ANG HINAGPIS NI FLORANTE
(Mga Saknong 001-025)
Sa araling ito’y makikilala mo si
florante, ang pangunahing tauhan ng awit:
isang matikas at magiting na heneral ng
Albanya subalit sa pagkakataong ito ay
talunan. Nakagapos siya sa isang puno ng
higera sa gitna ng isang madilim at mapanglaw
na gubat. Maririnig mula sa binata ang mga
hinagpis at pagtangis dahil sa pagkagaping
nangyari sa kanya at sa paghihirap ng kanyang
minamahal na kahariang Albanya dahil sa
pananakop ng taksil at masamang si Konde
Adolfo. Nawawalan na siya ng pag-asa at
maging sa Diyos ay nakapagpahayag siya ng
hinanakit sap ag-aakalang siya’y pinabayaan
na. Subalit sa huli’y napag isip-isip niyang
idaan sa panalangin ang kaawa-awa niyang
kalagayan.
1 Sa isang madilim gubat na mapanglaw
dawag na matinik ay walang pagitan
halos naghihirap ang kay Pebong silang
dumalaw sa loob na lubhang masukal.
2 Malalaking kahoy ang inihahandog,
pawang dalamhati, kahapisa’t lungkot
huni pa ng ibon ay nakakalunos,
sa lalong matimpi’t nagsasayang loob.
3 Tanang mga baging na nimimilipit
sa sanga ng kahoy ay ballot ng tinik
may bulo ang bunga’t nagbibigay-sakit
sa kanginoo pa mang sumagi’t malapit.
4 Ang mga bulaklak ng nagtayong kahoy,
pinakamaputing nag-ungos sa dahon,
pawang kulay-luksa at nakikiayon
sa nakaliliyong masangsang na amoy.
5 Karamiha’y sipres at higerang kutad
na ang lilim niyon ay nakasisindak,
ito’y walang bunga’t daho’y malalapad
na nakadidilim sa loob ng gubat.
6 Ang mg hayop pang dito’y gumagala,
karamiha’y syerpe’t basilisko’y madla
h’yena’t tigreng ganid na nagsisila
ng buhay ng tao’t daiging kapuwa.
7 Ito’y gubat manding sa pinto’y malapit
Abernong Reyno ni Plutong masungit,
ang nasasakupang lupa’y dinidilig
ng Ilog Cositong kamandag ang tubig.
8 Sa may gitna nitong mapanglaw na gubat
may punong higerang daho’y kulay pupas
dito nakagapos ang kahabag-habag
isang pinag-usig ng masamang palad.
9 Baguntaong basal ang anyo at tindig
kahit nakatali kamay’ paa’t liig,
kundi si Narciso’y tunay na Adonis,
mukha’y sumisilang sa gitna ng sakit.
10 Makinis ang balat at anaki’y burok,
pilik-mata’t kilay mistulang balantok,
bagong sapong ginto ang kulay ng buhok,
sangkap ng katawa’y pawang magkaayos.
11 Dangan doo’y walang oredas ninfas,
gubat na palasyo ng masidhing harpyas,
nangaawa disi’t naakay lumiyag
sa himalang tipon ng karikta’t hirap.
12 Ang abang uyamin ng dalita’t sakit,
ang dalawang mata’y ukal ang kaparis;
sa luhang nanatak at tinangis-tangis
ganito’y damdamin ng may awing dibdib.
13 ”Mahiganteng langit, bangis mo’y nasaan,
ngayo’y naniniig sa pagkagulaylay,
bago’y ang bandila ng lalong kasam-an
sa Reynong Albanya’y iwinawagayway.
14 “Sa loob at labas ng bayan kong sawi,
kaliluha’y siyang nangyayaring hari
kagalinga’t bait ay nalulugami,
ininis sa hukay ng dusa’t pighati.
15 “Ang magandang asal ay ipinuukol
sa laot ng dagat ng kutya’t linggatong,
balang magagaling ay ibinabaon
at inililibing na walang kabaong.
16 “Ngunit, ay ang lilo’t masasamang loob,
sa ng puri ay inilululok,
at sa baling sukab na may asal-hayop,
mabangong insenso ang isinusuob.
17 “Kaliluha’t sama ang ulo’y nagtayo
at ang kabaita’y kimit nakayuko,
santong katwira’y lugami at hapo,
ang luha na lamang ang pinatutulo.
18 “At ang baling bibig na binubukalan
ng sabing magaling at katotohanan,
agad binibiyak at sinisikangan
ng kalis ng lalong dusting kamatayan.
19 “O na pita sa yama’t mataas!
O hangad sa puring hanging lumilipas!
ikaw ang dahilan ng kasam-ang lahat,
at niring nasapit na kahabag-habag.
4. Sa ano-anong pangyayari sa ating
kasaysayan maaaring iugnay ang gubat na
mapanglaw at ang pagkakatali ni Florante
sa punong higera?
20 “Sa korona dahil ng Haring Linseo,
at sa kayamanan ng dukeng ama ko,
ang ipinangahas ng Konde Adolfo,
sabugan ng sama ang Albaanyang reyno.
5. Sa ano-anong pangyayari naman sa
kasalukuyang panahon maaaring iugnay
ang sitwasyong ito?
21 “Ang lahat nang ito, maawaing Langit,
iyong tinutungha’y ano’t natitiis?
mula ka ng buong katuwira’t bait,
pinayagan mong ilubog ng lupit.
22 “Makapangyarihang kamay mo’y ikilos
papamilantikin ang kalis ng poot,
Sa Reynong Albanya’y kusang ibulusok,
ang iyong higante sa masamang loob.
23 “Bakit, kalangita’y bingi ka sa akin,
ang tapat kong luhog ay hindi mo dinggin?
diyata’t sa tapat na pananalangin
sampung tainga mo’y ipinangunguling?
24 “Datapwa’t sino ang tatarok kaya
sa mahal Mong Lihim, Diyos na dakila?
walang mangyayari sa lahat ng lupa,
di man kagalingang Iyong ninanasa.
25 “Ay saan ngayon ako mangangapit?
saan ipupukol ang tinangis-tangis,
kung ayaw na ngayong dinigin ng langit,
ang sigaw ng aking malumbay na boses!
Pag-isipan at Pag-usapan
1. Bakit labis ang paghihinagpis ni Florante?
Ano-anong bagay ang kanyang
ipinagdadalamhati?
2. Bakit maging sa Panginoon ay tila may
hinanakit siya? Makatwiran baa ng ang
nadarama niyang ito? Ipaliwanag.
3. Kung ikaw ang nasa katulad na kalagayan
ng kay Florante, ano ang gagawin mo
upang hindi lubusang maglaho ang iyong
pag-asa?
6. Maaari rin bang iugnaya ang malungkot na
panimula sa awit patungkol sa naging
Balagtas? Paano?
Pagsulat ng Journal
Bakit kailangang maging matatag sa gitna
ng anumang pagsubok o problema?