Naisulat sa kasaysayan ng Pilipinas ang EDSA People Power Revolution dahil sa
paglapastangan sa mga karapatan ng mamamayang Pilipino. Sa kabila nito, ito ang naging
dahilan kung bakit nagkaisa ang mga Pilipino. Ang pagkakaisang ito ang nagpaalis sa
diktador na si dating Pangulong Ferdinand Marcos. Ito ang nagsilbing palatandaan ng
pagbabalik ng kalayaan at demokrasya ng sambayanang Pilipino nang walang bakas ng
dugo ang dumanak. Maaaring matitiis ng mga tao ang katiwalian, ngunit ang pag-insulto
sa kanilang dignidad ay hindi nila palalampasin. Sa pagkawala noon ng kapangyarihan at
karapatan ng mamamayan, naramdaman ng mga Pilipino na ang kanilang dignidad na
mismo ang pilit na tinatapakan.