9
Edukasyon sa
Pagpapakatao
Ikatlong Markahan – Modyul 2:
Pangangailangan ng Kapuwa sa
Angkop na Pagkakataon
Ikalawang Linggo
Edukasyon sa Pagpapakatao Ika 9 na Baitang
Ikatlong Markahan – Modyul 2: Pangangailangan ng Kapuwa sa Angkop na Pagkakataon
Unang Edisyon, 2020
Isinasaad sa Batas Republika 8293, Seksiyon 176 na: Hindi maaaring magkaroon ng
karapatang-sipi sa anomang akda ang Pamahalaan ng Pilipinas. Gayonpaman, kailangan
muna ang pahintulot ng ahensiya o tanggapan ng pamahalaan na naghanda ng akda kung ito
ay pagkakakitaan. Kabilang sa maaring gawin ng nasabing ahensiya o tanggapan ay ang
pagtakda ng kaukulang bayad,
Ang mga akda (kuwento, seleksiyon, tula, awit, larawan, ngalan ng produkto o brand
name, tatak o trademark, palabas sa telebisyon, pelikula, atbp.) na ginamit sa modyul na ito
ay nagtataglay ng karapatang-ari ng mga iyon. Pinagsumikapang matunton ang mga ito ipang
makuha ang pahintulot sa paggamit ng materyales. Hindi inangkin ng mga tagapaglathala at
mga may-akda ang karapatang-ari ng mga iyon. Ang anomang gamit maliban sa modyul na
ito ay kinakailangan ng pahintulot mula sa mga orihinal na may-akda ng mga ito.
Walang anomang parte ng materyales na ito ang maaaring kopyahin o ilimbag sa
anomang paraan ng walang pahintulot sa Kagawaran.
.
Inilathala ng Kagawaran ng Edukasyon
Bumuo sa Pagsusulat ng Modyul
Manunulat: Trixy Joy B. Banda
Editor:
Tagasuri: Jeannie Pearl Y. Niñonuevo, Robert C. Doria
Tagaguhit: Dexter A. Licong
Tagalapat: Richard N. Escobido
Tagagawa ng Template: Neil Edward D. Diaz
Tagapamahala:
Evelyn R. Fetalvero
Reynaldo M. Guillena
Mary Jeanne B. Aldeguer
Alma C. Cifra
Analiza C. Almazan
Aris B. Juanillo
Ma. Cielo D. Estrada
Lydia V. Ampo
Inilimbag sa Pilipinas ng ________________________
Department of Education – Region XI Davao City Division
Office Address
: DepEd Davao City Division, E. Quirino Ave.,
Davao City, Davao del Sur, Philippines
Telefax
: (082) 224 0100
E-mail Address
: info@deped-davaocity.ph
9
Edukasyon sa
Pagpapakatao
Ikatlong Markahan – Modyul 2:
Pangangailangan ng Kapuwa sa
Angkop na Pagkakataon
Ikalawang Linggo
Paunang Salita
Para sa tagapagdaloy:
Bilang tagapagdaloy, inaasahang bibigyan mo ng paunang kaalaman ang magaaral kung paano gamitin ang modyul na ito. Kinakailangan ding subaybayan at itala
ang pag-unlad nila habang hinahayaan silang pamahalaan ang kanilang sariling
pagkatuto. Bukod dito, inaasahan mula sa iyo na higit pang hikayatin at gabayan ang
mag-aaral habang isinasagawa ang mga gawaing nakapaloob sa modyul.
Para sa mag-aaral:
Ang modyul na ito ay ginawa bilang tugon sa iyong pangangailangan. Layunin
nitong matulungan ka sa iyong pag-aaral habang wala ka sa loob ng silid-aralan.
Hangad din nitong madulutan ka ng mga makabuluhang oportunidad sa pagkatuto.
Ang mga sumusunod ay mga paalala kung paano gagamitin ang modyul:
1. Gamitin ang modyul nang may pag-iingat. Huwag susulatan ang bawat pahina
nito. Gumamit ng ibang papel na maaaring sulatan ng mga kasagutan mula sa
iba’t ibang kasanayan.
2. Huwag kalimutang sagutan and Subukin Natin bago dumako sa susunod na
gawain.
3. Basahin at unawaing mabuti ang mga panuto bago isagawa ang mga gawain.
4. Inaasahan ang inyong katapatan at integridad sa pagsagawa, pagsagot at
pagwawasto ng mga gawain.
5. Tapusin muna ang kahingian ng bawat bahagi bago pa dumako sa susunod na
gawain.
6. Isauli/ Ipasa ang modyul sa inyong guro o tagapagdaloy pagkatapos ng mga
gawain.
Kung mayroon kayong hindi naintindihan at nahihirapan sa pagsagot sa mga
inilaang gawain, huwag mag-atubiling magtanong sa inyong guro o tagapagdaloy.
Tandaan na hindi ka nag-iisa sa gawaing ito. Inaasahan namin na sa pamamagitan
ng modyul na ito, ay mararanasan mo ang isang makabuluhan, masining at malalim
na pagkatuto at pag-unawa sa mga kasanayang pampagkatuto. Kaya mo yan!
1
Alamin Natin
"Katarungan para kay Ka Dencio!" ang sikat na linya sa 80s ng pelikulang Sister
Stella L (1984) na pinagbidahan ni Vilma Santos. Tungkol ito sa isang madre na
nakiisa sa pagpipiket ng mga manggagawa laban sa mapaniil na pamamalalakad ng
pabrika.
Katarungan. Madalas mong naririnig, bilang panlipunang nilalang, tayo ay may
likas na pangangailangan sa kapuwa lalo na sa panahon ng kagipitan. Ito ay dahil ang
tao ay umiiral na kasama ang ibang tao; isang ugnayan na dapat na pinagyayaman
ng katarungan.
Gabay ng babasahin at mga gawain, inaasahang masasagot mo sa modyul na
ito ang mga mahalagang tanong na: Bakit nga ba mahalaga ang katarungang
panlipunan? Mayroon bang pananagutan ang bawat mamamayan na ibigay sa
kapuwa ang nararapat sa kaniya?
Sa modyul na ito, inaasahang maipamamalas mo ang sumusunod na kaalaman,
at pag-unawa:
Mula kakayahan
sa: Kagawaran
ng Edukasyon. Edukasyon sa PagpapakataoBaitang 9,
Modyul
Para sa Mag-aaral
City: Kagawaran
ng Edukasyon,
2015),
1.
1. Napatutunayan
na may(Pasig
pananagutan
ang bawat mamamayan
na ibigay
sa
kapuwa ang nararapat sa kaniya. (EsP9KP-IIId-9.3)
2. Natutugunan ang pangangailangan ng kapuwa o pamayanan sa mga angkop
na pagkakataon. (EsP9KP-IIId-9.4)
2
Subukin Natin
PANUTO: Unawaing mabuti ang mga aytem at pillin ang pinakatamang sagot. Isulat
sa papel ang iyong sagot.
1. Alin sa sumusunod ang kawalang katarungan?
a. Tumawid sa tamang tawiran
b. Pagsunod sa batas trapiko
c. Maging tapat sa pagsusulit
d. Paggamit nang hindi nagpapaalam
2. Alin sa mga sumusunod ay taliwas sa halimbawa ng paraang makatarungan
maliban sa isa;
a. Pagrarali
c. Pagdedemanda o paghahabla
b. Pagganti
d. Hindi pakikipag-usap sa kaalitan
3. Bakit kailangan natin ng mga batas?
a. Upang matakot ang mga tao at magpakabait sila
b. Upang parusahan ang mga nagkakasala
c. Upang tulungan ang mambabatas sa kanilang trabaho
d. Upang magabayan ang mga tao sa tamang pagkilos
4. Alin sa mga sumusunod ang nakapaloob sa katarungang panlipunan?
a. Diyos, Pamahalaan, Komunidad
c.Rehas, Baril, Kapangyarihan
b. Batas, Kapuwa, Sarili
d. Batas, Parusa, Konsensya
5. Alin sa mga sumusunod ang hindi mabuting katangian ng makatarungang
lipunan?
a. May kainaman sa buhay ang mga mayayaman
b. May dignidad at pagkilala sa sarili ang mga tao
c. Ang mga tao ay nakikilahok sa mga panlipunang gawain
d. Ang mga tao ay may malasakit sa karapatan ng iba
PANUTO: Basahin at unawain ang mga sumusunod na pahayag. Tukuyin kung ang
pahayag ay TAMA o ito ay MALI. Isulat ito sa sagutang papel
_________1. Ang katarungang panlipunan ay ang pag-iingat sa sarili at komunidad
upang makagawa, makabuo, at makalikha
__________2. Ang katarungan ay hinihingi o inaasahan mula sa labas.
__________3. Mabubuo lamang ng pamahalaan ang mga mabibisang prinsipyong
ekonomiko at pampolitika kung ang mga namumuno sa loob niya ay
makatarungan din sa kani-kanilang mga sarili.
3
__________4. Kung hindi matuwid ang pamahalaan ay hindi niya magagawa nang
maayos ang kaniyang ekonomiko at pampolitikang tungkulin.
__________5. Ang katarungan ay karapatan mo lamang bilang miyembro ng lipunan.
Aralin Natin
Panuto: Basahin at unawaing mabuti ang sanaysay. Pagkatapos, sagutin ang mga
tanong sa Gawin Natin.
Katarungang Panlipunan
Ang katarungan ay isang mahalagang pundasyon ng panlipunang
pamumuhay. Umiiral ito kung tinatanggihan ng mamamayan ang pandaraya sa
negosyo, pangungurakot sa pribado at publikong institusyon, hindi makatarungang
pasahod sa mga empleyado at ang iba pang mga katulad na sitwasyon. Isinaalangalang ng katarungan ang ugnayan ng bawat isa sa lipunan. Kaya, kung titingnan mong
mabuti ang mga ugnayan sa lipunan, makikita mokung gaano kalaki ang hamon ng
pagpapairal ng katarungang panlipunan. Mabisang paraan ito upang mapangalagaan
at mapanatiliang kabutihang panlahat. Hindi lamang ito nakatatak sa saligang batas
ng ating bansa kundi ito ang sinisigaw ng ating bayan sa kasalukuyan nitong
kalagayan.
Ano ang katarungang panlipunan? Ayon kay Dr. Dy, ito ay nauukol hindi
lamang sa ugnayan ng tao sa kaniyang kapuwa kundi sa ugnayan din niya sa
kalipunan. Iba ang kapuwa sa kalipunan. Ang kapuwa ay personal o interpersonal na
ugnayan mo sa ibang tao. Halimbawa: sa batang nasa lansangan, sa isang
matandang babae na nagpapaturo sa iyo kung saan ang daan, sa kaibigan na
nagpapatulong tungkol sa kaniyang problema. Samantala, ang kalipunan (socius) ay
ang ugnayan ng tao sa isang institusyon o sa isang tao dahil sa kaniyang tungkulin sa
isang institusyon. Halimbawa nito ay ang guro o mag-aaral sa paaralan, ang konduktor
ng bus o ang empleyado sa opisina. Sila ay kalipunan dahil may namamagitan na
institusyon sa kanilang ugnayan. Magkaiba, ngunit hindi nagkahiwalay ang kapuwa sa
kalipunan. Ang kalipunan ay para sa paglilingkod sa kapuwa.
Ang katarungang panlipunan ay namamahala sa kaayusan ng ugnayan ng tao
sa kaniyang kapuwa at sa ugnayan ng tao sa kalipunan. Inilalagay nito sa ayos ang
panlipunang ugnayan ayon sa kraytirya ng pagsunod sa batas. Isinaalang-alang din
nito ang mga panlipunan, pampolitikal at pang-ekonomiyang aspekto ng tao, mga
problema ng lipunan at mga maaring solusyon ng mga ito tungo sa kabutihang
panlahat.
Masasalamin sa mga konsiderasyong nabanggit ang mga katangian ng
katarungang panlipunan tulad ng: paggalang sa karapatan ng bawat tao, paglampas
4
sa pansariling interes at pagsaalang-alang sa kabuuang situwasyon upang tunay na
makamit ang kabutihang panlahat.
Mga Kaugnay na Pagpapahalaga
Alam mo ba na may mga kaugnay na pagpapahalaga ang katarungang
panlipunan? Ang mga ito ay ang dignidad ng tao, katotohanan, pagmamahal,
pagkakaisa at kapayapaan. Makatutulong sa iyong pagsisikap na maging
makatarungang tao ang pag-unawa mo sa mga ito.
Ang katarungang panlipunan sa tunay na kahulugan nito ay kumikilala sa
dignidad ng tao. Ang bawat tao ay may didnidad hindi dahil sa kaniyang pag-aari,
posisyon sa lipunan, o mga nakakamit sa buhay, kundi dahil sa kaniyang pagkatao.
Bukod-tangi ang tao sa lahat ng mga nilalang ng Diyos dahil nilikha siya ng Diyos na
may isip at kalayaan. Ang kaniyang pagkabukod-tangi ay hindi dumidepende sa
kanino man. Wala siyang katulad sa buongkasaysayan. Hindi siya mauulit. Tulad ng
binanggit sa baiting 7, kung ang diyamante ay mahalaga dahil bihira ito, ano pa kaya
ang tao na bukod-tangi? May dignidad ang tao dahil may halaga siya. Mahalaga sa
kaniyang pagkasiya, pagka-ako, pagkabukod-tangi. Ito ang nararamdaman ng tao ang
kaniyang kapuwa at sa kaniyang sarili. Dahil mahalaga ang tao, makatarungan na
ibigay ang nararapat sa kaniya. Totoo na ang pagbibigay kung ano ang nararapat sa
tao ay hindi nakadepende sa kaniyang sitwasyon, kundi sa kaniyang hindi malalabag
na karapatang kaugnay sa kaniyang dignidad bilang tao. Ang katarungang
panlipunan, kung gayon, ay nakatutuon sa kabutihan ng mga tao. Ang katarungang
panlipunan, kung gayon ay nakatutuon sa kabutihan ng mga tao. Samakatuwid, ang
mga istruktura ng lipunan ay nabubuo at nararapat na umiiral para sa kabutihan ng
lahat ng tao.
Makakamit ang katarungang panlipunan sa tulong ng isa pang pagpapahalaga
ng katotohanan. Sa paghahanap mo ng katotohanan, kinakailangang tingnan ang
kabuuan ng isang situwasyon. Ang katotohanan bilang isang pagpapahalaga ay maguudyok sa iyo na handa mong ibigay ang iyong buong sarili dahil ito ay may kabuluhan
sa iyong buhay at sa buhay ng iyong kapuwa. Kaya, ang katotohanan bilang isang
pagpapahalaga ay hindi isang simpleng opinyon lamang dahil hindi mo maitataya ang
iyong pagkatao at buhay para sa isang opinion lamang. Ang katotohanan sa puntong
ito ay ang pag-unawa na may iba pang apektado sa situwasyon, hindi lamang ikaw.
Inuunawa at pagnilaynilayan mo ang situwasyong ito upang makita ang katotohanang
nakakubli rito. May kasama ka sa kinasangkutang situwasyon at hindi makabubuti sa
mga kasama mo na ikaw lamang ang masusunod at maging sunod-sunuran lamang
sila sa iyo. Ang pagmomonopoliya o pagsasarili sa mga kaganapan ay sumasalungat
sa kabutihan ng inyong pagkakasamang pag-iral sa situwasyon na kapuwa ninyo
kinasasangkutan. Upang matugunan ang pangangaialangan ng katarungang
panlipinan, kailangan mong makipag-usap at makipagdiyalogo sa iba pang sangkot
sa situwasyon.
Kaugnay ng diginidad ng tao at ng katotohanan ay ang pagmamahal. Ang
katarungan ay walang kinikilingan dahil gabay nito ang diwa ng pagmamahal ang
5
iyong kapuwa ay isang kaibigan o maari ring ituring mo siya na isang kapatid. Kung
mawawala ang pagmamahal, paano na ang tao? Ano ang mangyayari sa katarungan?
Ang katarungan ay maaring mauwi sa simpleng legalismo na ibig sabihin ay pagiging
parang isang bulag kung saan sunud-sunuran na lamang ang tao sa batas. Kaya, ang
pagmamahal bilang isang pagpapahalaga ay isang aktibong pagkalinga sa kapuwa
na nagpapaunlad sa kaniyang mga kakayahan bilang tao. Kung ang katarungang
panlipunan ay ginagabayan ng diwa ng pagmamahal, ito ay hindi lamang isang
simpleng pag-iwas na makasakit o makapinsala sa kapuwa, kundi ito ay isang
positibong paglapit sa kaniya upang samahan at suportahan siya sa kaniyang pagtubo
bilang tao at sa pagpapaunladniya ng kaniyang potensiyal. Ito ay nangangahulugan
ng sama-samang pagkilos ng mga institusyon ng lipunan upang makabuo ng
sistemang susuporta sa pagpapaunlad ng pagkatao ng tao. Ang pagmamahal ay
siyang puso ng pagkakaisa.
Hindi lingid sa iyong kaalaman na may namumuong pagkakahati-hati sa mga
mamamayan ng ating bansa at maging sa pagitan ng mga bansa ng daigdig. Marahil,
ito ay dahil sa magkakaibang prinsipyo at pananaw sa buhay ng mga tao sa larangan
ng politika, relihiyon at iba pang aspekto ng buhay ng tao. Mahirap itong
malalampasan kung ang pagbabatayan lamang ng ugnayan ay ang katarungan. May
pag-asang maghilom ang sugat ng pagkahati-hating ito ng ating bansa sa bisa ng
pagkakaisa (solidarity). Makatutulong dito ang pagtanggap sa katotohanan na tayong
mga Pilipino ay sama-samang namumuhay sa iisang bansa lamang. Sa
pandaigdigang sitwasyon, makita sana ng lahat ng mga bansa na magkakaiba man
ang mga lahi, lahat ay namumuhay naman sa iisang daigdig. Samakatuwid, kailangan
na maging bukas tayo ay handang isakripisyo ang ating pansariling adhikain para sa
pagkakaisa tungo sa kabutihang panlahat. Ang sabi ni Santo Papa Juan Pablo II “Ang
bunga ng pagkakaisa ay kapayapaan”.
Sa iyong ugnayan sa kapuwa at sa kalipunan, makabubuting tahakin mo ang
landas ng katarungan at pagmamahal lalo na para sa mahirap at mahina tungo sa
pagkakaroon ng kapayapaan. Ang pagmamahal ay magbubunga ng kapayapaan sa
pamamagitan ng mapayapang paraan at hindi ng sandatahan. Ang kapayapaan ay
hindi nangangahulugan ng kawalan ng kaguluhan o sa pagkakaroon ng parehong
kapangyarihan ng mga bansa. Ang kapayapaan ay ang pagkakaisa sa puso ng mga
tao at sa panlipunang kaayusan ng katarungan. Muli, kailangan dito ang paggalang
sa dignidad ng tao at ang palagiang pagsasanay na maisabuhay ang diwa ng
pagkakaisa upang mataguyod ang kabutihang panlahat. Ang kapayapaanay bunga
rin ng pagmamahal, ang pinakamataas na antas ng pag-iral ng katarungan.
Sa huli, maitataguyod mo ang katarungang panlipunan sa pamamagitan ng
pagbibigay mo sa iyong kapuwa ng nararapat sa kaniya. Ito ay tanda ng paggalang
mo sa kaniyang dignidad bilang tao. Ang pagiging makatarungan sa kapuwa tao ay
nagsisimula at sinasanay sa pamilya. Ibinabatay ang makatarungang ugnayan ito sa
moral na kaayusan ng lipunan. Pinatitibay ang pag-iral ng katarungang panlipunan sa
pamamagitan ng pagsasabuhay ng mga kaugnay na mga pagpapahalaga na daan
tungo sa kabutihang panlahat.
6
Teka sandali, lang. Nag-iiwan ba sa iyo ng hamon ang natutuhan mo tungkol
sa katarungang panlipunan? Paano mo ito tutugunan? Huwag mo sanang kalimutan,
“Walang iwanan ha?”
Mula sa: Kagawaran ng Edukasyon. Edukasyon sa Pagpapakatao Baitang 9, Modyul Para
sa Mag-aaral (Pasig City: Kagawaran ng Edukasyon, 2015).
Gawin Natin
Panuto: Sagutin ang mga tanong upang mataya mo ang iyong pag-unawa sa mga
mahalagang konsepto sa babasahin. Isulat ang mga sagot sa isang pirasong papel.
1.
2.
3.
4.
5.
6.
Ano ang ugnayan ng katarungan sa sarili at katarungang panlipunan?
Saan mo nakikita sa iyong paligid ang katarungan?
Ano ang ginagawa mo para mapagtibay ito?
Saan mo nasasaksihan ang kawalang katarungan?
Ano ang ginagawa mo para mapuksa ito?
Ano-ano ang ginagawa mo upang maitaguyod ang katarungan sa ating bansa?
Sanayin Natin
TULA
Panuto:
1. Sa ibaba, makikita ang mga mahahalagang salita/konsepto mula sa aralin.
2. Gamit ang sumusunod na salita/konsepto, gumawa ng Tula tungkol sa
pananagutan ng bawat mamamayan na ibigay sa kapuwa ang nararapat sa kaniya.
3. Gawin ito sa isang pirasong papel.
Katarungang
Panlipunan
Katarungan
Batas
Pulis
Pamahalaan
7
Narito ang mga kraytirya ng pagtataya ng output:
KRAYTIRYA
PUNTOS
Tiyak at makabuluhan ang nagawang
tula
40%
Malinaw at konkreto ang paggawa base
sa napiling salita/konsepto
35%
Malikhain at Malinis ang pagkagawa ng
buong output
25%
Tandaan Natin
AKROSTIK
Panuto: Gumawa ng isang akrostik gamit ang salitang KATARUNGAN. Punan ang
bawat letra ng mga salitang mayroong kinalaman sa paksang tinalakay.
KATA
RUNGAN-
8
Suriin Natin
PANUTO: Basahin at unawaing mabuti ang mga aytem at pillin ang pinakatamang sagot.
Isulat sa papel ang iyong sagot.
1. Ang pagiging makatarungan sa kapuwa ay sa pamilya nagsisimula. Paano ito isinasagawa
ng iyong mga magulang?
a. Ipinapaalala ang mga alituntunin sa tahanan
b. Ipinapaunawa ang kahalagahan ng paggalang sa kapuwa
c. Ipinapaliwanag ang magandang ugnayan sa kapuwa
d. Itinuturo ang magiging kaparusahan sa paglabag ng karapatan ng tao
2. Bakit itinuturing na walang katapusang laban ang katarungan?
a. Dahil sa maraming paglabag sa karapatan ng tao
b. Dahil mahirap kalabanin ang ating sarili
c. Dahil mahirap makipag-ugnayan sa iba
d. Dahil maraming pagsubok ang haharapin
3. Alin sa mga sumusunod ang hindi nagpapakita ng katarungang panlipunan?
a. Nagtayo ng union si Jose upang malabanan ang korapsyon sa kanilang bayan.
b. Inilathala ang budget ng proyekto ng pamahalaan
c. Pagpataw ng tamang presyo sa bawat bilihin.
d. Kulang ang pasahod na ibinigay ng isang kompanya.
4. Alin sa mga sumusunod ang katangian ng katarungang panlipunan?
a. Paglampas sa pansariling interes
b. Pagsasaalang-alang sa kabuuang situwasyon
c. Paggalang sa karapatan ng bawat tao
d. Lahat ng nabanggit
5. Alin sa mga sumusunod ang hindi nagpapakita ng palatandaan ng isang taong
makatarungan?
a. Ginagalang ang batas
b. Sumunod sa palatuntunin sa paaralan
c. Aminin sa sarili ang totoo
d. Umiiwas sa anumang gawain
9
PANUTO: Piliin sa Hanay B ang hinihingi sa Hanay A. Isulat sa sagutang papel.
HANAY A
HANAY B
6. Pamahalaan
ng tao
7. Katarungan
a. maingatan ang mga indibiduwal na karapatan
8. Katarungang Panlipunan
yaman ng bansa
9. Pulis
c. masiguro ang patas na pagbabahagi ng
10. Batas
e. pag-iingat sa sarili ng komunidad upang.
makagawa, makabuo, at makalikha
b. magbantay sa kalayaan ng mga tao
d. pagbibigay ng nararapat sa tao
Payabungin Natin
Panuto: Punan ang bawat kolum. Sundin ang halimbawa sa bawat kolum sa ibaba at
gawin ito sa sagutang papel.
1. Sa unang kolum ng tsart sa ibaba sumulat ng limang (5) halimbawa ng
katarungan na nasaksihan mo sa iyong paligid
2. Sa ikalawang kolum ng tsart sa ibaba sumulat ng limang (5) halimbawa ng
kawalan ng katarungan na nasaksihan mo sa iyong paligid
HALIMBAWA NG KAWALAN
KATARUNGAN
HALIMBAWA NG KATARUNGAN
1.
2.
3.
4.
5.
10
Pagnilayan Natin
1. Sa iyong journal o sa isang pirasong papel, isulat kung paano mo matutugunan
bilang isang kabataan ang pangangailangan ng kapuwa o pamayanan sa mga
angkop na pagkakataon sa panahon ng pandemya?
Narito ang mga kraytirya ng pagtataya ng output:
KRAYTIRYA
PUNTOS
Tiyak at makabuluhan ang nagawang
pagninilay
40%
Malinaw at konkreto ang paggawa base sa
napiling salita/konsepto
35%
Malikhain at Malinis ang pagkagawa ng
buong output
25%
11
12
Suriin Natin
B
9.
E
8.
D
7.
C
6.
D
5.
D
4.
D
3.
A
2.
D
1.
Subukin Natin
Tama
9.
Tama
8.
Mali
7.
Tama
6.
A
5.
B
4.
D
3.
B
2.
D
1.
10. Mali
10. A
Susi sa Pagwawasto
Sanggunian
Kagawaran ng Edukasyon. Edukasyon sa Pagpapakatao Baitang 9 Modyul para sa
Magaaral. Pasig City: Kagawaran ng Edukasyon, 2015.
Kagawaran ng Edukasyon. K to 12 Gabay Pangkurikulum ng Edukasyon sa
Pagpapakatao Baitang 1-10. Pasig City: Kagawaran ng Edukasyon, 2016.
Rivera, Arnel O.“Aralin 9: Katarungang Panlipunan.” Slideshare Presentation at
slideshare.net, MAay 19, 2018
http://mameddieblogs.blogspot.com/2014/12/modyul-9-katarungangpanlipunan.html?m=1
13
Para sa mga katanungan o puna, sumulat o tumawag sa:
Department of Education – Region XI Davao City Division
DepEd Davao City, Elpidio Quirino Ave., Davao City
Telefax: 224-3274
Email Address: davaocity.division@deped.gov.ph
14