RITWAL SANG PAGPADALA SANG MGA KATEKISTA
Please prepare Holy Bible and Paschal Candle and place them in a suitable
place near the altar. Prepare also small candles for catechists. After the homily
light the paschal candle and place the presidential chair in front of the altar
where the Parish Priest takes his seat facing the congregation.
Catechist Coordinator:
Mga utod, Ang ministeryo sang Katekesis isa ka importante kag balaan nga
Misyon sang Simbahan. Ang Simbahan nagapangayo sang bulig kag kaalwan sang
tagsa-tagsa sa pagbantala kag pagpa-ambit sang Maayong Balita ni Kristo sa tanan
labi na gid sa mga kabataan diri sa aton parokya.
Sa dili madugay aton masaksihan ang paghalad sang mga Katekista sang ila
kaugalingon sa pagbuylog sa sini nga misyon. Magapanaad sila sa pagtuman sang
mga hilikuton nga ginatugyan sa ila sang aton Kura Paroko sa ngalan sang
Parokya. Upod sa ila, magkalipay kag magpasalamat kita sa Ginoo, kag maghalad
kita sang pangamuyo agod magtutom sila sa pagtuman sang ila ginpanaad.
The Catechist Coordinator calls the name of each catechist. (if they are
many just invite them all to stand). As their names are being called, they stand
and move forward facing the Parish Priest. Each catechist holds an unlit candle.
Catechist Coordinator
Pinalangga namon nga Kura Paroko….(Msgr./Padre…) Sing may kalipay
ginapresentar ko sa imo kag sa bug-os nga katilingban sang aton parokya…. Ang
aton.. (number of catechists, men/women, from different barangays and other
details etc.) mga Katekista nga nagsabat sa panawagan sang Dios sa pag-alagad sa
ministeryo sang Katekesis sa aton parokya.
Kura Paroko
Hinigugma ko nga mga Katekista: Si Ginoong Jesus nagsiling: “Indi kamo
ang nagpili sa akon, kundi ako ang nagpili sa inyo” (Jn 15:16). Sa ngalan ni Jesus
igapadala ko kamo sa pagbantala sang Maayong Balita kag sa pagtudlo sa mga
tawo sang mga ginpanudlo ni Jesus sa iya mga Gintuton-an.
1
Agod matuman ini, dalagko kag madamo nga mga sakripisyo ang inyo pagagyan. Sing masunson kamo nagatrabaho sing mapainubuson, malawig,
mabudlay, walay bayad, kag natago sa mata sang kadamuan, apang ginahimo
ninyo ini sa mapisan kag bunayag nga tagipusoom.
Ginapangabay ko kamo nga magpadayon sa paghimo sini para sa kaayohan
labi na gid sang mga kabataan kag lamharon. Indi kamo magkahadlok kag
magpakaluya. Ang nabanhaw nga Kristo nagapasalig nga updan niya kamo sa
tanan nga tion. Sa presensya sang nagatipon nga mga tumuluo ipabati ang inyo
hilway nga pagbaton sini nga misyon. Ginapasalig ko kamo sang akon bug-os nga
suporta kag subong man sang Parokya sa tanan nga bagay nga amon masarangan.
Busa, ginaagda ko kamo sa pagsabat sa sining masunod nga mga pamangkot:
Kura Paroko : Handa bala kamo sa paghalad sang inyo kaugalingon sa Dios, sa
pag-alagad sa Parokya bilang mga katekista?
Katekista : Huo, handa kami.
Kura Paroko : Handa bala kmo sa pagtuman sing kinabubut-on sang inyo
katungdanan kag mga hilikuton?
Katekista : Huo, handa kami.
Kura Paroko : Handa bala kamo sa pagtambong sa tanan nga mga hilikuton kag
buluhaton agod mahanas kamo sing maayo bilang mga katekista?
Katekista : Huo, handa kmi.
Kura Paroko
(naga-atubang sa mga sumilimba)
Mga utod, inyo nabatian ang “PAGHUO” sining aton mga utod nga
nagasabat sang panwagan sang Dios, kag sang ila “PAGKAHANDA” sa pagtuman
sang misyon nga ginahatag sa ila. Dayawon kag pasalamatan naton ang Dios
paagi sa isa ka matunog kag mainit nga pagpamalakpak.
(Ang Kura paroko naga-atubang sa mga kateksita)
Karon mga katekistas, palihog sindihan ninyo ang inyo kandela gikan sa
Siryo Paskwal nga amo ang tanda sang presensya sang nabanhaw nga Kristo.
(Ang mga katekista magsindi sang ila kandela kag magluhod)
2
PAGHALAD SANG KAUGALINGON
KAG PANAAD SANG MGA KATEKISTA
Ako si ___________________________ nga nakabati sang panawagan sang
Ginoo/ sa hilway nga kabubut-on / nagahalad sang akon kaugalingon sa Dios nga
Amay,/ sa ngalan ni Jesukristo / kag sa bulig sang Espiritu Santo/ bilang katekista
sang Parokya sang _____________________.
Nagapanaad ako sa pagtuman sing matutom/ sang mga obliogasyon kag
buluhaton sangKatekista. Magatinguha ako sa pagtambong / sa tanan nga
hilikuton sang pormasyon nga napatigayon sang Parokya kag sang Arkidiocesis./
Kabay nga sa bulig sang Santissima Trinidad/ sang mahal nga Birhen Maria/ sang
aton Kura Paroko,/ sang mga kaupod ko nga mga katekista/ kag sang bug-os nga
Kristianong Katilingban,/ magmaukod kag magmapisan ako sa pagpalapnag kag
pagtudlo sang Maayong Balita sa mga nagakinahanglan;/ kag tinguhaan ko gid nga
ipangabuhi ang akon mga ginatudlo. Amen./
Kura Paroko:
Sa ngalan sang Santissima Trinidad kag sang bug-os nga katilingban
ginabaton ko sing malipayon ang inyo pagpanginhalad. Madamo gid nga salamat
sang inyo pagkaalwan, kag kabay nga buligan kamo sang Dios sa pagtuman sang
inyo panaad.
Kag karon, mga katekista… sa pagpakabalaan sang inyo panaad, gina- agda
ko kamo sa pagtandog sa nabuksan nga Biblia, bilang tanda sang inyo pagkilala
nga ang Pulong sang Dios amo ang ginagikanan sang tanan nga inyo igatudlo kag
igapalapnag.
(Holding the Bible, the Parish Priest goes to the catechists. Every catechists
touch the Bible with his/her right hand. The choir may sing a song with a
commitment theme. Then the Parish Priest invites the congregation to kneel for
the following prayer.)
Catechist Coordinator
: Palihug magluhod ang tanan.
3
Kura Paroko :
Mangamuyo kita. Tamda Ginoo, ining Imo mga alagad nga Imo gintawag sa
pagpalapnag sang Imo Pulong. Bugayi sila sang mga grasya nga ila kianhanglan sa
pagtuman sing maayo sang ila mga katungdanan. Kabay nga mabatyagan nila ang
suporta sang bug-os nga katilingban agod nga sa mamingaw nga bahin sang ila
pagpanglakaton ila matukiban nga wala sila naga-aisahanon, kundi ginaupdan mo
sila sa tanan nga tion. Ikaw nga nagakabuhi sa tanan nga mga tuig sang katuigan.
Tanan: Amen
(Ang Kura nagapadayon)
Karon, sa ngalan sang Kristianong Katilingban sang Parokya ni …. (Name of
Parish)…
GINPADALA KO KAMO BILANG OPISYAL NGA KATEKISTA SANG PAROKYA SA
SINING TUIG ________ ..... +SA NGALAN SANG AMAY, KAG SANG ANAK KAG
SANG ESPIRITU SANTO.
Tanan: AMEN
Kura Paroko:
Kag karon, mga utod, bilang tanda sang aton pag-isa kag pagbaton sa
sining
mga katekista hatagan naton sila liwat sang isa ka matunog nga pagpamalakpak.
(Diri nagtakup ang ritwal sa pagpadala….)
(Isunod ang Nagatuo Ako kag pangamuyo sang mga tumuluo. Sarang malakip ang
masunod nga isa ukon duha ka mga pangamuyo)
1. Para sa tanan nga mga katekista sang aton Parokya, kabay nga mahatagan
sila sing nanuhaytuhay nga mga ikasarang sa pag-alagad kag sa pagbantala
sang Pulong sang Dios, mangamuyo kita….S.
2. Para sa tanan nga mga katekista nga nalisdan, nabudlayan kag nabug-atan
sa pagtuman sang ila mga katungdanan, kabay nga sa bulig sang Balaan nga
Espiritu mabatyagan ang kasulhay sang buot, mangamuyo kita…S.
4
PAGHALAD SANG KAUGALINGON
KAG PANAAD SANG MGA KATEKISTA
Ako si ____________________________nga nakabati sang panawagan sang
Ginoo/ sa hilway nga kabubut-on / nagahalad sang akon kaugalingon sa Dios nga
Amay,/ sa ngalan ni Jesukristo/ kag sa bulig sang Espiritu Santo/ bilang katekista
sang Parokya sang _____________________.
Nagapanaad ako sa pagtuman sing matutom/ sang mga obligasyon kag
buluhaton sang Katekista. Magatinguha ako sa pagtambong / sa tanan nga
hilikuton sang pormasyon nga napatigayon sang Parokya kag sang Arkidiocesis./
Kabay nga sa bulig sang Santissima Trinidad/ sang mahal nga Birhen Maria/ sang
aton Kura Paroko,/ sang mga kaupod ko nga mga katekista/ kag sang bug-os nga
Kristianong Katilingban,/ magmaukod kag magmapisan ako sa pagpalapnag kag
pagtudlo sang Maayong Balita sa mga nagakinahanglan;/ kag tinguhaan ko gid nga
ipangabuhi ang akon mga ginatudlo. Amen./
5