Kabanata 1 Ang Suliranin PANIMULA Ang Kagawaran ng edukasyon ay nagpatupad at namamahala ng edukasyong K-12 simula nang pormal itong tinalaga noong 2013. Ang K to 12 basic education program ay ang kasalukuyang umiiral na sistema ng edukasyon sa Pilipinas na pinagtibay ng The Enhanced Basic Education Act of 2013 o Republic Act no. 10533 na pinirmahan noong ika-15 ng Mayo 2013. Sa nasabing bagong sistema ng edukasyon, anim na taon ang gugugulin ng isang mag-aaral sa Elementarya, apat na taon sa tinatawag na Junior High School, at karagdagang dalawang taon para sa Senior High School. Ang 13 na taong programa ay sinasabing pinakamabisang haba ng panahon para lalong mapaigting ang pagkatuto ng mga bata. Ang kurikulum ng K-12 ay maaaring sumangguni sa mga kurso o paksa na itinuro sa paaralan mula sa mga grade kindergarten hanggang labindalawa. Tulad ng ginagamit sa larangan ng edukasyon, K-12 kurikulum ay karaniwang tumutukoy sa mga mag-aaral sa mga grade kindergarten hanggang labindalawa. Ang K to 12(din ang K-12) ay isang sistema ng edukasyon sa ilalim ng Kagawaran ng Edukasyon na naglalayong mapahusay ang mga pangunahing kasanayan ng mga mag-aaral, makagawa ng mas karampatang mamamayan, at mag handa ng mga nagtapos para sa panghabambuhay na pag-aaral at pagtatrabaho. Ang “K” ay kumakatawan sa Kindergarten at ang “12” ay tumutukoy sa matagumpay na 12 taon ng pangunahing edukasyon (6 na taon sa Elementarya 4 na taon ng junior high school at 2 taon ng senior high school). Ayon sa pamunuan ng Kagawaran ng edukasyon, dumaan sa masusing pag-aaral ang pagbabagong ito sa programa ng edukasyon sa Pilipinas. Sinasabing isa sa mga kabutihan na dulot nito ay ang pagbibigay ng pagkakataon para sa mga estudyante na mahasa sa mga iba’t ibang larangan ng espesiyalisasyon tulad nalang ng animation. Ang pag-aaral sa kindergarten at 12 taon ng basic education ay layong mabigay ng sapat na panahon para mas matutunan at mapaghusay ng mga mag-aaral ang mga konsepto at skills na kinakailangan para sa tertiary education o kolehiyo at unibersidad, pati na sa pagtatrabaho at pagnenegosyo. Ang bagong kurikulum ay nagbibigay sa mga mag-aaral ng pagkakataon na pumili sa tatlong mga track at sumailalim sa paglulubog, na nagbibigay ng maykatuturang pagkakalantad at aktwal na karanasan sa kanilang napiling track. Ayon sa Kagawaran ng edukasyon, ang Pilipinas ang huli sa mga bansa sa Asya na nagpatupad pa ng 10-taong basic education. Sa kasalukuyan ay kinakailangan magtapos ang ating kabataan o mag-aaral ng kolehiyo para makapagtrabaho. Ngunit para kay Kalihim Bro. Armin Luistro at Pangulong Noynoy (Aquino|||) ang K+12 ay ang pagbibigay ng basic competencies na kailangan upang makapagtrabaho ang mga kabataan. Junior high school pa lamang, maaari ng makakuha ng certificates of competency level 1 basta ma-satisfy lang ang requirements ng TESDA. Senior high school, level 2, naman ay maaari na silang magtrabaho matapos nito.