Online Streaming: Makabagong paraan para magbigay ng mga donasyo
Dahil sa modernisasiyon, nagkakaroon na ng iba’t ibang paraan upang makapagbigay ng
mga donasyon. Kabilang na sa makabagong paraan na ito ay ang online streaming. Ito ay ang
panonood ng mga bidyo gamit ang mga telepeno, laptop o kompyuter sa pamamagitan ng
internet. Ilan lamang sa mga application na kung saan maaring mag-stream ay ang YouTube at
Facebook (Heinzman, 2019).
Ang paggawa ng mga bidyo sa YouTube ay patuloy na sumisikat sa Pilipinas. Dahil sa
pandemya, mas lalong dumarami ang mga Pilipinong nanonood ng mga tinatawag na “vlogs” sa
nasabing plataporma. Sa pamamagitan ng mga advertisement, kumikita ang mga tinatawag na
“vloggers” o ang mga panauhin na gumagawa ng mga bidyo. Mas maraming manonood, mas
malaki ang kikitain (Bigtas, 2020). Ngunit ayon kay Cooper (2019), may mga kinakailangan dami
ng subscribers at dami ng mga bidyo bago mabayaran ng YouTube ang isang vlogger. Ayon sa
PayMaya, maaring makatanggap ang isang vlogger ng Php.150 kada 1000 views na kaniyang
matatanggap.
Dagdag pa rito, sa pamamagitan naman ng Facebook, kumikita ang mga
manlalaro ng iba’t ibang online games. Sa Facebook Live, puwede kumita ang isang manlalaro
sa pamamagitan ng tinatawag na “Stars” at advertisement. Ang mga Stars ay maaring ibigay ng
mga manonood sa isang streamer upang magpakita ng suporta. May kaakibat na halaga ng pera
ang bawat “Stars” na matatanggap ng mga streamers. Ngunit kagaya ng YouTube, may bilang
ng mga kinakailangang daming tagasunod at bidyo upang magkaroon ng tinatawag na “Star
function” sa mga streams. Kung ang isang streamer ay makakatanggap ng 10,000 Stars
nangangahulugan lamang ito na makakatanggap siya ng Php. 5,000 (Bantilan, 2020).
Dahil sa iba’t ibang paraan kung paano kumikita sa paggawa ng mga bidyo, naging susi
rin ito upang makatulong sa iba o lumikom ng pondo upang tugunan ang pangangailangan ng
mga tao o para makatulong sa iba.
Halimbawa, ayon kay Biong (2020), ang Team Payaman na isa sa mga kinikilalang
vloggers sa YouTube ay nagkaroon ng tinatawag na “Content wars” upang makalaganap ng
pondo para sa kanilang namayapang kaibigan na si Emman Nimedez. Dagdag pa rito, ayon
naman kay Aseoche (2020), sa loob lamang ng isang oras ay umabot na sa isang milyon katao
ang nakanood sa mga bidyong linikha ng Team Payaman. Lahat ng kinita sa mga bidyong ito ay
binigay ng Team Payaman sa naulilang pamilya ni Emman. Sa pamamagitan lamang ng
panonood at paglalaan ng oras, nakatulong na ang mga tagasubaybay ng Team Payaman dahil
sa mga advertisement na kaakibat ng mga bidyo.
Ngunit hindi lahat ng mga bidyo sa YouTube na nagna-nais makalikom ng pera sa
pamamagitan ng mga advertisement ay nagtatagumpay. Ayon kay Spanggler (2020), nagtanggal
ang YouTube ng ilang bidyo na nakalaan para lumikom ng pera sa kilusang “Black Lives Matter”
sa Amerika. Ang dahilan kung bakit pinatanggal ito ng YouTube ay ilan sa mga bidyong ito ay
hinihikayat ang mga manonood na paulit-ulit panoorin ang bidyo at ito ay labag sa patakaran ng
nasabing plataporma. Ang panonood ng mga bidyo sa YouTube upang makatulong sa iba ay
mayroon din hangganan. Ngunit sa pagsunod sa mga patakaran ng nasabing plataporma,
puwede pa rin makapagbigay ng mga donasyon sa pamamagitan lamang ng panonood ng mga
bidyo.
Ang sikat na artista na si Alden Richards ay nagkaroon naman ng isang online streaming
sa Facebook sa pamamagitan ng paglaro ng iba’t ibang online games para sa mga biktima ng
bayong Ulysses. Hinikayat niya ang kaniyang mga tagasunod na manood at magbigay ng kanikaniyang donasyon sa kaniyang stream (Cruz, 2020). Ayon naman kay Mendoza (2020), umabot
ng Php 220, 000 ang nalaganap na pondo ni Alden sa kaniyang stream.
Sa paraang ito, ang mga tagasuporta ni Alden ay nakakapagbigay ng mga donasyon sa
paraang sila ay nagpapakita lamang ng suporta. Dahil sa makabagong paraan na ito, ayon kay
Favis (2019), ang live streaming ay ang makabagong telethons. Noong 70s at 80s, naging sikat
ang mga telethons kung saan ang mga sikat na panauhin ay nagtatanghal at sumasagot ng mga
tawag upang makalikom ng pera para sa isang kawanggawang layunin.
Ngunit kagaya lamang ng ilang donation drive na makikita sa internet, may mga online
gamers din na ginagamit ang live streaming upang manloko ng mga nais tumulong. Sa isang
pahayag ni Alden Richards, binalaan niya ang mga Overseas Filipino Workers (OFW) na
paniguraduhin na ang mga streamers na sinusuportahan nila ay totoong nais makatulong sa iba
(Mia, 2020). Kahit gaano pa kabilis ang teknolohiya, wala pa rin laban sa mga mapagsamantala.
Kinakailangan ay maging maingat din ang mga tao upang hindi magamit ang kanilang mga tulong
para sa personal na kaligayahan.
Ang online streaming ay isang panibagong paraan upang makapagbigay ng mga
donasyon. Maaring gamitin ang YouTube, kung saan oras lamang ang kailangan nating ilaan
upang makatulong sa iba. Sa pamamagitan naman ng Facebook, puwedeng makatulong sa
pamamagitan lamang ng pagbibigay ng suporta. Bagama’t may mga balakid at banta, sa
pagsunod sa mga pakataran at pagiging maingat, makakarating ang mga tulong sa mga
nangangailangan. Sa tulong ng teknolohiya at modernisasiyon, mas lalong nagkakaroon ng
paraan ang mga gusting tumulong at umaksyon.
Mga Sanggunian:
Aseoche, T. (2020, September 1). WATCH: Cong TV and team Payaman create short films in
honor of Emman Nimedez. Retrieved from https://www.wheninmanila.com/watch-congtv-and-team-payaman-create-short-films-in-honor-of-emman-nimedez/
Bantilan, E. (2020, June 16). How much are stars worth on Facebook for streamers. Retrieved
from https://gamingph.com/2019/11/how-much-are-stars-worth-on-facebook-forstreamers/
Bigtas, J. (2020). 6 tips on how to earn money as a YouTube vlogger. Retrieved from
https://www.gmanetwork.com/news/lifestyle/hobbiesandactivities/748032/macoy-dubsand-janina-vela-share-tips-on-how-earn-money-as-a-youtube-vlogger/story/
Biong, I. (2020, September 1). WATCH: Cong TV, team Payaman hold ‘content wars’ for
Emman Nimedez. Retrieved from https://entertainment.inquirer.net/389104/watch-congtv-team-payaman-hold-content-wars-for-emman-nimedez
Cruz, L. (2020, November 28). Alden Richards raises funds for typhoon victims with online
game streaming. Retrieved from https://www.goodnewspilipinas.com/alden-richardsraises-funds-for-typhoon-victims-with-online-game-streaming/
Favis, E. (2019, December 24). Livestreams are the new telethons, and they’re raising millions
for charities. Retrieved from https://www.washingtonpost.com/videogames/2019/12/24/livestreams-are-new-telethons-theyre-raising-millions-charities/
Heinzman, A. (2019, February 16). Internet streaming: What is it and how does it work?.
Retrieved from https://www.howtogeek.com/404447/internet-streaming-what-is-it-andhow-does-it-work/
Mendoza, M. (2020, November 28). Alden Richards uses own money to match P200k from
charity stream. Retrieved from https://www.candymag.com/all-access/alden-richardsgame-streaming-typhoon-ulysses-victims-a00306-20201128
PayMaya. (2020). How to Start a Vlog That Makes Money in the Philippines. Retrieved from
https://www.paymaya.com/stories/how-to-start-a-vlog-that-makes-money-in-thephilippiness
Report: Live-streaming in online mobile gaming on the rise. (2019, July 9). Retrieved from
https://newsbytes.ph/2019/07/09/report-live-streaming-in-online-mobile-gaming-on-therise/
Spangler, T. (2020, June 12). YouTube pulls Black Lives Matter fundraising videos that
encourage ‘Fake engagement’. Retrieved from
https://variety.com/2020/digital/news/youtube-pulls-black-lives-matter-fundraising-fakeengagement-video-1234632086/