JUANA PROGRESO Sa ilang libong taon na pagpapangkat-pangkat ng mga Pilipino gamit ang wikang katutubo, ang wikang ito ang nagsimula sa pagkakakilanlan ng bawat tao. Ito ay nakatutulong sa pagkakaisa’t pagkakabuklod ng bawat isa, sapagkat ito ang nagiging daan sa pagkakakilanlan, pagsisimula ng komunikasyon at maihayag ng bawat indibidwal ang kanilang ninanais o nararamdaman. Nabubuo dito ang bawat kultura na tanging yaman ng mga katutubo nating Pilipino, na malaking bahagi ng wikang katutubo. Patuloy na umuunlad at yumayaman ang wikang katutubo na kung saan nag mula sa ating mga ninuno. Pagbigkas, paggamit, at pakikipag komunikasyon ang nagiging tulay sa pagunlad ng ating wika. Ngunit, iba’t ibang wika na ang nalalaman ng mga kabataan dahil na rin sa pagsisimula at pag-usbong ng sosyal medya/social media na nakapupukaw sa atensyon at napapadalas na gamitin ng mga mamamayan, hindi na namamalayan at nalilimutan na natin ang ating sariling wika. Bagama’t iba’t ibang wika na ang nakikilala natin, gayunpaman hindi pa rin natin malilimutan ang ating sariling wika kung saan nag simula ang ang bawat isa saatin. Dapat na makilala’t bigyan ng parangal ang wika na ating kasalukuyang ginagamit, dahil isa ito sa naging yaman ng bansa natin. Huwag nating hahayaan na lumubog o hindi makilala ang sarili nating wika. Dahil kung wala ito, hindi maihahayag o maipapakita ng bawat isa ang kanilang damdamin. Hindi ba’t ang wikang ito ang nagiging tulay sa pakikipag usap natin. Sa pagbabago ng henerasyon, isa na ang sosyal medya/social media sa ginagamitan ng pakikipag salamuha’t pakikipag komunikasyon ng nakararami. Mas napapadali ang proseso, kaya naman naaaliw at nalilibang ang mga mamayan na ito ang kanilang gamitin hanggang sa lumawak at patuloy na pag taas ng teknolohiya sa araw-araw na pag gamit. Natulungan rin ang mga kabataan na lumikha ng iba’t ibang panukalang proyekto na ginagamitan ng wikang filipino. Halimbawa na lamang ang mga kuwentong pambata, mga alamat, at mga babasahin na inuulat ng iba’t ibang pilipino na kagaya natin. Nakatutulong ito na mapaunlad at maging kaaliw-aliw sa mata ng mga kabataan na talaga namang kanilang ikinakatuwa at nabibigyan ng pansin na hindi isinasawalang bahala ng nakararami, sa kadahilanang nagiging libangan na rin ito ng mga kabataang kagaya ko. Kaya naman, hindi dapat natin baliwalain ang mga ito, sapagkat sa pamamagitan ng mga ganitong gawain, at sa pakikilahok sa mga ganitong proyekto pati na rin ang salubungin at magkaroon ng selebrasyon na maihahayag sa suporta sa ating wikang katutubo, makikita ang kaunlaran at ang hindi pagkalimot ng bawat indibidwal sa ating unang pinanggalingan. Patuloy natin na ipakita na sa kahit simpleng paraan ay ating maipakita ang kahalagahan ng ating wikang filipino. Sa dinami-dami ng mga wikang nasa mundo, ang ating wika parin ang nagpakilala saatin bilang isang pilipino. Bilang isang tao o bilang isang pilipino, hindi dapat natin ipagtabuyan ang nag payaman saatin, at atin itong patuloy na pagyamanin. Halina’t atin itong ipagmalaki dahil nararapat itong parangalan para na rin kay Manuel L. Quezon na nag pakita ng sakripisyo para lang isulong ang wikang pambansa para sa ating bayan.