Republika ng Pilipinas
Kagawaran ng Edukasyon
Pambansang Punong Rehiyon
SANGAY NG MGA PAARALANG LUNGSOD – MAYNILA
Sentrong Edukasyon ng Maynila, Luntiang Parke ng Arroceros
Daang Antonio J. Villegas. Ermita, Maynila
TeleFax: 5272315 / 5275184 / 5275180
manila_deped@yahoo.com
Filipino 7
Masamang Kalahi
(Pabula)
Unang Markahan
Ikalawang Linggo
Modyul 2
Kasanayang Pampagkatuto:
Nahihinuha ang kalalabasan ng mga pangyayari batay sa akdang napakinggan
BAHAGI NG MODYUL
1. Inaasahan – ito ang mga kasanayang dapat mong matutuhan
pagkatapos makompleto ang mga aralin sa modyul na ito.
2. Unang Pagsubok – ito ang bahaging magiging sukatan ng mga bagong
kaalaman at konsepto na kailangang malinang sa kabuuan ng aralin.
3. Balik-tanaw – ang bahaging ito ang magiging sukatan ng mga dating
kaalaman at kasanayang nalinang na.
4. Maikling Pagpapakilala ng Aralin – dito ibibigay ang pangkalahatang
ideya ng aralin
5. Gawain – dito makikita ang mga pagsasanay na gagawin mo ng may
kapareha.
6. Tandaan- dito binubuo ang paglalahat ng aralin
7. Pag-alam sa mga Natutuhan – dito mapatutunayan na natutuhan mo
ang bagong aralin
8. Pangwakas na Pagsusulit – dito masusukat ang iyong antas ng
pagkatuto sa bagong aralin.
9. Papel sa Replektibong Pagkatuto - dito ipahahayag ang
pangkalahatang natutuhan o impresyon/repleksyon ng mag-aaral sa
kanyang pinag-aaralang modyul
Aralin
1
PAGHINUHA SA KALALABASAN NG
PANGYAYARI SA AKDA
Isa sa nakahiligan ng mga Pilipino ay ang pagkukuwento. Naging libangan
sa mga umpukan at pagpapalipas ng oras ang pasaling-dila na mga kwento na ang
nilalaman ay ang pagbibigay-aral. Sa modyul na ito matutuhan ng mga mag-aaral
ang isang Pabula na magbibigay-aral sa tulong ng paghihinuha sa kalalabasan ng
mga pangyayari.
INAASAHAN
Sa pagtatapos ng araling ito, inaasahang ang mag-aaral ay:
 Nahihinuha ang kalalabasan ng mga pangyayari batay sa akdang
napakinggan
PAUNANG PAGSUBOK
Tayo na’t subukin kung gaano kalawak ang iyong kaalaman at
pag-unawa sa modyul na ito.
Panuto: Basahing mabuti ang mga sumusunod na tanong. Isulat sa
kuwaderno ang iyong sagot.
1. Nagawang siraan ni Tenoriong Talisain ang sarili niyang kalahi para mas
mapalapit sa mga banyagang manok na Leghorn. Mahihinuhang si
Tenoriong Talisain ay __________.
A. mapang -api
C. taksil
B. masama
D. manloloko
2. Gusut-gusot na ang balahibo ng katyaw. Ang kasingkahulugan ng salitang
may salungguhit ay ________.
A. bata ng tandang
B. dumalaga
C. manok
D. tandang
3. "Bakit hindi mo pa hinayaang mapatay?" ang wika ng mga manok. "Tayo rin
lamang ay ikinahihiya niya at itinatakwil pa." Mahihinuhang ang damdamin
ng mga manok ay ________
A. may galit
C. may habag
B. may lungkot
D. may lumbay
4. "Talaga nga sanang ibig ko nang pabayaan," ang wika ni Toniong
Tandang. "Ngunit hindi rin ako nakatiis. At talaga namang kung hindi ako
sumaklolo'y wala na siya ngayon." Makikitang ang ugali ni Toniong Tandang
ay ______.
A. mapagpahalaga sa kalahi
B. matulungin sa nangangailangan
C. may mabuting puso
D. mabait sa kapwa
5. "Iyang kalahi, kahit masamain mo'y hindi ka rin matitiis sa panahon ng
iyong kagipitan." Ipinapabatid ng pahayag na ito ang kaisipang ___.
A. Kung ano man ang masamang ginawa ay babalik sayo ng kusa.
B. Kahit pa gaano kasama ang ginawa mo sa iyong pamilya, sa oras ng
pangangailangan ay sila rin ang tutulong sa’yo.
C. Ang mapagkanulo sa kanyang kapwa,ay sariling bitag napapanganyaya.
D. Ang matabil na dila ay may parusang nakahanda.
BALIK-TANAW
A.Panuto: Ipaliwanag kung paano nakilala at hinangaan si Catalino ng mga tao sa
palasyo.
B.Panuto: Katulad ni Catalino na hinangaan sa kanilang palasyo, ipaliwanag kung
paano rin hinangaan ng mga mamamayan ang mga nasa larawan.
https://www.freepik.com/free-photosvectors/frontliners
https://www.forbes.com/sites/williampesek/2020/02/21/how-much-more-can-thephilippine-economy-endure-from-rodrigoduterte/#8972c3e1b1c1
https://web.facebook.com/manilamayoriskomorenosupporters/?_rdc=1&_rdr
Paliwanag:
Paliwanag:
Paliwanag:
MAIKLING PAGPAPAKILALA
Noong sinaunang panahon, nakahiligan na ng mga katutubong
Pilipino ang pagsasalaysay sa kung ano ang kanilang nakikita, nadarama at
maging ang pinaniniwalaan. Dito ibinatay ang pinagmulan ng mga
sinaunang Panitikan na ating binabasa at pinag-aaralan sa kasalukuyang
panahon. Isa ang Pabula sa mga itinuturing na pinakaunang uri ng
panitikan na kinagigiliwan ng mga tao sa daigdig. Saklaw ng modyul na ito
ang mga aral na magagamit sa pang-araw-araw na pakikisalamuha sa kapwa
tulad ng mga aral sa pabulang babasahin.
Pagbasa ng akda
Sa panahon ngayon maraming tao ang nakakayanang gumawa ng
mga kuwentong hindi totoo para lamang sa ikaaangat ng kanilang sarili,
katulad na lamang ng pangmamaliit ni Tenoriong Talisain sa akdang iyong
babasahin.
ANG MASAMANG KALAHI
( Pabula )
Buhat nang mapatakbo ni Toniong Tandang si Tenoriong Talisain ay
humanap na ng ibang libutan at madaling nakapamayagpag na muli ang Talisain.
Ang mga Katyaw na leghorn doon ay madaling nasilaw sa balitang bilis at lakas ni
Tenoriong Talisain. At madali niyang naging kaibigan ang pinakamagandang sa
mga banyagang manok na si Lolitang Leghorn.
Isang araw ay galit na galit na umuwi si Denang Dumalaga.
“Naku!” ang bulalas ng dumalaga. “Ako pala ay sinisiraan ni Tenoriong
Talisain. Ako raw ay naging kasintahan niya…”
“Diyata’t?” ang bulalas din ni Aling Martang Manok.
“At katakot-takot na paninira raw laban sa mga kalahi ang ginagawa ng
Talisaing iyan. Tayo raw ay ikinahihiya niya. Masamang lahi raw tayo…”
Gayon din ang ikinagalit ni Toniong Tandang nang siya’y dumating.
“Napakasamang manok iyang si Tenoriong Talisain”, ang wika ng tandang.
“Kangina’y nakita ko. Kung lumakad at magsalita’y ginagaya ang mga leghorn.”
“Ang balita ko pa’y nagpasuklay ng balahibo upang maging mistulang
leghorn na. Nakapang-nginig ng laman.”
“Bayaan ninyo siya”, ang wika ni Aling Martang Manok. “Pagsisisihan din
niya ang kanyang ginawang iyan.”
Ilang araw, pagkatapos ay dumating si Toniong Tandang na kasama si
Tenoriong Talisain. Gusut-gusot na ang balahibo ng katyaw. Pilay pa ang isang
paa, pasa-pasa ang buong katawan at hindi halos makagulapay.
“Bakit ano ang nangyari?” ang tanungan ng mga kalahing manok.
“Iyan pala ay maluwat nang kinaiinisan ng mga katyaw na Leghorn”, ang
wika ni Toniong Tandang.
“Kangina’y nakita ko na lamang na pinagtutulungan ng apat na katyaw na
leghorn.” “Bakit hindi mo pa pinabayaang mapatay?” ang wika ng mga kalahing
manok. “Tayo rin lamang ay ikinahihiya niya at itinatakwil pa…”
“Talaga nga sanang ibig ko nang pabayaan”, ang wika ni Toniong Tandang.
“Ngunit hindi rin ako nakatiis. At talagang namang kung hindi ako sumaklolo’y
nasirang Tenoriong Talisain na siya ngayon.”
“Nakita mo na, Tenoriong Talisain!” ang wika ni Aling Martang Manok.
“Iyang kalahi, kahit masamain mo’y talagang hindi makatitiis.”
Mula sa: https://www.kapitbisig.com/philippines/-tagalog-version-of-fables-mga-pabula-ang—
masamang-kalahi-pabula-fable_1024.html
MGA GAWAIN
Batid kong may kaalaman ka na kung ano ang aral na nais
iparating ng pabulang iyong nabasa at kung paano sinasalamin ng
akda ang pakikisalamuha natin sa ating kapwa, ngayon ipamalas
mo ang iyong kahusayan sa pagsagot sa mga inihandang gawain.
GAWAIN 1: Panuto: Maghinuha ng kalalabasan ng mga pangyayari sa
akda.
1. Ano kaya ang gagawin ni Tenoriong Talisain kung nalaman niya kaagad na
siya’y matagal nang kinaiinisan ng mga leghorn?
_______________________________________________________________________
_______________________________________________________________________
_______________________________________________________________________
_______________________________________________________________________
_______________________________________________________________________
2. Paano kaya ang gagawin ang gagawin ng dalawa kapag nagkatagpong muli
ang kanilang mga landas?
_______________________________________________________________________
_______________________________________________________________________
_______________________________________________________________________
_______________________________________________________________________
_______________________________________________________________________
3.
Bakit galit na galit ang mga kalahi kay Tenoriong Talisain ? Ano kayang
mensahe ang nais ipaabot ng mga kalahi kay Tenoriong Talisain?
_______________________________________________________________________
_______________________________________________________________________
_______________________________________________________________________
_______________________________________________________________________
_______________________________________________________________________
4. Tinulungan ni Toniong Tandang si Tenoriong Talisain kahit na ipinagkanulo
sila nito. Anong katangian ang makikita kay Toniong Tandang dahil sa
ginawa niyang ito? Ipaliwanag ang iyong sagot.
_______________________________________________________________________
_______________________________________________________________________
_______________________________________________________________________
_______________________________________________________________________
_______________________________________________________________________
GAWAIN 2: Panuto: Sa tulong ng graphic organizer sa ibaba, punan ng tamang
sagot ang mga katanungan sa ibaba.. (Pagbuo ng Katauhan)
Ano kayang
katangian mo ang
nagugustuhan sa
iyo ng mga taong
nakaksalamuha
mo sa paaralan. ?
Paano ka naiiba kay
Tenoriong Talisain?
TANDAAN
Bakit kaya madalas kang
napapagalitan ng iyong
mga magulang ?
Anong aral sa pabula
ang nais mong
isabuhay? Bakit?
TANDAAN
Pabula -Ang pabula ay isang uri ng panitikan na ang pangunahing mga
tauhan ay ginagampanan ng mga hayop. Sa akdang ito, ang mga hayop ay
kumikilos at nakakapagsalita tulad ng mga tao. Sa wakas ng kuwento, ang
mga mambabasa ay inaasahang may mapupulot na mabuting aral at
magandang asal.
1.
2.
3.
4.
Elemento ng Pabula
Tauhan – Ang kumikilos sa akda. Ang karaniwang tauhan na
gumaganap sa pabula ay mga hayop
Tagpuan –lugar at oras kung saan naganap ang mga pangyayari.
Banghay – Daloy at pagkakasunud-sunod ng mga pangyayari sa
kwento.
Aral –Nagsisilbi itong gabay sa mga mambabasa lalo na sa mga bata
sa kung ano ang tama at mabuti. Nagtuturo din ito ng mga
mabubuting asal na dapat taglayin ng isang bata.
Mula sa :https://www.pinoynewbie.com/ano-ang-pabula/
PAG-ALAM SA MGA NATUTUHAN
Gawain 1 Paghinuha sa saloobin at damdamin
Panuto: Isulat ang mahihinuhang damdamin o saloobin mula sa mga
pahayag ng mga tauhan sa akda at magiging resulta nito. Is
Read
Tauhan at pahayag
Denang Dumalaga “Naku!” ang bulalas ng
dumalaga. “Ako pala ay
sinisiraan ni Tenoriong
Talisain. Ako raw ay
naging kasintahan niya…”
Expression
Ano ang mahihinuhang
damdamin ng tauhan sa
akda?
React
Ano ang mahihinuhang
maaaring kalalabasan ng
pangyayaring ito?
“Kangina’y nakita ko na
lamang
na
pinagtutulungan ng apat
na katyaw na leghorn.”
“Bakit
hindi
mo
pa
pinabayaang
mapatay?”
ang wika ng mga kalahing
manok. “Tayo rin lamang
ay ikinahihiya niya at
itinatakwil pa…”
“Talaga nga sanang
ibig ko nang pabayaan”,
ang wika ni Toniong
Tandang. “Ngunit hindi
rin
ako
nakatiis.
At
talagang namang kung
hindi ako sumaklolo’y
nasirang
Tenoriong
Talisain na siya ngayon.”
Gawain 2 Pagsulat ng sariling karanasan
Panuto: Katulad ng pagpapahalaga ni Toniong Tandang sa kaniyang mga
kalahi,Paano mo maipakikita ang pagpapahalaga sa kapwa sa
nararanasan ngayon na pandemya ng ating bansa?
_____________________________________________________________________________
_____________________________________________________________________________
_____________________________________________________________________________
_____________________________________________________________________________
_____________________________________________________________________________
_____________________________________________________________________________
_____________________________________________________________________________
_____________________________________________________________________________
_____________________________________________________________________________
PANGWAKAS NA PAGSUSULIT
Mahusay ang ipinakita mong kaalaman at mapanuring paglalakbay
sa modyul na ito. Natitiyak kong masasagutan mo ang inihandang
gawain sa ibaba.
Panuto: Basahing mabuti ang mga sumusunod na tanong. Isulat sa kwaderno ang
iyong sagot.
1.Sa kabila ng pagiging taksil ni Tenoriong Talisain sa kaniyang mga kalahi ay
nagawa pa rin itong tulungan ni Toniong Tandang. Masasalamin sa akdang ito ang
kulturang Pilipino na ________.
A.
matulungin
C. maawain
B.
mapagmahal
D. mahabagin
2.Ang mga Leghorn ay madaling nasilaw sa balitang bilis at lakas ni Tenoriong
Talisain. Mahihinuhang ang mga Leghorn ay _____.
A.
madaling maloko
C. madaling mabihag
B.
madaling kaibiganin
D. madaling siraan
3.Elemento ng pabula na tumutukoy sa daloy at pagkakasunod-sunod ng mga
pangyayari sa kwento.
A. Tauhan
C. Tagpuan
B. Banghay
D. Aral
4. Sa akdang ito, ang mga hayop ay kumikilos at nakakapagsalita tulad ng mga
tao.
A. Alamat
C. Panitikan
B. Kwentong-bayan
D. Pabula
5.“Ang balita ko pa’y nagpasuklay ng balahibo upang maging mistulang leghorn
na. Nakapang-nginig ng laman.” Ang kasingkahulugan ng salitang may
salungguhit ay _____.
A. katulad
C. hinangad
B. ninais
D. ginusto
6."Nakita mo na Tenoriong Talisain!" ang wika ni Aling Martang Manok."Iyang
kalahi, kahit masamain mo'y hindi ka rin matitiis sa panahon ng iyong kagipitan."
Mahihinuha sa pahayag na ito ang kaugaliang Pilipino na may ______.
A.pagmamahal sa bayan
C. pagmamahal sa kapwa
B.pagmamahal sa pamilya
D. pagmamahal sa isa’t isa
7.Ang kataksilan ni Tenoriong Talisain sa kaniyang kalahi ay nagbunga sa kaniya
ng kapahamakan nang mapalapit sa mga Leghorn. Mahihinuha na ang kataksilan
ni Tenoriong Talisain ay ______.
A. may kabayaran
C. may hangganan
B. may katapusan
D. may kapahamakan
8.Elemento ng pabula nagsisilbing gabay sa mga mambabasa lalo na sa mga bata
kung ano ang tama at mabuti.
C. Tauhan
C. Tagpuan
D. Banghay
D. Aral
9."Iyang kalahi, kahit masamain mo'y hindi ka rin matitiis sa panahon ng iyong
kagipitan." Ipinapabatid ng pahayag na ito ang kaisipang ___.
A. Kung ano man ang masamang ginawa ay babalik sayo ng kusa
B. Kahit pa gaano kasama ang ginawa mo sa iyong pamilya, sa oras ng
pangangailangan ay sila rin ang tutulong sa’yo.
C. Ang mapagkanulo sa kanyang kapwa,ay sariling bitag na papanganyaya.
D. Ang matabil na dila ay may parusang nakahanda.
10. Ang mga Leghorn doon ay madaling nasilaw sa balitang bilis at lakas ni
Tenoriong Talisain. Ang kasingkahulugan ng salitang maysalungguhit ay ________.
A. nabighani
C. natuwa
B. naloko
D. nainis
PAPEL SA REPLEKTIBONG PAGKATUTO
Binabati kita at mahusay mong naipakita ang iyong angking galing
sa mga pagsubok na naghamon ng iyong pang-unawa. Naipakita
mong nasasalamin ng pabula ang pang-araw-araw na
pakikisalamuha sa atingkapwa. Ngayon ipakita mong handa kang
sagutan ang gawain sa ibaba.
Panuto: Gamit ang estratehiyang 3-2-1 sa ibaba. Bumuo ng isang dyornal na
tumtugon sa mga hinhingi sa ibaba.
3-Tatlong bagay na natutuhan mo sa binasang akda.
2-Dalawang aral na nais mong isabuhay
1-Isang tanong sa akdang binasa na gusto mong hanapan ng sagot
321-
SANGGUNIAN
AKLAT – Pinagyamang Pluma 7
WEBSITES
MojiPop App
https://www.pinoynewbie.com/ano-ang-pabula/
https://www.kapitbisig.com/philippines/-tagalog-version-of-fables-mga-pabulaang-masamang-kalahi-pabula-fable_1024.html
https://www.freepik.com/free-photos-vectors/frontliners
https://www.forbes.com/sites/williampe-sek/2020/02/21/how-much-more-can-thephilippine-economy-endure-from-rodrigo-duterte/#8972c3e1b1c1
https://web.facebook.com-/manilamayoriskomore-nosupporters/?_rdc=1&_rdr
Bumubuo sa Pagsulat ng Modyul
Manunulat: Jessica F. Barrientos, Mataas na Paaralang Florentino Torres
Editor: Edwin Remo Mabilin,, EPS
Tagasuri: Museta Delos Reyes Dantes, PSDS
Tagaguhit:
Tagalapat:
Tagapamahala: Maria Magdalena M. Lim, CESO V, Tagapamanihalang Pansangay
ng mga Paaralang Panlungsod
Aida H. Rondilla, Puno ng CID
Lucky S. Carpio, EPS na nakatalaga sa LRM at Tagapag-ugnay sa ADM
SUSI SA PAGWAWASTO
UNANG PAGSUBOK
PANGWAKAS NA PAGSUSULIT
1.
A
1.
C
2.
C
2.
A
3.
B
3.
A
4.
D
4.
A
5.
A
5.
B
6.
B
7.
A
8.
D
9.
B
10. A