Villan, Patricia Angela R., 1st Year- Molar
Gawain 1, Idyoma
Panuto: Gamitin sa pangungusap at bigyan ng kahulugan ang sumusunod na idyoma. Isulat sa
sagutang papel ang inyong sagot.
1. Nagmumurang kamyas- Matandang nag-aastang bata.
hal: Tila nagmumurang kamyas si Lolo Tencio sa kaniyang bagong biling sapatos.
2. Asal hayop- Taong bastos ang isip, salita, at kilos.
hal: Asal hayop ang kapitbahay naming dinukot at hinanda ang alaga naming aso.
3. Naniningalang-pugad- Taong nanliligaw.
hal: Si Gian ay naniningalang-pugad sa kaniyang kapitbahay na si Angela.
4. May gatas pa sa labi- Taong wala pang gaanong alam sa buhay o sa mga
bagay-bagay.
hal: Halatang may gatas pa siya sa labi dahil sa pagtingin niya sa mga manggagawa.
5. Naghihigpit ng sinturon- Taong matipid, hindi basta basta naglalabas ng pera kung
hindi kailangan.
hal: Simula noong nag kolehiyo si Patricia sa syudad, naghihigpit na siya ng sinturon.
6. Kumakalam ang sikmura- Pagkaramdam ng gutom.
hal: Kumakalam na ang sikmura ni Annika dahil walong oras na siyang nakapila para
makakuha ng mga tiket sa isang konsiyerto.
7. Nagpapanting ang tainga- Nagalit o nainis dahil sa narinig.
hal: Nagpapanting ang tainga ni Dana noong biniro siya ng kaniyang kaklase.
8. Malikot ang kamay- Magnanakaw o klemptomaniac; taong kumukuha lagi ng hindi
kaniya.
hal: Sa kanilang klase, si Tencio ay kilalang malikot ang kamay.
9. Matamis ang dila- Taong mahusay magsalita o bolero
hal: Matatamis ang mga dila ng mga politikong nangangampanya sa aming barangay.
10. Maamong kordero- Taong mabait.
hal: Halatang maamong kordero ang anak ni Aling Arlene kaya marami siyang matalik
na kaibigan.
11. Amoy lupa- Matanda na o malapit na mamatay.
hal: Amoy lupa ang aso naming labing-tatlong gulang na.
12. Laman ng lansangan- Istambay; taong laging nasa kalye o kanto.
hal: Si tonyo ay laman ng lansangan kaya madalang na siyang umuuwi ng bahay.
13. Pagputi ng uwak- Walang maaasahan, walang kahihinatnan.
hal: Papayat lang ako pagputi ng uwak.
14. Luha ng buwaya- Taong hindi totoong nag dadalamhati o nagpapakitang tao lamang.
hal: ‘Wag mong paniwalaan si Marco, luha ng buwaya ang ipinakita niya.
15. Usad pagong- Mabagal ang kilos o pagdaloy.
hal: Ang daloy ng mga sasakyan sa Davao habang dinidiwang Kadayawan ay usad
pagong.