FOR ZAMBOANGA CITY DIVISION USE ONLY NOT FOR SALE 2 MOTHER TONGUE QUARTER 2 Week 1 CapSLET Capsulized Learner Empowerment Tool-Kit Written by: Maribel D. Francisco, T-III Anna Mae M. Limen, T-I Lucibeth F. Antepuesto, T-III Pasobolong Elementary School Putik District Schools Division Office of Zamboanga City Region IX, Zamboanga Peninsula Zamboanga City “Unido, Junto avanza con el EduKalidad Cree, junto junto puede!” 1 SUBJECT & GRADE/LEVEL TOPIC LEARNING COMPETENCY Mother Tongue 2 QUARTER 2 WEEK 1 LESSON 1 __________________________ __________ dd/mm/yyyy Elements of the story . MT2LC-IIa-b-4.5 Identify the important story elements. -Identify the character, setting and plot of the story. ENTENDE Le con el historia. El Dos Nana Pugo By: Maribel D. Francisco Un dia, el dos nana pugo ta camina entre cementera y ta busca comida para con el de ila maga pichon. Mientras ta camina el dos, ya mira sila maga bata ta pajarea. Ya espanta sila y ya separa de ila camino. Ya precura el uno esconde entre cementera. Ya continua le busca comida y ya encontra le un tumpuk de gusano. Bien alegre el nana pugo cargando el maga gusano usando su pico. Encamino yan encuentro le un bata ta agarra pitican y ta hacenta para con ele. Ya puede de larga con el maga gusano y ya corre le. Bien triste el pugo ta volve. Ya habla el pugo “Ojala ay pensa el bata el cosa le ya hace”, kay llorando yo ahora ta volve. Ya para le na un lugar y pensando que no hay comida su maga pichon. Ya mira con ele el de suyo uban pugo.Ya pregunta con ele porque le tristre. Ya relata le el cosa con ele 2 ya pasa. Ya senti tamen triste el uban de suyo. Ya habla el uban, “A media ya lang kita dos na encontrada de mio”. “Muchas gracias contigo”, ya habla el pugo. Con grande alegria el dos nana pugo ta volve llevando con el comida para de ila maga pichon. Maga pregunta: SAQ#1. Quien el maga personaje na historia? SAQ#2. Donde ya socede el historia? SAQ#3. Mientras ta camina el dos nana pugo, cosa kanila ya pasa? SAQ#4. Cosa el dos nana ya senti mientras sila ta volve? SAQ#5. Tiene ba el nana cosa ya lleva volve comida? Paquemodo? SAQ#6. Si tu el amiga pugo ay parte pa tu del de tuyo comida con ele? Porque? SAQ#7. Si tu el bata na historia, debe ba tu pajarea o tira con el pugo y otro pa maga animal? Porque? Practica Kita! (Contesta na separao papel para na evaluacion) Encircula con el justo letra del contestacion. 1. Quien el ta anda busca comida? A. dos nana paloma B. dos nana pugo C. dos nana maya D. dos nana manok 2. Donde sila ta busca comida? A. entre cogon B. na buug C. entre cementera D. na canto del rio 3. Mientras ta camina el dos nana pugo, cosa kanila ya pasa? 3 A. ya vola sila B. ya esconde sila C. ya juga sila D.ya separta sila 4. Tiene ba el nana cosa ya lleva volve comida? Paquemodo? A. No hay kay ya cae el comida B. No hay le encontra comida C. Si kay ya parte el otro nana pugo con el comida D. No hay le busca comida 5. Cosa el dos nana ya senti mientras sila ta volve? A. alegre sila ta volve C. triste sila ta volve B. rabiao sila ta volve D. llorando sila ta volve ACORDA Importante Punto Si ta Le kita historia debe kita acorda el maga Elemento: 1. Personaje – sila el maga gente o animal que tiene parte na historia. 2. Cenario/Ambiente – el lugar y hora onde ya socede el historia. 3. Problema – el problema na historia. 4. Solucion – Ta habla si quemodo el maga personaje ya puede solve el problema na historia. 4 PROBA Mira kita si cosa tu ya aprende este dia! Direccion: Base na historia que ya le kita. Completa el semantic web abajo por medio de escribi el elemento del historia. Escoge el contestacion adentro del cajon. ya cae el comida del nana pugo dos nana pugo entre sementera ya parte el amiga pugo el de suyo comida Personaje Cenario/Ambiente ___________________ ___________________ ____________________ ____________________ Elemento del Historia Problema Solucion ___________________ ___________________ ___________________ ___________________ 5 SUBJECT & GRADE/LEVEL TOPIC LEARNING COMPETENCY Mother LESSON _________________________ Tongue QUARTER 2 WEEK 1 ___________ 2 dd/mm/yyyy 2 Relating One’s Own Experiences MT2OL-lla-c-10.1 - Relate one’s own experiences and ideas related to the topics using variety of words with proper phrasing and intonation. IMPORTANT: Do not write anything on this material. Write your answers on the Learner’s Activity and Assessment Sheets provided separately. ENTENDE Le kita el dialogo. Roy, ya le tu el historia de “El Dos Nana Pugo”? Amo tamen yo ya senti. Bueno ya lang kay ya dale comida el de suyo uban. Si. Ya le yo el historia. Sabe ba tu kay del Sabado ya anda tamen kame pajarea pajaro? Ya puede yo coge un pajaro y ya pone yo na jaula para cuida. Despues ahora ta pensa yo el cosa ya pasa con el nana pugo na historia ta senti yo triste kay ya queda le no hay comida para de suyo maga pichon. Hende na yo segui pajarea otra vez y larga ya io con el pajaro. 6 Maga Pregunta: 1. Semejante ba el experiencia di Roy na historia? 2. Cosa ele ya senti cuando ya le ele el historia? 3. Ya puede ba ele relata el de suyo experiencia? 4. Si tu si Roy, ay larga ba tu el pajaro que ya coge tu? Porque? Practica Kita! (Contesta na separao papel para na evaluacion.) Tiene ba tu experiencia igual o semejante con el de aton historia “El Dos Nana Pugo”? Relata o debuja aqui el de tuyo experiencia. DE MIO EXPERIENCIA 7 ACORDA Importante Punto Si tiene tu igual o semejante experiencia na maga historia que ta le tu, no tiene huya o tiene miedo relata. PROBA Mira kita cosa tu ya aprende este dia! Direccion: Escribi abajo el de tuyo experiencia. (Answer on the Learner’s Activity and Assessment sheets.) Ya tiene ba tu otro experiencia que el de tuyo amigo o amiga necesita tambien comida o ayuda igual na de aton historia? Cosa tu ya hace? Relata el de tuyo experiencia abajo por medio de un oracion o dibujo. Escribi de tuyo oracion aqui. ________________________________________________ ________________________________________________ ________________________________________________ ________________________________________________ ________________________________________________ Debuja de tuyo experiencia aqui. 8 SUBJECT & GRADE/LEVEL TOPIC LEARNING COMPETENCY Mother Tongue 2 QUARTER 2 WEEK 1 LESSSON 3 _______________________ _____________ dd/mm/yyyy Using Words in Meaningful Context . MT2VCD-IIa-i-1.2 Use words unlocked during story reading in meaningful context. ENTENDE REPASO: Este el maga palabra que ya aprende kita na historia pugo El pugo un pajaro que ta esta na cementera. pajarea Palabra que ta usa si ta anda kita coge pajaro y otro pa animal. pichon Ta llama kita pichon con el anak del pugo. cementera Lugar donde ta siembra palay el maga siembrador. 9 gusano pico Parte del animal que ta usa para pipina comida. Un insecto que ta come maga ojas de siembra. pitican Un clase de armas que ta puede usa tira o mata animal. Practica Kita! (Contesta na separao papel para na evaluacion) Encircula con el justo letra del contestacion. A. pisu B. pichon C. patito D. perrito A pajaro B. gusano C. siticuero D. colebra 1. 2. 10 3. A. zacate B. cogon C. tanglad D. bermuda A. maya B. paloma C. tansi D. pugo 4. 5. A. pajarea B. gueria C. tan pitican D. garucha ACORDA Importante Punto Na historia debe kita sabe el maga palabra que hende kita ta entende el significacion. PROBA Direccion: Na cuento” El Dos Nana Pugo” completa con el oracion usando el maga palabra adentro del cajon. pico pajarea pugo pitican sementera 1. El pajaro ta usa suyo ________ para carga comida. 2. Ta queda maga pugo entre maga ____________. 11 3. Uno del maga alegria del gente anda ___________ na lugar donde manada pajaro y animal. 4. Usando con el __________, el maga bata ya tira con el pajaro. 5. El__________ uno del maga clase de pajaro hende ta vola. REFERENCE/S DISCLAIMER Chabacano/Chavacano Lexicography (English – Chabacano/Chavacano) Philippine Copyright 2017 This learning resource contains copyrighted materials. The use of which has been specifically authorized by the copyright owner. We are developing this CapSLET in our efforts to provide printed and e-copy learning resources available for the learners in reference to the learning continuity plan of this division in this time of pandemic. This material is not intended for uploading nor for commercial use but purely for educational purposes and for the utilization of Zamboanga City Division only. Learning Resource writers: Maribel D. Francisco, T-III Anna Mae M. Limen, T-I Lucibeth F. Antepuesto, T-III Pasobolong Elementary School