Banghay Aralin sa Edukasyon sa Pagpapakatao VI I- LAYUNIN: Naipagmamalaki ang anumang natapos na gawain na nakasusunod sa pamantayan at mabuting gawi. II- PAKSA: Pagmamalaki sa Natapos na Gawain a. Sanggunian: EsP - K to 12 CG p. 87 Code: EsP6PPP-IVg-38 b. Kagamitan: Laptop, Power Point Pagpapahalaga: Pagawa ng mabuti sa kapwa III- PAMAMARAAN A. Balik-aral/ Panlinang na Gawain Balik-tanaw sa nakaraang aralin sa pamamagitan ng pagkakaroon ng pabilisan sa pagbuo ng picture puzzle. Iulat sa klase ang nabuong larawan at kung ano ang nais ipahiwatig nito. B. Paganyak Ano- anu ang mga nagawa mo sa nakarang linggo o araw na ito na maipagmamalaki mo? C. Paglalahad Magpapakita ng bidyo tungkol sa paggawa ng mabuti sa kapwa. https://www.youtube.com/watch?v=GdYJr03eJjE D. Pagtatalakay Tungkol saan ang napanuod na bidyo? Bakit mahalaga ang paggawa ng mga gawaing marangal at mabuti sa kapwa? E. Gawain Pangkatang Gawain (Differentiated Activity) Pangkatin ang mag-aaral sa apat at ipakita ang kanilang gagawin sa mga sumusunod na sitwasyon: Unang Pangkat – Luzon Papunta kayo ng mga kamag-aral ninyo sa paaralan nang may nakita kayong matanda na may dala-dalang mga gamit habang patawid sa kalsada. Paano mo maipakikita ang paggawa ng mabuti sa nabanggit na sitwasyon? Ipakita sa pamamagitan ng dula- dulaan. Ikalawang pangkat- Visayas Gumawa ng Slogan na nagpapakita ng paggawa ng mabuti sa kapwa. Ikatlong pangkat- Mindanao Ikaw ay naatasang pangulo ng SPG ng paaralan at nagkakaroon kayo ng tree planting. Ipakita sa pamamagitan ng sayawit ang pagtatanim ng punong kahoy. (tree planting) Magbibigay ng rubriks sa bawat gawain Iproseso ang Gawain ng bawat pangkat. F. Paglalahat a. Anong uring Gawain ang dapat nating ipagmalaki? b. Bilang isang mag-aaral, sa paanong paraan para ikaw ay maipagmamalaki ng iyong mga mahal sa buhay o sa kapwa? Closure: (Anumang gawaing marangal at Mabuti, dapat nating ipagmalaki) VI- PAGTATAYA Panuto: Isulat ang Tama kung ang sumusunod ay nagpapakita ng pagmamalaki ng anumang natapos na gawain na nakasusunod sa pamantayan at tamang gawi at Mali kapag hindi. ______1. Masayang ipinakita ni Ben sa kanyang mga magulang ang nagawang proyektong abaniko sa kanilang asignaturang TLE. ______2. Sumisigaw si Lando at ipinagyayabang sa kanyang mga kaibigan ang pagsali niya sa ginawang Clean Up Drive sa paaralan. ______3. Si Amber ay nagtitinda ng mga gulay sa kanilang lugar sa tuwing walang pasok. ______4. Ipinamalita ni Jose sa buong kampus ng kanilang paaralan na siya ay magaling sa pagguhit ng kartung pang editorial. ______5. Pagkatapos ng klase, nililinis ni Raphael ang opisina ng kanilang punong guro para may pantustos sa kanyang pag-aaral. G. TAKDANG ARALIN Gumawa ng poster na nagpapakita ng pagmamalaki sa natapos na Gawain na nakasusunod sa pamantayan.