Schools Division Office City of Mandaluyong MANDALUYONG HIGH SCHOOL SENIOR HIGH SCHOOL KONSEPTONG PAPEL Epektibong Paggamit ng Iba’t ibang Online Platforms sa New Normal na Pag-aaral Ipinasa nina: Charles Mario C. Cura Lemuel B. Jacinto Angel Mae Deciembre Rheilyn Clarice S. Rabang Andria Monique A. Plang HUMSS-B Ipinasa kina: Bb. Karen Q. Ignacio Bb. Mary Janzel Paragaz Pebrero 26, 21 I. Panimula Sabi nga nila, ang edukasyon ang tanging yaman na hindi mananakaw ninuman kaya’t kailangan pahalagahan. Subalit bunga ng pandemikong Coronavirus mas naging malaking hamon na ipagpatuloy ang pag-aaral ngayong ‘new normal’ kung saan hindi maaaring isagawa ang nakasanayang ayos ng pag-aaral. Dahil sa pandemiyang ito tanging Alternative Learning System (ALS) lamang ang solusyon upang ipagpatuloy ang panuuran 2020-2021, sa pamamagitan nito maaaring matuto ang mag-aaral sa paggamit ng iba’t ibang print at online platforms katulad ng Messenger, modules, Google Classroom, Discord at iba pa bilang daluyan ng pag-aaral. Ang online learning ay gumagamit ng teknolohiya na mag-uugnay at maghaharap sa guro at mag-aaral nito sa pagsasalin ng karunungan, kasanayan, at palitan ng kuro-kuro upang mas maunawaan ng magaaral ang aralin. Layunin ng aming pananaliksik ang makapagbigay ng impormasyon at datos ukol sa epektibong paggamit ng online platforms sa new normal kung saan tatalakayin ang mga epekto, benepisyo at kahalagahan nito upang makapagbigay ng mahahalagang kaalaman na magagamit ng kapuwa naming mag-aaral pati na rin ng mga guro nang makatulong sa pagtawid ng pag-aaral sa panahon ng pandemiko. II. Kaligiran Gagamit ang pananaliksik na ito ng disenyong deskriptibo, kung saan magpapasagot ng sarbey ang mga mananaliksik upang makakuha ng impormasyon o datos sa iilang mag-aaral ng Senior High at mga guro mula sa iba’t ibang paaralan sa Lungsod ng Mandaluyong upang mas lalong matukoy ang kalagayan ng mag-aaral at guro sa paggamit ng iba’t ibang online platforms bilang daluyon ng pag-aaral at pagkatuto sa gitna ng pandemikong ito. Sa pamamagitan ng Google Form, mangangalap ang mga mananaliksik ng tiyak na impormasyon at datos ukol sa epektibong paggamit ng iba’t ibang online platforms sa new normal na pag-aaral, bukod dito, kukuha rin karagdagang impormasyon mula sa internet, panayam at dokumento. 1Ayon sa pag-aaral ni Cathy Li ng World Economic Forum, mas epektibo raw ang online learning kaysa sa pag-aaral sa loob ng silidaralan dahil mas natatandaan daw ng estudyante ang 25-60% ng kanilang natutuhan online kumpara sa 8-10% lang kung sa silid-aaralan ito itinuro. 40-60% ang nababawas na oras para matutuhan ng bata ang isang aralin sa online learning. Ito raw ay dahil kayang balik-balikan ng bata ang aralin, puwedeng lumaktaw at umabante sa ibang konsepto batay sa sariling kakayanan ng bata. Ayon naman sa artikulo ni Jhoemz Vercide ng The Lookout, sa kabila ng mga batikos maraming magagandang dulot ang online learning gamit ang iba’t ibang online platforms bilang daluyan ng kaalaman at narito ang iilan lamang dahilan kung bakit mas epektibo. a.) Mabilis na Proseso at Sistema Sa paraang ito hindi na kinakailangang ng mga kung anu-ano pang mga kagamitan, basta’t may koneksyon ka lamang sa internet ay maaari ka nang makibahagi sa talakayan sa mas mabilis na paraan. b.) Matipid sa Oras at Pera Hindi na kinakailangan ng mga mag-aaral na pumunta sa kanikanilang paaralan. Sa online education mas makatitipid ng oras ang kabataan dahil hindi na nila kinakailangan gumastos ng pamasahe papasok at siguradong makababawas sa gastos. Sa pananaw na ito, marami ang mas makatitipid habang patuloy na natututo. c.) Pagyakap sa Makabagong Teknolohiya Sinasabing ang online education ang magiging daan upang matuto ang kabataan sa paggamit ng makabagong teknolohiya. Magkakaroon sila ng oras upang tuklasin ang ilan sa mga bagong paraan ng pag-aaral katulad ng paggamit ng iba’t ibang online platforms na kung saan mas madaling matuto sa ilalim ng 1 https://thelookout.com.ph/article/online-classes-epektibo-nga-ba-para-matuloy-ang-pasukan https://archive.journal.com.ph/editorial/opinion/online-learning-sa-new-normal-ng-edukasyon pandemikong ito , dahil din sa mga ito mas napapabilis ang paghatid at pagkuha ng impormasyon na tiyak na magagamit sa pag-aaral . Bukod dito , mas makasasabay na ang karamihan sa pagtanggap ng makabagong paraan ng tungo sa paglinang at pagkatuto ng kabataan, mga guro at ng bawat isa sa bansa. Mula naman sa aming kapuwa mag-aaral sa Senior High, sa kabila raw ng mga negatibong komento ng publiko tungkol sa online class at epektibong paggamit ng iba’t ibang online platforms bilang daluyan ng pag-aaral at pagkatuto, mula raw sa ilang buwan na karanasan nila, masasabi raw nilang epektibo ito sapagkat sa panahon daw natin ngayon, nagkakaroon ng ebolusyon sa teknolohiya at malaking tulong daw kung makasasabay tayo sa pagbabagong ito, at isang hakbang na raw ang online learning na kung saan mas makapagpapadali ang pagaaral sa tulong ng iba’t ibang online platforms. Dagdag pa nito, mula raw noong unang lingo ng implementasyon ng distance learning kahit pa raw may mga aberya, tagumpay na naisakatuparan naman daw ang makapagbigay ng kaalaman, bunga na rin daw ng pagsusumikap ng mga guro at kagawaran sa edukasyon, bukod dito, malaking tulong daw ang pamimigay ng Local Government Unit (LGU) ng Lungsod ng Mandaluyong, ng gadgets upang walang maiwan at makasabay ang lahat sa makabagong paraan ng pagkatuto sa ilalim ng pandemik. Iilan sa mga online platforms at paano ito magagamit ng lubusan. 1.) Messenger Ginagamit ang Messenger sa pagtatalakay ng mga lesson at interaksyon ng guro at mag-aaral sa pamamagitan ng paggawa ng group chat maaari nang makapagsalitan ng kaalaman at makipagdiskusyon, maaari ritong magsend ng video at mga larawan na makatutulong sa paglinang ng kaalaman. Pagdating naman sa pagkuha ng attendance gumagamit ang ilan ng poll upang malaman kung sino ang mga nasa klase sa partikular na oras, karamihan naman gumagamit na lamang ng reaction emoji pati rin sa pagtukoy sa mga nakasusunod sa talakayan. Mainam na gumawa ng ibang account pang-online class upang hindi humalo rito ang personal na buhay ngunit hindi ibig sabihin nito na gagamitin ang account na pang -online class sa oras lamang ng klase mainam din kada oras tinitignan ang mga GC subjects upang hindi mahuli sa mga paalala at gawain ng guro. Masasabing ito ang pinaka madaling online platform sapagkat marami na ang bihasa sa paggamit nito dahil madali lang unawain at kahit na walang internet basta’t nakabukas lang ang cellular data maaari na itong magamit para sa mga android user at upang makilala ng guro kinakailangan maglagay ng maayos na profile picture kung saan malinaw na makikita ang mukha at hindi naka-wacky at mahalaga ring ilagay ang buong pangalan. 2.) Facebook Dito naman sa Facebook maaaring maglive ang guro upang mas matalakay ang lesson at sa comment section naman maaaring sumagot ang mag-aaral sa katanungan ng guro at mag-attendance. Bukod dito maaaring gumawa ng post ang guro kung saan doon ilalagay sa comment section ang mga aktibidad ng mag-aaral. Mainam na gumawa ng sariling group page sa dito upang kayu-kayo lamang nakakikita ng mga aktibidad, video at larawang binabahagi. 3.) Google Classroom/Forms Sa pamamagitan naman ng online platform na ito, dito maaaring magpasa ng mga aktibidad, proyekto at sumagot sa mga pagsusulin kinakailangan lamang mag-log-in gamit ang iyong DepEd account na makukuha sa tulong ng iyong guro. Dito madali lang masubaybay ang mga aktibidad na ginagawa, nagawa at kulang pindutin lamang ang Todo. Maaari ring maka-usap at malaman ang paalala ng guro sa pamamagitan ng private comment sa ibaba ng your work kung saan pinapasa ang mga gawain. 4.) Discord Kilala ang online platform na ito sa larangan ng electronic games ngunit sa ilalim ng makabagong paraan ng pagkatuto, ginagamit ito bilang daluyan ng pag-aaral. Maaaring gumawa ng server dito na magsisilbing silid-aralan, sa pamamagitan ng voice channel makakapagdiskusyon ang guro at kanyang mag-aaral, maaaring tumanggap ito ng higit sa 30 katao at habang nagdidiscuss ng aralin ang guro maaari nitong ipakita ang kanyang visual sa pamamagitan ng screen sharing o maaari ring gumawa ng channel para sa lectures at iba pa upang mas lalong maunawaan ng mag-aaral ang aralin. Gumagamit lamang ito ng kaunting data kumpara sa ibang online platforms na may kapareho ring features. III. Kongklusyon Tunay na isang malaking hamog para sa ating lahat ang ipagpatuloy ang pag-aaral sa kabila ng pandemiko sa ilalim ng makabagong paraan ng pagkatuto gamit ang iba’t ibang online platforms bilang daluyan ng pag-aaral at pagkatuto subalit kung lubusang yayakapin at pagyayamin ang paggamit ng mga makabagong teknolohiya, mas magiging madali at mabilis ang pagkatuto ng kabataan lalo’t kung sasabayan pa ito ng pagsusumikap at determinasyong matuto . Kaya talaga namang masasabing ang edukasyon ang tanging kayamanan di’ mananakaw ninuman, kahit pa man sa gitna ng Pandemikong Coronavirus.