Amare Katahimikan. Katanungan. Kalituhan. Mga salitang naglalarawan sa akin ngayon ng aking mabasa ang pahayang ng “Ang Pag-ibig” mula sa mga taga Corinto. Gayon na lamang, mas lalong lumalim ang aking pakahulugan dito. Ano nga ba ang kahulugan ng pag-ibig? Ito ba’y tinatanggap o binibigay? Panandalian o walang hanggan? Mga katanungang nag bibigay kalituhan sa aking isipan na ‘di kalauna’y nag dulot ng katahimikan. Katahimikan na nag bigay daan sa akin na pagnilayan ang ganitong bagay. Isang araw, habang nag kukuwentuhan kami ng aking ina, ay ako ay tinanong niya kung gaano ko siya kamahal, at agad ko itong sinagot na “ one hundred percent po” at sinabi niya sa akin na “hindi mo pa ako ganoon kamahal” at pinahabulan ko ang sagot ko na “one million percent” at muli niyang sinabi sa akin na “hindi mo pa ako ganoon ka mahal”. Napaisip ako noong araw na iyon kung ano ang mali sa mga sinabi ko, inisip ko ng inisip kung ano ba dapat ang isasagot ko, kaya tinanong ko sa kanya kung ano ba dapat ang sagot doon at sinagot ng aking ina ang tanong niya “ ang pag mamahal ko sa iyo, sa mga kapatid mo at sa iyong Daddy ay walang hanggan, at kaya ko kayong ipag laban sa giyera.” Nang masabi ito ng aking ina ay ako ay natauhan, napag tanto ko na, hindi pala basta ini isip ang pag sasagot sa tanong kung gaano natin kamahal ang isang tao, ito ay sinasagot mula sa puso. Ang pag ibig naman ay may iba’t ibang interpretasyon, ngunit masasabi ko, para sa akin, ang pag ibig ay walang pasubali na pag mamahal, ito’y walang hanggan na hindi basta basta masusukat. Hindi ito pinag iisipan kung ibibigay mo ba ito o hindi, ang mundo ay uhaw sa pag-big kaya bakit mo ito ipag dadamot, at tanggapin natin ang pag-ibig ng bukal sa ating kalooban. At maya maya pa ay aking ikinunekta ang pag ibig ng Diyos at pag ibig ng tao, at masasabi ko na ang pagmamahal ng Diyos ay walang pagiimbot ngunit kadalasan ay sakim ang pag-ibig ng tao. Ang pag-ibig ng Diyos para sa kanyang mga tao ay nag tulak sa kanya na ipadala ang kaniyang bugtong na anak upang mamatay sa lupa bilang kriminal na kung saan ang kaniyang kamatayan ay nag ligtas sa atin mula sa kasalanan. Ibinigay niya ang lahat upang tayo ay magkaroon ng pag asa sa buhay na walang hanggan . Ating isabuhay kung paano mag mahal ang Diyos. Ang pag-ibig ang pinaka dalikang regalo na ibinigay sa atin ng Diyos. Ibahagi natin ito hindi lamang sa pinamalapit sa atin kundi pati na rin sa ating kapwa.