ARALIN 8 TALUMPATI “WIKA NG PILIPINO” Magandang hapon sa inyong lahat! Ako po ay isang studyante na nag aaral sa paaralang Jose Maria College, Inc. Grade 11 Ruby. Ngayon, nais kong talakayin ang isang napakahalagang aspeto ng ating kultura at pagkakakilanlan bilang mga Pilipino — ito ay ang ating sariling wika, ang Filipino at kung bakit ang wikang tagalog lang ang dapat natin ibibigkas sa araw-araw nating usapan, maliban sa Ingles. Alam naman natin na ang wika ay ang symbolo sa pakikipag ugnayan sa mga ibang kapwang tao, magiging instrumento sa komunikasyon para sa paggawa ng koneksyon ng mga iba’t ibang tao sa mundo. Kaya sa panahon na ito, wikang tagalog at ingles na ang ginagamit natin sa edukasyon, pag uusap sa mga pamilya o kaibigan, interview at iba pa. Ngunit, meron parin mga opinion ang ibang kapwang Pilpino o mga dayuhan na ipalit ang wikang tagalog. Sa ating bansa, may iba't ibang wika at diyalekto dahil sa dami ng ating mga isla at kultura. Ngunit sa kabila nito, mahalaga na tayo ay magkaroon ng isang pangkalahatang wika na magkakaintindihan tayong lahat. Dito pumapasok ang Filipino, isang wika na nagtataglay ng kagandahan at kasaysayan ng ating mga salita. Madaming nadaan na pangyayari sa ating wika, mga pag-uunlad sa wika ng Filipino, Pilipino, at Tagalog, mga impluwensya ng mga Kastila sa relihiyon kristiyanismo, pagsakop ng mga Hapon sa ating bansa, at ang pagtuturo ng wikang Ingles na galing sa mga Amerikano. Ang mga sacripisyo ng bayani natin, mga tao para lang sa kalayaan ng ating bansa, malaya sa mga kamay ng mga magsasakop na may masamang intensyon sa mga buhay ng mga inosenteng tao. Hindi dapat natin ikalimutan ang kahalagahan ng pag-unlad at pagpapayaman ng ating wika. Ang Filipino ay may kakaibang ganda at kasaysayan, at mahalagang panatilihin itong buhay at mas mapagkayarian. Kailangan natin itong pahalagahan at pagyamanin para sa mga susunod na henerasyon ng Pilipino. Ang kahalagahan ng wikang Pilipino ay hindi lang yan ang wika ng bansa natin, kundi sa mga tao na namatay para sa kinabukasan sa susunod na henerasyon. Sila ang dahilan kung bakit nabuhay tayo sa panahon na walang ibang bansa ang namuno at nagsakop sa bansang Pilipinas. Hindi dapat natin ipalit ang ating wika sa mga ibang wika pero pwede kung pang education lamang. Mas mabuti kung madami kang alam na wika kasi makatulong ito sa komunikasyon ng mga tao na may magkakaibang kultura sa atin, pero hindi lamang ito ang dahilan na dapat tanggalin ang sarili nating wika. Sa pagtataguyod ng ating wika, tayo ay nagiging mas matatag bilang isang bansa. Isang bansa na may sariling boses at identidad, handa na makipag-ugnayan sa iba't ibang kultura sa buong mundo. Isang bansa na may pagpapahalaga sa kanyang mga mamamayan at kasaysayan. Ito na ang wakas ng aking talumpati. Sana po may natutunan kayo sa aking ideya at maging inspirasyon tayo sa pag-aaruga at pagpapayaman ng ating wika. Gawin natin itong kasangkapan sa pag-unlad at pagkakaisa ng ating bansa. Maraming salamat at magandang hapon sa inyong lahat!