SALVADOR, ANTHONY M.
BSENTOUMN 1-B
REAKSYON SA BIDYONG “DON’T ENGLISH ME”
SECOND SEM’
Simula pa noon ay marami ng kabataan o estudyante ang mga hindi
parin kagalingan sa wikang Ingles kahit na matagal na itong itinuturo sa
paaralan. Maraming mga guro ang pinupwersa ang mga estudyante sa pagsasalita ng Ingles dahil alam nila na matututo ang mga ito kapag may
presyon na kasama sa pag-aaral at marami rin naman ang gumagamit ng
multilingual lalo na sa mga probinsya sapagkat alam nila na mas matututo
ang mga estudyante kapag mas nagkakaintindihan ang bawat isa gamit ang
una nilang linguwahe. Habang tumataas ang kanilang mga baitang ay mas
lalong lumalalim pa ang kanilang karunungan gamit ang una nilang
linguwahe na ituro sa paaralan upang mas maintindihan pa ang bawat
salita na kanilang binabasa. Ang ibig sabihin lamang nito ay dapat na
dahan-dahan lamang ang pagtuturo sa mga estudyante upang mas
makasunod sila sa madaling paraan. Maraming mga tao na ang naunang
ginamit ang wikang Ingles kahit na sila’y mga Filipino lalo na sa pahahon
ngayon, ngunit alam natin na hindi lahat ng mga taong natutuhan ang
wikang Ingles ay magaling narin sa pagbaybáy ng mga salita. Tama naman
ang sinabi ni Dr. Jovy Peregrino na kahit anong gamit sa wikang Ingles
bilang midyum sa pagtuturo ay hindi parin magiging magaling o dalubhasa
ang mga estudyanteng nag-aaral nito, ngunit para sa’akin kapag ang isang
estudyante ay may kagustuhan matuto ng wikang Ingles ay makakayanan
niya ito kahit hindi ganun ka perpekto basta’t ito ay naiintidihan ng
tagapakinig o nakakausap nito. Alam naman natin na sobrang dami ng mga
malalalim na salita sa wikang Ingles ang hindi agad-agarang natutuhan ng
bawat isa lalo na kung ito’y ay bago lamang sa ating paningin at pandinig
lalo na sa pagbaybáy ng mga ito.