“HUWAG PO ITAY” PAGDULOG MORALISTIKO Ipinapahatid ng akdang “Huwag Po Itay” ang disiplina at moralidad ng kanyang ama. Sa unang bahagi ng kwento, ang kanyang ama ay gumawa ng sexual harassment sa kanyang anak kung saan ito ay labag sa batas. Ang ginawa ng kanyang itay ay isang paglabag sa kanyang karapatan at dignidad bilang isang tao at ng kanyang anak. Ang mga akto ng sexual harassment ay nagbubunga sa isang hindi komportableng sitwasyon sa biktima. Ang ama ay maaaring maparusahan sa pagkakakulong ng hindi bababa ng isang (1) buwan at hindi lalampas ng anim (6) na buwan o kaya’y multa na hindi bababa sa sampung libong (10,000) piso at di lalampas sa dalawampung-libong (20,000) piso, o di kaya’y parehong pagkakulong at multa, sa diskresyon ng korte. PAGDULOG SOSYOLOHIKAL Marahil isa sa mga dahilan ng paglihim ng sekswalidad ng kanyang itay ay ang lipunang kanyang ginagalawan. Ang ating bansa ay hindi pa masyadong tanggap ang mga miyembro ng LGBTQ+ community. Marami pa rin ang natatakot ibunyag ang kanilang sekswalidad dahil sila’y takot mahusgahan ng mga tao dahil alam nilang iba ang trato sa mga tulad nila sa ating bansa. Sa kasalukuyan patuloy pa rin nilang ipinaglalaban ang kanilang mga karapatan at lumalaban sa diskriminasyong matagal nang ginagawa sa kanila. Sa pamamagitan ng pagrarally, naririnig ang kanilang boses at sa pagsasagawa ng mga organisasyong naglalayong ipaglaban ang kanilang karapatan. PANANALIG REALISMO Lingid sa kaalaman ng lahat, hindi pa rin tanggap ng ating lipunan ang mga miyembro ng LGBTQ+ community at ito ay isang masakit na katotohanan. Bagamat marami na tayong kilalang miyembro ng komunidad na ito, kadalasan mababa pa rin ang tingin sa kanila ng iba. Ang itay sa kwento ay maaaring may takot sa mata ng mga tao at lipunang kanyang ginagawalan. Halos dalawang dekada nang naipasa ang isang bill o tinatawag na Anti-Discrimination Bill o Sexual Orientation and Gender Identity Expression o SOGIE Bill, ngunit mahirap tanggapin na hindi pa ito naaaprubahan ng kongreso. Kinakailangan na magkaroon ng batas na magbibigay ng espesyal na proteksyon sa mga miyembro ng LGBTQ+ community laban sa diskriminasyon at pang-aabuso.