ALAMAT SALAMIN NG KAHAPON… BAKASIN NATIN NGAYON... 2.0 DAVAO o MINDANAO DURIAN ✿ “Hari ng mga Prutas” ✿ Pinakamahal na prutas na makikita sa mga bansa sa Timog Silangang Asya. ✿ Tumataas ang consumption o bilang ng mga taong kumakain ng durian. SMARRDEC o Southern Mindanao Agriculture and Resources Research and Development Consortium mayroon ng 96% ng overall domestic production. ✿Sa tulong ng DOST, bumuo ng iba’t ibang processed durian gaya ng kendi, chips, jam, at frozen durian para sa mga taong hindi kayang kainin ito. TALASALITAAN 1. Bagama’t siya ay batang may kaya ay hindi siya nasanay na mag-asal mayaman. 2. Mahina na ang tuhod ng ina dahil sa kanyang katandaan kaya labis ang pag-aalala ng anak para sa kanya. 3. Ang kanyang ulirang asawa ay itinuturing niyang kapilas ng kanyang buhay. 4. Napakabilis ng mga pangyayari sa sakuna kaya naman simbilis ng kidlat na tumugon ang mga pulis upang iligtas ang mga biktima. 5. Naghihingalo na ang matanda nang ito’y isinugod sa hospital at sa kasamaang palad ay hindi na rin siya nailigtas ng mga doktor sa kanyang pagaagaw-buhay. SAGUTIN ANG MGA TANONG! Ilagay ang mga sagot sa isang buong papel. 1. Sino-sino ang mga pangunahing tauhan sa akda? Anong ugali ng anak ang malimit kainisan ng ina? 2. Bakit ayaw makipaglaro ni Daria sa kapwa niya bata? 3. Bakit malimit dapuan ng sakit si Daria? 4. Paano ipinamalas ni Aling Rosa ang kanyang dakilang pagmamahal sa anak? 5. Paano binawian ng buhay si Aling Rosa? Ano ang nangyari sa katauhan ni Daria? ANO ANG IYONG MAGAGAWA UPANG HINDI MATULAD KAY DARIA? Buoin ang akronym na KALUSUGAN ng sarili mong paraan upang maging mabuti ang pangangatawan. Hal. K- umain ng wasto. ALUSUGAN- ANO ANG ALAMAT? ✿Kuwento ng kathang-isip, pasalin-salin sa bibig ng taumbayan. ✿Pinagmulan ng mga bagay-bagay ✿Kasagutan sa mga kababalaghan o mga pangyayaring pangkalikasan ✿Gintong aral ✿Iba’t ibang bersyon TINATALAKAY: ✿Katutubong kultura, kaugalian o kapaligiran ✿Katangian ng tao: Pagiging matapat, matapang, matulungin. ✿Masamang katangian ng tao: Pagiging mapaghiganti, sakim o mapanumpa BANGHAY NG ALAMAT ✿Simula Dito pinapakita ang mga tauhang gagalaw o gaganap sa alamat at ang papel na kanilang gagampanan sa alamat, kung sila ba ay bida o kontrabida. Makikita rin dito ang tagpuan o ang pangyayarihan ng aksiyon o ng mga eksena na naghahayag ng panahon, oras at lugar. BANGHAY NG ALAMAT ✿Gitna Dito makikita ang maayos na pagkakasunod-sunod ng mga tagpo o eksena. Dito nakapaloob ang mga dayalogo, o usapan ng mga tauhan, at ang kasukdulan, kung saan dito iikot ang kahihinatnan ng tanging tauhan, kung ito ay kasawian o tagumpay. BANGHAY NG ALAMAT ✿Wakas Dito makikita ang kakalasan o ang pagbaba ng takbo ng istorya. Dito rin mababatid ang kamalian o kawastuhan ng mga di-inaasahang naganap. Makikita naman sa katapusan ang kahihinatnan, kung ito ba ay magtatapos ng masaya, malungkot, pagkapanalo o pagkatalo. ALAMAT AT PANG-ABAY 2.3 ALAMAT NG ALAMAT Noong unang panahon sa bulubunduking lugar sa isang malayong bayan sa lalawigan ng bohol ay may naninirahang isang lalaking balo na ubod ng yaman. Siya ay nakatira sa isang malapalasyong bahay na nakatayo sa isang mataas na lugar. Sa paanan nang kanyang kinatitirikang bahay ay makikita ang maliliit na kabahayan kung saan nakatira ang mga naghihikahos na tao. ALAMAT NG ALAMAT Gustong – gusto niyang pinagmamasdan ang mga ito araw-araw dahil lalong lumulutang ang kanyang pagiging mayaman. Ang ugaling ito ng ama ang nakapagpalungkot sa kanyang kaisa-isang anak na si Selina. Ibang-iba sa kanyang ama si Selina. Bagama’t mayaman ay may mabuting puso maging sa mahihirap. ALAMAT NG ALAMAT Kaya hindi kataka-taka nang umibig ay tumibok ang kanyang puso sa binatang si Lando na isang masipag, makisig, matalino, at mabuting binata na tanging kapintasan ay ang pagiging mahirap. Ikinagalit ito nang husto ng kanyang ama na naging dahilan ng pagtakwil sa sariling anak. ALAMAT NG ALAMAT Lumipas ang maraming buwan ay walang naging balita ang ama sa anak. Hanggang isang araw ay may isang napakalakas na bagyong di inaasahang dumating sa kanilang lugar. Tumagal ito nang ilang araw kaya’t tumaas ang tubig sa ilog at nagkaroon ng malaking baha. ALAMAT NG ALAMAT Ang mga tao sa ibaba ng bundok kasama si Selina ay pumunta sa bahay ng kanyang ama upang humingi ng tulong at matutuluyan. Subalit hindi sila pinapasok ng ama na naging dahilan ng pagkamatay ng lahat ng tao sa paanan ng bundok, kasama si Selina. ALAMAT NG ALAMAT Huli na nang malaman ng matanda ang kanyang pagkakamali. Siya na lamang ang natirang taong nabuhay sa lugar na iyon. Tinangka niyang magpakamatay sa pamamagitan ng pagtatarak ng kutsilyo sa kanyang dibdib ngunit laking gulat niya nang hindi ito tumalab sa kanya. ALAMAT NG ALAMAT Isang malakas na tinig ang kanyang narinig na nagsasabing hindi kailanman siya mamamatay bilang kaparusahan sa kanyang pagiging labis na makasarili. At habang buhay niyang itatala ang lahat ng kuwento tungkol sa pinagmulan ng mga bagay sa mundo na magbibigay-aral sa mga tao at nang hindi sila maging masama kagaya niya. ALAMAT NG ALAMAT Matapos niyang marinig ang tinig ay isang makapal na usok kasabay ng malakas na kulog at matalim na kidlat ang tumama sa katapat na bundok na kinatitirikan ng kanyang tahanan. Nang mapawi ang usok ay nakita niyang naukit dito ang salitang ALAMAT. ALAMAT NG ALAMAT Dito niya isinulat at iniukit ang lahat ng alamat na kanyang nakita sa paglilibot sa Iba’t ibang lugar bilang pagtanggap sa kanyang pagkakamali. Tiniyak niyang makikita ng mga tao ang mga aral na dulot ng alamat na kanyang isinulat upang hindi sila matulad sa kasalanang kanyang ginawa. ✿ Noong unang panahon ✿ sa isang malayong bayan sa lalawigan ng bohol ✿ isang lalaking balo ✿ isang mataas na lugar ✿ Sa paanan nang ✿ araw-araw ✿ nang husto ✿ Lumipas ang maraming buwan ✿ sa bahay PANG-ABAY (ADVERB) ✿ Tawag sa salita o lipon ng mga salitang nagbibigay turing sa pandiwa, pang-uri, o kapwa pang-abay. Hal. Mabilis akong tumakbo papuntang finish line. PANG-ABAY (ADVERB) Pamanahon – nagsasaad kung kailan ginanap, ginaganap o gaganapin ang sinasabi ng pandiwa sa pangungusap. Pananda: nang, sa, noong, kung, tuwing, buhat, mula, umpisa, at hanggang. Walang pananda: kahapon, kanina, ngayon, mamaya, bukas sandali atbp. Hal. Ayon sa “Alamat” ay naganap ang pangyayaring ito noong unang panahon. PANG-ABAY (ADVERB) Panlunan – Pang-abay na tinatawag na pariralang sa. Kumakatawan ito sa lugar kung saan ginagawa ang kilos. Hal. Sa buong mundo ay laganap ang iba’t ibang kuwento o alamat tungkol sa pinagmulan ng iba’t ibang bagay. PANG-ABAY (ADVERB) Pamaraan – sumasagot sa tanong na paano ginanap, ginaganap o gaganapin ang sinasabi ng pandiwa sa pangungusap. Hal. Masayang nagbabasa ang mga batang mahilig sa karunungang-bayan gaya ng alamat. PANG-ABAY (ADVERB) Panggaano – nagsasaad ng sukat o timbang. Hal. Ang mga taong nakabasa ng alamat ay dumami nang isang daang porsyento. PANG-ABAY (ADVERB) Kataga o ingklitik - katagang karaniwang sumusunod sa unang salita ng pangungusap. Man kasi sana nang Kaya yata tuloy lamang/lang Din/rin ba pa muna Pala na naman daw/raw PAGSASANAY Isulat ang mga pang-abay na may diin sa tamang hanay ayon sa uri nito. Ang mga Habilin Ang bilin ng matatanda’y parang huling tagubilin kaya’t matapat mo nga itong ingatan sa iyong puso. Ngayon, bukas, sa makalawa ay magagamit mo itong parang isang bunga ng halamang pinatubo nang ilang taon. Kapag ito naman ay iyong kinalimutan at napadako sa malayong lugar ay maaaring pagsisihan sa mahabang panahon. Tandaan mo na ang unang habilin ay sambahin mo’t dakilain ang ating Panginoon. Magsimba sa araw ng Linggo o mangilin sa piyesta opisyal upang madaling lumago ang iyong pananampalataya. Tumagal man nang mahabang panahon ay hindi ito mawawaglit sa iyong isipan dahil sa sapat na kaalamang dadalhin sa lahat ng dako. Pamanahon Panlunan Pamaraan Pamanahon -Ngayon, bukas, sa m akalawa -Sa mahabang panahon -Araw ng Linggo -Mahabang panahon -Nang ilang taon --Sa piyesta opisyal Panlunan -Sa malayong lugar Pamaraan -Matapat -Madaling 1- 5. TUKUYIN ANG PANG-ABAY AT ISULAT KUNG ANONG URI NITO. ✿Ang kalapati ay malayang lumipad sa himpapawid. – Pamaraan, Panlunan (Halimbawa) 1. Bumili ng isang magarang sasakyan si Amy noong isang araw. 2. Naglalako ng balot si Manong sa Talipapa. 3. Kaming lahat ay maagang natulog kagabi. 4. Inihatid namin sa Philippine General Hospital si Lola Conchita kahapon. 5. Nagdeposito ng pera sa bangko ang ingat-yaman ng kumpanya. 6- 10. TUKUYIN ANG URI NG PAGHAHAMBING 1. Para kay Ryan, di-gaanong mahirap ang asignaturang Filipino kung ihahambing ito sa Matematika. 2. Ang panahon sa Mayo ay higit na mainit kaysa panahon sa Disyembre. 3. Magkamukha raw kami ni Mama. 4. Sabi ni James, kasingtangkad ko raw si Lebron. 5. Ang pelikulang napanood ko ay mas nakatatakot sa pelikulang Insidious.