Ini si Hilda.
Malaba ang iya
buhok. Masami
niya ini
ginahusay.
Isa ka adlaw, samtang nagalakat sia pauli
sa ila balay naghuyop
ang mabaskog nga
hangin. Nagumon
ang iya malaba
nga buhok.
Ginkuha ni Hilda ang iya husay
kag ginhusay ang nagumon
nga buhok. Hinali lang may
naglagtok.
Nabali ang iya
husay.
Nagahilibion
nga ginpakita
ni Hilda ang
husay
sa iya iloy.
Sang gab-i, nagtulog si Hilda nga wala
mahusay ang iya buhok.
Pagbugtaw sa aga, isa ka gamay nga
kahon ang nagtungtong sa lamesita.
Isa ka bag-o kag
duag rosas nga
husay ang unod sini.
Halin ini sa iya iloy.
Dali-dali sia nga
nagbangon kag
ginhusay ang iya
nga buhok.
Dala ang husay,
naggwa sia sa iya
hulot para
magpasalamat
sa iya iloy.
Daku gid ang iya kakibot bangud may mga
pahabok nga nagapilit sa gwa sang
pwertahan. Dayon niya nadumduman,
kaadlawan gali niya subong nga adlaw.