“AN SIRING?”
Hadto nga panahon han kakurian
Akon pamilya in akon naging sandigan
Gin kusgan akon panhuna-huna
Dire nagpapirdi han pandemya
Paningkamot nga mabuhi, makatalwas makakaon
Ha adlaw nga kulang kita hin paglaom
Pero kinahanglan nga umato!
Sugad kabaskug hin bato
Sunod sunod an pagkasakit
Inin rason ha kaluyahon han lawas
Tungod nga igin diri an pag gawas
Ha nawong han mga tawo kita an kaurit
Ha oras han pandemya duro nak kalipay
Kay kompleto kami ha amon panimalay
Pero kasakit ini ha iba
Kay nawad-an hin usa
Bisan nagkuri ngan nahipakdol
Tumindog, nag antos kita!
Bisan ha kabubuwason nga dire sayod
Tanan kita in naglaom ha kadayon