Angeline L. Berdera BSED-Filipino 2 Aralin 1: Ang Wika at Ang Lipunan Pagsasanay: Sagutin ang mga sumusunod na tanong. A. 1. Bakit madalas ay hindi natin napapansin ang kahalagahan ng wika sa ating buhay? - Para sa akin madalas hindi natin napapansin ang kahalagahan ng wika sa ating buhay dahil ito ay pababago. Naiimpluwensyahan tayong mga Pilipino sa ibang wika na mula sa ibang bansa. Ang halimbawa nito ay ang panonood ng pelikula na may iba’t ibang lengguwaheng ginagamit kaya ito ay ginaya sa ibang tao. Dito natin mapapansin na ang ating sariling wika ay hindi na natin napapansin. At maaring ang mga sinaunang kinagisnang ginagamit na salita ay hindi na muli pang mgamit sa mga susunod ng panahon dahil nahahaluan na ito ng iba pang wika o napapababaw na. 2. Sa paanong paraan napagbubuklod at napag-iisa ng wika ang isang lipunan? -Napagbubuklod at napag-iisa ng wika ang isang lipunan sa pamamagitan ng wika dahil ito ang nagsisilbing tulay na siyang nagdurugtong sa mga komunidad na naninirahan sa isang bansa. Sa pamamagitan nito, ang pagkakaisa at pagkakaunawaan sa bawat tao ay lalong yumayabong. Ito ang nagbibigay buhay, diwa at ang nagpapakilala sa bansa, ito ang sumasalamin sa kultura, kaugalian, paniniwala, kaalaman at karunungan ng mga mamayan, ang nagbabatid ng kakayahan ng mga tao, ito ang daluyan ng ating komunikasyon, ito ang larawan na nagpapakita ng ating pagkakakilanlan, kung paano tayo tatanawin at ituturing ng mga tao sa labas ng bansa. Kung wala ang wika, mahihirapan tayo kung ano ang mensaheng gustong iparating sa ating kausap at hindi magkakaisa ang mga taong naninirahan sa lipunan kung wala ang wika. B. Magbigay ng isang sitwasyon na nagpapakita ng kahalagahan ng wika sa lipunan. -Ang guro ng sekondarya na si Gng. Allysa ay nagbibigay ng impormasyon sa kanyang mag-aaral tungkol sa pagdiriwang ng Buwan ng Wikang Pambansa ngayong ika 6 ng Agosto.