MAG-AARAL AKO Araw ng sabado. Madilim pa ay gumising na si Hadjie. Sasama siya sa kanyang ama patungo sa bukid. Tutulong siya sa pag-aalis ng damo sa tanim na palay. Habang daan ay nagkukuwentuhan ang magama. ‘’Anak, alam mo ba kung bakit kita isasama sa bukid ngayon? tanong ng ama. ‘’Opo tatay, tutulungan kita sa gawain mo wala naman pong pasok ngayon”, wika ni Hadjie. ‘’Tama ka anak para malaman mo kung paano ko ginagawa at kung gaano kahirap ang aking gawain sa bukid. Sinuway ko ang pangaral ng aking mga magulang nuon kaya hindi ako nakapagtapos ng pag-aaral. “Opo tatay alam ko na po ang ibig mong sabihin. Huwag po kayong magalala magsisikap po ako upang makapagtapos sa aking pag-aaral pangako ko po iyan sa inyo ni inay. By: F.M. Dela Peña 2015 Dibaraybay E.S. Dinalungan District 1. Sino ang gumising ng maaga? a. ama b. Hadjie c. Ina 2. Saan sila pupunta ng kanyang ama? a. sa bukid b. sa dagat c. palengke 3. Ano ang gagawin nila sa bukid? a. mag-aani b. magtatanim c. aalisin ang damo sa palay 4. Bakit hindi nakatapos sa pag-aaral ang ama ni Hadjie? a. sinuway niya ang magulang b. nagkasakit c. walang pera 5. Ano ang pangako ni Hadjie sa kanyang ama? a. magpapakabait b. magtatapos sa pag-aaral c. magsasaka TALASALITAAN: sinuway -hindi sinunod pangaral -payo KAYAMANAN Mayaman ka kung marami kang pera. “Tama”, wika ni Angelica. “Maaari kang bumili anuman ang gustuhin mo”. Makakapunta ka saanmang lugar na nanaisin mo sapagkat mayaman ka. “Depende iyon”, sagot naman ni Zoren. Maaaring maubos o mawala kaagad kung mali ang paraan ng paggamit o paggasta. Samantalang kung tayo ay makakatapos sa ating pag-aaral, iyon ay hindi mauubos o mawawala. “May katwiran ka”, sang-ayon ng iba pa. Ang edukasyon o pinag-aralan ay isang tunay na kayamanan. By: F.M. Dela Peña 2015 Dibaraybay E.S. Dinalungan District TALASALITAAN: mayaman -sagana Paggasta -paggamit, paggastos 1. Ano ang maaaring gawin kapag maraming pera? a. bumili ng lahat ng gusto b. ilagak sa bangko c. ipamigay sa tao 2. Bakit maaaring mauubos agad ang kayamanan? a. kapag mali ang paggasta b. kapag ipinamigay c. kapag ibilini ng pagkain 3. Alin ang higit na mas mahalaga ayon kay Zoren? a.edukasyon b.kayamanan c. sasakyan 4. Ano ang meron sayo kapag mayaman ka? a. pera b. kaibigan c. kaaway 5. Paano ang wastong paggasta ng pera? a. bilhin lamang ang kailangan b. bilhin ang lahat ng magustuhan c. ipamigay ang ibang pera ANG TAHANAN NG ISDA Pangingisda ang hanapbuhay ng karamihan sa mga mamamayan dito sa barangay Dibaraybay. Ang malawak na karagatan nito ang pinanggagalingan ng sariwa at masasarap na isda at iba pang lamang dagat. “Tatay, bakit po hindi nauubos ang isda sa dagat kahit po marami ang nanghuhuli arawaraw”? tanong ni April sa kanyang ama habang nag-aalis ng huling isda sa kanyang lambat. “Maganda kasi ang tirahan ng isda dito sa karagatang malapit sa atin. Nariyan ang mga gasangan na nagsisilbi nilang tahanan. Isa pa ay mahigpit na ipinagbabawal ang paggamit ng dinamita o lason sa pangingisda kaya nananatiling marami ang nahuhuling isda dito. “Kaya po pala hindi nauubos ang isda dito.” “Oo anak, sana ay patuloy na pagyamanin at pangalagaan ng pamahalaan at kahit ng mga mangingisda ang karagatan upang patuloy na may pagkunan ng ikabubuhay. By: F.M. Dela Peña 2015 Dibaraybay E.S. Dinalungan District 1. Ano ang pangunahing hanapbuhay ng tao sa Dibaraybay? a. pagsasaka b. pangingisda c. pagmimina 2. Saan nanggagaling ang sariwa at masasarap na isda? a. sa ilog b. sa Manila c. sa dagat 3. Bakit hindi nauubos ang isda sa dagat ng Dibaraybay? a. maaganda ang tirahan ng isda b. marami silang mangitlog c. hindi hinuhuli ang ibang isda 4. Ano ang ipinagbabawal ng pamahalaan sa mangingisda? a. paggamit ng lambat b. paggamit ng dinamita at lason c. paggamit ng kuryente 5. Ano ang nagsisilbing tahanan ng mga isda? a. gasangan b. buhanginan c. batuhan TALASALITAAN: mga malawak -maluwang Gasangan -koral Lambat -panghuli ng isda “BUNGO” Natakot ka ba? Huwag kang matakot, pangalan iyan ng isang ilog dito sa bayan ng Dinalungan. Hindi ko alam kung bakit “bungo” ang ipinangalan dito. Nuong bata pa ako madalas kaming tumatawid sa ilog patungo sa aming bukid sa kabilang barangay. Minsan, at natunghayan ko kung gaano kalawak at mapaminsala ang ilog na ito. Katatapos nuon ng malakas na bagyo. Maraming punongkahoy, niyog at iba pang panamin ang tinangay ng napakalakas at rumaragasang tubig nito. May pangyayari pa na may naanod at namatay na bata dahil sa pagtawid nito sapagkat nuon ay wala pa itong tulay. Dati maraming hirap at sakripisyo ang naranasan ng mga tao dito sapagkat mahirap itong tawirin ng kahit anumang uri sasakyan. Sa ngayon ay mayroon na itong mahaba at matibay na tulay. Alam mo ba kapag panahon ng tag-init ay natutuyuan ito ng tubig? Subalit kapag panahon ng tag-ulan, sagana at malakas ang malamig at malinaw na agos nito. Dinarayo ito ng maraming tao upang maglaba o kaya naman ay magpiknik. Minsan nga dito pa idinaos ang pagdiriwang ng “Araw ng mga Guro” By: F.M. Dela Peña 2015 Dibaraybay E.S. Dinalungan District 1. Ano ang pangalan ng ilog na tinutukoy sa kwento? a. Bungo b. Pasig c. Cagayan 2. Ano ang tinangay ng malakas na agos ng ilog? a. punongkahoy ay niyog b. bato c.buhangin 3. Bakit mahirap tumawid ang sasakyan sa ilog ng bungo? a. malakas ang agos nito b. malalim ang ilog c. malalaki ang bato 4. Ano ang nangyayari sa ilog kapag panahon ng taginit? a. tinutubuan ng damo b. natutuyo ang tubig c. tinatapunan ng basura 5. Sa panahon ng tag-ulan ano ang ginagawa ng mga tao sa ilog? a. naglalambat b. namimingwit c. naglalaba at nagpipiknik TALASALITAAN: idinaos sakripisyo rumaragasa mapaminsala -ginawa -pagtitiyaga -mabilis na pag-agos -nakakasira ANG TALON NG BULAWAN Nakarating ka na ba sa Talon ng Bulawan? Naku! Dapat mapuntahan mo na ito sa lalong madaling panahon. Sayang naman kung hindi mo mararanasan ang maligo sa malinaw at kakaibang lamig ng tubig nito. Alam mo ba na ito ay kilala na at dinarayo ng mga tao buhat pa sa iba’t-ibang lugar at bayan ng ating lalawigan? Nais nilang matunghayan ang kagandahan ng talon at maranasan ang maligo dito. Ang Talon ng Bulawan at matatagpuan sa kabundukang sakop ng Barangay Paleg. May layo itong humigit kumulang na pitong kilometro mula sa sentro ng bayan ng Dinalungan. Mararating mo ito sa pamamagitan ng pagsakay sa alinmang sasakyang panlupa. Hindi mahirap marating ang lugar na ito sapagkat higit pang inayos ang daan patungo duon upang madaling marating ng mga turista. Tunay na maipagmamalaki ang likas na kagandahan ng talon na ito, kaya’t patuloy na pinagyayaman at inaalagaan upang hindi abusuhin at putulin ang mga malalaking puno sa paligid na nagpapanatili ng malinis at malamig na tubig nito. By: F.M. Dela Peña 2015 Dibaraybay E.S. Dinalungan District 1. Anong Talon ang tinutukoy sa kwento? a. Pagsangjan b. Ma. Cristina c. Bulawan 2. Saan matatgpuan ang talon ng bulawan? a. Barangay Nipoo b. Barangay Paleg c. Barangay Mapalad 3. Gaano ang layo nito mul sa bayan ng Dinalungan? a. Humigit kumulang 7 kilometro b Humigit kumulang 8 kilometro c. Humigit kumulang 10 kilometro 4. Sino ang nagnanais na makarating sa talon? a. mga turista b. mangingisda c. magmimina 5. Ano ang maaaring sakyan sa pagtungo sa talon ng Bulawan? a. barko b. traysikel c. bisekleta TALASALITAAN: sentro matunghayan turista Dinarayo Buhat -gitna - makita -dayuhan -pinupuntahan -mula ANG PUNONG TALISAY “Hayun! napakataas ng punong talisay”. Bata pa akong musmos ay natatanaw ko na ang punong ito ngunit hindi pa kasinglaki ng sa ngayon. Dalawang puno ito na magkatabi, animo ay guwardiyang nakatunghay sa mga batang papasok at lalabas sa tarangkahan ng Mababang Paaralan ng Dibaraybay. Madalas akong nakikipaglaro sa ilalim ng puno sapagkat malilim at malamig dito. Madami ng bagyo ang dumaan subalit heto parin ang punong talisay matatag na nakatayo. Sa ngayon ay nasa ikaapat na baitang na ako sa paaralan. Isa na ako sa nagwawalis ng mga dahon na nalaglag mula sa mga sanga nito. By: F.M. Dela Peña 2015 Dibaraybay E.S. Dinalungan District 1. Ano’ng puno ang tinutukoy sa kwento? a. Nara b. talisay c. niyog 2. Ilang puno ng talisay ang makikita sa bakuran ng paaralan? a. 3 b. 2 c. 1 3. Saan naglalaro ang bata? a. sa ilalim ng puno b. sa sanga ng puno c. sa taas ng puno 4. Bakit sinasabi na matibay ang puno? a. hindi ito namatay pagkatapos masunog b. hindi nabuwal pagkatapos ng bagyo c. hindi nababali ang sanga 5. Saan inihalintulad ang punong talisay? a. sa guwardiya b.guro c. pulis TALASALITAAN: musmos -bata pa nakatunghay tarangkahan -nakatingin -pinto ng bakuran ANG BATANG SI GLEN Malikot, pasaway, mahilig magtago ng tsinelas ng kamag-aral, pumasok at dili, mapangbuska, pasang-awa kung susumahin ang grado. Siya si Glen, ang aking eskwela sa ika-apat na baitang ang nakatawag ng aking pansin sa unang taon ng pagtuturo ko sa Mababang Paaralan ng Dibaraybay. Hindi ko pa lubos na nakikilala ang mga mamamayan dito kaya’t nagtanong-tanong ako kung sino ang kanyang mga magulang upang sila ay kausapin. At duon natuklasan ko na ang tanging nag-aalaga sa kanilang apat na magkakapatid ay ang kanilang ama sapagkat ang kanilang ina ay nasa ibang bansa bilang OFW. Hindi na ako nagtaka kung bakit ganun ang asal niya gayunman ay nakaramdam ako ang habag sa kaniya. Walang anu-ano may sumigaw na bata, “kulang sa pansin” at paglingon ko, si Glen, nakaakyat sa itaas ng pisara. Pagtingin ko sa kanya ay dahan-dahan siyang bumaba at umupo sa isang sulok. Maraming beses ko siyang kinausap at pinangaralan. Lumipas ang maraming taon. Minsan, habang ako ay naglalakad sa loob ng pamilihan ng N.E. Baler, “Good morning Mam”wika ng tinig mula sa aking likuran. Si Glen pala at may bitbit na basket na may lamang groserya. “ Kumusta kana”? bati ko sa kanya. “Heto po, namimili ng mababaon patungong lungsod ng Baguio para duon magreview. “Katatapos ko po ng kursong Criminology”, pagpapatuloy niya. Laking gulat ko ngunit may kahalong tuwa at paghanga. Nagkuwentuhan kami ng ilang sandali at bago kami naghiwalay ay sinabi ko sa kanya. “Good Luck sayo, sana makapasa ka.” Paglabas ko ng pamilihan nakaramdam ako ang kakaibang tuwa. Sino ang makakapagsabi na si Glen na isang batang makulit at pasaway ay naging matagumpay. By: F.M. Dela Peña 2015 Dibaraybay E.S. Dinalungan District 1. Sino ang batang pasaway? a. John b. Glen c. Ben 2. Saan naroon ang kanyang nanay? a. nasa Manila b. ibang bansa c. ibang bayan 3. Ano’ng kurso ang natapos ni Glen? a. Criminology b. Accountancy c. Social Works 4. Saan pupunta si Glen para mag review? a.Manila b.Baguio c. Amerika 5. Bakit masasabing kahanga-hanga si Glen? a. mahusay siyang umawit b.mabait c. nakapagtapos siya ng pag-aaral TALASALITAAN: mapangbuska -magaling manloko Pasaway -makulit Asal -ugali DALAMPASIGAN Mapalad tayo sa lalawigan ng Aurora sapagkat mayroon tayong dalampasigan. Natural na maputing buhangin, dalisay na tubig na masarap languyan at sagana sa sariwa at matatabang isda ang nahuhuli sa araw-araw. Hindi lahat ng lugar sa Pilipinas ay biniyayaan ng magandang dalampasigan. Kailangan pa nilang maglakbay ng malayo at magbayad sa mga pribadong lugar upang maranasan mo ang katulad nito. Bakit marami ang nabibighani sa kagandahan ng tabing dagat o dalampasigan?” Kakaiba kasi ang simoy ng hangin dito. Sariwa at nakakawala ng mga mabibigat na alalahanin sa buhay. Lalo na kapag makikita mo ang mga alon at kung maglalakad ka sa buhanginan ng nakatapak o walang tsinelas. Tunay na nakakapagparelaks ng pakiramdam. By: F.M. Dela Peña 2015 Dibaraybay E.S. Dinalungan District 1. Ano ang dalampasigan? a. tabing ilog b. tabing dagat c. paanan ng bundok 2. Saang lalawigan sagana sa dalampasigan? a. Aurora b. Isabela c. Pangasinan 3. Bakit marami ang nagnanais pumunta sa dalampasigan? a. upang magrelaks b. upang magtinda c. upang kumain 4. Bakit nakakabighani ang tanawin dito? a. sariwa ang simoy ng hangin b. madaming artista c. maraming mabibili 5. Ano ang ginagawa ng ibang mga tao upang maranasan at makakita ang magagandang dalampasigan? a. bumibili ng dagat b. nagbabayad sa pribadong may-ari c. nagtutungo sa ibang bansa TALASALITAAN: natural biniyayaan - tunay -pinagkalooban SI GHENAIZA Nasa ika-apat na baitang na si Ghenaiza. Maliit na bata ngunit bibo at aktibo. Kulot ang katamtamang haba niyang buhok. Balingkinitan ang kanyang katawan at higit sa lahat siya ay maganda at mabait. Ang batang ito maliit man ay may katangi-tanging talento. Mahusay siyang sumayaw at umawit. Madalas siyang lumalahok sa mga patimpalak at tulad ng dapat asahan siya ay nagwawagi. Tuwang –tuwang sa kanya ang marami sapagkat malakas ang kanyang loob at hindi mahiyain. By: F.M. Dela Peña 2015 Dibaraybay E.S. Dinalungan District 1. Nasa anong baitang si Ghenaiza? a. ika-apat b.ika-lima c. ika-anim 2. Anong talento mayroon siya? a. sayaw at awit b. drawing c. pag-arte 3. Ano ang katangian niya upang maisagawa ng maayos ang kanyang talento? a. mahusay b. hindi mahiyain c. malakas ang boses 4. Sino ang natutuwa sa kanya? a. nanunuod b. mga guro c. kamag-aral 5. Paano niya ipinapakita ang kanyang talento? a. buong tapang b. buong husay c. buong puso TALASALITAAN: talento- galing patimpalak- palabas “PALAY” GINTONG BUTIL, ito ang taguri sa hinog na bunga ng palay. Mula sa lipak na palad ng magsasaka na buong sipag at tiyaga umulan man o umaraw kailangang alagaan niya ang tanim na palay. Si Mang Noli ay isa sa mga magsasakang ito. Sa araw-araw na pagpasok ko sa paaralan ay nadadaanan ko siya sa kanyang bukid. Matiyaga niyang inaayos ang mga pilapil ng kanyang palayan at isa-isang inaalis ang damong ligaw sa pagitan ng puno ng palay. Parang kailan lamang mula ng itanim ang punla, heto, may bunga at namimintog na. Maaliwalas ang nakangiti niyang mukha sapagkat sa lalong madaling panahon ay mamamalas na niya ang gintong butil sa uhay. By: F.M. Dela Peña 2015 Dibaraybay E.S. Dinalungan District 1. Ano ang inutukoy na gintong butil? a. perlas b.palay c. sitaw 2. Sino ang nag-aalaga ng palay? a. magsasaka b. mangingisda c. karpintero 3. Pano inaalagaan ni Mang Noli ang tanim niyang palay? a. kinukulambuan b. pinapakain c. inaalis ang damo 4. Bakit nakangiti si Mang Noli? a. maganda ang panahon b. malapit ng mahinog ang bunga ng palay c. maraming bulaklak 5. Gaano kahalaga ang palay? a. pagkain ng ibon b. pagkain ng baka c. pagkain ng tao TALASALITAAN: gintong butil -hinog na bunga ng palay uhay -tangkay ng palay kung saan naroon ang bunga mamamalas - makikita lipak - makapal TUBIG AY MAHALAGA “Isara ang gripo kapag hindi ginagamit”. Ito ang nakasulat sa dingding malapit sa gripo. “Gaano ba kahalaga ang tubig”, tanong ng guro sa mga mag-aaral. “Inumin po,” sagot ni Angel, ginagamit po sa paglalaba at paliligo”, dagdag naman ni Lara. “Panlinis po ng mga kagamitan”, dugtong ni Mark Dave. “Tama lahat ang inyong sinabi.” Wika ng guro. “Ilan lamang iyan sa napakaraming pangangailangan sa tubig”. Kaya’t dapat natin itong pahalagahan at huwag aaksayahin. Panatilihing nakasara ang gripo kapag hindi ginagamit upang sa gayon ay hindi ito masayang at hindi lumaki ang babayarang konsumo. By: F.M. Dela Peña 2015 Dibaraybay E.S. Dinalungan District TALASALITAAN: Konsumo -nagamit Aksaya -maling paggamit 1. Ano ang nakasulat sa dingding? a. bawal magkalat b. Isara ang gripo kapag hindi ginagamit c. bawal pumasok dito 2. Alin ang pangunahin at pinakamahalang gamit ng tubig? a. panlaba b. panligo c. inumin 3. Ano ang gagawin sa gripo pagkatapos maghugas ng kamay? a. sirain b. isara c. putulin 4. Paano mo gagamitin ng wasto ang tubig? a. huwag aksayahin b. hayaang dumadaloy c. ibuhos sa kanal 5. Ano ang mangyayari kung hindi tayo magtitipid sa paggamit ng tubig? a. mauubos ang tubig b. puputulan ng tubo c. tataas ang bayarin SALAMAT INAY Isang araw ng sabado. Maagang gumising si April at agad nitong hinanap ang kanyang ama. “Inay, nasaan po ang Itay” tanong niya sa Ina habang naghahanda ng almusal. “Umalis na ang iyong ama, nagtungo siya sa dagat upang maglambat”, sagot ng Ina. “Bakit po napakaagap niya, madilim pa ang paligid”, muli niyang tanong. “Ganito ang tamang oras ng paglalambat anak” wika ng Inay. Ah, ganun po ba? “Sana po madaming mahuling isda si Itay para masarap ang ulam natin”. Oo anak, kailangan din natin na makapagbenta upang may ipambili ng pangangailangan mo sa paaralan”. “Salamat po Inay dahil pinapahalagahan mo ang aking pag-aaral.” Hayaan po ninyo at magsisikap ako upang makatapos. By: F.M. Dela Peña 2015 Dibaraybay E.S. Dinalungan District 1. Sino ang gumising ng maaga? a. May b. April c. Jane 2. Sino ang kanyang hinanap pagkagising nito? a. ate b. kuya c. tatay 3. Saan nagtungo ang kanyang ama? a. bukid b. palengke c. dagat 4. Ano ang pinapahalagahan ng Ina ni April? a. edukasyon b. material ng bagay c. pagkain 5. Ano ang mangyayari kay April kung hindi siya magsisikap sa pag-aaral? a. hindi makakatapos b. magagalit ang nanay c. magagalit ang guro IKAW BA AY MAPAGKAKATIWALAAN? Araw-araw ay maagang pumapasok sa paaralan si Jedale. Nasa ika-apat na 13op ala na siya. Siya ang nagbubukas ng kanilang silid aralan bago pa man dumating ang kanyang guro. Nagwawalis siya ng sahig at nag-aayos ng mga upuan at mesa. Pagdating ng hapon, hindi siya uuwi hangga’t naroon pa ang kanyang guro na abala sa paggagawa ng reports. Hindi naman nag-aalala ang kanyang nanay sa pag-uwi nito ng huli dahil malapit lamang ang paaralan sa kanilang tahanan. Lubos na nasisiyahan ang kanyang guro sapagkat siya ay mapagkakatiwalaan na sa mga mumunting gawaing iniatang sa kanya. By: F.M. Dela Peña 2015 Dibaraybay E.S. Dinalungan District TALASALITAAN: Iniatang -ibinigay Nasisiyahan -natutuwa 1. Sino ang maagang pumapasok sa paaralan? a. Jedale b. Hadjie c. Airon 2. Ano ang ginagawa niya habang wala pa ang guro? a. nagsusulat b. nagwawalis c. nagdidilig 3. Anong katangian ang taglay ni Jedale? a. masipag b. mapagkakatiwalaan c. mabait 4. Bakit hindi nag-aalala ang nanay ni Jadale kahit huli na itong umuwi? a. nagpapaalam muna siya b. malapit ang bahay nila sa paaralan c. nanatakot siya sa guro 5. Magagawa mo rin ba ang katulad ng ginagawa ni Jedale? a. opo b. siguro c. hindi ANG PARU-PARO Palipat-lipat ang paru-paro sa iba’tibang bulaklak, animo ay may hinahanap. Dahan-dahan akong lumapit habang ito ay nakadapo sa bulaklak ng cosmos. “Ano ang iyong ginagawa diyan”? tanong ng aking guro na kanina pa pala nakamasid sa akin. “Nagtataka lamang po ako sa paruparo bakit po palipat-lipat siya sa mga bulaklak.” Sagot ko sa aking guro. “Sinisipsip ng paru-paro ang pulot o 14op al ng mga bulaklak sapagkat ito ang nagsisilbi nilang pagkain.” Kaya 14op ala araw-araw kong napapansin na madaming iba’t-ibang paru-paro na umaaligid sa mga bulaklak. By: F.M. Dela Peña 2015 Dibaraybay E.S. Dinalungan District 1. Saan palipat-lipat ang mga paru-paro? a. sa dahon b. bulaklak c. bunga 2. Bakit palipat-lipat ang paru-paro sa mga bulaklak? a. may hinahanap b. nagagandahan sa bulaklak c. sinisipsip ang nectar ng bulaklak 3. Ano ang nagsisilbing pagkain ng paru-paro? a. buto ng bulaklak b. nectar ng bulaklak c. petal ng bulaklak 4. Maliban sa paru-paro ano pa ang hayop ang sumisipsip ng nectar ng bulaklak? a. ibon b. uod c. bubuyog 5. Ano sa palagay mo ang lasa ng nectar ng bulaklak? a. matamis b. maaasim c. maalat TAMA SILA Araw-araw na lang sinasabi ni Ma’am, “magbasa, magsulat, makinig, nakakasawa na”… pagdating sa bahay sasabihin naman ng nanay ko, “ Reymar, walang maglalaro, magbasa ka at gumawa ng assignment mo.” Wala naman ako magawa kundi sumunod, kunwari nagbabasa ako pero ang totoo ay binibilang ko lang ang mga salita sa kwento. Ganun palagi ang aking ginagawa hanggang sa magsawa ang nanay ko bukod pa duon ay madalas siyang ipinapatawag ng guro ko sapagkat madalas akong lumiban sa klase o kaya naman ay mag-cutting classes. Hanggang sa tuluyan na akong huminto sa pag-aaral. Sumasama ako sa aking barkada kung saan-saan. Nuong kaya ko ng magtrabaho sumasama akong magtabas upang kumita. Natuto rin akong magtapas ng niyog at kung anu-ano pang gawain para lamang may paggastos ako. Ang hirap pala talaga ng ganitong gawain. Naalala ko tuloy ang sabi ng Nanay ko nuon, “Anak kahit naglalabada lang ako at si tatay mo ay karpintero, pipilitin naming na pag-aralin ka, sana naman ay magsikap ka para hindi masayang ang paghihirap namin. Isa pa, para din sa magandang kinabukasan mo iyan.” Ang sabi ni Ma’am nuon, “mag-aral kayong mabuti sapagkat iyan ay isang yaman na kaylanman ay hindi mauubos. Iyan ang magdadala sa inyo sa maginhawang buhay.” Ngunit, anupa ang magagawa ko ngayon. Heto, wala ng pagkakataon pa upang mag-aral. Tama sila, si Nanay at si Ma’am. 1. Ano ang sabi ni Ma’am? a. magbasa b. maglaba c. magluto 2. Ano ang sabi na Nanay? a. maglaro b. gumawa ng assignment c. magdilig 3. Sumunod ba si Reymar sa Nanay? a. hindi po b. opo c. maari 4. Ano ang nagyari sa kanya? a. nakatapos b. hindi nakatapos c. nawala 5. Sino ang tama? a. si Reymar b. si Ma’am at Nanay c. si ate Talasalitaan: Magtapas - magbalat ng niyog PAUNANG SALITA ANG MGA KWENTONG MABABASA DITO AY HANGO SA TUNAY NA KARANASAN AT PANGYAYARI SA BUHAY NG ILANG MAG-AARAL, GAYUNDIN ANG MGA LUGAR NA BINABANGGIT AY BASE SA TOTOONG NATUTUNGHAYAN O NAKIKITA. ITO AY GINAWA UPANG PUKAWIN ANG ISIP AT DAMDAMIN NG MAMBABASA.