Edukasyon sa Pagpapakatao (ESP) Grade 3 LEKSYON 1 PINASAHI NGA IKASARANG Sa ini nga leksyon mahibalu-an mo ang: imo pinasahi nga ikasarang Tinguha-i Ini Sabti ang mga pamangkot kag isulat sa papel ang imo sabat. Magsulat sang isa ka panaysayon nahanungod sa imo kaugalingon kag ikasarang. Giyahan ikaw sang mga pamangkot sa idalum sa paghimo sang panaysayon nahanungod sa imo kaugalingon. 1. Pwede mo bala ipakilala ang imo kaugalingon? Ano ang imo ngalan, edad, grado, sin-o ang imo mga ginikanan kag diin ikaw nagaistar? 2. Ano nga mga ikarasang, hilig kag interes ang gusto mo himuon adlaw-adlaw? 3. Ano ang imo nga nabatyagan samtang ginaobra mo ang imo hilig ukon interes? 4. Suno sa imo nahibaluan, kay sin-o mo ini nakuha ukon napanubli? Ngaa? MASARANGAN KO, HIMU-ON KO! Pinasahi ako nga tawo. Pamatuod lang ini nga kita nagakalainlain sa tanan nga butang sa aton gawi, sa mga gusto himuon, abilidad kag kina-iya. Bilang isa ka tawo indi tanan nga ara sa aton makita man sa iban. Tanda nga kita may nagakalainlain nga ikasarang. Sa amatamat aton makilala kag matukiban ang aton mga talento, ikasarang kag abilidad bilang isa ka pinasahi nga tawo. Kinahanglan lang naton magsalig kag palanggaon ang aton kaugalingon kag hanason ang mga butang nga gusto himuon. TALENTO Ang talento kag ikasarang sang tawo bugay halin sa Dios gani dapat naton nga pauswagon, hanason kag ipaalinton sa iban. Bilang isa ka bata kinahanglan mo tukibon kag pasangkaron ang imo ikasarang kag talento. May mga panahon nga ikaw mismo indi mo mapaktan ang imo kaugalingon nga ikasarang kag talento. Indi ka magkasubo tungod ikaw isa lang sa mga ginatawag nga Late Bloomer (isa ka tawo nga ang talent ukon kinaiya ulihi natukiban kumpara sa iban). BUGAY HALIN SA DIYOS Importante nga kon natukiban mo na ang imo mga ikasarang bilang isa ka bata, imo ini patinaron ukon pauswagon paagi sa pag hanas adlaw-adlaw. Bugay ini halin sa Dios, kinahanglan naton ipaambit sa iban para sa padayun nga pagsangkad sini. Hilikuton 2 Sabti ang mga pamangkot kag isulat ang imo sabat sa papel. Obserbasyon 1. Sin-o ang ara sa mga litrato? 2. Sa pamatyag mo, magkapareho bala kamo sang edad? 3. Ano ang pagkapareho kag kinalain sang kada laragway? Huna-hunaa 1. Sa diin nga laragway ang masarangan mo himuon? 2. Kon ikaw ang magadrowing sang laragway sang imo ikasarang, sa diin sa mga laragway ang imo idrowing? Ngaa? Usisa - a Ini 1. Magpangita kag maggunting sang laragway halin sa dyaryo, magasin ukon daan nga mga libro nga nagapakita sang imo interes ukon gusto himuon kag ipilit sa bond paper , pwede mo man idrowing. Sabti ang mga pamangkot sa idalum bilang imo giya sa paghimo sang panaysayon suno sa imo ginpilit ukon gindrowing nga laragway. 2. Usara ang imo imahinasyon sa paglaragway kag pagkumpara sang imo kaugalingon nga interes ukon gusto nga himuon sa laragway nga imo ginpilit ukon gindrowing sa ibabaw. Mga pamangkot: 1. Ano nga ikasarang ang makita sa laragway? 2. Ngaa amo ini ang imo ginpili nga laragway ukon drowing? Kapareho bala sini ang imo kaugalingon nga ikasarang? 3. Ano ang pagkapareho sang laragway sa imo kaugalingon nga ikasarang ukon abilidad? Musical Nagapakita ini nga abilidad sang kalipay sa paghimo sang musika, pagkanta, o pagtukar sang mga instrumento sa musika. Social Services Malipayon nga nagabulig sa isigkatawo. Clerical Malipayon nga nagahimo o nagahampang sang hilikuton nga pang-opisina. Usisaa ang kada laragway nga gina pakita sa slides kag ang imo kaugalingon nga hilig, talento kag abilidad, hibalu-a kon diin sini nga mga laragway kabahin ang imo ikasarang. Sabti ang kada pamangkot. Isulat ang imo sabat sa papel. A. 1. Ngaa nahambal mo nga kabahin ikaw sina nga laragway? 2. Pirme mo bala ini ginahimo? Malipayon ka bala kon ginahimo mo ini? Ngaa? B. Isulat ang imo mga ikasarang sa papel. Gamita nga giya ini nga pamangkot. TANDA-I! Aton tandaan nga ang paghatag importansya sa aton mga hilikuton makabulig para mangin maayo kag mapinuslanon kita adlaw-adlaw kag wala ini nagakinahanglan sang husto nga edad, estado sa kabuhi, ukon manggad. Ang kinahanglan masarangan naton hatagan sang importansya ang mga butang nga nagahatag kasadya sa aton hilikuton kag updan ini sang kahugod. Gani bisan ano man ang aton nga hilikuton dapat naton tandaan nga ini ubrahon sing husto kag madinalag-on. Tungod ini ang nagahatag kalipay sa aton kag mangin mapinuslanon sa aton pamilya kag komunidad. Himu-a Ini! Basaha kag intindiha ang kada dinalan. Isulat ang Husto kon matuod ang dinalan kag Indi Husto kon wala kamatuoran. Isulat ang imo sabat sa papel. 1. Ang aton talento kag ikasarang bugay halin sa Dios. 2. Dapat naton hanason kag patin-aron ang aton pinasahi nga ikasarang kag talento. 3. Mahuluy-on ako gani taguon ko ang akon talento kag ikasarang. 4. Nahadlok ako mag-atubang sa madamo nga mga tawo, gani indi na kinahanglan pa nga tukibon ko ang akon talento kag ikasarang. 5. Ang paghatag importansya sa aton talento nagapakita sang pagpalangga sa aton kaugalingon. Basaha kag intindihon sing maayo ang mga dinalan. Isulat ang tsek (√) kon ini nagatumod sa imo ikasarang ukon talento kag ekis (X) naman kon indi. Isulat ang imo sabat sa papel. 1. Nagatukar sang gitara. 2. Nagahampang sang chess . 3. Mahilig ukon maayo sa mga numero/Matematika. 4. Maayo sa subject nga Ingles. 5. Mahilig ukon maayo magsaot. 6. Mahilig mag-entra sa paghimo sang poster/slogan . 7. Mahipuson kag mahilig magbasa. 8. Mahilig magsulat sang binalaybay. 9. Maayo sa paghampang sang ball games kapareho sang basketball kag volleyball . 10. Mahilig magtukib o mageksperimento sa mga importante nga butang. Basaha kag intindihon ang kada pamangkot. Pili-a ang husto nga letra sang imo sabat kag isulat sa papel. 1. Ang talento kag ikasarang bugay halin sa ? A. Dios B. abyan C. ginikanan D. eskwelahan 2. Isa kasari sang sitwasyon sa pagtukib sang aton kinaiya kag talento ang pag-abot na sang tawo sa iya husto nga edad ukon masobra pa. A. Late bloomer C. Discovery stage B. Exploring stage D. kabahin sang pagtukib sang abilidad 3. Ang kada tawo wala nagakapareho, gani ginatawag kita nga. A. pinasahi C. isigkatawo B. magkahitsura D. kapareho 4. Ngaa kinahanglan naton madiskubre ang aton talento, ikasarangkag hilig samtang bata pa? A. para makahatag sang kabakod sa aton B. para may kahuyang kita C. para aton ini ipakita sa mga tawo sa paggamit adlaw-adlaw. D. para aton mapaumwad paagi 5. Ang pagtukib sang aton kaugalingon nga talento kag ikasarang sa mga butang nagapakita sang aton madalum nga pagkilala sang aton__________________. A. kaugalingon B. kaugalingon nga kabakod C. kaugalingon nga kahuyang D. pinasahi nga kinaiya kaysa iban Referensya: DepEd Module 1 Edukasyon sa Pagpapakatao Unang Markahan MELC THANK YOU and GOD BLESS! SEE YOU NEXT TIME!