Ang Mabuting Samaritano
Hindi lahat ng tao ay may kaalaman sa katotohanan. May mga ibang namumuhay sa mundong ito
na hindi nila alam ang kanilang tungkulin dito.
Tagapagsalaysay: Isang araw, may utusang lumapit kay Hesus upang siya’y subukin.
Utusan: Guro, ano ang dapat kong gawin upang magkamit ng buhay na walang hanggan?
Guro: Ano ba ang nakasulat sa Kautusan? Ano ba ang nababasa mo roon?
Utusan: Ayon sa aklat, ibigin mo ang Panginoon mong Diyos nang buong puso mo, buong kaluluwa mo,
buong lakas mo, at buong pag-iisip mo;’ at ‘Ibigin mo ang iyong kapwa gaya ng pag-ibig mo sa iyong sarili.
Guro: Tama ang sagot mo. Gawin mo iyan at magkakamit ka ng buhay na walang hanggan.
Utusan: Sino naman ang aking kapwa?
Guro: Ganito kasi yan…
Tagapagsalaysay: May isang taong naglalakbay mula sa Jerusalem papuntang Jerico.
[Hinarang siya ng mga tulisan, hinubaran, binugbog, at iniwang halos patay na.]
[Dumaan ang isang paring Judio.]
Paring Judio: Anong bang nangyari sa taong ito?
Tagapagsalaysay: Maya-maya…
Levita: Hmm… nakakadumi!
Tagapagsalaysay: May puso pa bang mapupukaw ang pagmamalasakit sa kaniyang kapuwa?
[May dumaang samaritano]
Samaritano: Kay awa naman ng lalaki’ng ito. Ano kaya ang nangyari sa kaniya?
[Nilapitan niya ito, binuhusan ng langis at alak ang mga sugat at binendahan.]
[Binuhat ng samaritano ang lalaki]
Tagapagsalaysay: Pagkatapos, isinakay niya ang lalaki sa kanyang asno at dinala ito sa bahay-panuluyan
upang maalagaan siya doon.
[Dinala sa bahay-panuluyan]
Tagapagsalaysay: Kinabukasan…
[binigyan niya ng dalawang salaping pilak ang namamahala ng bahay-panuluyan]
Samaritano: Alagaan mo siya, at kung higit pa riyan ang iyong magagastos, babayaran kita pagbalik ko.
Jesus: Sa palagay mo, sino kaya sa tatlo ang naging tunay na kapwa ng taong hinarang ng mga tulisan?
Utusan: Ang taong tumulong sa kanya
Jesus: Kung gayon, humayo ka at ganoon din ang gawin mo.