Asignatura: Pagbasa at Pagsusuri ng Iba’t- ibang Teksto sa Pananaliksik
Pamantayang Pangnilalaman: Nasusuri ang Iba’t-ibang uri ng binasang teksto ayon
sa kaugnayan nito sa sarili, pamilya,komunidad, bansa at daigdig.
Pamantayan sa Pagganap: Nasusuri ang kalikasan, katangian, anyo ng iba't- ibang
teksto.
Mga Kasanayang Pagkatuto: Naipapaliwanag ang mga kaisipang nakapaloob sa
tekstong binasa.
I. Mga Layunin: Inaasahang matatamo ng mga mag-aaral ang mga sumusunod na
layunin;
a. nalalaman ang kalikasan at uri ng Tekstong Prosidyural;
b. nasusuri ang halimbawa ng teksto; at
c. nakasusulat ng isang tekstong prosidyural.
II. Paksang –Aralin:
Paksa: Tekstong Prosidyural
Code: F11PS-IIIf-92
Sanggunian: Pagbasa at Pagsusuri ng Iba’t-ibang Teksto Tungo sa Pananaliksik pp.
47-49
Mga Kagamitan: PowerPoint, Video, Larawan, Hand-outs, Materyal sa Paggawa ng
Saranggola (Selopin, gunting, walis tingting, Tali mula sa sako).
Pamamaraan: Interactive Lecture, Collaborative Learning, Inquiry or
Socratic Method
III. Pamamaraan:
A. Panimulang Gawain
a. Panalangin
b. Pagsasaayos ng lugar o silid-aralan
c. Pagtsek ng Atendans
d. Pagbati
e. Pagbabalik- Aral
Tatawag ang guro ng dalawang mag-aaral para magbigay ng rebyu sa paksang
natalakay noong nakaraan.
f. Pagganyak:
Direksyon: Pagsunod-sunurin ang mga larawan. Ano ang dapat mauna at mahuli.
Lagyan ito ng bilang 1 hanggang 5.
B. Paglinang sa Aralin:
a. Aktibiti:
Hahatiin ang klase sa tatlong grupo. Magpapaunahan sa pagbuo ng mga
larawan ang bawat pangkat. Huhulaan nila kung ano ang ibig sabihin ng mga larawan
at ayusin ang mga larawan batay sa pagkakasunod-sunod nito. Ipaliwanag kung bakit
ganun ang naging pagkakasunod-sunod ng mga larawan.
b. Analisis:
1. Ano-ano ang inyong napapansin sa mga larawan?
2. Sa papaanong paraan ninyo napagkasunduan ang mga larawan?
3. Ano sa tingin ninyo ang kaugnayan ng mga larawan sa inyong nabuo?
c. Paglalahad ng Paksa at Layunin
Sasabihin ng guro sa buong klase ang magiging paksa at ang mga layunin.
d. Pagtatalakay (Interactive Lecture)
Magpapakita ang guro ng isang Visual Aid na tumatalakay sa paksa. (Ang mga
mag-aaral ay may kanya-kanyang Paper Flaglet na gamitin sa pagsagot sa mga
katanungang itatanong ng guro).
Ang tekstong prosidyural ay isang uri ng teksto na nagbibigay ng impormasyon
kung paano isagawa ang isang bagay o gawain. Inilalahad nito ang serye o mga
hakbang sa pagbuo ng isang gawain upang matamo ang inaasahan. Sa tekstong ito,
pinapakita ang mga impormasyon sa kronolohikal na paraan o mayroong
pagkakasunod-sunod.
Ang layunin ng tekstong prosidyural ay makapagbigay ng sunod-sunod na
direksyon, hakbang o impormasyon sa mga tao upang matagumpay na maisagawa ang
mga gawain na ligtas, episyente at angkop sa paraan .(Alma M. Dayag at Mary Grace
G. Del Rosario, 2017)
Ito rin ang sumasagot sa tanong na “Paano”, paano iluto, paano gawin, paano
buuin, paano nangyari at iba pang tanong na ikinakabit sa tanong na paano.
Ang tekstong prosidyural ay madalas nating nababasa sa mga produktong ating
binibili katulad ng mga resipe ng lutuin, tamang pagbuo at paggamit ng isang kagamitan
sa bahay at mga gadget.
Sa panahon ngayon maraming mga bagay ang tinatawag nilang do-it-yourself,
nararapat lamang na marunong tayong umunawa sa mga prosidyur na nakalakip dito.
Ang wastong pag-unawa sa mga prosidyur ang gagabay sa atin upang matagumpay na
maisagawa ang isang bagay.
Uri ng Tekstong Prosidyural
● Paraan ng pagluluto (Recipes) – ito ang karaniwang uri ng tekstong Prosidyural.
Nagbibigay ng panuto sa mambabasa kung paano magluto. Sa paraan ng pagluluto,
kailangan ay malinaw ang pagkakagawa ng mga pangungusap at maaaring ito ay
magpakita rin ng mga larawan.
● Panuto (Instructions) – Ito ay naggagabay sa mga mambabasa kung paano
gawin o likhain ang isang bagay.
● Panuntunan sa mga laro (Rules for Games) – Nagbibigay sa mga manlalaro ng
gabay na dapat nilang sundin.
● Manwal – Nagbibigay ng kaalaman kung paano gamitin, paganahin at
patakbuhin ang isang bagay. Karaniwang nakikita sa mga bagay may kuryente
tulad ng computers, machines at appliances.
● Mga eksperimento – Sa mga eksperimento, tumutuklas tayo ng bagay na hindi
pa natin alam. Karaniwang nagsasagawa ng eksperimento sa siyensya kaya
naman kailangang maisulat ito sa madaling intindihin na wika para matiyak ang
kaligtasan ng magsasagawa ng gawain.
● Pagbibigay ng direksyon – Mahalagang magbigay tayo ng malinaw na direksyon
para makarating sa nais na destinasyon ng ating ginagabayan.
e. Paglalapat (Think Pair and Share)
Sa kaparehong pangkat, bibigyan ang bawat pangkat ng materyales para sa
pagsulat ng Tekstong Prosidyural. Ang isusulat nilang paksa ay batay sa bubunutin ng
kanilang lider. Pagkatapos ng sampung minuto sa paggawa ay inaasahang makapagulat ang bawat pangkat.
Mga Paksa:
Unang Pangkat: Paano lutuin ang adobong paksiw na isda?
Ikalawang pangkat: Paano gumawa ng parol?
Ikatlong Pangkat: Paano maglaba ng damit?
f. Paglalagom sa Paksang Tinalakay
Tatawag ang guro ng ilang mag-aaral para magbigay ng dalawang pangungusap na
pagbubuod sa paksang tinalakay.
IV. Pagtataya (Differentiated Instruction)
Ang bawat pangkat ay bibigyan ng 10 minuto sa paghahanda at 5 minuto para sa
presentasyon. Bawat pangkat ay inaasahang maisagawa ang mga gawain.
Unang Pangkat: (Practical) Magpapakita ang pangkat(Demonstration) ng paglikha ng
isang saranggola gamit ang materyal na inilaan ng guro habang pasalitang ilalahad ang
mga hakbang sa pagbuo nito.
Pangalawang Pangkat: (Creative) Gagawa ang grupo ng isang rap/kanta na
nagpapakita ng pagpapahalaga sa tekstong prosidyural. Sa pagbuo ng liriko, hinihikayat
ang mga mag-aaral na gamitin ang mga diyalektong madalas na maririnig sa loob ng
silid.
Pangatlong Pangkat: (Analytical) Bumuo ng isang recipe ng lutong nanay na
kinagigiliwan sa inyong tahanan.
Pamantayan sa Pagmamarka ng Gawain
Pamantayan
Napakahusay
Mahusay
(10-8)
(7-5)
Kailangan
Pang-paghusayan
(4-1)
Tema at ang
tamang paggamit
ng teksto
Pagganap ng mga
tauhan
Kaugnayan sa
paksa
Pagkamalikhain
Dating sa
manonood
mga
V. Kasunduan:
Ilagay sa isang malinis na papel. (40 puntos)
1. Panoorin ang video gamit ang link na ito
(https://youtube.com/watch?v=wLi5CoFnHRE&feature=share). Magbigay ng ilang
impormasyon ayon sa pag unawa.
Pamantayan:
Kaugnayan sa Paksa
10
Nilalaman
10
Sapat na impormasyon
10
Organisasyon ng mga ideya
10
Kabuuan:
40
Inihanda ni: Wena May C. Tipones