Filipino at mga Katutubong Wika: Wika ng Kapayapaan, Seguridad at Ingklusibong
Pagpapatupad ng Katarungang Panlipunan
Ang wika ng kapayapaan ay naglalarawan ng malalim na ugnayan ng mga tao sa lipunan,
kung saan ang bawat indibidwal ay may kakayahan na maipahayag ang kanilang mga
damdamin at opinyon sa isang payak at maayos na paraan. Sa pamamagitan ng wika,
nagkakaroon tayo ng pagkakaroon ng pag-unawaan at respeto sa isa't isa, na siyang
pundasyon ng kapayapaan sa ating bansa. Wika ng Seguridad sapagka't ito ay nasa
wastong pangangalaga mula sa ating mga ninuno na nagbibigay pagkakakilanlan at
pagkakaisa natin na humuhubog at nagpapalakas ng ugnayan bilang isang komunidad at
bansa na siyang nagpapailalim ng ating pag unlad at seguridad laban sa mga banta.
Mahalaga din ang papel ng katutubong wika sa pagsusulong ng ingklusibong pagpapatupad
ng katarungang panlipunan sa pamamagitan ng pagbibigay halaga at pagkakataon sa
kanilang mga boses na isatinig ang katarungan na nagbibigay-daan para sa maayos na
proseso para sa lahat.
Ang mga katutubong wika ay hindi lang isang simpleng salita, kundi ito ay isang sandata sa
pagtaguyod ng kapayapaan, seguridad, at ingklusibong pagpapatupad ng katarungang
panlipunan. Sa pamamagitan ng pagpapahalaga sa ating mga wika, maipapahayag natin
ang ating mga adhikain at makakamtan ang tunay na kaunlaran para sa lahat.