Republic of the Philippines
CENTRAL PHILIPPINES STATE UNIVERISTY
San Carlos City, Negros Occidental
GRADUATE SCHOOL
KAHANDAAN NG MGA MAG-AARAL SA PAGBABALIK NG KLASE KAUGNAY SA
AKADEMIKONG PERFORMANS NG IKAWALONG BAITANG NG
SAGAY NATIONAL HIGH SCHOOL
Isang Sulating Pananaliksik na
Bilang Pagtupad sa mga Pangangailangan
ng Asignaturang Pagbasa at Pagsulat
Pebrero 2023
KABANATA 1
PANIMULA
Ang edukasyon ay napakahalaga sa buhay ng isang tao dahil ito ang susi sa isang maganda
at matatag na kinabukasan ng bawat isa. Ang kaalamang natutunan natin sa paaralan ay
malaking bagay sa ating pagkatao. Ito ang magmumulat sa ating kaisipan tungkol sa mga
bagay-bagay na nagyayari sa ating kapaligiran at nagbibigay sa atin ng pagkatuto. Ang
edukasyon ang magbubukas ng daan sa napakaraming oportunidad para mapabuti ang
ating pamumuhay.
Taong dalawang libo’t dalawangpu (2020) ng Enero ay kinumpirma ang unang kaso ng Covid19 sa Pilipinas. Ito ang naging simula ng pandemya at pagbabago. Matinding dagok ang dala
ng pandemya na ito sa buhay ng tao. Maraming pagbabago ang naganap at lahat apektado
maging ang edukasyon ng kabataang Pilipino. Nabago ang paraan ng pagtuturo at pag-aaral
ng mga estudyante para sa taong panuruan 2020-2021 at 2021-2022.
Nagkaroon ng New Normal na sistema ang edukasyon. Maaaring matuto ang mga bata sa
pamamagitan ng Modular Distance Learning (MDL) kung saan ang mga mag-aaral ay
bibigyan ng kumpletong sets ng Self-Learning Modules (SLM) o printed modules. Ang
Modular Distance Learning (MDL) ay nagtatampok ng individualized instructions o pangisahang panuto na nagbibigay-daan sa mga mag-aaral na gumamit ng Self-Learning Module
(SLM) na nakaprint o digital na porma/elektronikong kopya, alinman ang naaangkop sa
pagkatuto ng mag-aaral.
Ayon kay Geiser at Santelices (2007), ang akademikong performans ng mga mag-aaral ay
naaapektuhan ng ilang mga salik, tulad ng puntong pagpasok, kalagayan pang-ekonomiya
at kaligirang pampaaralan.
Ngayong unti-unti ng nagbalik ang lahat sa normal, maging ang mga mag-aaral ay nakabalik
na sa paaralan. Malaking hamon para sa mga guro ang suliranin na hinakaharap sa arawaraw hinggil sa pagkatuto ng mga mag-aaral.
Ang mga sumusunod na obserbasyon ang nag-udyok sa mga mananaliksik upang pag-aralan
at patotohanan ang mga nasabing Kahandaan ng mga Mag-aaral sa Pagbabalik ng Klase
Kaugnay sa Akademikong Performans ng Ikawalong Baitang ng Sagay National High School.
PAGLALAHAD NG SULIRANIN
Ang pangunahing layunin ng pag-aaral na ito ay ang masuri ang Kahandaan ng mga Magaaral sa Pagbabalik ng Klase Kaugnay sa Akademikong Performans ng Ikawalong Baitang
ng Sagay National High School.
Binibigyang diin na dapat mabigyan ng kasagutan ang mga sumusunod na katanungan:
1. Ano ang katangian o background ng mga respondente ayon sa mga sumusunod:
1.1 Pangalan (opsyunal)
1.2 Edad
1.2 Kasarian
1.3 Tirahan
1.4 Estado ng Pamumuhay
2. Ano ang mga salik na nakaapekto sa akademikong performans ng mga respondente?
2.1 Estado ng Pamumuhay
2.2 Layo ng Tirahan
2.3 Social Media/ Access sa Internet
3. Ano ang pananaw ng mga respondente sa iba’t ibang estratehiyang ginagamit ng mga
guro sa pagtuturo:
3.1 Chunking
3.2 Mind Mapping
3.3 DRTA (Direct Reading Thinking Activity)
3.4 Malayang Talakayan
3.5 Reciprocal Teaching
3.6 SQ3R- (Survey,Questions,Read,ReciteReview)
3.7 Kolaboratibo
4. May makabuluhang kaugnayan ba ang personal na background ng mga respondente
batay sa kanilang kahandaan sa pagbabalik ng klase kaugnay sa akademikong
performans?
5. May makabuluhang kaugnayan ba ang estado ng pamumuhay, layo ng tirahan,
social media o internet access sa kahandaan sa pagbabalik ng klase kaugnay sa
akademikong performans?
6. May makabuluhang kaugnayan ba ang pananaw ng mga respondente sa paggamit ng
iba’t ibang estratehiya ng guro sa pagtuturo?
PAGLALAHAD NG HAYPOTESIS
1. Walang makabuluhang kaugnayan ang personal na background ng mga respondente
batay sa kanilang kahandaan sa pagbabalik ng klase kaugnay sa akademikong
performans.
2. Walang makabuluhang kaugnayan ang estado ng pamumuhay, layo ng tirahan, access
sa internet o social media sa kahandaan sa pagbabalik ng klase kaugnay sa
akademikong performans.
3. Walang makabuluhang kaugnayan ang mga pananaw ng mga mag-aaral sa
paggamit ng iba’t ibang estratehiya ng guro sa pagtuturo sa kahandaan sa
pagbabalik ng klase kaugnay sa akademikong performans.
KAHALAGAHAN NG PAG-AARAL
Ang pananaliksik na ito ay magsisilbing gabay upang malaman ang kahandaan ng mga
mga-aaral sa pagbabalik ng klase kaugnay sa akademikong performans at ito rin ay
makatutulong sa mga sumusunod;
Sa mga Guro- Ang pananaliksik na ito ay makatutulong sa mga guro na malaman ang
kahandaan ng mga mga-aaral sa pagbabalik ng klase kaugnay sa akademikong performans.
Makatutulong din ito sa kanila upang makabuo ng mas mahusay na koneksyon at relasyon
sa mga mag-aaral.
Sa mga Mag-aaral - Ang pag-aaral na ito ay magsisilbing batayan o ebidensya na sila ay
handa na sa pagbabalik ng klase sa kabila ng hagupit ng Covid-19 Virus. Magsisilbing gabay
din ang pananaliksik na ito kung paano nila lulutasin ang kanilang mga kinakaharap na
problema kaugnay sa akademikong performans.
Sa mga Magulang - Ito ay magsisilbing gabay sa pagtukoy ng kahandaan ng kanilang mga
anak sa pagbabalik ng klase pagkatapos ng mahigit na dalawang taon na hindi pagpasok ng
kanilang mga anak sa paaralan at sa kung paano nila sila maaaring suportahan. Sa paraang
ito ay maaring mapagtibay nila ang relasyon nila sa kanilang mga anak.
Sa Komunidad - Ang pag-aaral na ito ay makatutulong sa mga mamamayan na maging
bukas ang kanilang mga isip at makagawa ng iba’t ibang paraan para makatulong sa estado
at pangangailangan ng mga mag-aaral sa pagbabalik ng klase.
Sa mga Mananaliksik -
Ito ay magsisilbing batayan sa mga maaari pang maging
pananaliksik na may kaugnayan sa paksang ito, o mga gagawin pang pag-aaral ukol dito. Ito
rin ay magiging instrumento para mapabuti pa ang susunod na mga gagawin na
pananaliksik.
Sa mga Gabay Tagapayo (Guidance Counselor) - Ito ay magsisilbiling basehan ng mga
guidance counselor upang mas matukoy lalo kung anong lebel ng kahandaan ang mga magaaral sa pagbabalik ng klase kaugnay sa akademikong performans. Sa paraang ito,
makatutulong sila sa paglutas ng problema ng mga mag-aaral at sila ay makapagbibigay ng
malawak na payo.
SAKLAW AT DELIMITASYON
Ang pananaliksik na ito ay nakatuon at sumasaklaw sa kahandaan ng mga mga-aaral sa
pagbabalik ng klase kaugnay sa akademikong performans ng ikawalong baitang ng Sagay
National High School. Ang mananaliksik ay gumamit ng sarbey at talatanungan bilang
instrumento sa pangangalap ng datos na binubuo ng aytem ukol sa kahandaan ng mga
mga-aaral sa pagbabalik ng klase kaugnay sa akademikong performans.
Ang magiging kasagutan sa pananaliksik na ito ay makakamit sa pamamagitan ng piling
mga respondente ng mag-aaral na napabilang sa special classes ng Sagay National High
School. Ito magmumula sa Grade 8- Mercury na mayroong tatlumpung (30) na estudyante,
sa kabuuan ay may tatlumpong (30) tagatugon.
Ang pangangalap ng datos ay nagsimula noong February 17, 2023 hanggang February 21,
2023.
KONSEPTUWAL NA BALANGKAS
PROSESO
INPUT
AWTPUT
 Pagsasagawa ng
sarbey at
pagbibigay ng
talatanungan na
sasagutan ng mga
piling respondent.
 Pag-oorganisa sa
mga resultang
datos.
 Pag-aanalisa at
pagpapakahulugan ng mga
nakalap na
resulta.
1. Demographic profile ng
mga respondenting magaaral.
2. Ano ang mga salik na
nakaapekto sa
akademikong performans
ng mga respondente?
 Pagbibigay ng
mungkahi na
kinakailangan
maging handa
mga mag-aara
kahit anumang
aspeto para sa
kanilang
epektibong
pagkakatuto.
 Magbibigay ng
mungkahi na a
kagawaran ng
Edukasyon ay
magsasagawa
isang seminar
sa mga kaguru
hinggil sa mga
estratehiyang
gagamitin sa lo
ng klase upang
lubos na matu
ang mga mag-a
3. Ano ang pananaw ng
mga respondente sa iba’t
ibang estratehiyang
ginagamit ng mga guro sa
pagtuturo?
4. May makabuluhang
kaugnayan ba ang
personal na background
ng mga respondente batay
sa kanilang kahandaan sa
pagbabalik ng klase
kaugnay sa akademikong
performans?
Pigura 1. Relasyon ng Input, Proseso at Awtput
Ang ilustrasyon ay naglalahad ng iba’t ibang aspeto upang makompleto ang
isinagawang pananaliksik. Ang inputs na ginamit ng mananaliksik ay naglalaman ng mga
paglalahad ng layunin sa mga mag-aaral. Ito ay nakabatay sa katotohanan at
makatutulong sa kabuuan ng pananaliksik.
Sa proseso ng pag-aaral , ang mananaliksik ay nagsimula sa pamamahagi ng
talatanungan sa mga respondent upang makuha ang mga datos na nais malaman. Ito ay
dadaan sa proseso at matatapos sa isang paglilinaw upang maging katanggap-tanggap.
Sa resulta ng pag-aaral o awtput ang mga mananaliksik Pagbibigay ng mungkahi na
kinakailangan na maging handa ang mga mag-aaral sa kahit anumang aspeto para sa
kanilang epektibong pagkakatuto. At magbibigay rin ng mungkahi na ang kagawaran ng
Edukasyon ay magsasagawa ng isang seminar para sa mga kaguruan hinggil sa mga
estratehiyang gagamitin sa loob ng klase upang lubos na matuto ang mga mag-aaral.
DEPINISYON NG MGA TERMINO
Ang mga sumusunod na salita ay binigyan ng pagpapakahulugan batay sa konsepto at
kung papaano ginamit ang mga ito sa pag-aaral.
New Normal. Panibagong kaugalian at pananaw sa kalusugan na kailangan nating sundin
para mapanatili ang kaligtasan ng hindi lamang ng isang tao, kundi ng lahat.
Modular Distance Learning. Isa sa mga delivery mode na kung saan hindi pisikal na
magkasama o magkaharap ang guro at estudyante. (uopeople.edu/blog/)
Face-to-face Learning. Pisikal na interaksyon sa pagitan ng guro at estudyante.
(tophat.com)
Self-Learning Modules. Ang self-learning modules (SLM) ay kagamitan ng mag-aaral na
naglalaman ng isang aralin na isinulat sa paraang madaling mauunawaan at magagawa ng
mag-aaral kahit wala ang guro sa kaniyang tabi. Ito ay isinulat para sa distance o remote
learning.
Akademikong Performance. Sa local napag-aaral ni Andaya (2014) ang akademikong
performans ng isang mag-aaralay isang kritikal na aspeto para sa maraming guro. Ang
kanilang performans sa kahit anongbagay ay mahalaga para sa gobyerno,mga magulang at
lalong lalo na sa ating lipunan.Napatanuyan na ang mga guro ay may pinakamahalagang
impluwensya sa akademikongperformans ng mag-aaral
KABANATA III
DISENYO NG PANANALIKSIK
Tinalakay sa bahagi ng pananaliksik na ito ang mga metodo at paraang ginamit sa
pangangalap ng datos upang alamin ang kahandaan ng mga Mag-aaral sa Pagbabalik ng
Klase Kaugnay sa Akademikong Performans.
Nakita sa bahaging ito ang kabuuang bilang ng mga tagatugon, pamamaraan,
instrumentong ginamit sa paglikom ng datos at paraan sa pagsusuri nito.
MGA RESPONDENTE
Ang mga respondente sa pag-aaral na ito ay ang mga mag-aaral sa ikawalong baitang
na napabilang sa special classes ng Sagay National High School. Magmumula sa Grade 8Mercury na mayroong tatlumpung (30) na estudyante, sa kabuuan ay may tatlumpong (30)
tagatugon.
Non-probability sampling ang napiling teknik na ginamit ng mananaliksik. Ito ang
purposive sampling technique, kung saan kailangan ng masusing pagpili ng tagatugon sa
kadahilanan na marapat na masunod ang krayterya na inihanda ng mananaliksik
(Crossman, 2018). Sa pananaliksik na ito, ang krayterya ay: una, kabataang nasa edad
labintatlo (12) hanggang labingwalo (16) taong gulang. Pangalawa, ang mga magulang ay
may buwanang sahod mula limang libo (5,000) hanggang dalawampung libo (20,00) pataas.
Pangatlo, kinakailangang sila ay mga mag-aaral ng ikawalong baitang na napapabilang sa
programang STE (Science, Technology, Engineering). Pang lima, mga mag-aaral na nakakuha
ng may pinakamataas at may pinakamababang marka sa unang kwarter ng pag-aaral.
INSTRUMENTO SA PAG – AARAL
Sa paglikom ng mga impormasyon sa pagbuo ng pag-aaral
ang mananaliksik ay
gumamit ng pansariling gawang information sheet sa pagkuha ng datos. Ito ay ginawa upang
sagutin ang mga katanungan ng mananaliksik na nakapaloob sa suliranin. Ang unang
bahagi ay naglalaman ng mga katanungan na siyang tutukoy sa katangian o
background ng mga respondente, ang ikalawang bahagi naman ay tumutukoy sa mga
salik na nakaapekto sa akademikong performns ng mga respondent, pangatlong
bahagi naman ay tumutukoy sa pananaw ng mga respondent sa iba’t ibang
estratehiyang ginagamit ginagamit ng mga guro sa pagtuturo. At upang mabigyang
solusyon ang kanilang mga posibleng problema o kakulangan ng mga mag-aaral sa
kahandaan sa pagbabalik ng klase ay nagsasagawa din ng pakikipanayam ang
mananaliksik sa guro ng mga tagatugon tungkol sa kanilang mga akademikong
performans at humingi na rin ng mungkahi sa kanila kung ano ang kanilang pagtugon
sa problemang ito ng mga mag-aaral.
Sa instrumentong pakikipanayam o interbyu harapang tinanong ng mananaliksik ang
mga guro ng mga inihandang katanungang may kaugnayan sa akademikong performans ng
mga mag-aaral. Gumamit ng voice recorder sa selpon upang magkaroon ng mas malinaw na
kopya at batayan sa sagot sa pag-aaral at maaari rin gamitin ng mananaliksik na patunay o
ebidensya sa resulta ng kaniyang isinagawang pag-aaral.
PROSESO NG PANGANGALAP NG DATOS
Sa pag-aaral ay minabuti ng mga mananaliksik na bigyang-daan ang mga pamamaraan
upang makalap ang mga datos tulad ng sumusunod na hakbang. Una, humingi ang mga
mananaliksik ng pahintulot sa tanggapan ng tagapamahala ng paaralan upang mangalap ng
datos sa pamamagitan ng pagsa-sarbey at pagbibigay ng katanungan. Ikalawa, ang
mananaliksik ay humingi ng pahintulot sa prinsipal ng paaralang saklaw ng pag-aaral upang
makapagsagawa ng pananaliksik. Ikatlo, sa tulong ng tagapayo ng Grade 8 - Mercury ang
mananaliksik ay humingi ng kopya ng mga pangalan ng mga mag-aaral na magiging
respondente sa isasagawang pag-aaral. Ikaapat, ibinigay ng mananaliksik ang sarbey na
tanong sa mga respondenteng mag-aaral ng ikawalong baitang. Ikalima, naghanay at
nagtatala ng sagot ng mga kalahok sa pag-aaral. Sa ginawang pakikipag-usap kinuha ng
mananaliksik ang kasagutan ng mga respondente, itinabulate at sinuri ang mga datos na
nakalap sa pamamagitan ng documentary analysis. Ang mga mananaliksik ay nakipanayam
o harapang tinanong ang mga guro upang makakalap pa ng mga karagdagang impormasyon
sa mga respondente at malaman, marinig ang pananaw at opinyon nila tungkol sa paksa ng
pananaliksik.
ISTATISTIKAL TRITMENT NG MGA DATOS
A. Weighted Mean Distribution
Ang mga mananaliksik ay gagamit ng ilang mga istatistikal na tritment para maanalisa at
mabigyang kahulugan ang mga nakalap na datos para makita at mahanap ang mga salik na
nakaapekto sa akademikong performans ng mga estudyante sa klase. Ang pormulang ito ay
ginamit upang masagot ang mga katanungan tungkol sa mga salik na nakakaimpluwensya
sa akademikong performans ng mga estudyante at mga epektibong estratehiya ng mga
estudyante na maaaring gamitin.Ang pormula sa ibaba ay gagamitin:
4f+3f+2f+f
WM= _______________
N
Kung saan:
WM = ang kabuuan ng mga bilang na hinati sa N
f = prikuwensiya na pagtugon
N = kabuuang bilang ng respondente