TEKSTONG NARATIBO Inihanda ni: Bb. Jessa B. Abonales Ang tekstong naratibo ay naglalayong magkuwento sa pamamagitan ng salaysay na naguugnay ng mga pangyayari. Inilalahad ito sa KRONOLOHIKAL na paraan, na tiyak ang simula, gitna, at wakas. Sinasabing ito ang pinakamatandang anyo ng pagpapahayag dahil nagmula pa ito sa oral na tradisyon ng pagsasalin ng mga alamat, epiko, at mga kuwentong-bayan mula sa ating mga ninuno. Karaniwang paksa ng pagsasalaysay ang sariling karanasan, mga bagay o pangyayaring narinig, nasaksihan, nabalitaan, at maging mga kathang-isip. URI NG TEKSTONG NARATIBO PIKSYON Nakatuon sa mga tauhan at pangyayaring likhang isip gaya ng maikling kuwento na may iisang banghay. Kabilang din dito ang nobela na nahahati sa mga kabanata, drama, pabula, parabola, alamat, mito, at kuwentong pambata. DI-PIKSIYON Mga tekstong nagsasalaysay ng mga kaisipang hango sa tunay na buhay ng tao, at mga totoong lugar, bagay, o pangyayari. Ilan dito ang sariling talambuhay, dyornal o talaarawan. ELEMENTO NG TEKSTONG NARATIBO BANGHAY Ito ang nagsisilbing balangkas ng kuwento. Makikita dito ang pagkakasunod-sunod ng mga pangyayari. TUNGGALIAN Maaaring panloob o panlabas gaya ng tao laban sa sarili, tao laban sa kapwa, tao laban sa lipunan, tao laban sa kalikasan, at tao laban sa teknolohiya at/o kapangyarihan. TAUHAN Bida o kontrabida LUNAN at PANAHON Oras, lugar TEMA, SIMBOLO, IMAHEN Nagtataglay ng iba-ibang kahulugan at kabuluhan para sa isang salaysay. ANG KOMIK ISTRIP AT GRAPIKONG NOBLELA: MGA HALIMBAWA AT TEKSTONG NARATIBO Ang komik istrip ay binubuo ng mga guhit na sunud-sunod na isinaayos sa pamamagitan ng magkakaugnay na panel para maglahad ng maikling salaysay. Karaniwang katatawanan at pakikipagsapalaran ang tema ng kuwento sa mga lokal na komik istrip, tuluyan ang naratibo, at gumagamit ng lobo o balloon para ipakita ang diyalogo ng mga tauhan at kapsiyon. Kadalasang natutunghayan ang mga ito sa mga pahayagan bilang bahagi ng seksiyong panglibangan. Sa pilipinas, ilan sa mga popular na komiks ay sina Kenkoy na kaunaunahang karakter na nilikha ni Tony Velasquez, ang Slice of Life ni Larry Alcala, at ang Pugad Baboy ni Pol Medina. Kabilang naman sa mga umuusbong na panitikang popular sa bansa ay ang grapikong nobela. Ito ay isang naratibong akdang inihahayag sa pamamagitan ng anyong komiks. Ang babasahing nabibilang sa ganitong uri ay itinuturing na komiks na nasa anyong kalat na lumalabas ayon sa bilang ng serye. Nagmula sa Amerika at Britanya ang nasabing uri at bahagi ng muling pagbuhay sa anyong komiks noong Dekada ‘90 sa hangaring maiangat ang estado nito bilang isang anyo ng panitikan. Bukod sa paghango ng kuwento mula sa tunay na buhay, karaniwan ding itinatampok sa komiks at grapikong nobela ang kagila-gilalas at kamangha-manghang kuwento ng pakikipagsapalaran ng mga karakter na binabalutan ng di-pangkaraniwang katangian at kapangyarihan at itinuturing na superhero. Ang pagbabasa ng grapikong nobela ay hindi lamang nakatuon sa teksto o ang daloy ng kuwento. Binibigyang-pansin din ang mga biswal na imaheng nilikha mula sa pantasya at ang samot-saring kaisipan na maaaring bigyang-kahulugan. Isa mga popular na grapikong nobela sa bansa ay ang “Ang Kagilagilalas na Pakikipagsapalaran ni Zsazsa Zaturnab” na isinulat ni Carlo Vergara.