Pamalandong
Ang Senakulo o mas kilala sa tawag na “Pamalandong” sa Silangang
Kabisayaan, ay pagsasadula ng buhay at pagdurusa ni Hesukristo na
ipinagdiriwang sa Palo, Leyte tuwing Biyernes Santo. Ito ay ipinagdaraos ng
mga taga-Palo sa loob ng tatlumpu’t apat (34) na taon.
Ito ay binibuo ng mga relihiyosong gawain at sinisimulan sa tanghali sa
Simbahan ng Palo. Kabilang sa mga ritwal sa Biyernes Santo ang “Siete
Palabras” o “Ang Pitong Huling Wika ni Hesukristo” kung saan ang ipinakong
imahe ni Kristo ay tumutugon sa bawat salita, hanggang sa huling kamatayan
at pag-alis sa krus.
Ang pagsasadula ay tumatagal ng tatlong oras, nakasuot ng makukulay na
kasuotan, ang mga senturyon, ang gumaganap bilang Kristo at ang mga
penitentes na tinawag na “Tais-Dupol”. Ito ay nagsisimula sa paghuli kay
Hesus, ang pagbubuhat ng krus sa Kalbaryo (sa burol ng Pamalandong sa
Palo) kung saan siya ipinako, hanggang sa pag-alis sa krus at paghatid sa
libingan (sa loob ng simbahan).
Ang diyalogo at pagsasalaysay sa pagsasadula ng Pamalandong ay
binibigkas sa katutubong wikang Waray.
Ang kakaibang lokal na kaugalian dito ay ang pagtitipon ng mga dahon mula
sa lugar kung saan nakatayo ang tatlong krus, sa paniniwalang ito ay
nagbibigay ng suwerte, nakagagaling ng sakit at iba pa.
http://archives.pia.gov.ph/?m=12&fi=p080323.htm&no=1
https://www.geocities.ws/leyteeagle/leyte.html
https://www.loveradio.com.ph/provincial_trending/different-kind-lent/