Kabataan pa nga ba?
Ni: Aljon C. De Torres
Sariwa pa ba ang mga sugat na dala ng kahapon? O winaksi na dahil sa
modernong panahon? Walang bakas ng pangamba na matatanaw mula sa
dako paroon, Natali at nasanay na sa maling gawain, Oo ikaw ako tayo bilang
kabataan. Siguro naman wala pang nakakalimot sa sinabi ng ating pang
bansang bayani na si Dr. Jose Rizal na ang Kabataan ang Pag- asa ng Bayan.
Sana isa ka pa sa naniniwalang tulad ko, o baka naman isa ka sa sumisira sa
bayan? Huwag mong baliin ang aral ng kahapon.
Nakakalungkot at nakabahala ang dulot ng makabagong panahon, Mula ng
aking imulat ang mga matang pikit sa mga pangyayari at kung ano ang
totoo, napansin kong mali na pala ang landas na tinatahak ng tulad kong
kabataan. Naging problema na ng bayan samo’t saring krimen at kaguluhan
ang kinasasangkutan, ni ang paggalang sa nakakatanda ay di na maggawa?
Tama bang sabihin na tayo ang pag-asa ng bayan? Marahil pwede mong
sabihing hindi pero kaibigan may panahon pa para baguhin ang maling
nasimulan.
Sa libo libong minuto na ang nagdaan at iyo pang kakaharapin kaya’t
masdan mo at pag-aralan ang tamang gawi bilang isang kabataan. Ngunit
masisi ka ba kung mismong magulang at nakakatanda ang magturo upang
gumawa ng masama.
Mababago ang lahat kung iyong sisimulan na itama at piliin palaging mabuti,
kalimutan ng makisabay sa uso at harapin kung ano ang katotohanan na ikaw
ang parin ang sinasabing kataang pag-asa ng bayan. “Tayo at tayo parin ang
bubuo para sa bukas na maaliwalas”