GOZOS
San Isidro Labrador
Sa Madrid hamiling Patron.
Kang Juan de Vargas nga agalon mo
Tungod sa hataas nga tiempo
Sa pagbisita mo sa mga Simbahan.
Tabangi kami kutob nianang etc.
Tabangi kami kutob nianang trono
Sa himaya nga gihatag sa Dios kanimo.
Natawo ka sa kapobre nga daku
Apan tungod sa imong kayo
Nahaisip ka sa usa ka dato
Sa walay nakulang sa pagpuyo.
Tabangi kami kutob nianang etc.
Ang kahimtang nga magdadaro
Gipili sa kaputli mo
Ug sa kanunay gihimo
Sa makugihon nga kamut mo.
Tabangi kami kutob nianang etc.
Inigbugwal mo sa yuta
Nga sa singot mo giagayan
Gipalandong mo diha
Ang pagkawalay pulos sa kalibutan.
Tabangi kami kutub nianang etc.
Ang langit gitinguha mo
Sa kainit nga santos ug kalomo
Sa paglipay lamang sa Ginoo
Kanunay mo kini nga gihimo.
Tabangi kami kutob nianang etc.
Sa pagsilbi mapaningkamuton
Sa imong Senyor nga agalon
Busa ikaw ang panig-ingnan
Sa magdadaro nga kahimtang
Tabangi kami kutob nianang etc.
Kay sa dili pa magtrabaho
Ang pagbisita sa Simbahan Sa mahal nga
Birhen ta nga Inahan
Mao kini ang unahon mo.
Tabangi kami kutob nianang etc.
Gisumbong ka nga kuno tapukan
Sa dihadiha gipangita ka
Sa dakung kasubo sa kalag niya;
Apan nakita niya nga ilis kanimo, .
Ang dúha ka Anghel nga magdadaro.
Tabangi kami kutob nianang etc
Sulondon ka sa mga pag-antus
Salamin ka sa paghigugma
Ug sa mga minyo nga kastos
Panig-ingnan ka sa pagpenitencia.
Tabangi kami kutub nianang etc.
Kasiyaman ka tuig ang edad mo
Ang grasya sa Dios nagpuyo kanimo
Busa imo gayud gidaug
Ang panulay nga mabaskug.
Tabangi kami kutob nianang etc.
Napuno ka diha sa himaya
Sa langit makagagahum ka,
Ug sa Dios gibuhat ka
Patron sa capital sa Espanya.
Tabangi kami kutob nianang etc.
Mga lungsod sa dakung paglaum
Nanangop sa mga kalisod nila,
Sa panabang walay ikaduha
Oh Santos ko nga hinigugma!
Tabangi kami kutob nianang etc.
San Isidro Labrador
Sa Madrid hamiling Patron.
Tabangi kami kutob nianang trono
Sa himaya nga gihatag sa Dios kanimo.