar bilan ishlashda - ssenariy, rejisyorlik va sahnalashtirilgan ish bilan chegaralanib qolmasadn, bog`chada o`tadigan davri davomida bolalarda ijodkorlik qobiliyatini shakllantirish maqsadga muvofiqdir. To`garakning asosiy mazmuni spektakl ustida ishlashni tashkil etish: bolalar bilan asar tanlash, mazmunini tahlil qilish, rollarni taqsimlash, o`yinli mashqlar, syujetdagi xarakatlarni o`zlashtirishga amaliy va emotsional yordam beradigan etyudlar bilan ishlash.To‘garak rahbari tanlangan asarni parchalarga bo‘lib, yakka tartibda va jamoa bo‘lib o‘rgatishda syujet qaxramonlarining hissiyotlari, kechinmalari, nutqi va mimikalari ustida ishlaydi. Spektaklning sahnalashtirish ishi esa maxsus mashg`ulotlarda, xaftada bir marotaba 30-40 minut davomida kunning birinchi yoki ikkinchi yarmida o`tkaziladi. To‘g‘arak faoliyatida teatrning barcha turlaridan foydalanishi va o‘yin ussullarini qo‘llanishi maqsadga muvofiq bo‘ladi. Maktabgasha yoshdagi bolalarning teatrlashtirilgan faoliyatini rivojlantirish masalalaridan kelib chiqib uning mazmuni aniqlandi. Shu bilan birga to‘garaklarni tashkil etish shakllari turlicha bo‘lishi mumkin.