閱讀理解技巧
白話文 45-50 分鐘
1. 細心審題，留意題目關鍵字，之後先睇文，喺睇文過程順便揾題目嘅答案或
相關關鍵字
2. 留意每題嘅分數分配，從而控制答題篇幅，節省時間。
3. 對白話文無信心嘅同學，亦可以先做文言文部分，避免唔覺意花費大量時間
喺白話文到。
4. 留意下其他題目嘅字眼，因為題目之間互有提示，例如，留意下一題會唔會
係承上題咁答，而呢一題可能會唔覺意講左篇文嘅中心思想
分段+段落大意
（分錯段，後面寫嘅內容大意都唔會有分，可以話係比較極端又容易失分嘅題
目。）
1. 過渡段：段落之間夾住嘅小段落，通常代表情節上會有轉折，亦可以有承上
啟下嘅作用。
2. 轉折詞語：每段開首有無轉折詞語 （例：但、然而、卻）
3. 文章結構（例：説明文會有總分總嘅模式，可以按此分段）
「總」就是文章的總起或總結，是文章的中心思想。在一開始就將文章要點
交代清楚，使讀者能在最短時間內瞭解文章最重要的資訊。「分」指的是分
別敘述，逐層深入，最後在結尾處再對文章整體內容作以收尾、總結，與首
段的主旨遙相呼應，使文章脈絡互相貫通。
以「校園美景」為題，安排「總－分－總」結構： 總論 說明在學校，大家
聚在一起的景象就是最美的校園美景。 分述 說明同學互相討論功課、用功
的樣子是幅美景。 分述 說明午餐時，大家聚在一起用餐的景象是幅美景。
分述 說明在球場上一起打球、汗流浹背的樣子是幅美景。 總論 說明同學
們聚在一起的景象是最美的校園美景，這些美景為我的學習加分、為我的生
活加分。
4. 時間推移（例：頭一至三段講小學時期嘅事，四至六段講中學時期嘅事）
5. 空間推移（城市➡️家鄉）
6. 內容/情緒轉變 （失落➡️開心）
段落大意嘅基本格式
1. 記敘文
記述（時、地、人、事)
描寫（景色/事物）
帶出（道理、意義）抒發 （情感）
2. 說明文
舉出/透過 （例子）
說明/帶出（道理）
布局作用題
引用原文句段，問佢喺結構上起左咩作用。而結構作用通常都有呢幾樣：
1. 文首：開宗明義、鋪墊下文、引起懸念等等文中
2. 承上啟下、轉折文末 > 作用 （承上啟下）+ 概括上文+ 如何啟下
3. 首尾呼應、留下餘韻、深化主題等等 > 作用 （首尾呼應）+ 概括開首、尾
段嘅意思 + 如何與尾段呼應 （找相似點）
象徵題 （深層意思）
(考你地掌唔掌握到文章最深層嘅意思，例如以前問過橋、跑道、第九味象徵啲
咩，難度最高。)
1. 從重點字眼嘅表面意思推敲象徵事物 （例如：橋嘅表面意思係連接唔同嘅
地方➡️深層意思就係連接人同鄉土）
2. 分別寫本體同喻體嘅特質
3. 再緊密扣連一齊➡️兩者同樣兼顧呢個特質⋯所以⋯
寫作手法題
1. 比喻（明喻/暗喻/借喻）：根據事物的相似之處，把某一件事物比作另一事
物
解釋本體同喻體係咩 +
作用 （把抽象的事物具體化，將深奧的道理變得淺白）
2. 諷刺/反語：字面上的意思故意與實際表達的意思相反
指出該詞語帶原本帶正面意思 + 詞語本意 + 作者反用詞語嘅深層意思 +
作用（吸引讀者注意力，製造幽默效果。揭露弊端，製造諷刺效果，表達強
烈不滿或憤慨之情）
3. 襯托（正襯/反襯）：以相似或相反的事物襯出本體
正襯：以特點相似的事物襯托本體/ 反襯：以特點相反的事物襯托本體
主角嘅行為舉止 + 配角嘅行為舉止
➡️分別概括成兩種特質 + 以配角嘅特質襯托主角嘅特質
作用（突出本體，使描繪的事物形象更鮮明）
4. 比擬
擬人：把物件當作人來寫，賦予人的思想、性格和行為特徵
擬物：把人當作物件/動物來寫，或把某物件當作另一物件來寫，賦予另一
物件的特徵
作用（移情於物，可使描繪的物件「人格化」，形象更生動。啟發想像，使
文章更活潑有趣）
比較題
(e.g. 改寫原文某一句，之後就想你比較下邊個可取啲。而大部分嘅時候其實原
文嗰句係比較好嘅。)
1. 解釋原本嗰句喺文中嘅重要性 （例如留下懸念，啟發讀者思考、增加文章
嘅喧染力、留下餘韻，使讀者意猶未盡、回味無窮）
2. 解釋改寫後嘅負面效果（例如改寫後，使文章過於平鋪直敘、情感表達過於
直白、情節上沒驚喜）
3. 同時，要結合文章嘅背景嚟作出比較。 例如篇文係講我同父親嘅感情，而
原文嘅感情色彩比較含蓄，更能突出我同父親無言以對、但默默關心對方嘅細
膩感情，相反，改寫之後，顯得我同父親嘅感情唔深刻……
(e.g. 兩篇白話文邊篇寫得較好)
1. 通常呢兩篇文都有相似之處先會叫你做比較，首先講下自己嘅立場同原因。
2. 正面：從相異之處揾第一篇文嘅優點
3. 反面：從相似之處揾第二篇文嘅不足 （例如兩篇文都係諷刺文章，可從諷
刺嘅深度作比較）