10
N
O
T
Edukasyon
sa Pagpapakatao
Ikatlong Markahan - Modyul 1
ANG PAGMAMAHAL SA DIYOS
I. Panimula
Paano ka ba magmahal? Naitanong mo na ba ito sa iyong sarili? Paano
mo minamahal ang Diyos at ang iyong kapwa? Pamilyar ka ba sa dalawang
pinakamahalagang utos? Ito ay ang: ibigin mo ang Diyos nang buong isip,
puso at kaluluwa at ibigin mo ang iyong kapuwa tulad ng iyong sarili. Ang
pagmamahal ang pinakamahalagang utos.
Sa gawaing pampagkatutong ito pag-uusapan natin ang pagmamahal
sa Diyos.
II. Kasanayang Pampagkatuto
1. Nakapagpapaliwanag ng kahalagahan ng pagmamahal ng Diyos.
EsP10PB-IIIa-9.1
2. Natutukoy ang mga pagkakataong nakatulong ang pagmamahal sa
Diyos sa kongretong pangyayari sa Buhay. EsP10PB-IIIa-9.2
III. Mga Layunin
Pagkatapos ng Gawaing Pampagkatuto na ito, ikaw ay inaasahang:
a. makikilala ang kahalagahan ng Pagmamahal sa Diyos
b. makapagbibigay ng mga pangyayari sa buhay na kung saan
nakatutulong ang pagmamahal sa Diyos
c. maisasagawa ang mga angkop na kilos sa pagsasabuhay ng
pagmamahal sa Diyos.
IV. Pagtalakay
Ang Pagmamahal sa Diyos
Naranasan mo na bang magmahal? Kung naranasan mo na ito, ano
ang iyong naging pakiramdam? Naging masaya ka ba o kakaiba ang iyong
pakiramdam? Tila hindi mo napapansin ang paglipas ng oras sapagkat doon
umiikot ang iyong mundo. Sa pagmamahal, binubuo ang isang maganda at
malalim na ugnayan sa taong iyong minamahal. Sa ugnayang ito,
nagkakaroon ng pagkakataon ang dalawang tao na magkausap, magkita, at
magkakilala. Ito ay nagsisimula sa simpleng palitan ng usapan at maaaring
lumalim kung patuloy ang kanilang ugnayan. Mas nagiging maganda at
makabuluhan ang ugnayan kung may kasama itong pagmamahal.
Ang tao ay likas na maka-Diyos. Mula sa kanyang kapanganakan,
hinahanap na niya ang kaniyang pinagmulan. Marahil ay tatanungin mo ang
iyong sarili saan nagmula ang ating buhay.
Ang Diyos ang pinagmulan ng tao at ang patutunguhan nito. Nilikha
tayo ng Diyos. Marapat na Siya ay mahalin. Higit pa dito, siya ang pinagmulan
ng pag-ibig kaya sinasabing ang Diyos ay pag-ibig.
Juan 3:16
Dahil mahal na-mahal ng Diyos ang sanlibutan kaya ang anak niyang
kaisa-isa’y kanyang ipinagkaloob at nang sinuman ang maniwala sa
kanya’y di mapahamak kundi magkaroon ng buhay na walang hanggang.
Ipinapahiwatig ng berso na minamahal ng Diyos ang kaniyang anak.
Ang tao na mananalig sa kaniya ay magkakaroon ng buhay na walang
hanggan. Bilang pagmamahal ng Diyos, binigyan tayo ng talino at lakas.
Gamit ito, makakamit natin ang ibibigay niyang buhay na walang
hanggan. Ngunit papaano natin gagamitin ang mga ibinibigay niyang talino
at lakas sa atin upang makamit ang buhay na walang hanggan?
Ang tao ay nilikha ng Diyos na may misyon na dapat na gawin. Sinasabi
sa Bibliya na ang tao’y kamanggagawa ng Diyos upang maisagawa ang
kaniyang plano para sa sangkatauhan. Pinagkalooban niya tayo ng talino at
lakas upang makagawa hindi lamang para sa pansariling pag-unlad kundi
pati na din sa pagkakamit ng kabutihang panlahat. Upang maisagawa ang
misyong ito gagamitin natin ang pinagkaloob niyang talino at lakas sa atin
upang maisabuhay ang paggawa. Upang mas higit na maunawaan, ang
pagmamahal ay isa sa mga pagpapahalagang maaaring taglayin ng isang tao.
2
Dahil ang pagmamahal ay ispiritwal, mahirap itong ipakita kung hindi
lalapatan ng gawa. Importante ang paggawa dahil hindi lamang upang
matugunan ang ating mga pangangailangang material kundi upang
maisakatuparan natin ang ating misyon dito sa lupa. Ang misyong
maghahatid sa atin sa pagiging makamanggagawa ng Diyos sa kanyang mga
plano sa sangkatauhan.
Sa konklusyon mahalaga ang pagmamamahal ng Diyos dahil inililigtas
niya tayo. Makabuluhan na mahalin natin siya dahil sa ibinigay niyang buhay
na walang hanggan. Masasabi natin na dapat pa din nating tandaan na
manalig at sundin ang kanyang mga kagustuhan dahil kung sinuman ang
maniniwala sa kaniya ay pagkakalooban niya.
Naririto ang ilan sa mga dapat gawin upang mapangalagaan ang
ugnayan ng tao sa Diyos.
1. Panalangin – Ito ay paraan ng pakikipag-ugnayan ng tao sa Diyos. Sa
pananalangin, ang tao ay nakapagbibigay ng papuri, pasasalamat,
paghingi ng tawad, at paghiling sa Kaniya. Kung hindi natutupad ang
hinihiling sa panalangin, huwag agad panghinaan ng pananampalataya
dahil may dahilan ang Diyos kung bakit hindi Niya ibinibigay ito sa tao.
Maaaring hindi pa ito dapat mangyari, o di kaya’y maaaring makasama
ito sa taong humihiling.
2. Panahon ng Pananahimik o Pagninilay – Sa buhay ng tao,
napakahalaga ang pananahimik. Ito ay makatutulong upang ang tao ay
makapagisip at makapagnilay. Mula rito mauunawaan ng tao ang tunay
na mensahe ng Diyos sa kaniyang buhay. Makatutulong ito upang
malaman ng tao kung ano ang ginagawa niya sa kaniyang paglalakbay,
kung saan siya patutungo.
3. Pagsisimba o Pagsamba – Anuman ang pinaniniwalaan ng tao,
mahalaga ang pagsisimba o pagsamba saan man siya kaanib na
relihiyon. Ito ang makatutulong sa tao upang lalo pang lumawak ang
kaniyang kaalaman sa Salita ng Diyos at maibahagi ito sa pamamagitan
ng pagsasabuhay ng kaalaman na napulot sa pagsisimba/pagsamba.
4. Pag-aaral ng salita ng Diyos – Upang lubos na makilala ng tao ang
Diyos, nararapat na malaman ang Kaniyang mga turo o aral. Tulad ng
isang tao na nais makilala nang lubos ang taong kaniyang minamahal,
inaalam niya ang lahat ng impormasyon ukol dito. Hindi lubusang
makikilala ng tao ang Diyos kung hindi siya mag-aaral o magbabasa ng
Banal na Kasulatan o Koran.
3
5. Pagmamahal sa Kapuwa – Hindi maaaring ihiwalay sa tao ang kaniyang
ugnayan sa kapuwa. Ito ang isang dahilan ng pag-iral ng tao, ang
mamuhay kasama ang kapuwa. Hindi masasabi na maganda ang
ugnayan ng tao sa Diyos kung hindi maganda ang ugnayan niya sa
kaniyang kapuwa. Mahalagang maipakita ng tao ang paglilingkod sa
kaniyang kapuwa.
6. Pagbabasa ng mga aklat tungkol sa espiritwalidad – Malaki ang
naitutulong ng pagbabasa ng mga babasahin na may kinalaman sa
espiritwalidad. Ito ay nakatutulong sa paglago at pagpapalalim ng
pananampalataya ng isang tao.
Mula sa iba’t ibang paraan, napalalalim ng tao ang kaniyang ugnayan sa
Diyos. Kaya’t dito ay makikita ng tao na hindi maaaring ihiwalay ang
espiritwalidad sa pananampalataya. Ang espiritwalidad ng tao ang
pinaghuhugutan ng pananampalataya at ang pananampalataya naman ang
siyang nagpapataas ng espiritwalidad ng tao. Dito ay nagkakaroon nang
malalim na ugnayan ang Diyos at ang tao.
Tumatanda ka na, marami ka pang mararanasan sa buhay, mahalagang
sa edad mong iyan ay simulan mo ng paunlarin ang iyong pananampalataya
sapagkat ito ang iyong magiging kalasag sa pag-unlad.
V. Mga Gawain
Gawain #1
Panuto: Basahin at unawain ang sitwasyon sa bawat bilang. Bilugan ang
letra ng pinaka angkop na sagot.
1. Mapalad ang tao dahil bukod sa binigyan siya ng buhay ay ginawa siyang
A. kawangis ng Diyos
B. kamukha ng Diyos
C. kamanlilikha ng Diyos
D. katuwang ng Diyos
2. Huwag mo nang hangaring tumulad pa sa iba o hangaring mapasaiyo ang
katangian na nasa ibang tao. Ang ibig sabihin ay:
A. higit na mabuti ang magpakatotoo ka.
B. ang bawat tao ay mayroong mga katangiang natatangi lamang para
sa kanya.
C. ang tao ay magiging maligaya kung susundin niya ang kanyang gusto.
D. marami ang katangian ng tao kaya huwag kang mainggit sa iba.
4
3. Ang tao ay biniyayaan ng talino at kalayaan. Likas sa kanya ang
A. kasipagan.
B. katalinuhan.
C. kabutihan.
D. kagandahan.
a.
4. Ano ang diwa nag pahayag na ito ni Leo Buscaglia?
“Ang iyong buhay ay biyayang galing sa Diyos. Kung paano mo isasabuhay
ang biyayang iyan ay iyong ihahandog sa Kanya.”
A. Ang paraan ng pagsasabuhay ng tao ang ibabalik sa lumikha ng buhay.
B. Higit na matutuwa ang nagbigay ng buhay kung magpapasalamat tayo
sa Kanya.
C. Mabuti lamang ang buhay na ihahandog natin sa Diyos.
D. Kailangang ibalik natin ang buhay sa lumikha nito.
5. Ano ang kahulugan ng pahayag?
Ang mga biyayang bigay ng Diyos
ay isang paraan ng pasasalamat sa Kanya.
A. Ialay ang mga biyayang mula sa Diyos sa tuwing nagsisimba.
B. Kailangang mag-aral tayo habang buhay para ialay sa Diyos.
C. Kailangang paunlarin natin ang ating sarili habang buhay.
D. Mahalagang gamitin natin ang mga biyayang kaloob ng Diyos sa pagunlad ng sarili at pagtulong sa kapwa.
Gawain #2: Word Hunt
Panuto: Hanapin ang 15 salitang may kaugnayan sa pananalig at
pagmamahal sa Diyos. Ilan sa mga ito ay pahalang, pababa at pahilis
(diagonal). Isulat ang iyong mga makikita.
P
A
M
A
M
A
H
I
N
G
A
Z
M
S
A
P
L
A
N
G
I
T
J
P
P
P
E
A
G
A
G
S
S
P
K
T
B
A
P
A
D
K
D
G
A
G
I
A
A
I
I
G
A
G
I
R
A
M
K
S
M
G
P
W
B
I
G
N
T
I
R
A
A
Q
B
P
A
A
L
B
A
I
A
P
A
M
P
P
A
A
Y
L
I
I
A
N
S
I
S
A
W
C
S
P
A
A
Y
G
Y
I
Y
S
5
A
H
A
B
F
A
P
S
A
G
U
L
O
Y
L
A
X
M
H
T
A
L
C
L
N
A
N
O
S
L
Y
D
D
A
A
N
D
P
O
Y
R
M
R
L
S
A
B
W
N
C
B
Z
Y
Q
G
K
L
Y
R
A
M
A
M
A
M
H
R
L
S
D
H
E
S
U
S
D
P
A
S
K
O
T
Y
P
Gawain #3
Panuto: Basahin mong mabuti ang kwento at sagutin ang mga tanong.
PAGPAPALA
Lumubog ang bangkang sinasakyan ng isang lalaki;
mabuti na lamang at nakahawak siya sa isang life jacket
kaya’t nakuha niyang makalutang sa tubig nang buong
araw. Hinampas siya ng alon at ipinadpad sa isang islang
walang naninirahan.
Matapos siyang makabawi ng lakas ay nagtayo siya
ng maliit na bahay na yari sa mga dahon at sanga ng
punong nasa isla. Inilagay niya sa kanyang munting tirahan
ang lahat na gamit na kanyang nailigtas. Sa araw-araw
ay nananalangin siyang iligtas ng Diyos. Araw-araw din
siyang tumatanaw sa malayo upang mag-abang ng mga
barkong daraan.
Minsan, mula sa kanyang paghahanap ng makakain
ay nagulat na lamang siya nang makitang ang kanyang
munting tahanan ay nasusunog. Huli na upang iligtas ang
mga kagamitang nasa loob nito. Wala nang habol… Ano pa
ang maaaring gawin? Wala na, ito na ang pinakamasamang
nangyari.
Hindi niya alam naging pagpapala pa para sa kanya
ang sunog na ito sapagkat namataan ng kapitan ng isang
barkong dumaraan ang usok na likha ng sunog kaya
kinabukasan ay bumalik ang barkong dala ang
kinakailangang gamit at siya ay tinulungan.
6
Sagutin Mo.
1. Sa paanong paraan ipinakita ng lalaki ang kanyang pananampalataya
sa Diyos?
2. Paano siya natulungan ng kanyang pananampalataya?
3. Paano mo ito maiuugnay sa iyong sariling karanasan.
VI. Pagsusulit
Panuto: Subukin mong sukatin ang iyong kaalaman sa paksang tinalakay.
Isulat ang TAMA kung wasto ang pahayag at MALI kung hindi.
1. Walang dapat asahan ang tao kung hindi ang kanyang sarili upang
umunlad sa buhay.
2. Ang guhit ng tadhana ang dapat maging pamantayan ng tao sa
pagharap sa buhay.
3. Pananalig sa Diyos ang kalasag ng tao sa mga hamon ng pang-arawaraw ng pamumuhay.
4. Katangi-tanging pagpapahalaga ng mga Pilipino ang pananalig
sa Diyos.
5. Kapag may pananampalataya sa Diyos, hindi na kailangan ng taong
kumilos at magtrabaho pa.
6. Nakikipag-usap ang Diyos sa tao sa pamamagitan ng pagtulong sa
mga nangangailangan.
7. Ang pagbabasa ng Banal na Aklat o Koran ng relihiyong
kinabibilangan ay nagsisilbing gabay sa buhay.
8. Puno ng pag-asa ang mga taong may mahinang pananampalataya.
7
9. Ang ispiritwalidad ay tumutukoy sa mga bagay na nakikita at
nahahawakan.
10. Walang pinipiling kalagayan sa buhay ang pagkakaroon ng
matatag ng buhay ispiritwal.
Repleksyon/Pangwakas
Panuto:
1. Gumawa ng Personal Daily Log (Pansariling pang-araw-araw na
talahanayan) na nagpapakita ng pagsasabuhay ng pagmamahal sa Diyos para
sa susunod na dalawang linggo.
a. Itala rito kung nagpapakita ng mabuting ugnayan sa Diyos.
b. Maglakip ng patunay sa iyong ginawa.
c. Ipakita at ipabasa ito sa iyong mga magulang. Bigyan sila ng
pagkakataon na makapagbigay ng payo o komento sa iyong ginawa.
Anyayahan sila na ito ay lagdaan.
MGA PAMANTAYAN SA PAGGAWA
Nilalaman
Organisasyon
Presentasyon
10 puntos
5 puntos
5 puntos
Kabuuan
20 puntos
MY PERSONAL DAILY LOG
Mga Araw
Ugnayan sa Diyos
Patunay
Lunes
Martes
Miyerkules
Huwebes
Biyernes
Sabado
Linggo
8
Komento at
Lagda ng
Magulang