O‘ZBEKISTON RESPUBLIKASI AXBOROT TEXNOLOGIYALARI VA
KOMMUNIKATSIYALARINI RIVOJLANTIRISH VAZIRLIGI
MUHAMMAD AL-XORAZMIY NOMIDAGI TOSHKENT AXBOROT
TEXNOLOGIYALARI UNIVERSITETI SAMARQAND FILIALI
“KOMPYUTER INJINIRINGI” FAKULTETI
ATS 20-06 GURUH TALABASI
Fazliddinov Iskandarning
“Elektron to’lov tizimlari”
fanidan
2- Mustaqil ishi
Fan o‘qituvchisi: Jiyanov O.P
Talaba: 20-06-guruh, Fazliddinov I
S a m a r q a n d _ 2023
ELEKTRON HUKUMAT KONFIDENSIAL AXBOROT RESURSLARIDAN
FOYDALANISH USULLARI.
REJA:
1.Elektron hukumat haqida tushuncha
2.“Elektron hukumat” Tizimi birinchi galdagi vazifalar
3.Elektron hukumat rivojlanishi va istiqbollari
Aholi farovonligini yanada oshirish, mamlakatning iqtisobiy barqarorligini
mustahkamlashning muhim omili sifatida aloqa, axborotlashtirish va
telekommunikatsiya texnologiyalarini rivojlantirish O‘zbekiston hukumati
siyosatining ustuvor vazifalari qatoriga kiradi. Mazkur vazifaning mohiyati,
maqsadi va istiqboldagi rivoji O‘zbekiston Respublikasi Prezidenti tomonidan
2013 yilning 27 iyunida qabul qilingan O‘zbekiston Respublikasining Milliy
axborot-kommunikatsiya tizimini yanada rivojlantirish chora-tadbirlari
to‘g‘risidagi qarorida ham o‘z ifodasini topdi. Mazkur qarorga muvofiq, 20132020 yillarda O‘zbekiston Respublikasida telekommunikatsiya texnologiyalari,
tarmoqlari va aloqa infratuzilmasini rivojlantirish dasturi tasdiqlandi. Dasturning
bosh maqsadi iqtisodiyotning barcha jabhalarida axborot-kommunikatsiya
texnologiyalarini joriy qilishni rivojlantirish, axborot resurslari, tizimlari va
tarmoqlarining yaratilishini jadallashtirish, shuningdek aholi va tadbirkorlik
sub’ektlariga ko‘rsatilayotgan interaktiv davlat xizmatlari soni va sifatini yanada
oshirishdan iborat 2013-2020 yillarda O‘zbekiston Respublikasida
telekommunikatsiya texnologiyalari, tarmoqlari va aloqa infratuzilmasini
rivojlantirish dasturini shartli ravishda yana ikki dasturga bo‘lish mumkin. Birinchi
dastur – O‘zbekiston Respublikasi telekommunikatsiya texnologiyalari, tarmoq va
infratuzilmasini rivojlantirish bo‘lsa, ikkinchi dastur – “elektron hukumat”
tizimining axborot tizimlari va ma’lumotlar bazasi kompleksini yaratish.
Telekommunikatsiya texnologiyalari, tarmoq va infratuzilmasini rivojlantirish
dasturida keng polosali texnologiyalar yordamida simli va simsiz aloqani,
ma’lumotlar uzatish hamda ovozli trafik kommutatsiya markazlarini yanada
rivojlantirish, magistral telekommunikatsiya tarmoqlarini ta’mirlash va
kengaytirish, multimedia xizmatlarini ko‘rsatish uchun zarur infratuzilmani
yaratish vazifalari belgilab olingan. Misol uchun, 2020 yigacha keng polosali optik
aloqa tarmoqlarini rivojlantirish va kengaytirish, undan so‘ng mamlakatning
barcha hududlarida EDVO, 3G i 4G LTE baza stansiyalarini o‘rnatish ishlarini olib
borish rejalashtirilgan. Korporativ sohalar uchun multimedia xizmatalrini
ko‘rsatish studiyalarini ishga tushirish, axborot-ma’lumotnoma markazlari,
ma’lumotlarni saqlash va qayta ishlash, keshlash markazlari faoliyatini
takomillashtirish ko‘zda tutilgan. O‘zbekiston Respublikasi Prezidentining 2013
yil 27 iyundagi PQ-1989-son Qarori bilan O‘zbekiston Respublikasida “elektron
hukumat” tizimini rivojlantirish bo‘yicha quyidagi vazifalar belgilab olingan:
“Elektron hukumat” tizimining axborot tizimlari komplekslari va ma’lumotlar
bazalarini yaratish bo‘yicha chora-tadbirlar hamda loyihalar ro‘yxati Kompleks
dasturi tasdiqlangan. Kompleks dastur – O‘zbekistonda “Elektron hukumat”
tizimini joriy etishning o‘ta muhim ahamiyatga ega bo‘lgan 22 ta loyiha va 6 ta
tadbirlarni o‘z ichiga oladi. Milliy axborot-kommunikatsiya tizimini yanada
rivojlantirishning Kompleks dasturini amalga oshirishni muvofiqlashtiruvchi
Respublika komissiyasi tashkil qilingan. Shu bilan birga Qo‘mita qoshida 2 ta yirik
“Elektron hukumat” tizimini rivojlantirish markazi va Axborot xavfsizligini
ta’minlash markazlarini tashkil etish belgilangan. O‘zbekistonda “Elektron
hukumat” tizimini joriy etishning o‘ta muhim ahamiyatga ega bo‘lgan loyihalarni
amalga oshirish bo‘yicha grafiklar ishlab chiqilgan. Mazkur grafiklarda loyihalarni
amalga oshirish yuzasidan quyidagilarni amalga oshirish belgilangan:
Dastlabki loyiha oldi tadqiqotlarni o‘tkazish, bunda interaktiv xizmatlar bo‘yicha
xalqaro tajribani o‘rganish, mavjud holatini o‘rganish, va takliflar ishlab chiqish.
Loyihani amalga oshirish konsepsiyasini ishlab chiqish. Dastlabki texnik iqtisodiy
hisob-kitoblarni ishlab chiqish. Dastlabki texnik iqtisodiy hisob-kitoblarni
ekspertizadan o‘tkazish. Texnik topshiriq ishlab chiqish. Loyihani amalga
oshiruvchini aniqlash bo‘yicha tanlovlar o‘tkazish. Loyihani amalga oshirishdan
iboratdir. “Elektron hukumat” tizimini joriy qilishning istiqbolli rejalari doirasida
2014-2016 yillarda idoralararo integratsiyalashgan platformani yaratish loyihasi
amalga oshiriladi. Bu platforma barcha davlat organlari axborot tizimlarini
birlashtiradi, aholiga ma’lumot olish, ariza topshirish va boshqa xizmatlardan
foydalanish bo‘yicha idoralar o‘rtasida ma’lumot almashishga xizmat qiladi.
Davlat organlarining aholi va tadbirkorlik sub’ektlari bilan o‘zaro axborot
almashinuvlari, muloqotlari, shuningdek bir qator davlat xizmatlarini ko‘rsatish
2013 yilda ishga tushirilgan Yagona portal orqali amalga oshirilmoqda. Dasturga
muvofiq, “elektron hukumat” tizimi foydalanuvchilarini identifikatsiya qilish
maqsadida ochiq kalitlar bazasida Yagoan identifikatsiya tizimini yaratish
loyihasini tashkil qilish ko‘zda tutilgan.Jismoniy va yuridik shaxslar, transport,
kadastr, ko‘chmas mulk, ma’lumot va klassifikatorlar jam qi lingan milliy
ma’lumotlar bazasi va reyestri, axborot tizimlarini rivojlantirish “elektron
hukumat”ni samarali etishning muhim bosqichi hisoblanadi. Shundan so‘ng, aholi
va tadbirkorlarga davlat organlari xizmatlaridan elektron shaklda foydalanish,
davlat organlariga o‘z faoliyatlarini optimallashtirish, samaradorligini oshirish
imkoniyati yaratiladi. 2013-2020 yillarda O‘zbekiston Respublikasida
telekommunikatsiya texnologiyalari, tarmoqlari va aloqa infratuzilmasini
rivojlantirish dasturi O‘zbekistonda axborot jamiyatini yanada rivojlantirish,
mamlakatning jahon axborot makoniga yanada integratsiyalashuvida yangidanyangi imkoniyatlarning yaratilishida muhim huquqiy hujjat bo‘lib xizmat qiladi.
ELEKTRON HUKUMAT” TIZIMI: BIRINCHI GALDAGI VAZIFALAR
Shu yilning 9 iyul kuni O‘zbekiston Respublikasi Milliy axborot-kommunikatsiya
tizimini rivojlantirish kompleks dasturini 2013-2020 yillarda amalga oshirish
bo‘yicha Respublika muvofiqlashtirish komissiyasining yig‘ilishi o‘tkazildi.
Tadbirda Vazirlar Mahkamasi mas’ul xodimlari, vazirlik va idoralar vakillari,
shuningdek, videokonferensaloqa orqali joylardagi davlat hokimiyati organlari
rahbarlari qatnashdi.
Tarkibida qator vazirlik va idoralar rahbarlarini jamlagan mazkur komissiya davlat
va xo‘jalik boshqaruvi organlari faoliyatini muvofiqlashtirish, interaktiv davlat
xizmatlari ko‘rsatishni yanada takomillashtirish borasida tegishli chora-tadbirlar
ko‘rish va muntazam monitoring yuritish, davlat organlari funksional faoliyati va
amaliy jarayonlarini optimallashtirish kabi maqsadlarda tuzilgan.
2013-2020 yillarda O‘zbekiston axborot-kommunikatsiya tizimini kompleks
rivojlantirish bo‘yicha hukumat dasturi qabul qilingan bo‘lib, jumladan, unda
aholiga davlat hokimiyati organlari bilan elektron shaklda muloqot o‘rnatish uchun
imkoniyat yaratish, davlat boshqaruvida “yagona oyna” tamoyilini joriy etish kabi
vazifalar belgilangan. Dasturda, shuningdek, kompleks axborot tizimlari va
“Elektron hukumat” tizimining ma’lumotlar bazasini yaratish ham ko‘zda tutilgan.
Dastur mamlakatimiz iqtisodiyoti va jamiyatning barcha sohalarida zamonaviy
axborot-kommunikatsiya texnologiyalarini keng joriy etish va rivojlantirish,
axborot resurslari, tizim va tarmoqlar tezkor rivojlanishini ta’minlash, shuningdek,
tadbirkorlik sub’ektlari va aholiga ko‘rsatilayotgan davlat interaktiv xizmatlari
ko‘lami va sifatini oshirishni rag‘batlantirish singari maqsadlarda qabul qilingan.
Dasturda belgilangan loyihalarning amalga oshishi ko‘rsatilayotgan xizmatlarning
yuqori sifatliligini ta’minlash uchun axborot-kommunikatsiya va
telekommunikatsiya texnologiyalarining zamonaviy yuqori texnologiyali
infratuzilmasini yaratish imkonini beradi hamda iste’mol bozorining barcha
jabhalarida interaktiv xizmatlarni rivojlantirish uchun qulay sharoitni yuzaga
keltiradi.
Respublika komissiyasi yig‘ilishida 2013-2020 yillarda O‘zbekiston Respublikasi
telekommunikatsiya texnologiyalari, tarmoqlari va aloqa infratuzilmasini
rivojlantirish dasturi, kompleks axborot tizimlari va “Elektron hukumat” tizimining
ma’lumotlar bazasini yaratishga doir loyihalar va tadbirlar muhokama qilindi.
Asosiy e’tibor ko‘rsatiladigan interaktiv davlat xizmatlari idoraviy ro‘yxatini
shakllantirish, har bir ko‘rsatilayotgan xizmatning reglamentini ishlab chiqish,
davlat xizmatlari yagona reyestrini shakllantirish va ularni interaktiv ko‘rinishga,
jumladan, Yagona interaktiv davlat xizmatlari portali (my.gov.uz)ga o‘tkazish
masalalariga qaratildi.
Vazirlik va idoralar rahbarlariga esa axborot texnologiyalari va dasturiy
mahsulotlarni keng qo‘llash hisobiga boshqaruv-ishlab chiqarish jarayonlari
faoliyati samaradorligini oshirish, ko‘rsatilayotgan davlat xizmatlari sifati va
foydalanish qulayligini oshirish, ularning bajarilishini osonlashtirish hamda
muddatlarini qisqartirish, shuningdek, fuqaro va tashkilotlarga davlat xizmatlari
ko‘rsatishda ma’muriy xarajatlarni kamaytirish zarurligi ta’kidlandi.
Muhokamalar yakunida ko‘rsatiladigan davlat xizmatlari, shuningdek, ularda
foydalaniladigan forma va blanklar inventarizatsiyasini o‘tkazish, Respublika
komissiyasi faoliyatini yoritib borish, qabul qilingan dasturni amalga oshirish
hamda xorij, jumladan, Koreya Respublikasi tajribasini o‘rganish maqsadida vebsayt yaratish haqida qaror qabul qilindi.
Elektron hukumat: rivojlanishi va istiqbollari
Elektron hukumat (ingl. e-Government) – bu fuqarolar, biznes, davlat hokimiyati
boshqa tarmoqlari va davlat amaldorlariga axborot taqdim etish hamda avvaldan
shakllangan davlat xizmatlarini ko‘rsatish bo‘lib, bunda davlat va fuqaro
o‘rtasidagi shaxsiy aloqa minimallashtirilgan bo‘ladi va axborot texnologiyalaridan
maksimal darajada foydalaniladi. Dunyoning taraqqiy topgan mamlakatlarida
«Elektron hukumat» milliy tizimini faol tatbiq qilinmoqda. Bu tizim davlat
tuzilmalarini boshqarishni, davlat va tadbirkorlar o‘rtasidagi aloqani
mustahkamlash orqali biznes-jarayonlarni samarali rivojlantirishni ta'minlabgina
qolmay, fuqarolarga davlat xizmatlarini internet orqali hammabop interaktiv
shaklda taqdim etish imkonini ham yaratadi. Mamlakatimizda ham bir necha
yillardan buyon, maqsadli ravishda interaktiv davlat xizmatlarini aholi va yuridik
shaxslarga davlat organlari veb-saytlari va O‘zbekiston Respublikasi Hukumat
portali orqali taqdim etish uchun axborot-kommunikatsiya texnologiyalari joriy
etilmoqda. 2007 yildayoq, 49ta Bazaviy interaktiv davlat xizmatlari reestri
(BIDXR) tasdiqlangandi. 2009 yilda u 94taga kengaytirilgan bo‘lib, hozirda esa
BIDXR 195dan ziyod ko‘rinishni qamrab oladi. O‘zbekiston matbuot markazida
“Elektron hukumat tizimi va interaktiv davlat xizmatlarining rivojlanishi”
mavzusida matbuot anjumani o‘tkazildi. O‘zbekiston Respublikasi aloqa,
axborotlashtirish va telekommunikatsiya texnologiyalari davlat qo‘mitasi raisi
o‘rinbosari Sherzod Shermatov OAV vakillariga Elektron hukumat tushunchasi,
uning mazmun mohiyati, amalga oshirilgan ishlar va kelgusidagi vazifalar haqida
ma'lumot berdi. Bugungi kunda ushbu yo‘nalishda Korea Respublikasi ekspertlari
bilan hamkorlikda ish olib borilayotganiga to‘xtaldi. Qo‘mitaning Axborotkommunikatsiya texnologiyalari boshqarmasi boshlig‘i Olimjon Umarov mavzu
bo‘yicha batafsil ma'ruza qildi. Ma'ruzachi Elektron hukumat tizimining ustuvor
vazifalari haqida to‘xtalar ekan, davlat data-markazini, interaktiv davlat
xizmatlarining yagona portali hamda davlat organlari axborot tizimi majmuasini
tashkil etish kabi masalalar ustida olib borilayotgan ishlar haqida ma'lumot berdi.
Ma'lum qilinishicha, shu yilning 1 iyulidan interaktiv davlat xizmatlarining yagona
portali ishga tushiriladi. Mamlakatning 2012 yildagi ijtimoiy-iqtisodiy rivojlanishi
yakunlari va 2013 yilgi iqtisodiy dasturning eng muhim ustuvor yo‘nalishlariga
bag‘ishlangan 2013 yil 18 yanvardagi Hukumat majlisida Prezidentimiz Islom
Karimov mamlakatda «Elektron hukumat» tizimini shakllantirish Konsepsiyasi va
kompleks dasturini ishlab chiqish muhimligini qayd etib o‘tgandi. Davlat organlari
rahbarlari va mutaxassislaridan tuzilgan maxsus ishchi guruhi tomonidan mazkur
yo‘nalishda dunyo yetakchisi bo‘lmish Korea Respublikasi va boshqa xorijiy
mamlakatlarning «elektron hukumat» borasidagi ilg‘or tajribalarini inobatga olinib,
«Elektron hukumat» tizimini shakllantirish bo‘yicha Konsepsiya va Kompleks
dasturni, shuningdek, 2013-2017 yillarda O‘zbekiston Respublikasida Milliy
axborot-kommunikatsiya tizimini rivojlantirish Kompleks dasturini ishlab chiqish
amalga oshirilmoqda. Loyihalarni ishlab chiqishda korealik va boshqa xorijiy
ekspertlar faol qatnashmoqdalar, ushbu yo‘nalish bo‘yicha O‘zbekistonning turli
vazirliklari va idoralari mutaxassislari bilan davra suhbatlari, uchrashuvlar,
seminarlar va yig‘ilishlar o‘tkazilapti. Ishlab chiqilayotgan O‘zbekiston
Respublikasida 2013-2017 yillarda «Elektron hukumat» tizimini shakllantirish
bo‘yicha Konsepsiya va Kompleks dastur davlat organlarining o‘zaro va aholi
hamda tadbirkorlik subyektlari bilan munosabatlarining bugungi holati va
yo‘nalishlarini inobatga olgan holda, «Elektron hukumat» tizimini shakllantirish va
rivojlantirish bo‘yicha asosiy vazifalarni belgilaydi. «Elektron hukumat» tizimini
joriy etish bo‘yicha taklif etilayotgan chora-tadbirlarning samaradorligini baholash
uchun davlat organlari interaktiv xizmatlarining turli sohalari va yo‘nalishlari
bo‘yicha maqsadli ko‘rsatkichlar va indikatorlar ishlab chiqilgan. «Elektron
hukumat» tizimi joriy etilishi natijasida to‘liq tranzaksiyalangan xizmatlarga
o‘tilishi kutilmoqda, bu esa, aholi va biznes vakillarining davlat xizmatidan
foydalanishda turli instansiyalarga qatnashni va davlat xizmatchilari bilan bevosita
muloqotda bo‘lishni istisno etadi. Bu, o‘z navbatida, aholiga qo‘shimcha
qulayliklar yaratishga va biznes yuritish sharoitlarini yaxshilashga xizmat qiladi.
Bugungi kunda, «Elektron hukumat»ning samarali unsurlari sifatida, 20dan oshiq
loyihalar amalga oshirildi. Ular sirasida:
Gov.uz O‘zbekiston Respublikasi Hukumat portali, u tashkilotlar, shuningdek,
yuridik shaxslar va jismoniy shaxslar o‘rtasidagi elektron-axborot munosabatlari
infratuzilmasining tizim tashkil etuvchi unsuri sanaladi. Har qanday fuqaro yoki
korxona, tashkilot, muassasa vakili bu yerdan O‘zbekiston davlat hokimiyatining
barcha unsurlari haqida to‘liq ma'lumot olishi, shuningdek, bevosita gov.uz portali
orqali u yoki bu hokimiyat organiga elektron shaklda rasmiy so‘rov yuborishi
mumkin. Bu portalda, shuningdek, Bazaviy interaktiv davlat xizmatlari to‘liq
reestri chop etilgan. «E-kommunal.uz» portali – kommunal xo‘jalik sohasidagi
umumiy axborot infratuzilmasi bo‘lib, aholi, nazorat organlari va uy-joy
mulkdorlari shirkatlari, shuningdek, kommunal xizmatlar o‘rtasida axborot
almashinuvini soddalashtiradi. Ushbu portalda qulay shaklda O‘zbekiston uy-joy
va kommunal xo‘jalikka oid barcha masalalar bo‘yicha ma'lumotlar joylashtirilgan.
Har bir xohlovchi portalda kommunal xo‘jalik borasidagi u yoki bu muammo
haqida axborot, fotosurat joylashtirish mumkin, bu muammolar davlat
hokimiyatining tegishli organlari tomonidan o‘rganib chiqiladi. Statistika, soliq va
boshqa moliyaviy hisobotlarni tadbirkorlik subyektlaridan elektron ko‘rinishda
yig‘ish va qayta ishlash tizimi (stat.uz, soliq.uz). Davlat soliq qo‘mitasi saytida
istalgan soliq to‘lovchi, ham yuridik, ham jismoniy shaxs maslahat olish, elektron
ko‘rinishda soliq hisoboti yoki daromadlar haqida deklaratsiya topshirish yoki o‘z
STIRini tasdiqlash kabi qator xizmatlardan foydalanishi mumkin. Davlat statistika
qo‘mitasi sayti orqali har bir tadbirkorlik subyekti statistik hisobotni elektron
ko‘rinishda topshirishi mumkin. 25 mingdan ziyod me'yoriy hujjatlarni erkin
foydalanish uchun yig‘gan O‘zbekiston Milliy qonunchilik bazasi (lex.uz). Lex.uz
milliy tizimining asosiy maqsadi aholining huquqiy madaniyatini yuridik va
jismoniy shaxslarning me'yoriy-huquqiy hujjatlardan keng foydalanishini
ta'minlash orqali yuksaltirish, aholini huquqiy axborot bilan ta'minlashni
takomillashtirishdan iborat.
Elektr energiya iste'molchilarining har biri uchun o‘z shaxsiy ma'lumotlaridan
foydalanishini ta'minlovchi elektrenergiya iste'molchilari shaxsiy kabinetlari
(uzbekenergo.uz). Chet el fuqarolarining O‘zbekistonga viza rasmiylashtirishlari
uchun onlayn-so‘rovnoma (mfa.uz). Tizim O‘zbekiston tashqi ishlar vazirligi vebsaytining bir qismi bo‘lib, hozirda o‘zbek, ingliz va rus tillarida ishlamoqda.
Faoliyatning litsenziyalanadigan turlari va ruxsat berish taomillari ro‘yxati,
litsenziya, ruxsatnoma va boshqalarni olish uchun talab qilinadigan hujjatlar
haqida axborot olish imkonini beruvchi umumiy litsenziyat portali (license.uz).
O‘zbekistonda litsenziyalanadigan faoliyat turlari ro‘yxati muntazam qisqarmoqda
va ularni olish taomili soddalashmoqda. Ushbu loyiha barcha axborotni olish va
zarur litsenziyalarni olishdagi qog‘ozbozlik darajasini qamaytirish imkonini beradi.
“Elektron hukumat” tizimini rivojlantirish markazi tuzildi O‘zbekiston
Respublikasi Aloqa, axborotlashtirish va telekommunikatsiya texnologiyalari
davlat qo‘mitasi huzurida «Elektron hukumat» tizimini rivojlantirish markazi
tashkil etildi. Markaz O‘zbekiston Respublikasi Prezidentining «O‘zbekiston
Respublikasining Milliy axborot-kommunikatsiya tizimini yanada rivojlantirish
chora-tadbirlari to‘g‘risida» 2013-yil 27-iyundagi PQ-1989-son qarorini bajarish
yuzasidan Vazirlar Mahkamasining 2013-yil 16-sentabrda qabul qilgan
qarori asosida tashkil etildi. Ayni qaror asosida “Elektron hukumat» tizimi axborot
tizimlari komplekslari, resurslari va ma’lumotlar bazalarining axborot xavfsizligini
ta’minlash maqsadida Axborot xavfsizligini ta’minlash markazi ham tuzilgan.
«Elektron hukumat» markazining asosiy vazifalari quyidagilardan iborat bo’lishi
belgilangan: Elektron hukumat» tizimini yanada rivojlantirish va
takomillashtirishning strategik yo‘nalishlarini, shu jumladan, jahon
tendensiyalarini hamda xorijiy mamlakatlar tajribasini tahlil va tadqiq qilish
asosida ishlab chiqish;«Elektron hukumat» tizimini shakllantirishda davlat
organlarida qo‘llaniladigan axborot tizimlari, axborot resurslari va ma’lumotlar
bazalarini loyihalashtirish, ishlab chiqish va integratsiyasining kelishilgan
mexanizmini hamda «Elektron hukumat» tizimi loyihalarini amalga oshirishning
normativ-metodik ta’minotini tashkil etishni nazarda tutuvchi yagona texnologik
yondashuvni ta’minlash; davlat organlari faoliyatining funksional va operatsion
jarayonlarini tizimli qayta tashkil etishni amalga oshirish, davlat xizmatlari
ko‘rsatish bilan bog‘liq bo‘lgan biznes jarayonlarni boshqarishni maqbullashtirish,
takomillashtirish va innovatsion mexanizmlarini joriy etish bo‘yicha takliflar
tayyorlash; «Elektron hukumat» tizimini samarali joriy etish uchun amaldagi
normativ-huquqiy bazani maqsadli tahlil qilish va uni takomillashtirish bo‘yicha
takliflar tayyorlash; «Elektron hukumat» tizimi doirasida axborot-kommunikatsiya
texnologiyalarini joriy etish va rivojlantirishning holatini tizimli monitoring qilish,
baholash, shu jumladan, axborot tizimlari va resurslarini joriy etish samaradorligini
o‘rganish, davlat organlari faoliyatida axborot-kommunikatsiya texnologiyalarini
joriy etish samaradorligini reytingli baholash tizimini yuritish; «Elektron hukumat»
tizimi doirasida interaktiv davlat xizmatlari ko‘rsatish va ulardan foydalanish
samaradorligining asosiy ko‘rsatkichlarini aniqlash metodikasini ishlab chiqish,
loyihalarni amalga oshirishning maqsadli indikatorlari va ko‘rsatkichlarini
aniqlash. Vazirlar Mahkamasi qarorida «Elektron hukumat» tizimini rivojlantirish
markazi hamda Axborot xavfsizligini ta’minlash markazi faoliyatini
moliyalashtirish va moddiy-texnika ta’minoti tasdiqlangan smeta doirasida
Axborot-kommunikatsiya texnologiyalarini rivojlantirish fondi, xalqaro moliya
institutlari, xorijiy hukumat va hukumatga qarashli bo‘lmagan tashkilotlarning
beg‘araz texnikaviy ko‘magi (grantlari), xo‘jalik faoliyatidan, shuningdek, qonun
hujjatlarida taqiqlanmagan boshqa manbalardan tushadigan mablag‘lar hisobiga
amalga oshirilishi ko’zda tutilgan. «Elektron hukumat» tizimini rivojlantirish
markazi hamda Axborot xavfsizligini ta’minlash markazi ustavlarini bir oy
muddatda ishlab chiqish va tasdiqlash, shuningdek, ularning belgilangan tartibda
davlat ro‘yxatidan o‘tkazilishini ta’minlash O‘zbekiston Respublikasi Aloqa,
axborotlashtirish va telekommunikatsiya texnologiyalari davlat qo‘mitasi
zimmasiga yuklatildi.
Foydalaniladigan adabiyotlar ro‘yxati:
1.
Kenneth C.Loudon, Jane P.Loudon. Management Information Systems. New
York, 2016. Page 669.
2.
S.S.Gulomov, B.A.Begalov. Informatika va axborot texnologiyalari.
Darslik.-T.: “Fan”. 2010.- 628 bet.
3.
Informatsionnie texnologii v ekonomike i upravlenii: uchebnik /pod red.
prof. V.V. Trofimova. 2-e izd., pererab. i dop.- M.: Yurayt, 2016.- 482 s.
4.
Avtomatizirovannie informatsionnie texnologii v ekonomike: uchebnik / Pod
red. prof. G.A. Titorenko. 2-e izd. Pererab. i dop. - M.: Yuniti, 2015. -399 s.
5.
Kenjabayev A.T., Jumaniyazova M.Yu., Tillyashayxova M.A. Informatika va
axborot texnologiyalari. O‘quv qo‘llanma. “Iqtisod-moliya”. 2013, 160 bet.
Internet sayti:
www. http://el.tfi.uz/pdf/mddj22.uzk.pdf- Toshkent moliya instituti elektron
kutubxonasi;
http://fayllar.org