BUNDOK
Orihinal na likha ni: Edwin Bryan M. Javier
Nakikita mo ba ang tuktok ng bundok?
Nais mo bang ika’y makarating sa rurok?
Halika at huwag umupo
Tumayo ka at tayo’y humayo
Ihanda ang iyong mga paa
Dahil tayo’y maglalakbay na
Binti ay pinupulikat, tuhod ay nangangatog na
Hindi titigil at aking ihahakbang ang mga paa
Mararanasan mong dumaan sa kadiliman
Wala kang mahahawakan
At walang makikitang katiyakan
Kailangan mong tumuloy nang marating ang paanan
Kailangan mong huminto at magpahinga,
Magnilay ka pansamantala
Tiyak na ang daan ay masusundan mo na
Kailangan mo lang maging masaya
Sa paglalakbay na napakahaba,
Susuko ka pa ba?
Tandaan mo na malapit ka na
Sa rurok na naismong matamasa
Ang buhay ay parang bundok,
Narating mo na ang tuktok
Huwag ka lang susuko sa ano mang pagsubok
Upang marating ang rurok
Siguradong makakarating ka
Ihakbang mo lang ang iyong mga paa
Sa Diyos ay dapat magtiwala ka
‘Di ka nag-iisa, sa paglalakbay ay kasama mo siya.