Paksa: “Kagalingan sa Paggawa Kasama ang Wastong
Pamamahala sa Oras”
Kaugnay na Pagpapahalaga: “Pagmamahal sa Trabaho”
. Pamantayan sa Pagkatuto (MELCs)
1. Natutukoy ang mga indikasyon na may kalidad o kagalingan sa
paggawa ng isang gawain o produkto kasama ang wastong
pamamahala sa paggamit ng oras (EsPKPIIIg-10.1/EsP9KPIIIe-12.1)
2. Nakabubuo ng mga hakbang upang magkaroon ng kalidad o
kagalingan sa paggawa ng isang gawain o produkto kasama ang
wastong pamamahala sa paggamit ng oras (EsP9KPIIIg10.2/EsP9KPIIIe-12.2)
(Scene 1)BALIK_ARAL
Maraming mga Pilipino ang nakilala hindi
lang sa ating bansa kundi sa buong
mundo dahil sa kagalingan sa paggawa.
Maraming mga bansa ang kumukuha ng
kanilang mga manggagawa mula sa hanay
ng mga Pilipino. Ano-ano kaya ang
taglay na katangian at kagalingan nating
mga Pilipino? Ano-ano ang indikasyon ng
kagalingan sa paggawa. Halika at ating
alamin sa aralin na ito.
Gawain 2: Recipe ng Kagalingan sa Paggawa
Panuto: Ang isang matagumpay na tao ay
may iba-ibang paraan o katangian upang
makamtam ang tagumpay. Ngayon bilang
simula ng iyong mga hakbang tungo sa
pagkamit tagumpay umisip at sumulat ng
limang katangian na kinakailangan mo
upang maging magaling ka sa iyong pipiliing
larangan o trabaho. Gamit ang format
sa ibaba isulat ito sa sagutang papel.
Mga Gabay na Tanong:
1. Sa iyong palagay, paano makatutulong ang iyong mga
naisulat sa paglinang mo ng iyong kagalingan sa
paggawa? Ipaliwanag.
2. Kung wala kang taglay na kagalingan sa gawaing tulad
nito, ano ang iyong mapapansin sa oras na iyong
gugugulin sa panimulang gawaing ito?
Gawain 4: Job ko, Love Ko!
Sa puntong ito, magsasagawa ka ng isang panayam o interview sa isang taong
may
hanapbuhay o trabaho.
Panuto:
1. Pumili ng isang kapamilya o kamag-anak na may hanapbuhay o trabaho at
kapanayamin siya. Isaisip ang mga health protocols maaaring isagawa ang
interview sa pamamagitan ng “video-call” kung hindi kasama sa bahay ang
iyong
napili.
2. Itanong ang sumusunod at itala ang kanilang sagot sa iyong sagutang papel.
a. Pangalan
b. Hanapbuhay o trabaho
c. Naapektuhan ba ng pandemya ang hanapbuhay o trabaho? Kung oo, sa
paanong paraan?
d. Masasabi mo bang mahal mo ang iyong hanapbuhay o trabaho? Paano mo
ito nasabi?
e. Paano mo ipinapakita ang pagpapahalaga sa iyong hanapbuhay o trabaho?
Mga Gabay na Tanong:
1. Masasabi mo bang may pagmamahal sa trabaho ang taong nakapanayam
mo? Paano mo ito nasabi?
2. Sa palagay mo ba ay mahalaga na isabuhay ang pagmamahal sa trabaho?
Bakit?
3. Ano ang kahihinatnan ng isang taong nagpapamalas ng pagmamahal sa
kanyang hanapbuhay o trabaho?
4. Ano naman ang kahihinatnan ng isang taong walang pagmamahal sa
kanyang hanap-buhay o trabaho?
Ano nga ba ang Pagmamahal sa Trabaho?
Ang pagmamahal sa trabaho ay nangangahulugan ng pagbibigay halaga at
pagmamalasakit sa ating hanapbuhay. Sinabi ni Steve Jobs upang makagawa
nang mahusay na gawain ay ang mahalin mo ang iyong ginagawa. At ayon pa
sa artikulong “How Liking Your Job Will Help You Succeed” na nakapaskil sa
webpage ng University of Southern California Dornsife, ang mga taong may
pagmamahal sa kanilang trabaho ay sinasabing mas positibo ang pananaw sa
buhay, mas ganado sa buhay, mas mabilis matuto, madalang magkamali, at mas
mahusay sa paggawa ng pasya. Ngunit nakalulungkot isipin na hindi lahat ng tao
ay naisasabuhay ang pagmamahal sa kanilang trabaho. Upang simulan ang
pagmamahal sa iyong trabaho, iminungkahi ng cathedralcollege.org sa artikulo
nitong “Paano Mahalin ang Iyong Trabaho” ang pagsasagawa ng mga bagay
tulad ng:
1. baguhin ang paraan ng pagtatrabaho, kailangan mong gumamit ng isang
bagong pamamaraan o baguhin ang iyong diskarte hanggang ito ay maging
routine;
2. tumutok sa positibong aspeto ng iyong trabaho. Upang simulan ang
pagmamahal sa kanya, kailangan mong makilala kung ano ang gusto mo
tungkol sa iyong trabaho;
3. gawing mong kaaya-aya ang iyong lugar ng trabaho hangga't maaari; at
4. maghanap ng mga pagkakataon na maging malikhain.
Mahalagang isaisip natin na kung mahal natin ang ginagawa natin,
magbibigay ito ng daan upang mapaghusay pa natin ang ating sarili sa
anomang
gawain.
Sa puntong ito, pag-aaralan mo ang kagalingan sa paggawa kasama ang
wastong pamamahala ng paggamit sa oras.
Sa paggawa ng isang gawain o produkto, hindi sapat ang lakas ng katawan at
ang layuning makagawa lamang dahil may mga partikular na kakayahan at
kasanayan ang kailangan sa paggawa. Ang pagkakaroon ng propesyon o
kursong natapos ay isang salik na dapat isaalang-alang, ngunit hindi lang ito ang
kailangan upang makagawa ng isang produkto o gawaing mag-aangat sa iyo
bilang tao.
Ayon sa “Laborem Exercens” na isinulat ni Pope John Paul II noong taong 1981,
ang paggawa ay mabuti sa tao, dahil sa pamamagitan nito naisasakatuparan
nito ang kanyang responsibilidad sa sarili, kapuwa, at sa Diyos. Ang kagustuhang
maisabuhay ang layuning ito ang nagtutulak sa kanya upang magkaroon nang
“Kagalingan sa Paggawa”.
sa paggamit ng oras upang makamit at maisabuhay ang kagalingan sa
paggawa.
1. Nagsasabuhay ng mga Pagpapahalaga - Ang isang matagumpay na tao ay
may tiyak na pagpapahalagang humuhubog sa kaniya upang harapin ang
anomang pagsubok na pagdaraanan sa pagkamit ng mithiin. Ang mga
pagpapahalagang ito ang nagsisilbing gabay niya upang gumawa ng
kakaibang produkto o serbisyo na may kalidad.
a. Kasipagan- ito ay tumutukoy sa pagsisikap na gawin o tapusin ang isang
gawain nang walang pagmamadali at buong pagpapaubaya.
b. Tiyaga- ito ay ang pagpapatuloy sa paggawa sa kabila ng mga hadlang sa
kanyang paligid. Isinasantabi ng taong may tiyaga ang mga kaisipang
makahahadlang sa paggawa ng isang produkto o gawain gaya ng
pagrereklamo, pagkukumpara ng gawain sa likha ng iba at pag-iisip ng mga
kadahilanan upang isagawa ang gawain.
c. Masigasig- ito ay ang pagkakaroon ng kasiyahan, pagkagusto at siglang
nararamdaman sa paggawa ng gawain o produkto.
d. Malikhain- ang produkto o gawaing lilikhain ay hindi bunga nang panggagaya
ito ay likha ng mayamang pag-iisip. Orihinal at bago ang produkto, bunga ito
ng ideyang maging iba at kakaiba.
e. Disiplina sa Sarili- ang taong may disiplina ay nalalaman ang hangganan ng
kanyang ginagawa at mayroon siyang paggalang sa ibang tao.
2. Nagtataglay ng Positibong Kakayahan- Upang maisakatuparan ang mga
mithiin sa buhay at magtagumpay sa anomang larangan, kailangang pag-aralan
at linangin ang mga kakailanganing kakayahan at katangian at ang
pagkakaroon ng mayamang kaisipan na gagabay sa iyo upang maging
sistematiko at malinang ang tatlong yugto ng pagkatuto:
a. Pagkatuto Bago ang Paggawa- ang yugto ng paggawa ng iba’t ibang plano
na
siyang magsisilbing gabay upang maging malinaw ang mga layuning
isasakatuparan, paglalarawan ng mga katangian ng tunguhin (goal), pagbuo
ng konsepto, pagtataya ng mga istratehiyang gagamitin ayon sa konseptong
binuo, pagtukoy ng mga hakbang na gagawin at paghahanda ng mga
kagamitang gagamitin, pagkilala sa mga tutulong sa pagsasagawa ng kilos at
pagtatakda ng panahon ng pagkilos.
b. Pagkatuto Habang Ginagawa- ito ang yugto na magtuturo ng iba’t ibang
istratehiyang maaring gamitin upang mapadali ang pagsasakatuparan ng mga
tunguhin sa pamamagitan ng pagtatala ng mga konkretong hakbang upang
maisagawa ang proyektong napili at mga posibleng kakaharaping problema at
posibleng solusyon.
c. Pagkatuto Pagkatapos Gawin ang Isang Gawain- ito ay ang yugto ng
pagtataya kung ano ang naging resulta ng gawain. Sa yugtong ito ay
malalaman mo ang mga posibleng kilos, pagpapasya na dapat baguhin o
palitan at panatilihin.
3. Nagpupuri at Nagpapasalamat sa Diyos- ang pinakamahalaga sa lahat upang
masabi na ang paggawa ay kakaiba, may kalidad at kagalingan kung ito ay
ayon sa kalooban ng Diyos. Kung ang paggawa o produkto ay ginawa bilang
paraan ng pagpuri at pasasalamat sa Kanya, at kapag ganito ang natatak sa
iyong isipan, pagbubutihan at paghuhusayan mo ang lahat ng iyong gawain at
ang balik nito ay pagpapala mula sa Diyos.
4. Pinamamahalaan ang Wastong Paggamit sa Oras- ang taong marunong
magpahalaga sa oras ay siyang may mahusay na nagagawa. Hindi siya
naaantala o nahuhuli. Nakatatapos siya ng gawain sa takdang oras. Ang
pagiging maagap ng tao ay nagpapahiwatig na may pagpapahalaga siya sa
oras ng ibang tao. Hindi niya nanaising masayang ang sariling oras pati na rin ang
oras ng kaniyang kapuwa. Ang ganitong uri ng tao ay itinuturing ang panahon o
oras bilang isang kayamanan.
Pagtataya ng Aralin
Gawain 7: Kayang-Kaya Mo Ito
Panuto: Pliin ang angkop na sagot na hinihingi ng bawat tanong sa mga
nakasulat
na salita sa kahon. Isulat ang sagot sa linya ng bawat bilang.
A. Pagkamalikhain B. Kasipagan
C. Pagpupunyagi
D. Pope John Paul II
E. Paggawa F. Tiyaga
_______1. Isang gawain na nangangailangan ng sapat na kasanayan upang ito ay
maisagawa. Kailangang may angking kahusayan ang gagawa nito.
_______2. Ayon sa kanya ang paggawa ay mabuti sa tao, dahil sa pamamagitan
nito naisasakatuparan nito ang kanyang responsibilidad sa sarili,
kapuwa at sa Diyos.
_______3. Tumutukoy sa pagsisikap na gawin o tapusin ang isang gawain nang
walang pagmamadali at buong pagpapaubaya.
_______4. Pagpapatuloy sa paggawa sa kabila ng mga hadlang sa kanyang paligid.
_______5. Ang produkto o gawaing lilikhain ay hindi bunga nang panggagaya ito ay
likha ng mayamang pag-iisip. Orihinal at bago ang produkto, bunga ito
ng ideyang maging iba at kakaiba.
Panuto: Isulat ang Tama kung totoo ang isinasaad ng pangungusap at Mali kung
hindi ito totoo.
_______6. Ang pagiging masigasig ay ang nangangahulugan ng kawalang
kasiyahan at interes sa ginagawang gawain o produkto.
_______7. Ang taong may disiplina ay nalalaman ang hangganan ng kanyang
ginagawa at mayroon siyang paggalang sa ibang tao.
_______8. Kahit mahal mo ang iyong trabaho o anomang ginagawa, mawawalan ka
pa rin ng gana dito at mababalewala ang iyong trabaho.
_______9. Mahalaga ang wastong pamamahala sa paggamit ng oras upang
makamit at maisabuhay ang kagalingan sa paggawa.
_______10. Sadyang napakadaling magtagumpay sa buhay kahit na wala kang mga
kakayahan at nalinang na kasanayan.
J. Karagdagang Gawain para sa Takdang Aralin
Gawain 8: Isang Hakbang sa Pangarap
Panuto:
1. Pagnilayan mo ngayon ang iyong natutuhan sa araling ito at ilapat sa iyong
mga plano sa hinaharap.
2. Gayahin ang katulad na pormat sa ibaba sa iyong sagutang papel. 11
3. Ilagay sa bahaging Dream Career ang iyong pangarap na trabaho o karera.
4. Sa kaliwang bahagi, isulat ang mga hakbang na iyong isasagawa upang
mapaghandaan ang iyong nabanggit na dream career. Isaalang-alang ang
wastong pamamahala sa paggamit sa iyong oras.
5. Sa kanang bahagi naman ay isulat mo ang mga paraan kung paano mo
maipakikita ang kagalingan sa paggawa sa napili mong larangan.
LAUR, NUEVA ECIJA – Nagkaroon ng
pasyalan ngayong panahon ng Pandemya
ang ating mga kababayan sa bahagi ng
Tanawan sa bayan ng Laur, Nueva Ecija
kung saan ang mga residente rito ay
nagtayo ng mga kubol na restawran at lugar
na maaring pagkuhanan ng litrato sa mga
naggagandahang tanawin nito.
Mayroong mga naglalakihang
hugis
puso,
paruparo,bulaklak,
araw, buwan, pugad ng ibon na
makikita sa mga bundok na
tanawin
kung
saan
dito
namamasyal ang mga tao.
Ayon sa mga residente rito , maliban
sa isa ito sa kanilang pinagkukuhanan
ng kita para ikabuhay sa araw-araw,
ito ay paraan din ng pagbabahagi
nila sa ating mga kababayan ng
kagandahan
ngkalikasan.Nasa
humigit kumulang na 200 tao ang
namamasyal dito bawat araw.
1. Script Writer
Siya ang lumilikha
ng iskrip na ginagamit
sa pagbabalita.
2. News Presenter
Tinatawag
ding
field
reporter. Sila ang tagapagbalita
at tagapanayam. Sila ang
madalas na nasa field upang
mangalap ng pinakabagong
balita.
3. News Anchor
Kilala
rin
bilang
announcer.
Siya
ang
pinakakilala
ng
mga
tagapakinig ng radio dahil
siya ang nagsisilbing mukha
ng himpilan.
4.Technical Director
Siya ang namamahala sa
ginagamit na sound effects sa
kabuuan ng programa. Siya ang
katuwang ng News anchor para
malaman kung hihinaan o
lalakasan na ang tunog ng
sound effects.
5. Infomercial Director
Siya ang
nagbibigay ng
makabuluhang mga patalastas na
nagtataglay ng impormasyong
makatutulong sa mamamayan.
Kadalasan
ay
malikhain
at
kakatwa ang pagsulat ng iskrip
nito
upang
mapukaw
ang
atensyon
ng
manonood.
6. Director
Ang nagbibigay ng direksyon sa
takbo
ng
buong
programa.
Binibigyan niya ng senyas ang mga
staff mula sa news anchor hanggang
sa technical director . Ipinaaalam din
niya kung ilang minuto na lamang
ang nalalabi sa kanilang programa.
Ipagdiriwang ng inyong barangay ang
kapistahan nito/ kaya bilang lider ng mga
kabataan/ ikaw ang naatasang maging
scriptwriter at news presenter ng inyong
pangkat/ para sa pagbabalita sa isang sikat
na network, kaya naman lumikha ka ng iskrip
ng balita mula sa napapanahong kalagayan
ng kapistahan ng inyong barangay. Isulat mo
ito sa isang papel.