Ilang p
WESLEYAN
An Autonomous Methodist University
Mabini Ext., Cabanatuan City, Nueva Ecija 3100
KOLEHIYO NG MGA SINING AT AGHAM
Instruksyong Modyular sa kursong
Fili 2- Filipino sa Iba`t Ibang Disiplina
MODYUL 1
Aralin 1. FILIPINO BILANG WIKANG PAMBANSA
I.
Introduksyon
May malaki at mahalagang gampanin ang wika sa isang lipunan. Ang iba`t ibang mga
gawain sa lipunan ay nagkakaroon ng katuparan at kaganapan dahil sa wika., pasulat man ito o
pasalita. Ito ang pangunahing instrumento upang ang mga tao ay magkaunawaan,
magkaugnayan at patuloy na makisangkot sa mga gawaing panlipunan. Anumang ideolohiya
ang mayroon sila ay madaling naibabahagi o naisasalin dahil sa wika, positibo man ito o
negatibo. Walang larangan sa lipunan ang hindi nangangailangan ng wika sapagkat bahagi na ito
ng pang-araw-araw na proseso ng buhay ng tao. Hindi mapasusubalian ang papel na
ginagampanan ng wika mula sa tahanan, sa paaralan, sa pamayanan at sa pamahalaan.
Samakatuwid, nagpapatuloy sa pag-iral ang lipunan dahil sa wika.
Wika ang kaluluwa ng isang bansang malaya. Ayon kay Dr. Jose Rizal “ang hindi
marunong magmahal sa sariling wika ay daig pa ang malansang isda.” Sino nga ba ang
magmamahal sa wika kundi tayo ring mga Pilipino.
Mga inaasahang Matutuhan sa Kurso (Learning Outcomes)
Sa pagtatapos ng araling ito Inaasahang maisasagawa ng mga mag-aaral mga sumusunod na
bunga ng pagkakatuto ( learning outcome)
1. Maipaliwag ang ugnayan ng mga function ng wikang Filipino bilang wikang Pambansa,
wika ng bayan at bilang wika ng pananaliksik na nakaugat sa pangangailangan ng
sambayanan.
2. Nakapagbibigay ng malalim na pagpapahalaga sa gampanin ng wikang Filipino sa iba`t
ibang gawaing panlipunan.
Pagtatampok ng Aralin (Overview)
Ano ba ang gampanin ng wikang Filipino bilang wikang Pambansa?
Ano naman ang role ng wikang Filipino sa ating Lipunan?
At gaano kahalaga ang gampanin mg wikang Filipino sa larangan ng Pananaliksik?
Ilan lamang ito sa mga tanong na may maraming sagot na di sigurado kung tama
o mali. Ito ang mga tanong na tiyakang sasagugutin sa modyul na ito. Halinat basahin ang
kabuuan ng modyul na ito upang ganap nyong maunawaan at makilala ang mga gampanin ng
wikang Pilipino sa bansa, sa pananaliksik, sa bilang wikang Pambansa.
ll. Pagtalakay sa Aralin
READ
PANUTO: Bago natin simulan ang pagtakay sa paksa. Sagutan muna ninyo ang mga
panimulang gawain ibaba.
Panimulang Gawiain Blg. 1.
1. Panoorin sa Youtube ang isa sa mga tampok na dokumentaryo na isinagawa ng
Investigative Documentaries ng GMA na may pamagat na “ Ang Estado ng Wikang
Filipino”
a. Siyasatin ito nang Mabuti at itala ang mahahalagang ideya na makukuha mo buhat
dito.
b. Balikan ang panahon na ikaw ay kasing-edad ng mga batang nasa video. Pareho ba
ang inyong karanasan sa wika? Sa iyong palagay, bakiy ganito ang estado ng wikang
Filipino. Ibahagi sa talagayan conference.
PANUTO: Basahing mabuti ang mga sumusunod na paksa. Itala ang mga mahahalagang
impormasyon. At sagutan ang pagtataya sa ibaba.
Filipino Bilang Wikang Pambansa
Ano ang wikang Pambansa ng mga Pilipino? Tagalog, Pilipino o Filipino? Bakit ba iba-iba
ang nagiging sagot sa tanong na ito? Kung sa mga dayuhan ito itatanong ay madali at magaang
tanggapin na hindi iisa ang kanilang kasagutan sapagkat hindi naman ito ang kanilang sariling
wika at maaaring bahagi ng kanilang interes o kaya`y wikang pinag-aaralan. Subalit kung sa isang
Pilipino ito itatanong, ang iba-ibang kasagutan ay tunay na nakapanlulumo. Ikaw alam mob a ang
sagot sa tanong na ito? Kilala mo ba ang sarili mo bilang Pilipino? Ano nga ba talaga ang wikang
Pambansa ng mga Pilipino? Bakit nga ba nagdudulot ng kalituhan sa maraming Pilipino ang
simpleng tanong na ito?
Mahalagang muling sipatin ang kasaysayan ng wikang Pambansa upang maging ganap
ang pag-unawa rito.
Ang pagnanais at pangangailangan na magkaroon ng isang wikang Pambansa ay
nagsimula nang magkaroon ng kasarinlan ang Pilipinas mula sa kamay ng mga dayuhang
sumakop dito. Ang wikang Pambansa ang nagiging sagisag ng ganap na kalayaan ng bansa at ito
ang magsisilbing instrumento upang ang diwa at dila ng mga Pilipino ay lumaya sa kolonyalismo.
Ito ang pangarap ng noo`y pangulo ng Pamahalaang Komonwelt na si Manuel L. Quezon kasama
ng sambayanan.
Ang wikang Pambansa ng Pilipinas ay Filipino. Sa konstitusyon ng 1935, iniatang sa
kongreso ang mabigat na pananagutan ng paglinang sa isang pambansang wikang panlahat batay
sa isa sa mga katutubong wika. Ang pagkapili sa Tagalog bilang batayan ng wikang Pambansa ay
bunga ng mga pag-aaral at masusing pananaliksik ng mga kagawad ng unang Surian ng Wikang
Pambansa ( na ngayon ay tinawag na Komisyon ng Wikang Filipino) na hinirang ng Pangulong
Quezon sa bisa ng Batas
Komonwelt Bilang 184 na pinagtibay noong 1936 alinsunod sa
itinadhana ng konstitusyon. Napatunayan nila ang wikang ito ang may pinakamaunlad na
kayarian, mekanismo at literature at tinatanggap at ginagamit ng nakararaming Pilipino. Kaya`t
sa pamamagitan ng Kautusang Tagapagpaganap ay ipinahayag ni Pangulong Quezon ang Wikang
Pambansa ng Pilipinas na Batay sa Tagalog noong 1939. May kahabaan, kaya`t pinaigsi ito sa
Wikang Pambansang Pilipino, dakong 1946, at wikang Pilipino , 1951. Noong 1959, ang kalihim
ng Edukasyon ay nagbatas na Pilipino ang katawagan gamitin, kahalintulad ng tawag sa Espanyol
para sa Espanya, Ingles sa Inglatera at iba pa.
Sa Konstitusyon ng 1973, ang pananagutan ng paglinang sa wikang Pambansa ay
ipinaubaya rin sa Pambansang Kapulungan, lamang, sa pagkakataong ito, ang pambansang
wikang panlahat na kikilalanin sa tawag na “ Filipino” ay inaasahan at minamarapat na mahango
sa mga katutubong wika at diyalekto ng bansa. Inisip ng mga tagapagbalangkas ng konstitusyon
ng 1973 ang isang pambansang wikang hindi papanig sa anuman o alinmang etniko-linggwistikal
na grupo. Ang kaisipang pantay-pantay na pagkatawan sa paglinang ng isang pambansang wika
ay hindi matatawaran.
Ang panaginip na wikang “Filipino” na itinakda ng Konstitusyon ng 1973 ay isang
konseptwal na wika na nanatiling gayon lamang sa loob ng humugit-kumulang sa labintatlong
taon(1973-1986)( Abad at Rueda)
Filipino Bilang wika ng Bayan
Walang ibang wika ang epektibong makapaglalahad at makapasasanay ng tungkol sa
kaakuhan ng isang lahi kundi ang sarili nitong wika. Subalit tanungin mo ang ilang Pilipino at
mabibigo kang sila`y umayon sa pahayag na ito. Ganito ang kalagayan ng pambansang wika sa
sarili niyang bayan. Kinukutya, minamaliit, ikinahihiya. Ayon kay Antonio P. Conteras (2014)
“Tunay ngang nakapanlulumo na hanggang sa ngayon ay marami pa tayong pinadaraanang
hidwaan at bangayan para manahan ang isang wikang Pambansa sa ating kamalayan at
mapapaisip ka lalo kapag malaman mong ang mga pag-aalinlangan ay nakikita lamang sa mga
elitistang uri o sa mga uring intelektwal o nagpapakaintelektwal at hindi sa kamalayan ng mga
ordinaryong mamamayan…”
Bakit nangyayari ang ganito? Dalawa ang maituturing na dahilan ng patuloy na pagaalinlangan sa kakayahan ng Filipino. Una ay ang kaisipang Kolonya, lubos na nabighani ang mga
Pilipinong kabilang sa mataas na uri o ang mga tinatawag na elitista sa wikang dayuhan.
Nadodominahan ng wikang ingles ang karamihna sa mga institusyong panlipunan sa bansa. Mula
sa mga ahensya ng pamahalaan, kalakalan, komunikasyon, midya at Sistemang pang-edukasyon.
Mataas ang pagtingin sa wikang Ingles ngunit hindi sa wikang sarili. Hindi naman masam ang
matuto ng wikang Ingles bilang pangalawang wika sapagkat ito ang pandaigdigang daluyan ng
komunikasyon. Sa pamamagitan nito ay nagkakaroon ng kasangkapan at kapangyarihan ang mga
Pilipino sa kanilang pamumuhay at paghahanapbuhay saan mang panig ng mundo sila naroon.
Ang masama ay ang magpailalim dito at hayaang sakupin ang kamalayan ng wikang dayuhan at
tuluyang talikdan ang sariling kaluluwa at kalinangan.
Ikalawa ay ang kaisipang rehiyonal, dahil sa pagiging multilinggwal ng bansa ay sumibol
ang kaisipang ito. Nagsimula ito nang maitadhana ang Tagalog bilang batayan ng wikang
Pambansa hanggang sa ito ang maging nukleyus ng wikang pambansang Filipino. Sa sitwasyong
ito ay masasalamin pa rin ang hayagang pagtanggi sa wikang Filipino ng mga hindi Tagalog
sapagkat pinaniniwalaang ito ay Tagalog pa rin na may ibang pangalan.
Sa gitna ng mga ito, ano ang papel na ginagampanan ng Filipino sa bansa at sa lipunang
Pilipino? May puwang pa ba ang Filipino bilang wika ng bayan? Mainam na muling balikan at
sipatin ang mga probisyon pangwika sa mga dati at sa umiiral na konstitusyon ng bansa.
Narito ang mga probisyon sa Konstitusyon kaugnay ng wikang opisyal:

Konstitusyon ng 1935, artikulo XIII, Seksyon 3:
Ang pambansang Asemblea ay gagawa ng mga hakbang tungo sa debelopment at
adaptasyon ng isang pangkalahatang pambansang wika na batay sa isa sa mga umiiral na
katutubong wika.
Hanggat walang ibang itinatadhana ang batas, ang Ingles at kastila ay patuloy na mga
wikang opisyal.

Konstitusyon ng 1973, artikulo XV, Seksyon 3:
Ang Saligang Batas na ito ay dapat ipahayag na opisyal sa Ingles at Pilipino at isalin sa
bawat dyalektong sinasalita ng mahigit sa limampumng libong taong-bayan, at sa kastila at
Arabik. Sakaling may hidwaan, ang tekstong Ingles ang mananaig
Ang Pambansang Asemblea ay gagawa ng mga hakbang tungo sa pagpapaunlad at
pormal na pagpapatibay ng panlahat na wikang Pambansa na tatawaging Filipino.
Hanggang wala ibang itinatadhana ang batas, ang Ingles at Pilipino ay magpapatuloy na
mga wikang opisyal.

Konstitusyon ng 1987, Artikulo XIV, Seksyon 6-9:
Seksyon 6. Ang wikang Pambansa ng Pilipinas ay Filipino.
Samantalang nalilinang, ito ay dapat payabungin at pagyamanin pa batay sa umiiral na
mga wika sa Pilipinas at sa iba pang mga wika.
Alinsunod sa mga tadhana ng batas at sang-ayon sa nararapat na maaaring ipasya ng
kongreso, dapat magsagawa ng mga hakbangin ang pamahalaan upang ibunsod at puspusang
itaguyod ang paggamit ng Filipino bilang midyum ng opsyal na komunikasyon at bilang wika ng
pagtuturo sa sistemang pang-edukasyon
Seksyon 7. Ukol sa mga layunin ng komunikasyon at pagtuturo, ang mga wikang opisyal ng
Pilipinas ay Filipino at, hangga`t walang ibang itinatadhana ang batas, Ingles. Ang mga wikang
panrehiyon ay pantulong na mga wikang opisyal sa mga rehiyon at magsisilbi na pantulong na
mga wikang panturo roon. Dapat itaguyod nang kusa at opsyonal ang Kastila at Arabik.
Maliwanag na makikita sa tatlong konstitusyon na kasama ng wikang Filipino ang Ingles sa
pagiging wikang opisyal ng bansa. Dahil sa pagiging wikang opisyal ng Filipino at Ingles, Ito rin ang
nagsisilbing wikang panturo sa bansa. Tinatawag na wikang panturo ang opisyal na wikang
ginagamit sa pagtuturo sa pormal na edukasyon. Sa pamamagitan ng mga wikang ito ay mahusay
at matagumpay na nailalahad ng guro ang mga aralin at maliwanag naman itong nauumawaan at
natututuhan ng mga mag-aaral. Ito rin ang wikang ginagamit sa pagsulat ng mga aklat at pagbuo
ng iba`t ibang kagamitang panturo.
Bukod dito ay ginagamit din ang mga rehiyon na wika sa pagtuturo bilang mga wikang
panulong at sa pagpapatupad nga ng Kurikulum ng k to 12 sa bansa ay binigyang-pagpapahalaga
ang paggamit ng unang wika bilang wikang panturo sa kindergarten hanggang grade 3. Ito ang
tinatawag na Mother Tongue-based Multilingual Education (MTB-MLE) na nakasaad sa
Department Order No. 16, s. 2012 ng Department of Education na may kabuuang pamagat na
Guidelines on the Implementation on the Mother Tongue Based- Multilingual Education. Bunga
ito ng maraming mga pananaliksik at pag-aaral na nagmumungkahi ng paggamit ng unang wika
bilang wikang panturo sapagkat sa wikang ito nakapag-iisip nang analitikal at kritikal ang isang
mag-aaral.
Kung pagninilayang mabuti ay hindi naman dapat na maging isyu at maging sanhi ng
hidwaan ang mga usapin kaugnay ng wikang banyaga, wikang rehyunal at wikang Pambansa.
Hangga`t batid ng isang Pilipino ang papel at gamit ng mga wikang ito sa kanyang araw-araw na
gawaing komunikatibo kailanman ay walang wikang magiging mataas at makapangyarihan kaysa
sa isa. Walang wikang magiging magkalaban. Ngunit sa reyalidad ay hindi nga ganito ang
nangyayari. Sarado ang isip ng marami lalo na ang mga kabilang sa mataas na antas ng lipunan at
maging ang karamihan sa mga nanunungkulan sa pamahalaan. Hanggat may mga Pilipinong
naghahayag ng lantarang di pagpabor sa wika ng bayan at nag-aalis ng puwang nito sa lipunan ay
tunay ngang bukod tanging ito lamang ang pambansang wikang kailangan pang ipagtanggol at
ipaglaban sa sariling bayan.
Filipino Bilang Wika ng Akademya`t Pananaliksik
Isang malaking hamon sa wikang Filipino gayundin sa mga tagapagtaguyod ng wikang ito
ang inilabas na CHED Memo No. 20. Series 2013 na kung saan ay nakalahad na walang
asignaturang Filipino sa bagong kurikulum ng CHED subalit sa pagpupunyagi at pakikipaglaban ng
mga tagapagtaguyod ng wikang Filipino ay napagtagumpayan ang labang ito. Nagkapit-kamay
ang mga propesor mula sa iba`t ibang kolehiyo at Pamantasan sa buong kapuluan kasama ng
iba`t ibang samahang pangwika particular na ang Tanggol Wika sa pangunguna ng Pambansang
Alagad ng Sining na si Dr. Bienvenido Lumbera sa pagsampa ng kaso sa korte Suprema. Kinatigan
ng koerte Suprema ang kasong ito sa pamamagitan ng pag-isyu ng TRO o Temporary Restraining
Order noong Abril 21, 2015. Bunga nito ay naglabas ng panibagong memorandum ang CHED. Ito
ay ang CHED Memo No. 4, Series of 2018 na siyang dahilan kung bakit may Filipino at Panitikan
pa rin sa Kolehiyo ngayon.
Sa tagumpay na ito ay lalong dapat itanghal ang kakayahan at kapangyarihan ng wikang
Filipino hindi lamang bilang wika ng komunikasyon kundi bilang wika ng akademya at ng mga
iskolarling gawain gaya ng pananaliksik. Higit na mararamdaman ang kakanyahan ng wikang
pambansa kung gagamitin ito bilang wika ng mga pananaliksik na magtitiyak sa pag-angat ng
kamalayan ng mga Pilipinong nasa laylayan sa lipunan. Ang mga pananaliksik na nasa wikang
Filipino ang tunay na magbibigay ng pakinabang sa mga mamamayan sapagkat gagap nila kaagad
ang kahulugan lalo pa`t ang gagamiting mga pamamaraan at metodo ay iyong angkop sa diwa at
kulturang Pilipino.
Ang hangaring ito ay maaari ng simulan at bigyan-katuparan ng mga estudyante upang sa
kanilang kabataan ay mamulat at Makita na nila ang kabuluhan ng paggamit ng sariling wika
tungo sa isang gawaing kapaki-pakinabang. Isa itong mabuting paraan ng paghubog sa kanila
upang kanilang malandas ang pagbuo ng maka-Pilipinong pananaliksi na hindi malayo sa kanilang
diwa at wika na nakaangla sa pangangailanagan ng mga mamamayang Pilipino.
Malaki at makabuluhan ang gampanin ng pananaliksik sa buhay ng lahat ng tao. Ang mga
pagbabagong nararanasan at tinatamasa sa kasalukuyan ay bunga ng pananaliksik. Lahat ng mga
bagay na tinatangkilik ngayon ng mga tao ay nagkaroon nang higit na kahusayan dahil sa gawaing
ito. Bawat larangan sa lipunan ay umuunlad dahil sa pananaliksik.
Ang larangan ng medisina ay hindi rin humihinto sa pagtuklas at pananaliksik sa mga
gamot at proseso tungo sa pagpapabuti ng kalagayan ng kalusugan ng tao at pagpapagaling sa
mga karamdamang nagpapahirap sa mga tao.
Patuloy rin ang pananaliksik ng mga Edukador upang higit na mapaghusay ang kurikulum
ng edukasyon sa bansa tungo sa paghubog nang higit na responsible at kapaki-pakinabang na
mga mamamayan. Gayundin ang pagbuo ng Iba` ibang kagamitang pampagtuturo na
magpapadali at magpapabilis sa gawain ng pagtuturo at pagkatuto.
Walang larangan ang hindi nagsasaliksik. Lahat ay nagnanais ng progreso kaya naman
nagpapatuloy ang gawaing ito. Kaya naman sa kasalukuyang panahon, ang bawat isa lalo na nag
mga estudyante ay hinihubog at sinasanay sa gawaing ito upang sila man ay magkaroon ng
ambag o kontribusyon sa pagpapabuti ng buhay ng mga tao. Ang mga estudyanteng Pilipino ng
Siglo 21 ay hindi lamang nag-aaral ng tungkol sa pananaliksik kundi mga mananaliksik na rin
mismo na gumagamit ng maka-Pilipinong teorya at mga metodo.
(REFLECT)
Repleksyon: Pagplanuhang mabuti kung paano mailalahad sa pamamagitan ng isang Dayagram o
larawan ang Filipino bilang wika ng bayan, wikang Pambansa at wika ng pananaliksik.
______________________________________________________________________________
______________________________________________________________________________
______________________________________________________________________________
______________________________________________________________________________
PAGTATAYA SA NATUTUHAN (ASSESSTMENT)
(RESPOND)
Upang tiyak na ganap mong nauunawaan ang paksang tinalakay, sikaping mong
sagutin nang tama ang kasunod na gawain,
1. PAGKILALA: Kilalanin kung ano o sino ang tinutukoy sa sumsunod na aytem. Isulat sa
patlang ang iyong sagot.( 10 puntos)
________________1. Ito ay isang instrumentong unti-unting pinaghusay ng mga tao sa matagal
na panahon at sa kasalukuyan ay itinuturing na siyang pinakamapananaligang paraan ng
pagtuklas, paggamit at pagpapaunlad ng ibayo pang kaalaman.
_______________.2. Samahan ng mga guro, propesor at iba pang tagapagtaguyod ng wikang
Filipino na kaipaglaban upang mapanatili ang Filipno sa kolehiyo.
_______________3. Tumutukoy ito sa paggamit ng mga rehiyonal na wika sa pagtuturo bilang
wikang panulong at wikang panturo sa kindergarten hanggang grade 3 sa bansa.
_______________4. Kautusang tagapagpaganap na nakapanig sa wikang Ingles at isinulong sa
panahon ni pangulong Aroyo.
______________5. Ilang porsyento ang ibinababa ng National Achievement test sa Filipino
noong 2012 kung ihahamabing sa resulta noong 2011?
____________6. Dito inihmabing ni Virgilio Almario ang wikang Filipino sa bahaging kanyang
panayam sa Investigative Documentaries.
____________7. Ito ang CHED Memo na resulta ng pagkatig ng korte Suprema sa Tanggol wika.
____________8. Ito ang dapat na maging papel ng wikang Filipino ayon kay Virgilio Almario sa
kanyang panayam sa Investigative Documentaries.
____________9. Ito ang Resulta ng NAT 2013 sa pagbasa sa Filipino?
____________10. Pinaniniwalaang sa kanya nagmula ang orihinal na konsepto ng wikang
Filipino.
II.
TAMA O MALI: Pusuan ( ) ang pahayag kung ito ay tama at ekisan (X) naman kung
mali .( 10 puntos)
___________1. Kay Lope k. Santos nagmula ang ideya na ang magiging wikang Pambansa ng
Pilipinas ay dapat na ibatay sa lahat ng umiiral na wika sa bansa.
___________2. Ang batas komonwelt blg 184 ang nagbigay daan sa pagtatatag ng Surian ng
wikang Pambansa.
___________3. Nakasaad sa konstitusyon ng 1987 na ang wikang Pambansa ng Pilipinas ay
makikilalang Filipino.
___________4. Ang Kautusang Tagapagpaganap Blg. 263 ang nagbigay pahintulot sa
pagpapalimbag ng diksyunaryo at balarila ng wikang Pambansa.
___________5. Ang batas Komonwelt Blg. 570 ang nagpahayag ng Tagalog ang siyang magiging
batayan ng wikang Pambansa.
___________6. Ayon sa probisyong pangwika ng konstitusyong 1987 ay dapat itaguyod nang
kusa at opsyunal ang kastila at arabik.
___________7. Ang pagpapatupad ng Mother Tongue-Based Multilingual Education
(MTB_MLE) ay itinadhana ng Department Order No. 16 s. 2012 ng Department of Education.
___________8. Pinaniniwalaan na ang mabagak nap ag-unlad ng literasi ay sanhi ng paggamit
ng pangalawang wika sa pagtuturo.
__________9. Sa kasaysayan ng wikang Pambansa, ang Filipino ang siyang nagkaroon ng ibang
panawag.
__________10. Wikang opisyal ang tawag sa wikang itinadhana ng batas upang maging wika sa
mga opisyal na komunikasyon ng pamahalaan sa loob at labas ng bansa.
BUOD
Mahalaga ang pagkakaroon ng wikang Pambansa sa isang bansang malaya. Ang
gampanin ng wikang Filipino sa bayan ay ang maibahagi sa mamayan nito ang mga
mahahalagang impormasyon na kailangang mabatid ng sambayanan. Sa pamamagitan din ng
paggamit ng wikang Filipino sa pananaliksik ay maibabahagi ng mga dalubhasa ang kanilang
kagalingan sa bagay bagay na ang makikinabang ay ang mga mamamayang nasa laylayan ng
lipunan. Mas mauunawaan at maiintindihan nila ang mag bagay bagay sa bansa. Ang Tagalog,
Pilipino at Filipino ay ang ating mga wikang Pambansa sa bawat panahon. Sa kasalukuyan ayon
as 1987 konstitusyon Artikulo IV seksyon 6 ang wikang Pambansa ng Pilipinas ay Filipino..
Mga Sanggunian
Almario, Virgilio S. 2014. Madalas itanong Hinggil sa Wikang Pambansa. Komisyon sa Wikang
Filipino. Manila.
Angeles, cristina I. 2017, Panadaylahi 1. Komunikasyon at Pananaliksik sa Wika at Kulturang
Plipino. Pandya-lahi Publishing House. Muntinlupa City.
Antonio, Lilia F. at Ligaya tiamson-Rubin 2003. Sikolohiya ng Wikang Filipino. C&E Publishing ,
Inc. Quezon City.
Conatantino, Pamela C. At Monico M. Atienza (ed) 1996. Mga piling Diskurso sa wika at
Lipunan. University of the Philippines Press. Quezon City.
Inihanda ni :
PROP. EVANGELINE I. AGPOON