Nickole V. Mompil
MAF616 Natatanging Paksa
PAGBUO NG REJISTRI SA FILIPINO NG PANGKALAHATANG SIKOLOHIYA
BILANG AMBAG SA INTELEKTWALISASYON NG WIKANG FILIPINO
Kaya po ito ang naisip kong mungkahing paksa dahil unang una, kasunod ito sa
disiplinang Filipinolohiya ni Bayani Abadilla na naglalayong iangkop ang wikang Filipino
sa iba’t ibang larangan upang maiangat ang talino ng bayan. Ang sikolohiya ay kabilang
din sa mga controlling domains na binanggit ni Bonifacio Sibayan na kailangang mapasok
ng wikang Filipino para maituring itong intelektwalisado. Dahil kung magiging
intelektwalisado ang wika, aangat ang talino ng mga gumagamit ng wikang ito. Panghuli,
mahalaga rin na maisalin ang pangkalahatang sikolohiya sa wikang Filipino dahil nasa
loob ng larang na ito ang mga isyung kabilang sa kalusugang mental. Ngayong may
nangyayaring pandemya, marami ang nakakaranas ng mga problema sa kalusugang
mental, nandyan ang depresyon, pagkabalisa, at marami pang iba na kung minsan ay
humahantong sa pagpapatiwakal. Kung nasa wikang Filipino ang sikolohiya, madali
nating mapapadaloy ang mga kaalaman at mga dapat gawin upang matulungan ang
isang taong may nararanasang problema sa kalusugang mental. Kaya mahalagang
maisalin sa Filipino ang sikolohiya at bilang unang hakbang, at kung sakali ay maging
ambag, ninanais kong maisalin o makabuo ng isang rejistri ng sikolohiya na naka-Filipino.