PAGLALAGOM PAGLALAGOM NA SINOPSIS ANO ANG PAGLALAGOM? Ang paglalagom ay ang pinasimple at pinaikling bersiyon ng isang sulatin o akda. Ang Paglalagom na Sinopsis Ang sinopsis o buod ay isang uri ng lagom na kalimitang ginagamit sa mga akdang nasa tekstong naratibo tulad ng kuwento, salaysay, nobela, dula, parabula, talumpati, at iba pang anyo ng panitikan. Ang Paglalagom na Sinopsis Layunin nitong maisulat ang pangunahing kaisipang taglay ng akda kaya’t mahalagang matukoy ang sagot sa sumusunod: Sino? Ano? Kailan? Saan? Bakit? Paano? Mga Dapat Tandan sa Pagsulat ng Sinopsis 1. Banggitin ang pamagat, may-akda, at pinanggalingan ng akda upang maipaunawa sa mambabasa na ang kaisipang iyong inilalahad ay hindi galing sa iyo kundi buod lamang ng akdang binasa kaya iwasang magbigay ng iyong sariling pananaw tungkol sa akda at maging obhektibo sa pagsulat nito Mga Dapat Tandan sa Pagsulat ng Sinopsis 2. Gumamit ng ikatlong panauhan sa pagsulat 3. Isulat batay sa tono ng pagkakasulat ng orihinal na sipi nito. Kung malungkot ang damdaming naghahari, dapat maramdamin din ito sa buod na gagawin 4. Isama ang mga pangunahing tauhan, kanilang mga gampanin at suliraning kinakaharap. 5. Maaaring buuin ang buod ng isang talata, maging ng ilang pangungusap lamang. Kung higit sa isang talata, gumamit ng angkop na mga pangugnay sa paghabi ng mga pangyayari sa ibinubuod. gumagamit ng at at saka para sa dalawang salita o kaisipan na magkasinghalaga gumagamit ng ngunit, subalit, at samantala para sa mga magkasalungat gumagamit ng dahil sa, sanhi ng, sapagkat, at palibhasa para mangatwiran gumagamit ng sa wakas at sa lahat ng ito para magpahiwatig ng pagtatapos 6. Tiyaking wasto ang gramatika, pagbaybay, at mga bantas na ginamit sa pagsulat 7. Huwag kalimutang isulat ang sangguniang ginamit kung saan hinango ang orihinal na sipi ng akda. Halimbawa: Ang Alamat ng Ko So Thah ni : Joaquin Sy May isang bundok sa Tsina na pinangalanang Bundok ng Pao Kai. Naninirahan sa paanan niyon si HAI SENG at kanyang asawa at kapatid. Bagamat mahirap,may paggalang at pagmamahal sila sa isa’t isa kung kaya’t kuntento at masaya silang namumuhay.Ngunit heto’t dumating ang matinding tagtuyot hindi lamang sa bukirin kundi pati sa karagatan. “Wari’y bigla ring naglaho ang isda sa dagat!” Dahil sa pagaalala sa kanilang kahihinatnan, matatag ang pagpapasya ni Hai Seng na humanap ng ikabubuhay sa ibayong dagat. Sumakay siya bangkang may layag.Humayo siya habang hinahatid ng tanaw ang maghipag. Narating niya ang isang napakalayong pulo ngunit tila mailap ang kapalaran. Ilang taon na siyang namalagi roon kahit nangungulila sa asawa at kapatid. Nasasabik at naiinip ang maghipag sa tagal ng panahong hindi bumalik si Hai Seng. Umakyat sila sa tuktok ng bundok para maghintay . Araw-araw nila itong gagawin.Sa bawat akyat nila, may dala silang mga batong isinasalansan nila pataas para lalo nilang matanaw ang kalawakan ng karagatan pero wala pa rin ang hinihintay. ,kayat sumulat ng liham ang asawa sa pamamagitan ng dugong dumaloy sa kinagat na daliri. 18 Ikinabit ang liham sa isang ginawang saranggola at ipinailanlang ito sa kalawakan upang tangayin ng hangin. Sa ibayong dagat, nakita ng Hai Seng ang saranggola habang nangungulila itong nakatanaw sa dalampasigan. Nagpasya itong umuwi sakay ng bangkang may layag na gawa ng mga kasamahan sa pulo.Laking tuwa niya nang matanaw ang tuktok ng bundok at makita ang asawa at hipag. Nagkawayan sila ngunit biglang sinalpok ng malaking alon ang kanyang sinasakyan at tinangay siya ng alon. Nakita ito ng maghipag. Agad silang bumaba ng bundok at tinangka siyang sagipin ngunit pati sila’y nilamon ng mabagsik na karagatan.Nalungkot ang buong nayon. Dahil dito , nagtayo sila ng pagoda sa salansan ng mga bato sa tuktok ng bundok. Tinatawag nila ito ngayong Pagoda ng Maghipag o Ko So Thah.