l
Kailangan ba talagang alisin ang asignaturang Filipino sa kolehiyo? Bakit?
Para sa akin hindi dapat alisin ang asignaturang Filipino sapagkat ang
pagtuturo ng Filipino ay nakakapaglinang ng kakayahang pang komunikatibo ng
isang katulad kong magaaral. Isa pa mas lalong mapapahalagahan ang mga
pampanitikan na babasahin. Isa pa kung tatanggalin nila ang Filipino ay para narin
nilang binalewala ang karapatan ng mga pilipino mahalin at matutunan ang wikang
nakasanayan. Base naman sa isang artikulo sa isang pamahayagan inihayag ng
isang propesor na nanganganib na bumaba ang kalidad ng wikang pambansa kapag
inalis ang asignaturang Filipino sa mas mataas na antas ng edukasyon. Bata pa raw
ang wikang pambansa at hindi pa ito ganap na intelektwalisado o nagagamit sa iba’t
ibang larangan kaya naman ay nararapat lamang na pagbutihin at palawakin pa ang
pagtuturo nito sa lahat ng antas, lalo na sa kolehiyo upang maging ganap ang
intelektwalisasyon nito.
Anong mga aralin sa Filipino ang hindi na kailangan pang pag-aralan? Bakit?
Sa aking pananaw, ang lahat ng mga aralin ay kailangan pag aralan. Mayroon
lamang mga aralin na mas kailangan bigyan ng pansin o bigyan ng mas maraming
oras.
Anong mga aralin sa Filipino ang kailangan pa ring bigyang pansin?
Para sa akin maraming mga aralin ang kailangan pa rin bigyan ng pansin.
Pero para sa akin ang pinaka kailangan pagtuunan ng pansin ay ang mga panitikan
dahil napagaaralan namin dito ang kasaysayan at nagiging gabay ito sa aming mga
mag aaral. Isa pa sa pag aaral namin ng mga panitikan marami kaming natututunan
sa mga may akda at nahahasa ang aming intelektwal na pag-iisip sa pamamagitan
ng pagbabasa at pagsusulat nang masining at may retorika. Isa pa sa mga
kailangan pagtuunan ng pansin ay ang wika at tamang pagbigkas ng mga salita
sapagkat ang wika ang nagpapatatag sa bigkis ng mga tao sa pamamagitan ng
pagkakaunawaan.